عمل المراة

[مشكلتي]

السلام عليكم
صح رمضانكم

كيف اقنع المراة (خطيبتي)بعدم العمل
هي حاليا تعمل عمل بسيط و لكن حابة تخدم بعد الزواج و ان ضد فكرة العمل بعد الزواج
و كي نقولها علاش تقول و انا قريت غير هاك
مع انو الزوج ميسور الحال

[نجاة^^]

والله الأمر أصبح صعب وسيصعب أكثر إلا من رحم الله (منيش نهبطلك في المورال) ولكن الحقيقة ،حاول أخي*
والله يفرج عليك ويسهلك.

[مراد سابقا10]

هذه مسالة قناعات اذا هي تشوف باغي تخدم خليها تخدم شوف غيرها

اذا مثلا باغي تخدم عند روحها مثلا طبيبة .................الخ الأمر مقبول نوعا ما

بصح اذا بغات تخدم في الإدارة انا شخصيا منقبلهاش نهائيا انا نعرف جماعة يخدموا في الإدارات والمستشفيات ويحكيولي واش صاري

حتى ولو المراة ملتزمة يدور عليها كالذئاب ويوقعوها في الفخ

انا نصيحيتي ليك اذا مصرة على العمل شوف غيرها النساء بزاف .

[محارب الحمق]

هاذي الامور مافيهاش مجاملة وتأخير واخفاء ومدارات. هذا الشرط وجب توضيحه من البداية. عليك ان تضعها امام الامر الواقع مادامت غير مرسمة في منصب مع الدولة. يا اما انت يا اما العمل. حتى الفقراء لا يحبذون المرأة العاملة عن الرجال الغيورين اتحدث فمابالك بميسوري الحال. كم هو جميل ان يرجع الرجل الى بيته فيجد زوجته هناك لا خارجه تعمل

[ع.عيسى]

اذا ركبت في القطار الخطأ ...انزل مع اول محطة قادمة ...والا فان تكلفة العودة ستكون باهضة ....بهذا المثل اختصر مشكلتك

كان من المفروض ان تحسم هاته النقطة ا من الاول وحتى قبل الخطبة .......لذلك قبل ما تتقدم باي اجراءات وخصوصا قبل العقد ..ضعها في الامر الواقع اما انت واما تشد في قرايتها وخدمتها ..ولا تضيع الوقت معها ..لان كل ثانية تمضيها معها محسوبة عليك

[ابو سليمان10]

هن يرغبن في الخروج من البيت و الاحساس بالاستقلال عن الرجل...و ما سنوات الدراسة الا حجة فكثير ممن تقول هذا تجدها تحمل ليسانس او ماستر فقط مشكوك في احفيتها بها عندما ترى المسنوى الضحل
كما قال الاخ قبلي لا تحول ان تغير مسار القطار انما ابحث عن قطار يتجه الى حيث تريد...لا داعي لخوض معارك لا حاجة لها

[visa uk]

يااخي حسب طبيعة ومكان العمل وحدة تعمل في الادارات الوضيف عمومي شركات وطنية هادي راح مجازفة عل السمانة شهر كامل عام كامل وهي برا في مقرات العمل اللهم الويكاند تريح تتنفس ياربي تقوم باعمالها متراكمة جدا ووووو كفاه هادي نتقدر تتزوج بها مستحيل تضل برا واي برا في اماك عمومية ومامن مخالطة الخ حتي تدلك فقط ياربي شهر كونجي او اقل يعني حاتك كامل هاك ومن بعد اولاد وتربيتهم وووو كق عقلك يتقبل مراة من هاته عقليات انا طبعا مند زمان مانخممش فيهم اطلاقا ومطلقا وزد كي تولدلك واحد او 02الخ كيف تعيشهم او تربيهماولاد هادو كيف يتربو وووو ويكبرو الخ والاكل والطبخ والغسل بزاف صوالح
ناتي للمراة لي عندا مهنة حرة هادك اقل من اولي حتي انها عاملة طبعا وتضل في مكتب تاعها يوميا اسبوعيا شه عام ربما الفرق انها في مكتبها وحدها وعندها ربما ايجابيات مقارنة بالاخري اصحاب وضف عمومي شركات وطنية وخاصة كبري وادارات كلهن تقريبا نفس عقلية عمل انهك وقتهن تماما اك فاهم يعني خمم جيدا وفكر
تقدر تاخد مهن حرة لكن فيها بعض ايجابيات عدم اختلاط يومي الخ وربما عندها امور اخري لااراها انا ايجابية كيتتزوجها
او شف لمرا لي عندها محل اي تخم عند روحها تماما او مع مرا كيفها الخ تلقا هاك عقليات او تخدم مع رجل واحد زميل الخ مافيهش اشكال اطلاقا عندها اوقات فراغ وزد قتلك تخدم وحدها برك او مع رجل واحد مثلا مافيهش احتكاكات او اختلاط وتكون مهني
نتا وفهامتك وقراراتك وتفكيرك طبعا واش تحب نوع المراة

[lalib40]

هل تريدها ان تعمل ام لا

[visa uk]

جاوبنا اخي لكي نساعدك احسن واحسن حول طبيعة المراة وتفكيرها عقليتها فهامتها تخمامها الخ واين تعمل الخ بش نشوفو المراة لي تحب انت تكون هل تكون نفس فهامتك تخمامك عقليتك افكارك الخ هاته اشياء مهمة للغاية طبعا

[شعبان999]

هاذي الامور مافيهاش مجاملة وتأخير واخفاء ومدارات. هذا الشرط وجب توضيحه من البداية. عليك ان تضعها امام الامر الواقع مادامت غير مرسمة في منصب مع الدولة. يا اما انت يا اما العمل. حتى الفقراء لا يحبذون المرأة العاملة عن الرجال الغيورين اتحدث فمابالك بميسوري الحال. كم هو جميل ان يرجع الرجل الى بيته فيجد زوجته هناك لا خارجه تعمل

الله يفرج عليك ويفتنحها عليك ، ويسهل كل عسير وصعب يارب

[زبدة ذايبة]

من الأحسن تحط النقاط على الحروف.

