اعطوني رايكم في برنامجي

[فاطمة فاطمة 123]

سلام عليييكم
بون ليوم بغيت نقولكم برنامج لي خدمت به من اول رمضان
شوفوا
اننا نوض على 11.0 حتى 13.00 وانا نحل سوجي يا اسلامية ولا تاريخ وجغرافيييا
نصلي ظهر ونكمل نروح من 13.00 حتى 17.00 نقررراااا مادة علمية
17.00 حتى 18.00 مع ماماو لازم عليا بسك وحدها وما تقدرش لكلش
18.00 حتى 19.00 نحل موضوع في اي مادة
22.00 حتى 12.00 مادة علمية تاع نهار نكمل فيها واش فهمت ما نروحش مادة وحدخرة لالا نكمل فيها
12.00 حتى 2.00 مادة ادبية فرنسية ولا انجليزية ولاعربية
ونرقد عادي
بصح كي يولي يقرب نولي نعاود نريفيزي حفظ
يولي مورا فطور مادة ادبية 22.00 حتى 12.00 و 12.00 حتى 4.00 حفظ
ويرجع من مادة علمية من 13.00 حتى 17.00 وهاذيك ساعة 18.00 حتى 19.00 واش رايكم اسك راني مليحة ولالا

[بـــيِسَة]

الله الله اعجبني برنامجك
ماشاء الله
ربي ينجحك اختي لا تتوقفي
اوكي و ربي معانا الكل

رمضان مبارك

[fr 33 dz]

ساطبقه اليوم
لكين من 1 الى5 مادة علمية بزاف شويا تكره

[فاطمة فاطمة 123]

لالا والله عادي انا وقت ومكانش يكفيني نبغي نكمل كل شىء منخليش حتى غدوة ان شاء الله كيما لبارح حليت 12 تمرين وغير في 4 سوايع ايماجيني 12 تمرين في 4سوايع بزاااااف ديت وقت مي تفهم مليييح

[〆 بٰٰاولو 乄]

هااايل عجبني
مي كون زدتي ساعة لرقاد يولي توووووب
بون كوغاج

[Sawsen99]

أنا موحال نقدر نطبق البرنامج هذا هههه
أنا بالعكس نقرا فالنهار و كي نفطر صايي منقدرش نشوف مع الكرارس خلاص ههه
لكن برنامج مليح اذا قدرتي داومي عليه + متعبيش روحك بزاف و بالتوفيق

[فاطمة فاطمة 123]

علاش جاك صعيييب هذا برنامج ولا كيفاش اعطيني برنامجك لي تمشي عليه

[الملآذ]

مليح ..+تقدريلو بإذن الله..

[فاطمة فاطمة 123]

ونتي كيفاااش دايرة بروقراام

[fr 33 dz]

البرنامج فسدتو و احد الفساد كبير
درت تمرين اقمار
و احد 4 ساعات وا نحوس على ملخص جيد لاسلامية
ان شاء الله في اليل نحضر كل شي لغوا باش متصراليش كيما اليوم

[~ قدس ~]

برنامج مليح تمنيت راني مشيت بيه حتى انا قبل رمضان عن اساس سطرت برنامج كي هكا ااما مانجحش للاسباب التالية ..

النوم مانفوتش 23.00 هكا وش تعودت العام كل ليام لي فاتو ماقدرتش نبدل من طبعي

االنوضان مع 11 ولا 10 ماناسبنيش نوض راسي بوجع وكلش ماقدرتلوش ايضا

برنامجي

من 6 حتى 13 .. طبها مع فتراات راحة .. مرات نرقد من 13 حتى 15 مرات لالا اذا رقدت نقدر فليل نوصل حتى 23 لا مارقدتش نقرا اباغامو ساعة ونص بعد الفطور .. وبعد العصر تقريبا حتان المغرب وانا نقرا ..
بالنسبة لواش نقراا 15 يوم لولا ..
رياضيات (تمارين المغني + سلاسل مصطفاي نعاود فيهم ) (في سبع ايام لولا ) وفي سبع ايام الثانية نحل ليباك ..

انجلش نحل لي باك وسوجيات المراجعة النهائية ونكتب فقرات ..
اجتماعيات نهاود الحفظ فقط ..

كيمياء .. نحل تمارين المغني ++ لباك ..

15 يوم ثانية

فيزياء ( تمارين المغني + لباك )

عربية ..نحل لباك ونعاود شوية تاع القواعد ..
فلسفة نراجع المقالات نرجع عن المقالات المقترحة وبس ..

اسلامية .. نبدا نحفظها من لول وجديد ..

كيمياء نهاود نفس السيستام كيما تعرفي ساهلة ومعامل 7 عادتا مانستهينو بيها وتعورنا لذلك قرتت نهتم بيها اكثر الشيء ..
والفرنسية راح نخليها بعد رمضاان ..
وياربي يوفقنا عن طاعته في الشهر الفضيل .. ويوفقنا في قرايتنا ويساعدنا عليها ..
وصحا فطوركم ..