مواد الحفظ

[meroem]

سلام
صحا فطوركم
كااااين يلي مخلصش مواد الحفظ:sdf::sdf::sdf::sdf:

[malak.math]

انا مزال مبديتش اصلا

[المداينية26]

انا مزال مبديتش اصلا

كيـفـــــــي

[Sera chan]

الاسلامية راني فالنسب
التاريخ و جغرافيا نعاود
الادب راني معاها
ونتي؟

[صمود خديجة]

انا الحاجة اللي نحفظها ننساها
لذا اعتبر نفسي مانيش حافظة :mad::mad::mad::mad:

[~ قدس ~]

برافو برافو اعتمدو غير على المواد العلمية مواد الحفظ شا تديرو بيها .. لوكان تضيعلكم ربع نقااط في مادة علمية ماا ما تعوضها غير النقاط العالية في مواد الحفظ .. في عوض ماراكم تدورو في المنتدى احفظو ياا احفظوها جنو معاها المهم تحفظوها الناس لي راها تحفظ ولي حفظت ماشي خير منكم .. لي نساا واثقة بلي يقدر يرجع واش حفظ لي مازال مابدااش واثقة مايجيه الباك غير يحفظ كاامل .. ولي ماخلصهم راح يخلصهم في الوقت المناسب .. فقط يكفيكم تسويف راكم عام كامل تقولول ذرك نحفظ غدوة ذرك نحفظ ها وصلتو للنهاية ما حفظتو والو يرحم باباكم وااش تستناو مازال سمانتين بررك ها زيرو رواحكم فيها ..

[أحلام جامحة]

بالنسبة للإسلامية بقالي غير حجة الوداع و الشركة ما حبوش يدخلولي لراسي راني نتبع فيهم مع بوسعادي
التاريخ حفظت الوحدة 1 + درس من الوحدة 2
الجغرافيا مازالني في الدرس الأول لكني فهمت معظم المنهاج
الأدب كملت قواعد و صور بيانية بقالي غير نحفظ حصائص المدارس
الفلسفة مازال مابديتش للأسف
بالتوفيق

[Hou Da Lar]

مزال قاع مطليتش عليها

[بشرى.22]

طريقتي في الحفظ

نقرا الدرس 10 مرات و نشرحه لروحي ولا اختي الصغيرة

من بعد نحكم ورقة نكتب العناوين لي كاينين في هذاك الدرس

و نحاول في كل عنوان نعبر بواش فهمت باسلوبي الخاص

من بعد نصحح لروحي من الكراس

ونشوف كاش فيديو على هاذاك الدرس شوفو قناة مروى طهراوي ولا قنشوبة ولا امين زرطال ملاح بزااف

ومن بعد نكتب كامل الاسئلة لي قادرة طيح في هاذا الدرس حتى اسئلة الفهم من البكالوريات

ندير une fiche في كل درس على شكل سؤال وجواب كل مرة نضرب عليها طلة

صدقوني الحفيظة مارايحاش تنسوها..