المساعد الشخصي الرقمي

مشاهدة النسخة كاملة : موضوع خاص بالفيزياء - لاسئلتكم-

pérah tova
2019-04-27, 19:06
سلااام ان شاء الله تكونوا ملااح
:19::19::19::19::19:

https://www.mexatk.com/wp-content/uploads/2017/05/%D8%B5%D9%88%D8%B1-%D9%85%D8%AA%D8%AD%D8%B1%D9%83%D8%A9-2.gif
موضوع هذا راح يكون للاسئلة تاع الفيزياء :mh92:
كاش استفسارات و لا اي حاجة اكتبوها في هدا موضوع وراح نجمع الاسئلة :dj_17:و نجاوب عليها ان شاء الله
موفقون
https://www.mexatk.com/wp-content/uploads/2017/05/%D8%A7%D8%AC%D8%AF%D8%AF-%D8%B1%D9%85%D8%B2%D9%8A%D8%A7%D8%AA-%D8%B5%D9%88%D8%B1-%D9%85%D8%AA%D8%AD%D8%B1%D9%83%D9%87-1.gif
انفال19
2019-04-27, 19:45
انا نحوس على تمارين مندمجة ادا عندك حطيهوملي وشكرااا
الثلـــجة الصغيرة
2019-04-27, 20:01
جيتي في وقتك يا بنتي سؤالين فقط
مالفائدة من تفاعل الانشطار ؟
كيف نختار الزجاجية (مخبرة) ان سمعتِ بها سابقا ؟
+ سؤال فضولي اعتذر للتطفل ماهو تخصصك الجامعي ؟
pérah tova
2019-04-30, 20:30
شكرا على مبادرتك
لكن حبذا لو نضع موضوع خاص يتعلق بالمواد 3 الاساسية نضع به تحديات يومية وأسبوعية للمراجعة من الصفر (يعني اظنه الوقت المناسب لبداية المراجعة)
ما رأيك؟
ايه افتح موضوع اخر ونشاركوا الكل فيه ... هدا لو يكون للفيزياء برك افضل باش متتخلطش الحالة :19:
شكرا لميس على المبادرة
العفففو
انا نحوس على تمارين مندمجة ادا عندك حطيهوملي وشكرااا
روحي لمواضيعي تلقايهم
جيتي في وقتك يا بنتي سؤالين فقط
مالفائدة من تفاعل الانشطار ؟
كيف نختار الزجاجية (مخبرة) ان سمعتِ بها سابقا ؟
+ سؤال فضولي اعتذر للتطفل ماهو تخصصك الجامعي ؟


تفاعل الانشطار لانتاج الطاقة
اما الزجاجيات على حسب التجربة و حجم المحلول
مثلا اذا كان الحجم قليل اقل من 20 مل نختار ماصة
و اذا كان اكبر نختار مخبار مدرج او حوجلة عيارية
و هدي تجاوبلك على اختيار الزجاجيات
https://scontent-mrs2-1.xx.fbcdn.net/v/t1.15752-9/53003736_257994605087261_4505918218220601344_n.jpg ?_nc_cat=101&_nc_ht=scontent-mrs2-1.xx&oh=6ec6c55003de16eada2e647d2626dbbc&oe=5D666FF8

https://scontent-mrs2-1.xx.fbcdn.net/v/t1.15752-9/53309058_2081875605233121_4939889298720686080_n.jp g?_nc_cat=109&_nc_ht=scontent-mrs2-1.xx&oh=d94c67429ba044ced0213df388c297db&oe=5D6F6A42

https://scontent-mrs2-1.xx.fbcdn.net/v/t1.15752-9/52835778_799996260354637_3221511370793025536_n.jpg ?_nc_cat=100&_nc_ht=scontent-mrs2-1.xx&oh=95ecb467bae5276fa7b9e20c1715a2a2&oe=5D3403F3

https://scontent-mrs2-1.xx.fbcdn.net/v/t1.15752-9/53295571_267305037500890_3213713857667137536_n.jpg ?_nc_cat=106&_nc_ht=scontent-mrs2-1.xx&oh=b967a4674094e0764e52582358436224&oe=5D77EAEB
* قمر*
2019-04-30, 20:35
ســلام

لماذا يعتبر الاندماج افضل من الانشطار ?

حسب رايي انه الانشطار ملوث للبيئة عكش الاندماج و ربما الطاقة المحررة
امـــة اللـــه
2019-04-30, 22:09
ســلام

لماذا يعتبر الاندماج افضل من الانشطار ?

