إستفتاء صغير

[peggy]

في الإجابة هل تكتبوا direct في الورقة ولا تحاولوا في ورقة خارجية تحلوا فيها الموضوع كامل ثم تنقلوا في ورقة الإجابة أو الإثنين معا في أن واحد. و كيفاش توفقوا ما بين الوقت و الإجابة و التنظيم؟

[* قمر*]

لا الاشياء السهلة و اللي متاكدة منها مباشرة في ورقة الاجابة و السؤال اللي يحتاج تفكير هو اللي يستدعي ورقة خارجية تحاول فيها وتنقل الى ورقة الاجابة

[امـــة اللـــه]

ماشي أي حاجة يلزملها محاولات الفكرة اللي واضحة لاداعي نضيعو وقتنا فيها مي الحاجة اللي جديدة وتحتاج التخمام لازملها خربشات كاش ماتجي الفكرة :d

[peggy]

لا الاشياء السهلة و اللي متاكدة منها مباشرة في ورقة الاجابة و السؤال اللي يحتاج تفكير هو اللي يستدعي ورقة خارجية تحاول فيها وتنقل الى ورقة الاجابة

ماشي أي حاجة يلزملها محاولات الفكرة اللي واضحة لاداعي نضيعو وقتنا فيها مي الحاجة اللي جديدة وتحتاج التخمام لازملها خربشات كاش ماتجي الفكرة :d

همم أنا مشكلتي هي أني دائما ما نكتبش في الورقة الإجابة النموذجية الصحيحة كي نكون نحل في الموضوع في الورقة direct, كي شغل عقلي يتقسم عل حل الموضوع من جهة و كتابة إجابة كاملة من جهة و تفادي التشظيب من جهة جربت في الإمتحان التجريبي حليت كلش في ورقة و ممبعد نقلتوا. لكن الموضوع كان سهل و بانتلي بلي في الباك قادر نكون مقلق و لا يجي الموضوع صعيب ما نقدرش ندير هكاك.

[الملآذ]

السلام عليكم ...
اكتبي الحاجة الساهلة في الورقة ديرااكت ..
والحاجة لي تحتاج تفكير في الورقة الاضافيةة

[المداينية26]

انا نكتب كلش في ورقة اضافية و لكن بخط صيني* و برؤوس أقلام خخخ,,*
و في الورقة تع الصح نستيكيها*

[peggy]

انا نكتب كلش في ورقة اضافية و لكن بخط صيني* و برؤوس أقلام خخخ,,*
و في الورقة تع الصح نستيكيها*

إيه نظن هذا حل أوسط

[SELIM2019]

لا الاشياء السهلة و اللي متاكدة منها مباشرة في ورقة الاجابة و السؤال اللي يحتاج تفكير هو اللي يستدعي ورقة خارجية تحاول فيها وتنقل الى ورقة الاجابة

نفس الشيء, انا في المواد العلمية اكتب مباشرة (هاكاك وجامي قدني الوقت في الرياضيات والفيزياء للأسف) وفي المواد الاخرى اخذ راحتي,
عينك هيا ميزانك اذا بقالك الوقت وخصك اجابتك تكون منظمة لما لا؟؟؟

[Hou Da Lar]

نحل ديراكت في الورقة ابار العلاقات الطوال لي نخاف روحي نغلط فيهم
عام ليفت كتبت ديراكت في الورقة و مكفانيش الحال