لكل المقبلين على شهادة البكالوريا...لدينا الحلول لمشاكلكم و ضغوطاتكم

[زهرة جوري]

السلام عليكم و رحمة الله تعالى و بركاته اولا أهنئكم بمناسبة عيد الفطر المبارك يعود علينا و عليكم باليمن و البركات
أما بعد انا اعلم كل العلم أن مرحلة الباك جد حساسة و تتخلها الكثير من الصعوبات و الضغوطات النفسية لذلك أنشات هذا الموضوع اليوم لتحفيزكم أعرفكم بنفسي اولا أنا زهرة أدرس طب أسنان سنة ثانية و أنا اكيد مررت هذه المرحلة و حبيت نشارككم تجاربي و نتقبل أي أسئلة منكم كما أستطيع تقديم نصائح لكم و أشارككم تجاربي آنذاك لذلك أنتظر أسئلتكم و استفساراتكم حول كيفية القضاء على هذا النوع من الضغوطات و التغلب عليهاو النجاح بتقدير ممتاز باذن الله

دمتم في أمان الله

[~عيون القلب~]

شكرا لمبادرتك اختي عيدك مبارك
اريد سؤالك هل يمكنني ان اتخلى عن حل البكالوريات هذه الايام وأكتفي بالاسئلة الشائعة فقط ؟
مع العلم اني اغلب البكالوريات محليتهمش

و اِلا والو هدوك الاسئلة الشائعة متى نقدر نطلع عليهم راهم ياسر

[رانية ة]

اختي اشعر اني منيش مراجعة زين بالرغم من اني بذلت مجهود ولله الحمد هل هو شعور طبيعي

وهل اصابك نوع من الاحباط في هذا الوقت

[زهرة جوري]

شكرا لمبادرتك اختي عيدك مبارك
اريد سؤالك هل يمكنني ان اتخلى عن حل البكالوريات هذه الايام وأكتفي بالاسئلة الشائعة فقط ؟
مع العلم اني اغلب البكالوريات محليتهمش

و اِلا والو هدوك الاسئلة الشائعة متى نقدر نطلع عليهم راهم ياسر

أهلا بك عزيزتي
نعم يمكنك التخلي لأن الوقت أصبح يداهمك اكتفي بحل المواضيع المقترحة من طرف بعض الاساتذة
لكن انت أخطأت نوعا ما لٱك لم تحل البكالوريات لكي تعرفي نوعية الأسئلة و تتعودي عليها
ننصحك ماي تراجعي مادة من بعد تطلعي عليهم هذه هي الطريقة
موفقة أنا هنا في الخدمة حبيبتي اي سؤال ضعيه و لا تستحي و على فكرة تقدري تداركي الوضع بشكل جد عادي

[زهرة جوري]

اختي اشعر اني منيش مراجعة زين بالرغم من اني بذلت مجهود ولله الحمد هل هو شعور طبيعي

وهل اصابك نوع من الاحباط في هذا الوقت

مرحبا بك
أكيد هذا شعور طبيعي جدا مهما أكملتي الحفظ و المراجعة يبقى هذا الإحساس دائما وارد و هذا للقلق و التوتر و الخوف بعض الشيء
نعم أصابني الاحباط و الهلع😖😖 لكن كنت مؤمنة أنني أستطيع أن أعمل و أجد و أحقق أمنيتي و الحمد لله فلا يوجد شيء مستحيل ثقي بنفسك فقط موفقة حبيبتي أي أسئلة أنا هنا دمتي في رعاية الله😏

[rowaida18]