حسب رايي انه الانشطار ملوث للبيئة عكش الاندماج و ربما الطاقة المحررة

لأن الاندماج يحرر طاقة هائلة مقارنة بالانشطار+ وقود الاندماج متوفرة بكثرة فالطبيعة عكس الانشطار ( الوقود يعني الانوية اللي يحدثلها الاندماج كيما التريتيوم والديتريوم )
Et apris
2019-04-30, 22:16
كيف ابرهن ان المماس يقطع المنحنى عند طو الوحدة الثانية فيزياء
M A K
2019-05-01, 11:25
السلام عليكم لي عندو تمارين قازوري و تاشيره النجاح يبعتهملي في رابط جزاكم الله خيرا
انفال19
2019-05-01, 13:43
اختي راني شفت مواضيعك مي مايخرجوليش لي فوتووو تاع التمارين راكي حااذفتهم ولا كيفاه
امـــة اللـــه
2019-05-01, 20:48
كيف ابرهن ان المماس يقطع المنحنى عند طو الوحدة الثانية فيزياء

تخدمي بالعلاقة النظرية والعلاقة البيانية
العلاقة البيانية هي ميل المماس = كذا
والعلاقة النظية هي مشتق العبارة اللي فالبيان عند t
واديري المساواة تلقاي العلاقة بين t و طو
صمود خديجة
2019-05-03, 21:31
سلام عندي سؤال الوحدة الاولى
كي يمدلك معادلة
ويقولك استخرج المعادلتان النصفيتان
كيفاش نعرف ويناها تع اكسدة ويناها تع ارجاع
مثلا في تمرين باك 2016 موضوع الاول
امـــة اللـــه
2019-05-03, 22:14
سلام عندي سؤال الوحدة الاولى
كي يمدلك معادلة
ويقولك استخرج المعادلتان النصفيتان
كيفاش نعرف ويناها تع اكسدة ويناها تع ارجاع
مثلا في تمرين باك 2016 موضوع الاول

تشوفي في نص التمرين بواه بدا التفاعل مثلا بشوارد الالمنيوم وh3O+ تخدمي عادي شوارد الالمنيوم ترجع معدن وتوازني المعادلة بعدها تعرفي اكسدة ولا ارجاع
SELIM2019
2019-05-04, 02:21
عندي سؤال دائما ما نغلط فيه
في الاكسدة والارجاع انا دائما اعتبر المعطيات في التمرين هي المتفاعلات وبيها نبني معادلاتي
لكن لوكان ما يكتبوناش في المعطياة كيفاه ندير؟ يعني يعطيوني ثنائيتين ويخليوني نعوم بحري؟؟؟
امـــة اللـــه
2019-05-04, 10:47
عندي سؤال دائما ما نغلط فيه
في الاكسدة والارجاع انا دائما اعتبر المعطيات في التمرين هي المتفاعلات وبيها نبني معادلاتي
لكن لوكان ما يكتبوناش في المعطياة كيفاه ندير؟ يعني يعطيوني ثنائيتين ويخليوني نعوم بحري؟؟؟

مستحيل يخليك تغرق
يمدلك مؤشر مثلا يقولك ظهور غاز ولا ترسب .......
هنا تفهم بلي الغاز ناتج مثلا
ولا يقولك اختفاء الللون معناها الشاردة اللي تتميز بهاذاك اللون راي من المتفاعلات
SELIM2019
2019-05-04, 13:37
مستحيل يخليك تغرق
يمدلك مؤشر مثلا يقولك ظهور غاز ولا ترسب .......
هنا تفهم بلي الغاز ناتج مثلا
ولا يقولك اختفاء الللون معناها الشاردة اللي تتميز بهاذاك اللون راي من المتفاعلات
ربي يحفظك انشاء الله
فضلا هل اجد عندك تمارين حول الغاز لأني ضعيف فيها شويا
خاصني تمارين اللي نستخدم فيهم العلاقة PV=nRT
عندي المغني والمراجعة النهائية هل أجد فيها؟؟
وهل يوجد مقترحات في الفيزياء؟؟ مجرد تساؤل^^
امـــة اللـــه
2019-05-04, 16:36
ربي يحفظك ان شاء الله
فضلا هل اجد عندك تمارين حول الغاز لأني ضعيف فيها شويا
خاصني تمارين اللي نستخدم فيهم العلاقة pv=nrt
عندي المغني والمراجعة النهائية هل أجد فيها؟؟
وهل يوجد مقترحات في الفيزياء؟؟ مجرد تساؤل^^

