لا تكن طيبا الا بمقدار

[مشكلتي]

السلام عليكم
منذ ان دخلت بيت الزوجية حاملة بين طياتي كل معاني الاحترام والطيبة والجود والرحمة والاحسان خاصة لما يتعلق الامر بوالدي الزوج
لكن
تلك الطيبة والنية اوقعتني راسا على عقب وانا الان اعيش في الجحيم من اختراقات لخصوصياتي الى استهتارا بمكانتي الى التدخل في شؤوني وغيرها

اغسل ملابسي واعلقها فأجدها قد تغير مكان تعليقها في الحبل بحجة اداوها للسخانة باش تنشف
غسلت مرة جوارب زوجي لقيتهم نحاوهم وداروهم في جافيل وعاودو باش يغسلوهم زعما انا مغسلتهمش مليح
مرة سربيتة تاعي غسلتها وكان فيها شوي كحل ايا نشرتها مطوية على زوج باش متبانش نلقاهم نشروها مكسلة وعجوزتي تقولي شوفي شوفي الحموم مغسلتيهاش مليح!
مرة دوشت وعلقت سربيتي بلا منغسلها نلقا عجوزتي نحاتها ملحبل وتغسل فيها!
ولما نروح لدار والديا ضيفة نلقاهم سيقولي الشمبرة تاعي وخرجو قع الفراش ونفضوه!
ومرة عجوزتي قاتلي بصيغة الامر .روحي كحلي عينيك راكي تخلعي!
وسوايع تقولي روحي بدلي روبتك راها مطاشية بشوي كحل ...تأمر بالتر .ماشي بالعقالة
والكارثة الكبرى انها تدبر عليا بزاف منين نجي نغسل حوايجي تبدا فوتي في هذيك وخلي هذيك وانشري هذي وشلي هذي
هذا بعض ما اعانيه وما لم اسرده اعظم واخطر
اخوتي في الله اعضاء المنتدى لقد نفذ صبري ولم اجد غير هذا الفضاء وحبيت نقوللكم بلي كاش نهار رايحة يطلعلي السكر ولا الظغط الدموي قسما بالله
احتاج دعاءكم فقط لان الحلول معدومة خاصة وان زوجي يعتبر كل هاته الاشياء عادية ولا يستطيع الانفصال عن اهله
انا الان انتظر رحمة من عند الاله فقط هو وحده القادر على تغيير الاحوال
حسبي الله ونعم الوكيل

[زبدة ذايبة]

ربما عجوزتك تعتبرك مثل بنتها على هذا تتدخل في خصوصياتك

وربما شجعتيها لأنك مطيعة

من وجهة نظري تعاملك مثل ابنتها

لعجايز لقباح والله ما يديروا هكذا

كانت وحدة من عائلتي تتصرف مثل عجوزتك

وكانوا بناتها يقولولها ما تدخليش روحك فيها

ان شاء الله ياكلها الدود.

وكانت هي تقول ( العجوزة) : مرت وليدي نعاونها ونوريلها كي ما تعرفش

كانت تروح لدار وليدها تغسل لمواعن وتسيق و...........

لعجوزة لقبيحة تضحك عليك وتضحك عليك الناس وتتبع عورتك وتفضحك

راني نشوف أنك تخلطي وما شي قادرة تفهمي تصرفاتها

وإذا كان هذا مزعج بالنسبة إليك

قوليلهم رأيك بصراحة

من رأيي أن يتسع صدرك لها

ممكن الأ[عضاء يكون عندهم رأي مخالف تماما لرأيي

ربي يوفقك ويهنيك

[ع.عيسى]

مادام عجوزتك قاتلك.. روحي كحلي عينيك راك تخوفي.. هاذا دليل على أن نيتها صافية اتجاهك.وتحوسك تعودي في أبها حلة باش ما يعيفكش راجلك.. لذلك ديريها كي امك واعذرني غلظتها .