شكرا على الموضوع
اختي انا اعاني من مشكل في العلوم /التنفس و التخمر /افكاري مشتة و لم انظم معلوماتي فيهما ولم يبقى وقت
وفي الرياضيات و خلال حلي للبكالوريات ابدا التمرين عادي و عندما اصل للاسئلة الاخيرة /مجموعة النقط المجاميع في المتتاليات المناقشة الوسيطية / اتوقف وهذا يحبطني كثيرا
في الفلسفة اختي انا معتمدة على تحليل النص فلم استوعب المقالات المقترحة /مقالة المشكلة و الاشكالية شهر وانا نحفظ فيها /فهل هذا قرار صائب لانو يقولو بلي ما ينقطوش عل تحليل نص
و الاجتماعيات يمكن القول باني متاخرة نتيجة لتركيزي على المواد الاساسية
ساعديني سدد الله خطاك و اعانك على ما يحب ويرضى

[rowaida18]

السلام عليكم
في العلوم نعاني مع التنفس و التخمر
في الرياضيات قيد حل البكالوريات
الفيزياء امممممممممممممم لا داعي للحديث لاكني سابدا فيها اليوم باذن الله حتى نقضي عليها
العربية يكتر خير الاستاذ حماش رووووووووووووووووووووووووعة
الاجتماعيات trooooooooooooooooooooo taaaaaaaaaaaaard
العلوم الشرعية اعاني مع الدروس الاخيرة
الفلسفة رايحة بتحليل نص
و الغات ساخصص لههما يومان
هل انا متاخرة !!!!!!!!!!!!!!!!

[زهرة جوري]

شكرا على الموضوع
اختي انا اعاني من مشكل في العلوم /التنفس و التخمر /افكاري مشتة و لم انظم معلوماتي فيهما ولم يبقى وقت
وفي الرياضيات و خلال حلي للبكالوريات ابدا التمرين عادي و عندما اصل للاسئلة الاخيرة /مجموعة النقط المجاميع في المتتاليات المناقشة الوسيطية / اتوقف وهذا يحبطني كثيرا
في الفلسفة اختي انا معتمدة على تحليل النص فلم استوعب المقالات المقترحة /مقالة المشكلة و الاشكالية شهر وانا نحفظ فيها /فهل هذا قرار صائب لانو يقولو بلي ما ينقطوش عل تحليل نص
و الاجتماعيات يمكن القول باني متاخرة نتيجة لتركيزي على المواد الاساسية
ساعديني سدد الله خطاك و اعانك على ما يحب ويرضى

مرحبا
بالنسبة للعلوم فلا تخافي فهاتين من اسهل الوحدات فقط انصحك باعتماد مخططات لتقليص الوقت
أما الرياضيات فالأسئلة الاخيرة هي الاكثر سهولة على الاطلاق و لكن تحتاج بعض الممارسة و التعود لايوجد شيء يدعو للاحباط اطلاقا حتى أنا كنت اعاني من نفس الشيء و الكثير من التلاميذ كذلك لكن بعدما أصبحت نحل التمارين بكثرة و مفصلة
الفلسفة لا انصحك باعتماد طريقة تحليل النص لاني اعتمدتها و اخذت نقطة كارثية 6.5 لانو ما يعطيوش مليح عليها خلاص
بالنسبةللاجتماعيات في راي الكثير هي مادة حفظ لكن بالعكس تعتمد على الفهامة حاولي نعتمدي على ملخصات و شوية من فهامتك باه تكسبي الوقت
وفقك الله😏😏

[زهرة جوري]

السلام عليكم
في العلوم نعاني مع التنفس و التخمر
في الرياضيات قيد حل البكالوريات
الفيزياء امممممممممممممم لا داعي للحديث لاكني سابدا فيها اليوم باذن الله حتى نقضي عليها
العربية يكتر خير الاستاذ حماش رووووووووووووووووووووووووعة
الاجتماعيات trooooooooooooooooooooo taaaaaaaaaaaaard
العلوم الشرعية اعاني مع الدروس الاخيرة
الفلسفة رايحة بتحليل نص
و الغات ساخصص لههما يومان
هل انا متاخرة !!!!!!!!!!!!!!!!