أمــــيـــن ان شاء الله
كاين فالمغني ت 16 ص 22 وت 18 ص 24 و حتى ت17 مليح
وكاين فالموضوع المقترح رقم9 التمرين 1 الصفحة 260 ( المغني الجزء 2)
والموضوع رقم 13 التمرين الاول الصفحة 281
ذرك نزيد نشوف ممكن مزالو
بالنسبة للمقترحات الله أعلم ماعليك غير تحل تمارين المغني والمراجعة النهائية وصايي
ربي يوفق
بشرى.22
2019-05-05, 17:31
السلام عليكم

اردت ان اسالك ماهي التمارين التي اعتمدت عليها و كم كانت نقطتك في الفيزياء في البكالوريا
++لي عودة مع الكثير من الاسئلة
bahi65b
2019-05-05, 17:44
الرجاء من الإخوة و الأخوات
عدم إدرج الردود غير المتعلقة بالأسئلة و الأجوبية .
- و ذلك حفاظا على عدم تداخل الردود و تسهيل الأداء
بالتوفيق.
SELIM2019
2019-05-22, 18:57
رجاءا احتاج طريقة لكيفية استخراج
المعادلات التفاضلية بدلالة UR و UC في ال RC
و المعادة التفاضيلة بدلالة UL و UR في RL
انا احتاج الطريقة وليس المعادلة لأني دائما ما اقع في الخطأ
+ سؤال عند طلب انشاء منحنى كيفي نستعيني بمعادلة الحل في ثلاثة ازمنة 0 وTau و 5Tau فقط اليس كذلك؟؟
SELIM2019
2019-05-22, 19:41
اريد ان اعرف فضلا كيفية استخراج التركيب المولي للمحلول في لحظة t
اعلم ان كميات مادة الافراد تكون بدلالة x لكن كيف نجد ال x في تلك اللحظة؟؟ وهل الشوارد المتفرجة حتى هي تخرجولها كمية مادة تاعها؟ مثلا hcl انا وجدت كمية مادة h هل هي نفسها كمية مادة cl؟؟؟؟
وهناك بعض المرات اللي تخرجلنا معادلة من الدرجة الثانية بدلالة التقدم x؟؟؟
فمتى نستعمل هذه ومتى تلك؟؟
اتمنى ان تجيبوني راني حاصل
امـــة اللـــه
2019-05-24, 00:44
رجاءا احتاج طريقة لكيفية استخراج
المعادلات التفاضلية بدلالة UR و UC في ال RC
و المعادة التفاضيلة بدلالة UL و UR في RL
انا احتاج الطريقة وليس المعادلة لأني دائما ما اقع في الخطأ
+ سؤال عند طلب انشاء منحنى كيفي نستعيني بمعادلة الحل في ثلاثة ازمنة 0 وTau و 5Tau فقط اليس كذلك؟؟
على أي منحنى تقصد؟ في أي وحدة ؟



المعادلات عندهم فكرة ثابتة توتر المكثفة تستعمل التبسيط وتوتر المقاومة تعتمد على الاشتقاق
وبدلالة التيار نفسها طريقة توتر المقاومة لأنهم عندهم علاقة ببعضاهم
وبدلالة الشحنة نفسها طريقة توتر المكثفة خاطر عندهم علاقة ببعضاهم
https://1.top4top.net/p_1238gur5a1.png (https://up.top4top.net/)
امـــة اللـــه
2019-05-24, 00:53
اريد ان اعرف فضلا كيفية استخراج التركيب المولي للمحلول في لحظة t
اعلم ان كميات مادة الافراد تكون بدلالة x لكن كيف نجد ال x في تلك اللحظة؟؟ وهل الشوارد المتفرجة حتى هي تخرجولها كمية مادة تاعها؟ مثلا hcl انا وجدت كمية مادة h هل هي نفسها كمية مادة cl؟؟؟؟
وهناك بعض المرات اللي تخرجلنا معادلة من الدرجة الثانية بدلالة التقدم x؟؟؟
فمتى نستعمل هذه ومتى تلك؟؟
اتمنى ان تجيبوني راني حاصل

