واش تقولو في العيد

[abdo_spectrum]

أولا عيدكم مبروك وكل عام وأنتم بخير
بمناسبة عيد الفطرلدي اقتراح
أطلب من الإخوة الأعضاء أن يكتب كل واحد الألفاظ التي يقولونها للتهنئة بالعيد بلهجته المحلية يعني كي تتلاقى مع واحد في بلادك كيفاش تعايدو:rolleyes:

[pierre mer]

:mh92::mh92:
في الاول نقولوا--------عيدكم سعيد--------------
ثانيا مثلا صحاب غليزان يقولوا في العيد
صح عيدكم كل العام و انتم بخير و في حضن الوالدين

[abdo_spectrum]

مشكور على التفاعل

[cute_angel]

السلام عليكم ورحمة الله و بركاته

احنا نقولوا صح عيدكم تعيدوا و تزيدوا

و لا صح عيدكم كل عام و انتم بخير

[abdo_spectrum]

مشكورة على التفاعل وصح عيدك

[سلمى]

السلام عليكم
احنا في واد سوف نقولو صح عيدكم كل عام وانتم بخير تعيدو وتزيدو
ولا عيدكم مبارك

[كويتي]

في الكويت يقولون

عيدكم مبارك

عساكم مو عواده

تقبل الله طاعتكم

[abdo_spectrum]

مشكور أخي كويتي على مرورك

[الفارس]

احنا في جيجل نقولو

صح عيدك و كل عام وانت بخير و العام الجاي نصيبوك ف الشي اللي كي تتمنا.

او نقول الامنية مباشرة .

مثلا العام الجاي نصيبوك بمرا والدراري.
او العام الجاي نجبرك بالحانوت وحدك....

[BONOI]

في عنابة وما جاورها نقولو 'عيدك(كم) مبروك واللهم اغفر للجميع

[ABOU MOHAMMED]

أمّا نحن فنقول:
معيّدين فايزين، لعقوبة لداير واحنا حيّين.
ومعنى لعقوبة لداير: إن شاء الله ندرك العيد المقبل.

[رثاآء]

حنا نقولو عندنا في شناورة
صح العيد انون وتعاوذم ما يخس ربي انمسلقى ذي ساعث الخير ذي البركث
معناه

عيدكم مبروك تعيدو وتعاودو العقبة للعام الجاي ان شالله
هادي اقولوها تاني في وهران
وشكرا على الموضوع

[right click]

بوركت ********

[حورية02]

نحن في الشلف انقولو صح عيدكم وكل عام وانتم بخير تعيدو وتزيدو

[brattiba]

احنا عندنا في مستغانم في العيد نقولو
عيدك مبروك
وللا كل عام وانت بخير
وللا تعيد و تزيد
وللا العقوبة للعام الجاي
وللا العقوبة ل 100 عام

[لوليا]

السلام عليكم هنا في الشلف نقولو ***صح عيدكم تعيدو بالصحة والستر*** وين راكم يا اصحاب الولايات الاخرى

[ريماس]

صحى عيدكم كل عام منتم بخير
يعيدوا وتزيدوا وسنين دايمة.

[بنت الغزلان]

السلام عليكم
احنا عندنا نقولو صح عيدكم تعيدو وتزيدو
وكل عام وانتم بخير

[mayaarifi]

احنا لقبايل نقول العيد امربوح

[cherifi mcs]

حنا نقولو:
ربي يعيده علينا و عليكم بالستر و البركة

[نور40]

احنا في سكيكدة وما جاورها صح عيدك ولا نقولو عيدك مبروك.

[صلاح البسكري]

السلام عليكم
اما في بسكرة عروس الزيبان :
فنقول عيدكم مبارك ما يكون داير إن شاء الله ( يعني اعاده الله علينا بالخير والبركات ) او
تقبل الله منا ومنكم وغفر الله لنا ولكم
اما انا فساغير قليلا :
نتش اذنيغ : العيذ انون ذا مبارك نيغ صح العيذ انون وتعاوذم ما يخس رب
والسلام عليكم
اقداش صلاح سي بسكرث

[الواجهة]

احنا نقولوا صح عيدكم تعيدوا و تزيدوا

و لا صح عيدكم كل عام و انتم بخير

[طارق الزناتي]