ما كي متأخرة ما والو ما تقلقيش روحك راكي مليحة مع خرين بما أنك تعبتي فراكي قريتي و الوقت راه مزال تقريبا 10 آام اعرفي كفاه تنظميهم برك لا يوجد شيء مستحيل لازم تديري ثقة كبيرة في نفسك راكي قادرة تديري واش حابة ما تخافيش:19:

[Et apris]

انا منيش فاهمة الجيولوجيا . التنفس والتخمر راح نخليهم مع الاسف العلوم كارثة . الفيزياء الحمد لله فهمتها وسابدا بحل لتمارين حالتهم من قبل راح نزيد تمارين جديدة ونحل سلاسلي باه ميغيضونيش هه الرياضيات مثل الفيزياء كنت حليت باكالوريات في لدوال نزيد نعاودهم ونحل مواضيع الباكالوريات فقط . ان شاء الله يكفينا الوقت حتى المواد اللغوية (ادب - فرنسية - انجليزية ) ممسيتهمش منعرف يكفيني الوقت ولا لا

ما رايك

[زهرة جوري]

انا منيش فاهمة الجيولوجيا . التنفس والتخمر راح نخليهم مع الاسف العلوم كارثة . الفيزياء الحمد لله فهمتها وسابدا بحل لتمارين حالتهم من قبل راح نزيد تمارين جديدة ونحل سلاسلي باه ميغيضونيش هه الرياضيات مثل الفيزياء كنت حليت باكالوريات في لدوال نزيد نعاودهم ونحل مواضيع الباكالوريات فقط . ان شاء الله يكفينا الوقت حتى المواد اللغوية (ادب - فرنسية - انجليزية ) ممسيتهمش منعرف يكفيني الوقت ولا لا

ما رايك

نورمال أنا وحدة من الناس كنت مش فاهمة قداش من حاجة ما لا خليتهم هوما لخرين و ركزت على اللي فاهمتهم مليح الفيزياء و الرياضيات هذيك هي طريقتها حل التمارين و فهمها جيدا لان نفس الاساليب تعاد
بالنسبة للعلوم بالعكس هذوك الوحدات ساهلين و ما ننصكش تتجاهليهم لانو معظموالاحيان التلاميذ يهربو من المناعة عاودي حساباتك و ما تهمليهاش
المواد اللغوية انا خليتهم حتى ليلة الباك و عادي جبت ليبون نوت لا داعي للخوف اطلاقا الوقت يكفي و يفضل كينة عباد ما قراتش للباك حتان قعدت سمانة برك بالتوفيق

[الحالمّــة]

صح عيدك
انتي عاودتي الباك صح؟ تقبلي فضولي

[زهرة جوري]

صح عيدك
انتي عاودتي الباك صح؟ تقبلي فضولي

أهلين حبيبتي نعم

[تالين ايناس]

انا درت برنامج و حابة نعرف يلا نقدر نجيب بيه 16 ولا لا ،
بديت اليوم الاربعاء حفظت الجغرافيا الحمدلله في 4 سوايع و رايحة ضكا نبدا نقرا فيزياء من عند واحد الاستاذ داير الاسئلةة الشائعة نقرا جميع الوحدات المهم نكملها اليوم الفيزياء
الغدوة نحفظ اسلامية و نقرا علوم كاملة
بغداغد نحفظ تاريخ و نقرا مات كاملة
و مورا بغداغد نقرا فرنسية انجليزية عربية و نحفظ المقالات المرشحين و منهجية تحليل نص ، السمانة اللي تبقا قبل الباك نبدا نحل فليباك اللي فاتو باه نهز المنهجية و الحوايج الل محفظتهمش نولي نحفظهم .... من فضلك قوليلي يلا مليح هاذ البرنامج مع العلم فاهمة من قبل هاذ المواد ، يعني مانيش حابسة .... و شكرا ❤🌸

[زهرة جوري]