قيمة x اكيد يكون مدلك جدول ولا منحنى مثلا مدلك منحنى يمثل تركيز فرد كيميائي تجيب العلاقة بين التركيز والتقدم تلقا x بدلالة التركيز ادير الاسقاط على البيان فهاذيك اللحظة تلقا قيمة التركيز تعوض في عبارة التقدم توجد قيمتو
وبالتالي تلقا كمية مادة الافراد الباقية
اما الشوارد المتفرجة أصلا واش معناها متفرجة؟ يعني متشاركش فالتفاعل اذا دخلت بواحد مول تبقا هكذاك أي كمية مادتها فأي لحظة تبقى تساوي الابتدائية ( محفوظة و ثابتة)
أما للمعادلة من الدرجة الثانية الله أعلم على ماأظن تلقاها كي يمدلك ثابت التوازن k وتبحث على x فينال تعوص التراكيز بدلالة x بعد التبسيط تخرجلك المعادلة تحلها بالمميز دلتا تلقا حلين اذا واحد سالب ترفضو وتقبل الموجب واذا موجبين تخير الصغير نورمالمو هكذا والله اعلم
SELIM2019
2019-05-24, 02:02
المعادلات عندهم فكرة ثابتة توتر المكثفة تستعمل التبسيط وتوتر المقاومة تعتمد على الاشتقاق
وبدلالة التيار نفسها طريقة توتر المقاومة لأنهم عندهم علاقة ببعضاهم
وبدلالة الشحنة نفسها طريقة توتر المكثفة خاطر عندهم علاقة ببعضاهم
https://1.top4top.net/p_1238gur5a1.png (https://up.top4top.net/)

قيمة x اكيد يكون مدلك جدول ولا منحنى مثلا مدلك منحنى يمثل تركيز فرد كيميائي تجيب العلاقة بين التركيز والتقدم تلقا x بدلالة التركيز ادير الاسقاط على البيان فهاذيك اللحظة تلقا قيمة التركيز تعوض في عبارة التقدم توجد قيمتو
وبالتالي تلقا كمية مادة الافراد الباقية
اما الشوارد المتفرجة أصلا واش معناها متفرجة؟ يعني متشاركش فالتفاعل اذا دخلت بواحد مول تبقا هكذاك أي كمية مادتها فأي لحظة تبقى تساوي الابتدائية ( محفوظة و ثابتة)
أما للمعادلة من الدرجة الثانية الله أعلم على ماأظن تلقاها كي يمدلك ثابت التوازن k وتبحث على x فينال تعوص التراكيز بدلالة x بعد التبسيط تخرجلك المعادلة تحلها بالمميز دلتا تلقا حلين اذا واحد سالب ترفضو وتقبل الموجب واذا موجبين تخير الصغير نورمالمو هكذا والله اعلم
اولا شكرا جزيل الشكر لك اختي انت تساعدينني كثيرا في الفيزياء ربي يعطيك اللي تتمناي
اما بعد: في الاول كنت اتحدث عن منحنيات الوحدة الثالثة تاع الظواهر الكهربائية يعني اي منحنى نمثلوه نختارو 3ازمنة فقط؟؟
2- اكتشفت طريقة جديدة باش نخرجو المعادلات بدلالة Ur وهي انك تخرجي المعادلة بدالة i ثم تضربين طرفي المعادلة في R
عندي بعض الاسئلة الاخرى لو تسمحين:
1- هل صحيح ان الغاز والصلب والماء كلها تراكيزها تساوي 1 في كسر التفاعل؟؟
2- هل صحيح انه لما يكون K اكبر من 10 اس 4 يمكن القول ان التفاعل تام والعكس صحيح؟ وماالذي يمكن قوله لما يكون K يساوي 10 اس 4؟؟
3- في الوحدة الثالثة تاع الضواهل الكهربائية هل صحيح انو كي يكون عدنا منحنى تاع الطاقة يكون 0,63E يساوي Tau/2 وليس Tau؟؟؟
4- هل هناك طريقة للرسم الصحيح لمخطط الطاقة في النووي اعلم ان المتفاعلات يجو فالوسط لكن بعض الاحيان لا يكون كذلك؟ يعني الترتيب يختلف اذن انا كيفاش نعرف؟؟؟
اعلم ان في نقطة نصف التكافؤ في وحدة الاحماض والاسس يكون Pka=Ph اذا كانت معايرة حمض ضعيف باساس قوي او العكس, لكن هل تنطبق الحالة في حالة معايرة اساس قوي بحمض قوي؟؟؟
5- اريدا ايضا رأيك انا متأخر بعض الشيؤ راني مخصص 4ايام لكل وحدة فيزياء وفيها نحل فقط تمارين المغني دون الباكلوريات هل انا اضيع على نفسي اشياء؟؟ راني مخلي بعض الاباكلوريات (مثلا 2014 ماشاء الله :mad: ) وبعض التمارين المقترحة للسمانة التالية تاع المراجعة هل انا في خطر؟؟
ارجوا ان لا اكون ثقيلا عليكي كيفما شكرتك لن اوفيكي حقك...
mouhamedaliaissat
2019-05-24, 10:57
السلام عليكم عندي سؤال في الفيزياء