وحنا ناس ورقلة نقولو تعيدو وتزيدو
صح عيدكم
عيدكم مبارك

[Noumidy]

حنا في قسنطينة نقولو : عيدك مبارك ... اللهم اغفر للجميع ..... سنين دايمة ..... تعيد وتزيد ------ ( هذه هي المعايدة المشهورة ) طبعا وفيه الكثير من المعاديات الاخرى مثل "صحا عيدك" وغيرها لكن الأكثر شيوعا في قسنطينة هي "عيدك مبارك"

هذه في حالة اللذين يعايدون بعضهم بالمعانقة أما عندما تكون معايدة بين رجل وامراة غريبين على بعضهما مثل زوجة الأخ أو الأقارب من بعيد أو الجيران فيقول أحدهما "عيدك مبارك يافلان" فيجيبه الآخر "الله يبارك فيك" ..... بدون أي لمس ولا معانقة

[mimi.algeria]

حنا نقولوا: صح عيدكم,كل عام و نتوما بخير
تعيدوا و تزيدوا أن شاء الله..و كاين اللي يزيد السنة و داير{ يعني السنة و العام الجاي و هكذا..}...و مع الأخير نقولوا اسمحلي ولا اسمحيلي...باش ندوموا المحبة..

[صفاء]

حنا تع قسنطينة نقولو :
صح عيدكم كل عام وأنتوما بخير تعيدوا و تزيدوا

[الوليـد]

السلام عليكم
اسمحولي برك
بالعربية الفصحى:
عيدكم مبارك ،تقبّل اللّه منّا و منكم و غفر اللّه لنا و لكم

[أريج_1]

احنه نقول عيدكم مبارك

وكل عام وانتم بالف خير

[إلهام قسنطينة]

احنا في قسنطينة نقولوا :
عيدكم مبروك كل عام و انتما بخير تعيدوا و تزيدوا و سنين دايمة

[sofiane batna]

في بـــــــــــــــــــــــ (صحا عيدك.. كل عام وانت بخير ..تعيد وتزيد...اللهم اغفر للجميع )ــــــــــــــــاتنة

[عبد الناصر أمازيغ]

السلام عليكم و رحمة الله و بركاته
نقول في العيد : العيذ إيك تسمربوحث ، أو مبروك العيذ إيك ، بمعنى عيدك مبارك ، و نقول أيضا ، أذيعفو ربي ادنوب انّاغ. أي : غفر الله ذنوبنا. أو نقول : أتسعقذض أتسرنوض انشا الله ( ق = g ) بمعنى : تعيد و تزيد إن شاء الله

[الأخ سعيد]

وحنا نقولو:
عيدكم مقروض كل عام و نتوما تسودو
هههههههههههههههههههههههههههههههههه

[hibet]

عيدك مبارك و كل عام و انت بخير

[rafika1988]

احنا في عنابة نقولوا عيدكم مبارك كل عام وانتم بخير تعيدوا وتزيدوا

[*شهلة*]

في العاصمة نقولو "كل عام و انتوما بخير تعيدو وتزيدو"

[مرام1]

احنا في دزاير نقولو صح عيدكم كل عام وانتوما بخير تقبل الله منا ومنكم
وفي تيسمسيلت يقولو مبروك عيدكم

[mcs saida]

ايها الاخوه نتفاهموا نقولوا تقبل الله منا ومنكم هذى كلمه مليحه بارك الله فيكم

[لؤلؤة الغرب الج]

صح عيدكم كل عام وأنتم بخير نعيد ونعاود هذه عند بعض المعسكرية
والله يعلم

[نعمة القدوس]

أول حاجة السلام عليكم ورحمة الله وبركاته
في العيد دائما يكثر التسلام يوليو كامل عيشات البواسات ههههه
المهم مع كل بوسة كاينة جملة
يبداو ..
عيدك مبروك وكل عام وأنت حي وسنين دايمة وتعيد وتزيد .. ومنعرف كيفاه تكمل أنا أصلا مانقولهاش
نقدم خدي ونخليهم هوما الي يهدروها نقول غير عيدك مبروك ... والله هادي وبزاف ههههه

تقبل مروري