انا درت برنامج و حابة نعرف يلا نقدر نجيب بيه 16 ولا لا ،
بديت اليوم الاربعاء حفظت الجغرافيا الحمدلله في 4 سوايع و رايحة ضكا نبدا نقرا فيزياء من عند واحد الاستاذ داير الاسئلةة الشائعة نقرا جميع الوحدات المهم نكملها اليوم الفيزياء
الغدوة نحفظ اسلامية و نقرا علوم كاملة
بغداغد نحفظ تاريخ و نقرا مات كاملة
و مورا بغداغد نقرا فرنسية انجليزية عربية و نحفظ المقالات المرشحين و منهجية تحليل نص ، السمانة اللي تبقا قبل الباك نبدا نحل فليباك اللي فاتو باه نهز المنهجية و الحوايج الل محفظتهمش نولي نحفظهم .... من فضلك قوليلي يلا مليح هاذ البرنامج مع العلم فاهمة من قبل هاذ المواد ، يعني مانيش حابسة .... و شكرا ❤🌸


برنامجك جيد جدا خاصة اذا اتبعتيه بدقة و بجدية و مناسب و ملائم للوقت المتبقي اذا طبقتيه تجيب أكثر من 16 ان شاء الله ما كانش حاجة صعيبة ربي قادر على كلش حاولي أيضا انك تطلعي على المواضيع المقترحة من طرف الاساتذة موفقة :19:

[ريتال2]

sسلام اختي عيدك مبارك كل عام وانت بخير موضوع قيم شكرا لمساعدتنا

بخصوص راني روطار ومكملتش مع انو رياضيات مزال مقلبتهاش مع اني لغات وشريعة فقط انتهيت مع مواد لغات لكن لم استطيع حفظ واللله معلابالي ااطني طرق ومزال بكالوريات مزال محليتش مشكل كبير مصطلحات كل مانحفظ ننسى قررت نفهم كاين لي مفهمتمش واللله مقدر كل ما نتفكر نبكي ما بقى والو وانا مزال عاوننني

[~ قدس ~]

السلام اختي عيدك مبارك ..
مازاتلي اسلامية .. وجغرافييا .. وتواريخ

والفيزياء اهتزازات والقذيقة والمستوي ..
الرياضيات مازاتلي مجموعات النقط تاع الفضاء والاعداد المركبة والمجاميع تاع المتتاليات ..
وانا تقني رياضي الكيمياء كملتها ..
علابالي روطاار ..
زعمة نقدر نلحق على هاذو سيرتو الحفاظة ..وانا حابة معدل 17 + ..
والوحدات الاخرى نبقا نعاود في ليباك تاع شعبتي وصاي خاطر حليتهم من قبل ..

[سارة بسمة نادية]

سلام اختي ان شاء الله تكوني بخير صحا عيدك اختي وكل عام وانتم بالف خير
شوفي يا اختي دوكا بقات 11، يوم ومنيش عارفة كيفاش راني روطار شوية واني حابة لامونسيون 16فما فوق بادنالله دوك انا طالبة حرة شوفي
لمات معامل سبعة شعبة رياضي راني قارية جميع لوحدات مي مزلت نحصل في اسئلة بزااف نحصلفيهم مزال لي مجموعات النقط والتحويلات ولمجاميع يعني هادوك لعفايس المتتاليات تع الوسط الحسابي هكا الدوال بالمجاهيل هادوك + بالأفكار من التمارين نكتبهم
لفيزياء ثان قارية كلش مزالو لي الافكار من التمارين نجمعهم وشوية راني ناسية منيش نحل تمارين وبعض الاموور نقائص..
كييما فييزيك عندي مدة كنت نحل تمارين المغني وفييه شوية اسءلة صعبة كنت نوررمال حط لراسي معاها نركز نفوتها دووكا نعاود نولي ليها كي شعال جامي لا حلييتها بزااااف حررت؟.
لعلوم العام الماضي نقطة كارثية 5 مزال محليتش لي باك كامل قريت الدروس وفهمت خصني نحفظ ونراجع ونحل قلت ندير نهار المناعة ونهار البروتين يكفووو ?
والاجتماعيات التاريخ مزالو لي بعض الدروس فقط وبعض المراجعة ومنهجية التعليق والرسم وووو ونشوف لي باك
الاسلامية عندي مدة من لي كملت وبقالي المراجعة بقاتلي لي باك لازم وبعض النقائص تع الدرووس!!!
ولفرونسي والانجلش بديت غير فرونسي قريت النص التاريخي مزالت محلييتش لي باك قلتى نقرا غير النص التارييخي مكاش وقت لانو كل عام يجي ونحاول نحلي لي باك تاوعووو؟ والانجلش مزال مطليتش عليها علما اني ضعييفة فيهم بزااااف! كيفاش ندير معاها راني حابو نجييب غير عشرة برك
والفلسفة راح نديرلها يومين ولا ثلاثة المقترحات وووو مزاال من لعام لي فات
هدا رااني خاايفة نلحق لواش حابة! قوليلي كيفاش نديررليمات لجاايين قلت ندير كل نهار لمماادة نشوف نقاةصي فييها لي تع فهاامة نكتب الافكار ووو والحفظ بااين