كيف اعرف العنصر الكهربائي المستعمل في الدارة اما مكثفة او وشيعة او مقاومة فقط باستعمال بيان الصور في الاسفل اتمنى اجابة شافية
150765
امـــة اللـــه
2019-05-24, 15:52
اولا شكرا جزيل الشكر لك اختي انت تساعدينني كثيرا في الفيزياء ربي يعطيك اللي تتمناي
العفو... هذا واجبي
أمـــين أجمعين
اما بعد: في الاول كنت اتحدث عن منحنيات الوحدة الثالثة تاع الظواهر الكهربائية يعني اي منحنى نمثلوه نختارو 3ازمنة فقط؟؟

نعم تستعين بهاذيك النقاط للدقة فقط


2- اكتشفت طريقة جديدة باش نخرجو المعادلات بدلالة ur وهي انك تخرجي المعادلة بدالة i ثم تضربين طرفي المعادلة في r
:):)
عندي بعض الاسئلة الاخرى لو تسمحين:
1- هل صحيح ان الغاز والصلب والماء كلها تراكيزها تساوي 1 في كسر التفاعل؟؟

نعم دائما
2- هل صحيح انه لما يكون k اكبر من 10 اس 4 يمكن القول ان التفاعل تام والعكس صحيح؟ صحيح
وماالذي يمكن قوله لما يكون k يساوي 10 اس 4؟؟ تفاعل غير تام


3- في الوحدة الثالثة تاع الضواهل الكهربائية هل صحيح انو كي يكون عدنا منحنى تاع الطاقة يكون 0,63e يساوي tau/2 وليس tau؟؟؟
نعم نزيدلك معلومة e 0.4 هي اللي تقبلها طو( اذا تحاج الاثبات راك تخدم بعبارة الطاقة تعوض أتي بطو تخرجلك

4- هل هناك طريقة للرسم الصحيح لمخطط الطاقة في النووي اعلم ان المتفاعلات يجو فالوسط لكن بعض الاحيان لا يكون كذلك؟ يعني الترتيب يختلف اذن انا كيفاش نعرف؟؟؟
نو أنا نعرف بلي الحصيلة الطاقوية دائما المتفاعلات فالوسط ومكوناتهم لفوق والنواتج لتحت :o

اعلم ان في نقطة نصف التكافؤ في وحدة الاحماض والاسس يكون pka=ph اذا كانت معايرة حمض ضعيف باساس قوي او العكس, لكن هل تنطبق الحالة في حالة معايرة اساس قوي بحمض قوي؟؟؟
حسب مفهومي أصلا واش معناها متساويين؟ احنا العبارة الاصلية نعرفوها بلي( النسبة ph= pka + log ) وعند نصف التكافؤ دائما النسبة = 1 معناها تبقالك pka=ph هل هنا خصصنا صفة الحمض او الاساس ؟طبعا لا اذن مايهمش :)

اريدا ايضا رأيك انا متأخر بعض الشيؤ راني مخصص 4ايام لكل وحدة فيزياء وفيها نحل فقط تمارين المغني دون الباكلوريات هل انا اضيع على نفسي اشياء؟؟ راني مخلي بعض الاباكلوريات (مثلا 2014 ماشاء الله :mad: ) وبعض التمارين المقترحة للسمانة التالية تاع المراجعة هل انا في خطر؟؟
الصراحة البكالوريات من الوحدة الاولى والثانية كنت نطل عليهم لقيت ما استفدتش منهم كلش فالمغني
انت شوف اللي يساعدك اذا فادوك حلهم ولا طل عليهم شفويا

ارجوا ان لا اكون ثقيلا عليكي كيفما شكرتك لن اوفيكي حقك...


ان شاء الله نكون قدرت نجاوبك على اسئلتك :)
بالتوفيق
امـــة اللـــه
2019-05-24, 16:34
السلام عليكم عندي سؤال في الفيزياء

كيف اعرف العنصر الكهربائي المستعمل في الدارة اما مكثفة او وشيعة او مقاومة فقط باستعمال بيان الصور في الاسفل اتمنى اجابة شافية
150765

اذا تقدر صورلي التمرين كامل نحاول فيه :o ممكن نلقا الاجبة على سؤالك
SELIM2019
2019-05-24, 21:17
ان شاء الله نكون قدرت نجاوبك على اسئلتك :)
بالتوفيق