[Elwawy]

لن أستهين لأقول أمور تافهة, نصيحتي :

1- لن ينضج المرء إلا عندما يصبح عنده مناعة من تدخل الأخرين بكل ما يلقونه من نصائح تعاليق مساعدة عرقلة الخ... خيارات : إما تُظهر التوافق و دير رايك بعدها -نفاق- أو تنسجم حقا و تتأقلم معهم -الأحسن-. خيار أخر أنك تشغلك نفسك دوما كي لا تكون متاح أي لا وقت و لا جهد للأخرين -بخل- تنبطح بدون نقاش -لا يجدي نفعا-
|حذاري أن يظن المرء نفسه طيب -كلنا يُخيل له ذلك-|

2- فرغي ذاكرتكي من التفاصيل المسرطنة, التي عندما تجمعها تظهر و كأنها تصيب المرء بالضغط و السكر, لكن عند رؤية كل منها على حدة تافهة. إذن لا تجمعي كل حادثة و تصنعي كرة ثلج بالتفاهات.

3- ما تتقنينه و ما أنتي طيبة فيه هو ظاهر و لانقاش فيه, النقاش يكون في الأخطاء و الزلات ليس للتقليل من قيمة ما تتقنينه و من طيبتكي, بل لترقية طيبتكي و إتقانكي لمستوى أخر (شخص طيب لا يقوم بخدمة ملبزة), ما زاد بالصوف غير الخروف, مستحيل أن تتقني كل شيء.

4- لا عيب أن تأخذي الخبرة من عجزوتك, أعطها الفرصة لتحس أنها علمتكي شيئا, أظهري بعض الإمتنان, أظهري بعض العرفان و الإعتذار عن الأشياء البسيطة حتى و إن كان مفبرك, الإنسان عندما يكبر لا يبقى له شيء عدى تمرير الخبرة للأخرين (نحن نراه تسلط و أمر الخ...)

[بـــيِسَة]

سلام


في بعض الامور احس بانها مرض
بلاك عندها مرض انها تدخل في كلش ههههه
اسفة
و بعض الامور كيما التزيين راها تخمم اعليك
و باش ترجعي شابة قدام الزوج فهمتيني
و الله اعلم
حوايج نورمال اخيتي اصبري و صايي حتى يفرج ربي

[النجمة القطبية]

منتشريش قدامها اشري sèche linge وديريه في غرفتك الخاصة وتهاناي ومباشرة كي ينشفوا طميهم وحدديهم وإلى الخزانة
وخزانتك اشريلها مفاتيح أو بدلي الاقفال عند النجار
أما جمالك حافظي عليه ها مدام العجوزة تتكلم وريلها انتي الجمال على اصوله
أما الباقي اصبري حبيبة واش حبيتيني نقولك انتي حافظي قدر المستطاع على خصوصيتك خاصة أسرار الزوجية والباقي رددي كل يوم وافوض أمري إلي الله أن الله بصير بالعباد
ونتظار الفرج عبادة حبيبتي
موفقة

[abder03]

لا ارى اي مشكلة حسبت ان المراة تكيد لك كيدا و تحرض ابنها عليك ،كأن يتخلى عليك مقابل امراة اخرى و وو و وو وووو . انت في نعمة مقابل مما يعانيه غيرك. احمد الله على نعمته . جاءت في الغسيل و وو تخيلي لو كانت ام زوجك تحرظه عليك و تقلب حياتك جحيم و سواد.

[نسرين نيسو]

بكل هي *عندها هلوسة في نظافة *معليش اصبري عليها *حتى يهديها ربي وتبطل هذي العادة

[سفير الأيام]

انت امراة فحلة وبنت فاميلية لازم تصبري سوف الله يجازيك ويفرج عليك بحاجة ما توقعيهاش

حتى اختي الصغرى لديها زوج ماشاء الله راجل وفحل لكن عجوزتها اقصد امه غابنتها لكنها كبيرة في السن تعمل امور قاسحة حتى ناحية ولدها لا تشفق عليه

لكنني كأخ لما اجدها قانطة وكرهت نقول لها ربي يسهل عليك يليق تصبري وترفديها وتحطيلها تاكل بالرغم انها لا ترغب بالاكل وتتهلي فيها ونفهمها بلي هي كبيرة وتصرفاتها ناتجة لكبر سنها او للغيرة لانه مهما كانت الام تحب ابنها بزااف وغادي تغير تغير شوية

بصح لازم نتهلوا في اهل الزوج ونتحملوا هكدا نثبثوا بلي ولاد فاميلية