المشكلة اللي ما تحلهاش الآن تخرجلك من بعد.

لذا

بدون مجاملات ومقدمات.

وبدون تضحيات وتنازلات من طرفك.

وبكل وضوح وصراحة.

تقوللها: ماتخدميش.

إذا عندها النية في أنها تضحي على جالك رايحة تتنازل وتشريك.

وإذا همها عو أنها تخدم رايحة تضحي بيك.

أما إذا كنت ماتتحملش تخسرها وتخرب الخطبة .

ما عليك سوى أن تتنازل أنت.

ماتجبدلهاش الخدمة وخليها على حسب الظروف.

إذا لقات خدمة كان بها وإذا مالقاتش تكون محظوظ.

وبين هذا وذاك أنت من يقرر ويفصل في الموضوع.

ربي يسهل أمورك.

[رندة.]

لازم عليك توضّح الأمور من البداية وتقلها أنك رافض خدمتها بعد الزواج باش هي ثاني تستعد لهاذ القرار من الآن، لأنو كثير من الاشخاص يكونو رافضين عمل زوجاتهم بعد الزواج وما يصارحوهومش باش ما يخسروهمش خاصة إذا شافوهم متمسكين بخدمتهم، بصح بعد الزواج وزيادة الضغط والمسؤوليات تظهر المكبوتات وتتفاقم المشاكل بيناتهم، ويعودو يطلبو منهم يبطلو خدمتهم بعد ما يكونو ترسمّو فيها وتعودّو عليها، الأمر إلي راح يصعّب عليهم عملية التخلّي على خدمتهم ببساطة.
ربي يوفقكم ان شاء الله.

[zahozo]

لكان شفتها ماساعداتكش بدل بغيرها
ومن ناحية اخرى زيد استفسر معاها بلاك شايفا بلي مدخولك مايكفيش ولا عندها طموحات اخرى بلاك نتا تقدر تساعدها وتحققها معاها زيد حاول وبالسياسة اذا ماكاش حل بذل -_- -_- -_-

[123boutheina]

وعليكم السلام

افسخ الخطبة وتقدم لغير العاملة

[Hillin]

لا ادري اين هو المشكل مع فكرة عمل المراة. يقولك لن اقبلها تعمل الا في حالة البريفي. هناك نوعان من النسا الخدامة و ماشي خدامة. من لول قبل ما يدخل الانسان في صراع مع النفس. يسال "انا باغي نزوج وباغي وحدة ماكثة في البيت" او"انا باغي نزوج وباغيها تكون عاملة"تبانلي هاك يكون الانسان واضح من الاول وبعيد عن الظلم والانانية.ماشي كينقدملها يقلها انا باغيك بلا خدمة. يعني هو يخير وهي ترمي كلش من وراها من اجلك.

[الفتاة الهادئة]

ان شاء الله تلقا القرار الصحيح في آخر المطاف والسلام عليكم

[باهي جمال]

01- لماذا الرجل يقصد امراة عاملة ويشترط عليها ان تتخلى عن عملها ليتزوجها فهلا بحث عن الماكثة بالبيت من اول مرة
02- اذا رات المراة ان عملها ضمان لها فمن حقها لانها قد لا تتفاهم مع زوجها وتخسر عملها وزواجها فتكون الخسارة مزدوجة
03-هناك اعمال تعتبر قيمة اضافية للمراة ولزوجها ولاولادها فليست كل الاعمال سواء

[chaima_38]

السؤال الي يطرح نفسه لماذا تتجه الى العامله و تطلب منها المكوث في المنزل و لا تختصر العمل على نفسك بخطبه ماكثه في البيت مباشره
فاي شخص اجتهد في الوصول الى منصب حتى ولم يكن مرسما فيه لا يستطيع التخلي عنه
و النساء حاليا اصبحت مثلما نقول بالعاميه تقرا للزمان عقوبه لوكان تسمح في خدمتها و يوم ما تجد نفسها وحيده مع اولاد !!

[موح الحراشي]

يجب الفصل في هذا الامر بصورة قطعية لأنه مهم

[تاج الوقار16]

اذا تهمك هذه المرأة لمزايا اخرى ترى انك لن تجدها في غيرها
هنا وكانت غير مرسمة ووضعك انت كافيها وعندك سكن ماشي تسكنها مع اهلك وعندك سيارة
هنا خليها غير نتزوج تجيب ولاد تكره تخرج وتخليه
ما كانش أصعب من ترك الام لابنها والخروج للعمل
اما اذا كنت ماديا ماشي لاحق هنا راح تتخاسرو وتخرج تخدم مظطرة
احسب مليح
اما اذا كانت لا تعني لك شيء هنا كيما قالولك
روح للي ما حاباش تخدم وتهنى
اما انو يصورولك العمل خروج عن الاخلاق فهذا أصلا مشكل يحتاج إلى حل عند الرجل بعض النظر عن المرأة
غدوا نمرض مرتك وبنتك تحب يكشف عليها راجل
تحب مرتك تولد عند راجل
تحب تدير حقنة عند راجل
او حتى بنتك ماذا بيك تقرا عند مرا احسن ما
تقرا عند راجل ينظر لها بشهوة
نوع العمل مهم جدا واحنا رانا كي ندخلو حانوت ونلقو نسا يبيعو نرتاحوو ونشرو ونسقسو كيما نحبو