جزاك الله خيرا
اختي الكريمة هل ممكن تنصحيني في الكيمياء بعض النصائح انا جد ضعيف فيها خاصة الاحماض والأسس؟؟ بعض الاحيان ام لا اتوصل الى العلاقات و الحلول التي اغلبها استنتاجية واما استغرق وقتا جد طويل في السؤال الواحد وبطرق اخرى
مشكلي اني بعض الاحيان اني استغرق وقتا في الاسئلة وأشرد معها لهذا جامي كملت الموضوع لا في الفيزياء ولا الرياضيات في عامي السابقين هل من حل؟؟؟؟؟
امـــة اللـــه
2019-05-24, 23:30
جزاك الله خيرا
اختي الكريمة هل ممكن تنصحيني في الكيمياء بعض النصائح انا جد ضعيف فيها خاصة الاحماض والأسس؟؟
أول حاجة نوصيك عليها دير في بالك مكانش حاجة صعيبة
الكيمياء ككل العمود الفقري اتاعها جدول التقدم لازم تعود تلعب بيه لعب وتوالف كيفاه تستخرج منو كميات المادة وبعدها التراكيز ومنو تلعب بسرع التفاعل ..........

بعض الاحيان ام لا اتوصل الى العلاقات و الحلول التي اغلبها استنتاجية

العلاقات كي يطلب منك الاثبات أول خطوة رئيسية تكتب عبارة هذاك المقدار ( العبارة المعروفة ) وتشوف بواش ربطلك هاذاك المقدار مثلا طلب من تثبت تركيز الحمض بدلالة ph أول حاجة تجيب عبارة التركير من جدول التقدم واحنا نعرفو بلي الph عندو علاقةة ب H3O+ ذرك تفكر واش العلاقة بين الهيدرونيوم وتركيز الحمض ؟؟؟؟؟؟؟ مايكون الرابط بيناتهم غير التقدم X

وفالاغلب كي تلقا عبارة تجمع بين مقادير خاصة بمتفاعليم ماشي واحد برك هنا تخم ديراكت فكميات المادة من جدول التقدم وتربط بيناتهم بالتقدم ومن بعد تبسط للتركيز أو الحجم ...
الفيزياء تحتاج التدرب على الافكار ولازم كي تفكر تفكر بالمعطيات ماتفكرش بواش قريت كآمل يعني في حدود التمرين
( بطريقة أخرى تقول واش الحاجة اللي تجمع بين واش مدلي و واش طلب مني )
حذآآآآآآآآآآآر نهار الباك تحثل فالاثبات وتبقا فيه لاقدر الله ماقدرتش تثبت فوتو واستخدم العلاقة هاذيك فالاسئلة اللي بعدو الاثبات مايفوتش 0.25

واما استغرق وقتا جد طويل في السؤال الواحد وبطرق اخرى

الخطأ الفادح أنك تتأكد بعدة طرق وانت ماكملتش اللي لازم عليك صح من الاحسن تتأكد بصح كاينين مقادير عندهم مجالات محددة القيم تاعهم يعني منطقية تعرف صحيح ولا غالط وأكيد هاذ البداهة تكتسبها من التمارين


مشكلي اني بعض الاحيان اني استغرق وقتا في الاسئلة وأشرد معها لهذا جامي كملت الموضوع لا في الفيزياء ولا الرياضيات في عامي السابقين هل من حل؟؟؟؟؟

الحل الامثل والوحيد أنك تحل مواضيع بالتوقيت يعني اختبار فالدار :1:
أول حاجة تزيد الافكار
تتعلم تنظيم الوقت
تتعود على جو الاختبار ماتتوترش فالباك من جانب الموضوع طويل كي تتعود تشوف الموضوع وتحلو تتنحالك العقدة اتاع الموضوع صعيب ومايكفيش الوقت




