وين راكم في المراجعة

[minani123]

السلام1
كيف الاحوال :dj_17:
اليوم حبيت نسقسيكم وين وصلتو في المراجعة باه نوف روحي متأخرة ولا لا
التاريخ خلصتها مزالي المصطلحات
اما الجغرافيا مازال مابديتش
الادب راني خلصت القواعد نراجع الصور البيانية و نحل بكالوريات
الانجليزية مازاتلي الوحدة الاولى وايضا الفرنسية
العلوم حبست في الوحدة الثانية من الجيولوجيا
الفيزياء راني في الاحماض و الاسس
الشريعة خلصت مزال درس الميراث نخلص ونتهنى منها
الفلسفة ليا شهر ومامسيتهاش اخر درس حبست فيه العلوم الانسانية مع العلم انو الرياضيات لم اهتم بها
اما الرياضيات حصلت في الاعداد المركبة صعبة جدا خممت اني نفوتها ونروح للدوال الاصلية نخلي الاعداد المركبة هي الاخيرة

وانتم وين وصلتو

[~ قدس ~]

انا بالرغم من اني حرة لكن لعض الامور ماكملتهاش 100 بالمية ..
مثلا الحفظ راني شادة حفظ الوحدة لولا برك ..
الاسلامية سااهلة نحفظها في لخر ..
الفلسفة حفظت شوية تاع مقالات وفي الاخير على الاغلب نعتمد على تحليل نص ..
اللغات حدث ولا حرج اما اكيد في اخر عشر ايام نعطيهم اهتمامي كامل ان شاء الله نصيب روحي فيهم ..
رياضيات مزالت احتمالات متتاليات موافقات مارانيش مليحة فيها .. بالنسبة للاعداد المركبة خصك برك تتمرني عليهم بزااف تحلي بزااف تماارين بالحلول تاعهم وكذاش مع المرور الوقت تجيك ساهلة ..
الفيزياء العقبة لي مزاتلي القذيفة ..
بالنسبة ليا انا تقنية سما ماعنديش مادة علوم .. ومام التخصص الحمد لله كملت بروقرام ..

[dounia-zed]

علوم الاتصال المشبكي
رياضيات اعداد مركبة
فيزيا نوووي برك )=
تاريخ وغرافيا وحدة 1
القاي مزال

[الثلـــجة الصغيرة]

مات : اعداد مركبة كل تمرين بفكرة يعيووو
ادب عربي : لي مدة لم ادرسها سأحفظ الملخص ثم انتقل لحل البكالوريات و المقترحات
الفرنسية مازلت ناقصة فيها
الانجليزية راني فالدروس مع القسم و احل البكالوريات (مازال ما مسيتش الفقرات )
العلوم : جيولوجيا
الفيزياء: الميكانيك قبل القذيفة اما المراجعة النهائية راني فالنووي (بديت مراجعتها النهائية لانني ضعيفة فيها)
و التاريخ و الجغرافيا راني حافظة شويا
الاسلامية من الفصل الثاني ما طليتش عليها نخليها في رمضان
الفلسفة قيمة الفلسفة