[زهرة جوري]

sسلام اختي عيدك مبارك كل عام وانت بخير موضوع قيم شكرا لمساعدتنا

بخصوص راني روطار ومكملتش مع انو رياضيات مزال مقلبتهاش مع اني لغات وشريعة فقط انتهيت مع مواد لغات لكن لم استطيع حفظ واللله معلابالي ااطني طرق ومزال بكالوريات مزال محليتش مشكل كبير مصطلحات كل مانحفظ ننسى قررت نفهم كاين لي مفهمتمش واللله مقدر كل ما نتفكر نبكي ما بقى والو وانا مزال عاوننني

:dj_17::dj_17::dj_17:
أولا لازم و ضروري جدا و اجباري عليك ترمي عليك التوتر و القلق و الضغط با ما تضيقش عليك الحالة حاولي تفهمي روحك بلي راه مزال الحال و تقدري تلحقي و هذا التوتر أمر طبيعي ننصحك تتخلصي منو فورا لأنو اذا بقى عندك ما عدتيش تلحقي صح و تبقاي هك و ما تقدري تمسي والوخلي املك بربي كبير:19::19:
البكالوريات اذا كنتي طامعة ما يكفيكش الوقت ما تحليهومش حليهم شفهيا برك
مواد الحفظ حاولي تدير كل مادة بنهار
و بالنسبة لمواد الفهامة حاولي تقراي جميع الدروس اولا و تفهميهم و تتذكريهم مليح و مباعد تطلعي و تحلي مواضيع مقترحة و لا بكالوريات كيما حبيتي راهم يسهلولكم ما تخافيش
توكلي على ربي هو الموفق و القادر على كل شيء:mh31::mh31:

[زهرة جوري]

السلام اختي عيدك مبارك ..
مازاتلي اسلامية .. وجغرافييا .. وتواريخ

والفيزياء اهتزازات والقذيقة والمستوي ..
الرياضيات مازاتلي مجموعات النقط تاع الفضاء والاعداد المركبة والمجاميع تاع المتتاليات ..
وانا تقني رياضي الكيمياء كملتها ..
علابالي روطاار ..
زعمة نقدر نلحق على هاذو سيرتو الحفاظة ..وانا حابة معدل 17 + ..
والوحدات الاخرى نبقا نعاود و ليباك تاع شعبتي وصاي خاطر حليتهم من قبل ..