بالتوفيــــــق
jieona
2019-05-25, 00:27
السلام عليكم
حبيت نصيحتك
انا فاهمة الدروس و حافظة القوانين و حليت بزاف تمارينات
بصح دايما نغلط في طريقة الحل وش لازم ندير خصوصا انو ماعنديش وقت و راني متاخرة في المواد الاخرى
امـــة اللـــه
2019-05-25, 16:53
السلام عليكم
حبيت نصيحتك
انا فاهمة الدروس و حافظة القوانين و حليت بزاف تمارينات
بصح دايما نغلط في طريقة الحل وش لازم ندير خصوصا انو ماعنديش وقت و راني متاخرة في المواد الاخرى
وعليك السلام ورحمة الله وبركاته
أولا قوانين الفيزياء لاتحفظ من الافضل تترسخ بحل التمارين واغلب القوانين يلزم تعرفي اصلها منين جات خاصة اللي يطلب برهانها
بالنسبة للخطأ اذا خطأ فالنتائج ترجع للمشكلة فالتحويل او عدم التعود على الآلة الحاسبة
الحل الوحيد اكثار التمارين وتصحيح الاخطاء كل وين تحلي تمرين شوفي الخطأ وين ويوم ولا يومين عاودي حليه حتى تصلحي الخطأ
بالنسبة للوقت مايكفيكش لازم تضحي ماعندكش حل آخر او تقراي 24ساعة
والتمارين حلي بالتدريج من الاسهل للاصعب وسجلي الافكار في كناشة فالبداية تقدري تستعيني بكراس الدروس تنقلي منو القوانين 😛 ومن بعد يترسخو القوانين فراسك صايي تحلي عادي
بالتوفيق
SELIM2019
2019-05-26, 02:10
بالتوفيــــــق
ساخذ نصائحك بعين الاعتبار شكرااااااا
لهيب الحلم
2019-05-29, 12:58
السلام عليكم
سؤال في الكهرباء ماهو الأساس لربط راسم الاهتزاز المهبطي أين نضع الارضي و أين نضع المدخل ؟لتحديد التوتر بين طرفي المقاومة أو الوشيعة ...؟
loukman x
2019-05-29, 15:26
السلام عليكم
سؤال في الكهرباء ماهو الأساس لربط راسم الاهتزاز المهبطي أين نضع الارضي و أين نضع المدخل ؟لتحديد التوتر بين طرفي المقاومة أو الوشيعة ...؟

ألأرضي يكون من جهة القطب السالب و المدخل مع الموجب و الجهاز لازم يكون بين الأرضي و المدخل
Et apris
2019-05-29, 17:45
وكت يمدلي راسم الاهتزاز المهبطي البيان صحيح بلا ما نضغطو على هذاك الزر بيسك نسيت اليزياء شوي ؟
SELIM2019
2019-06-02, 01:50
سلام
بخصوص وحدة الميكانيك تعلمت بلي ماشي دائما نستعمل القانون الثاني لنيوتن (في المستوي و القذيفة خاصة) ويمكن استعمال انحفاظات الطاقة حسب الحاجة اسئلتي هي:
- متى نستعمل الجملة جسم؟ ومتى نستعمل الجملة جسم-ارض؟ ومتى نستعمل العمل w؟
- في التمارين لم اصادف ابدا استعمال القانون الاول لنيوتن فمتى نستعمله؟ وفيما نستعمله يعني مستوي ام قذيفة ام الشقوط الشاقولي؟؟؟
- ماهو الفرق بين السقوط الشاقولي و السقوط الحر؟
- هل هناك فرق بين مثلا يقولك جد قيمة السرعة و شدة السرعة؟؟؟
- ماهو الجواب عند سؤال ماهي مميزات المسار؟
- هل هناك عبارة محددة للمقاومة R و الاحتكاك f في المستوي والقذيفة (اعلم ان f=kvفي السقوط الشاقولي)
شكرا...
*فصبر جميل*
2019-06-04, 10:31
الكهرباء قولولي كيفاش نحفظ حلول المعادلات و المنحنيات

في الميكانيك حدود ميكانيك نيوتن وين نستعملووها
*فصبر جميل*
2019-06-04, 10:36
في النووي منفرقش بين النقص الكتلي والطاقة المحررة و طاقة الربط يعني كل خطرة نلقى قانون مفهمتش

و مخطط الطاقة اعطينيكاش طريقة باش نولي نعرف نديره ولا نخرج منه المعطيات

ان امكن اكتبيلي عناويين البروتوكولات التجريبية لي نحتاجوها في الوحدة 1 و 4 و 6
لهيب الحلم
2019-06-06, 06:47
السلام عليكم
من فضلكم العبارة الشعاعية لقانون الجذب العام عندي الإشارة ناقص او لا؟؟؟
سعيدة بربي
2019-06-13, 12:57
من فظلكم تمارين نوعية في القذيفة والنواس والاقمار لا اريد الكم اريد الكيف جزاكم الله كل خير
jieona
2019-06-14, 20:32
وشنو هو التوازن القرني ؟ عندو قانون ؟ و وش نديرو بيه ؟
بشرى.22
2019-06-14, 21:05
وشنو هو التوازن القرني ؟ عندو قانون ؟ و وش نديرو بيه ؟

خاص بالتقني ورياضي
امـــة اللـــه
2019-08-27, 23:01
ساخذ نصائحك بعين الاعتبار شكرااااااا

