نصيحة جزاكم الله خيرا

[أحلام جامحة]

السلام عليكم صحا فطوركم
راني نحس روحي روطار بزاااف في مراجعتي للمواد واش رايكم
الرياضيات لازمني برك الهندسة في الفضاء و الدوال ألأصلية الباقي الحمد لله
الفيزياء لازمني نكمل تمارين دمج الوحدات حصوصا الكهرباء
العلوم ما زالني في المجال 1 :mad:
الإسلامية راني في درس التبني
التاريخ كملت الوحدة 1 و الجغرافيا مازال ما بديتش فيها
العربية راني نراجع في النثر برك
الفرنسية و الإنجليزية و الفلسفة مازال ما بديتش كامل:sdf:
إذا واحد يقدر يحط برنامج نمشي عليه لأني أطمح ل 15+
و بالتوفيق

[SELIM2019]

اختي نصيحة لوجه الله لا تتبعي البرامج خاصة لضيق الوقت
نصيحتي خصصي يوم لكل مادة لتحسي انكي احرزتي تقدما, مثلا العلوم شحال ما تقدمت عندك الربح الفيزياء و الرياضيات كذلك وحاولي حل تمارين بأفكار جديدة و تفادي التكرار في التمارين

[SELIM2019]

اختي نصيحة لوجه الله لا تتبعي البرامج خاصة لضيق الوقت
نصيحتي خصصي يوم لكل مادة لتحسي انكي احرزتي تقدما, مثلا العلوم شحال ما تقدمت عندك الربح الفيزياء و الرياضيات كذلك وحاولي حل تمارين بأفكار جديدة و تفادي التكرار في التمارين

[أحلام جامحة]

بارك الله فيك أخي و شكرا على النصيحة
مشكلتي الكبرى في العلوم و الله هبلتني

[~ قدس ~]

وعندك وقت تكتبي في موضوع وتسقسي شوفي انتي واش يناسبك برنامج تعرفيي تقدري تجيبي بيه وتقراي بيه ..
كل خمس يام مثلا ديري ثلاث موادة مادة علمية + لغة + مادة حفظ مزال 17 يوم تقريباا .. 15 يوم تكملي فيها .. بشرط تمشي ببرنامج قااسي .. لا راحة لا كوزينة لا والو لقرايا وصلاتك وصااي حتى نوم ماترقديش بزااف خمس ست سوايع ماتفوتيش .. سيرتو رااكي ناقصة في لحفاظة شوي .. والعلوم حدث ولا حرج .. لكن اعلم انك تقدري تتجاوزيها كوني واثقة في روحك برك .. مادام قلتي اطمح +15 وتحوسي على برنامجي يأهلك لشيء هذا فأبشرني انتي مستعدة للقراية ومستعدة تزيري على رووحك .. شدي الهمة مابقااش بزااف ..

[أحلام جامحة]

وعندك وقت تكتبي في موضوع وتسقسي شوفي انتي واش يناسبك برنامج تعرفيي تقدري تجيبي بيه وتقراي بيه ..
كل خمس يام مثلا ديري ثلاث موادة مادة علمية + لغة + مادة حفظ مزال 17 يوم تقريباا .. 15 يوم تكملي فيها .. بشرط تمشي ببرنامج قااسي .. لا راحة لا كوزينة لا والو لقرايا وصلاتك وصااي حتى نوم ماترقديش بزااف خمس ست سوايع ماتفوتيش .. سيرتو رااكي ناقصة في لحفاظة شوي .. والعلوم حدث ولا حرج .. لكن اعلم انك تقدري تتجاوزيها كوني واثقة في روحك برك .. مادام قلتي اطمح +15 وتحوسي على برنامجي يأهلك لشيء هذا فأبشرني انتي مستعدة للقراية ومستعدة تزيري على رووحك .. شدي الهمة مابقااش بزااف ..

بارك الله فيك أختي كلماتك مشجعة جدا
إن شاء فبل 1 جوان نكون كملت الكهرباء ككل و الإسلامية و نزيد معاهم الأحماض و الأسس

[SELIM2019]

طبعا راح تظهرلك صعبة لأنكي راكي عاد في المجال الاول, لأننا بطبيعتنا نخاف من المجهول
ننصحك خصصي نصف ساعة لمراجعة وحدة من مرجع معتمد (مجلة خريف مصطفى مثلا) وانتقلي فورا الى تمارين (انصحكي بتمارين بوالريش 2019)
ستلاحظين تقدما ملحوظا, حاولي تفهمي لأن العلوم فهامة مش حفيظة وستجدين نفسكي تتأقلمين, حاولي تتخيلي الظواهر وان عجزتي تفرجي فيديوهات مثلا تاع المناعة وفعلا ستتيقنين انها والووووو, والله والو

[Asma.19]

السلام عليكم

صح فطورك اختي

صراحة انا لااتبع برنامج محدد لكني احاول ان اكمل تمارين المراجع في اسرع وقت وتبقى لي وقت للمراجعة

العلوم انصحك بمتابعة الاستاذ لوزاعي داير ملخص لكل وحدة كتبيها معاه و من بعد روحي حلي البكالوريات تاع العلوم التجريبية فقط كاين 26 موضوع كل يوم حاولي تحلي 2 ولا 3 شفهيا فقط و من بعد روحي لتمارين بوريش 2019 فقط مكانش بزااف فيهم افكار ملاح و اكتبي النصوص العلمية تاع كل تمرين عنده تلقيهم في التصحيح دايرهم وفق المنهجية

الفيزياء حلي البكالوريات + المراجعة النهائية

الرياضيات الهندسة شوفي الاسئلة الشائعة عند نورالدين ديريهم على شكل ملخص ومن بعد روحي للبكالوريات كلما تحصلي رجعي لهداك الملخص وراح تتحسني ..الدوال الاصلية ساهلة شوفي الاستاذ بوسيف

اللغات البكالوريات و اطلعي على جدول الافعال والصفات في الانجليزية و الكونت غوندي في الفرنسية + قائمة اهم الكلمات في كل وحدة

الادب البكالوريات
الفلسفة المقترحات راه حطهم الاستاذ شهاب + احفظي منهجية تحليل نص
مواد الحفظ ..ديري كل يوم درس تاريخ ولا جغرافيا + التواريخ رايحة تلقي روحك حافظتهم مع الدروس + الشخصيات احفظي هذوك ستوندار + كل يوم 10 مصطلحات
الشريعة ديري كل يوم درسين + حلي مواضيع بكالوريا في الاجتماعيات والشريعة باش تتعودي على المنهجية ويترسخ الحفظ طبعا الحل يكوون شفهيا

موفقة ربي يحققلك حلمك ادعيلي ولك بالمثل

[صَمْـتْــــ~]

السّلام عليكم ورحمة الله وبركاته


دخلتُ فقط لأشجّع الأخت صاحبة الاستفسار وأتمنى لها ولكلّ طلبة البكالوريا -التّوفيق- بإذن الله تعالى
وأشكر الإخوة الذين يخلصون في عرضِ نصائحهم القيّمة


جعله الله في ميزان حسناتكم