:dj_17::dj_17::dj_17:
ما زال الحال علاه هذه الخلعة؟؟؟
بشوي برك تلحقي بالعكس راني شايفة بلي راكي لاباس
بالنسبة لمواد الحفظ ننصحك تديري لكل واحدة نهار و التواريخ تقدري تحفظيهم حتى ليلة الباك لأنك راح تنسايهم و يتخلطولك ثاني سما عادي
الرياضيات و الفيزياء ديما نفس المشاكل اللي يعانيو منها التلاميذ عادي بشوي برك شوفي حلول تمارين برك خاصة من المغني روووووعة وليولك ساهلين طوووول:19::19:
و اكيد نحرص عليك تركزي على اللغات راهم كي حبو يطلعو المعدل كي يحبو يهبطوه ردي بالك تحقريهم حاولي تحلي شوي بكالوريات:mh31::mh31:
موفقة باذن الله الناس اللي جابت تقدير امتياز ما همش خير منك

[زهرة جوري]

سلام اختي ان شاء الله تكوني بخير صحا عيدك اختي وكل عام وانتم بالف خير
شوفي يا اختي دوكا بقات 11، يوم ومنيش عارفة كيفاش راني روطار شوية واني حابة لامونسيون 16فما فوق بادنالله دوك انا طالبة حرة شوفي
لمات معامل سبعة شعبة رياضي راني قارية جميع لوحدات مي مزلت نحصل في اسئلة بزااف نحصلفيهم مزال لي مجموعات النقط والتحويلات ولمجاميع يعني هادوك لعفايس المتتاليات تع الوسط الحسابي هكا الدوال بالمجاهيل هادوك + بالأفكار من التمارين نكتبهم
لفيزياء ثان قارية كلش مزالو لي الافكار من التمارين نجمعهم وشوية راني ناسية منيش نحل تمارين وبعض الاموور نقائص..
كييما فييزيك عندي مدة كنت نحل تمارين المغني وفييه شوية اسءلة صعبة كنت نوررمال حط لراسي معاها نركز نفوتها دووكا نعاود نولي ليها كي شعال جامي لا حلييتها بزااااف حررت؟.
لعلوم العام الماضي نقطة كارثية 5 مزال محليتش لي باك كامل قريت الدروس وفهمت خصني نحفظ ونراجع ونحل قلت ندير نهار المناعة ونهار البروتين يكفووو ?
والاجتماعيات التاريخ مزالو لي بعض الدروس فقط وبعض المراجعة ومنهجية التعليق والرسم وووو ونشوف لي باك
الاسلامية عندي مدة من لي كملت وبقالي المراجعة بقاتلي لي باك لازم وبعض النقائص تع الدرووس!!!
ولفرونسي والانجلش بديت غير فرونسي قريت النص التاريخي مزالت محلييتش لي باك قلتى نقرا غير النص التارييخي مكاش وقت لانو كل عام يجي ونحاول نحلي لي باك تاوعووو؟ والانجلش مزال مطليتش عليها علما اني ضعييفة فيهم بزااااف! كيفاش ندير معاها راني حابو نجييب غير عشرة برك
والفلسفة راح نديرلها يومين ولا ثلاثة المقترحات وووو مزاال من لعام لي فات
هدا رااني خاايفة نلحق لواش حابة! قوليلي كيفاش نديررليمات لجاايين قلت ندير كل نهار لمماادة نشوف نقاةصي فييها لي تع فهاامة نكتب الافكار ووو والحفظ بااين
:mh92::mh92::mh92:
شوفي جيبي ورقة و عاودي اكتبي فيها القوانين و القواعد كامل تاع الرياضيلت و الفيزياء باه ما تنسايهمش
بالنسبة لمجموعات النقط و وو........ هذوك تعرفيهم بالممارسة و حل التمارين هذا هو حلهم الوحيد صدقيني تفهميهم مليح بهذه الطريقة و شوفي الحلول المفصلة مش المختصرة و لازم قبل كل شيء تكوني فاهمة القواعد و النظريات جيدا
بالنسبة للنسيان شيء عادي عليها ديما ننصحكم تعاودو الحلول و لا تعاودو تمارين بنفس الطريقة و الموضوع
العلوم عجبتني طريقتك لكن نحرص عليك تقرايها بطريقة المخططات باه تقعدي متفكرة لانو المخ يتفكر السومات اكثر من الكتابة انا قريتهم هاك
بالنسبة للغات اذا كنتي ناقصة فيهم ننصحك تجري على روحي شوي لنهم يهبطو المعدل اذا ما جبتيش مليح. لا ركزي عليهم و ردي بالك تحقريهم حلي شوي بكالوريات انا والله قريتهم ليلة الباك و غدوة رحت عقبتهم و جبت فيهم احسن النقاط لكن فريت الدروس و حفظت شوي تعابير و فهمت القواعد
الفلسفة ننصحك تطلي على شوي مقالات باه تجنبي تحليل النص لانهم ما يعطيوش عليه نقاط ملاح و أكيد الفلسفة تعتمد على الفهامة بجزء اكبر من الحفظ
ربي يوفقك حبيبتي لا تخافي ثقي بنفسك أنت قادرة أن تصنعي مستقبلك بيدك😏😏