قداه جبت في الفيزياء ؟ :1:
SELIM2019
2019-09-04, 19:15
قداه جبت في الفيزياء ؟ :1:
16 ^^
الحمد لله
امـــة اللـــه
2019-09-05, 16:36
16 ^^
الحمد لله

ولله الحمد
الصراحة توقعت أكثر :)
ايمانو الجزائرية 01
2019-09-11, 18:55
السلام عليكم و رحمة الله تعالى و بركاته


حنا الاستاذ تع الفيزيا مازال ماجاناش و عالاغلب رح يزيدوا يطولوا باش يجيبولنا يعني رانا متاخرين شوية و ممكن نزيدو نتاخروا و ممكن ثاني يجيبولنا استاذة مستخلفة ( و فهمكم كفاية )


تنصحونيي نبدا نحضر ؟؟ و هل نبدا مالوحدة الاولى ولا الوحدة اللخرة باسكو الوحدات اللخرين هوما لي بالاك منلحقولهمش سيرتو الا كانوا اضرابات ولا



باش تنصحوني ؟؟؟
نـــورسين
2019-09-11, 20:40
السلام عليكم و رحمة الله تعالى و بركاته


حنا الاستاذ تع الفيزيا مازال ماجاناش و عالاغلب رح يزيدوا يطولوا باش يجيبولنا يعني رانا متاخرين شوية و ممكن نزيدو نتاخروا و ممكن ثاني يجيبولنا استاذة مستخلفة ( و فهمكم كفاية )


تنصحونيي نبدا نحضر ؟؟ و هل نبدا مالوحدة الاولى ولا الوحدة اللخرة باسكو الوحدات اللخرين هوما لي بالاك منلحقولهمش سيرتو الا كانوا اضرابات ولا



باش تنصحوني ؟؟؟

-
وعليكم السلام ، لوكان تبدي بالوحدات الاخيرة ضيعي وقت وماتفهمي والو لانوا الوحدة الاخيرة جامي دخلت والاهتزازات عندها علاقة بوحدة الكهرباء

والميكانيك يعني غير تخلطيها على روحك ، انا العام لي فات صارتلي كيما حالتك كملت الوحدة الاولى وحدي وكتبت القوانين والدرس وحدي من

اليوتيوب والملخصات وبعدها قريناها في الدروس الخصوصية

ننصحك تبدأي من الوحدة الاولى لانها قريتيها في الاولى الثانية ليسي *قوانين كميات المادة ، الضغط ، الناقلية ، المعايرة ، جدول التقدم ، المتفاعل المحد
المعادلات المؤكسد والمرجع ..*

فيها ممكن بعض الاضافات نظن هيا السرعات والاشتقاق والبراهين على العلاقات
ماراكيش دايرة دروس خصوصية ؟
ايمانو الجزائرية 01
2019-09-12, 21:25
شككككككرا حبيبتي نور بارك الله فيك ربي يجازيك

الاستاذ لي زعما مليح و كنت رح ندير عندو راح للاسف
ايمانو الجزائرية 01
2019-09-21, 16:59
السلام عليكم و رحمة الله تعالى و بركاته


تعيشو فالتمرين هذا



https://3.top4top.net/p_1359ymjnf1.png (https://up.top4top.net/)



علاش ضربنا الضغط في 10 اس -3 ؟؟؟
عاشقة الكواكب
2019-09-21, 18:09
السلام عليكم و رحمة الله تعالى و بركاته


تعيشو فالتمرين هذا



https://3.top4top.net/p_1359ymjnf1.png (https://up.top4top.net/)



علاش ضربنا الضغط في 10 اس -3 ؟؟؟

ضربناها بش نتحصلوا على الوحدة باسكال
أمل أميرة
2019-10-06, 12:05
مارايكم في تمارين كتاب الاستاذ قزوري هل تنصحوني بها ام لاتتوافق مع الشكل الجديد للباكالوريا
نـــورسين
2019-10-06, 13:21
السلام عليكم و رحمة الله تعالى و بركاته


تعيشو فالتمرين هذا



https://3.top4top.net/p_1359ymjnf1.png (https://up.top4top.net/)



علاش ضربنا الضغط في 10 اس -3 ؟؟؟

هذاك ماشي الضغط ، هذاك الحجم أعطاوهلنا باللتر وفي هذا القانون لازم تحولي لمتر مكعب
وباش نحوللو من اللتر الي المكعب نضربو في عشرة أس ناقص ثلاثة
Amira_Miral
2019-10-26, 00:01
مراجع ثرية في الفزياء هل يكفي كتاب المغني بجزأيه؟؟