[الحالمّــة]

السلام عليكم
الم تختاري جراحة الاعصاب؟ و لماذا اخترتي جراحة اسنان؟

[رانية ة]

اختي اريد ان اطلب راي عندما يكون غدا الامتحان كيف اتصرف ؟
اي كيف احضر
اتمنى تكوني فهمتيني

[زهرة جوري]

السلام عليكم
الم تختاري جراحة الاعصاب؟ و لماذا اخترتي جراحة اسنان؟

نعم صحيح كنت مهوووسة بها لكن فجأة غيرت رأيي لم أستطع أن أتخيل أن ادرس 15 سنة بالاضافة الى نصائح أهلي و اقاربي و كذلك ظروف أخرى لكن عندما اخترت جراحة أسنان لم أندم بالعكس اروع و اجمل شيء حدث لي في حياتي الحمد لله

[زهرة جوري]

اختي اريد ان اطلب راي عندما يكون غدا الامتحان كيف اتصرف ؟
اي كيف احضر
اتمنى تكوني فهمتيني
هاااااي😊😊😊
اولا طيشي عليك التوتر و القلق و تذكري بلي ربي ديما واقف معاك و يساندك
حطي ثقة كبيرة في نفسك و قولي أنا نقدر نجيب معدل مليح و نحقق حلمي و عمري ما نستسلم
كفاه تحضري تعاودي تقراي هذيك المادة من الاول للاخير و تلخصيها في ورقة باه تترسخلك و مباعد طلي على الاسئلة و حليهم شفهيا فقط
أكيد ما تنسايش تدي الأدوات و الحوايج اللي تحتاجيهم من سيالات و اقلام و...
اذا حبيتو نديرلكم موضوع وش تديو معاكم و نحكيلكم شوي وش يديرولكم هذا النهار قولولي في المشاركات
موفقة حبيبتي النجاح ينتظرك👍👍

[الحالمّــة]

اعذريني على فضولي 😊
لكن هي 12 سنة ، انا ايضا حائرة ابي يريدني طبيبة وكذلك أمي ،وانا لا اعلم ماذا اريد بالاضافة الى اني اعيف 😅
المهم عندما تظهر نتيجة البكالوريا باذن الله سنتكلم في هذا الموضوع

[زهرة جوري]

اعذريني على فضولي 😊
لكن هي 12 سنة ، انا ايضا حائرة ابي يريدني طبيبة وكذلك أمي ،وانا لا اعلم ماذا اريد بالاضافة الى اني اعيف 😅
المهم عندما تظهر نتيجة البكالوريا باذن الله سنتكلم في هذا الموضوع

لازم تديري وش حابة انتي بالنسبة انك تعافي فراكي توالفي مع الوقت انا عاد عندي كلش نورمال
ربي يوفقك عندك الحق كي تخرجزالنتيجة يفرج ربي😏😏