مشكلة كل فتاة....الزواج!!!

[مشكلتي]

السلام عليكم
باختصار انا مشكلتي انه كل لي يتقدمولي دون مستوى دراسي ولا عمل ثابث ولا سكن ...صراحة تعبت من هاذ الموضوع مع العلم انه مستواي دكتوراه وعاملة في عمل جد محترم ومرموق ..وجربت اني نشوف هاذ النوع من العرسان ونتبادل أطراف الحديث ولكن ماكان حتى توافق مع العلم انا في العشرينات ..صراحة تعبت وخاصة من ضغظ اهلي والمجتمع علي منيش حابة نزوج ونلقى روحي في وضعية صعيبة انصحوني وادعولي بالزوج الصالح

[saydek xxo]

دعك من كلام الناس والمجتمع وحتى أهلك لا سكن لا عمل ولا هم يحزنون أضن سيكون زواج فاشل ادعي الله في أوقات الاستجابة ورمضان على الأبواب وهي فرصة رائعة للدعاء وربي يرزقك بالزوج الصالح

[حورية تو]

رزقكي الله ما تتمنيه والزواج لا يكون تحت الضغط سواء ضغط المجتمع أو الأسرة*

[ابو سليمان10]

من غير الممكن الحصول على كل الامور الايجابية دفعة واحدة الا نادرا
قد ياتيك من هو ذو مستوى و لاكن قد يكون فيه علة اخرى
انا لدي شهادة عليا و لاكن لا اظن انه من المهم ان تكون زوجتي كذلك

[123boutheina]

سلام طيب ل روحك

اظنك كطفلة عاقلة ومنطقية من الصعب تخلي روحك ف يد الكلمات والضغط الي ممكن يخليك ف وضعية حرجة مستقبلا !!

اذن تريثي وحاولي توصي لي قراب ليك يوصوا عليك عند من يرضونهم ...

ربي يرزقك كل خير

[زبدة ذايبة]

من شروط الزواج حصول التوافق بين الزوجين

إذا حسيتي أن الرجل الذي يتقدم إليك غير مناسب لك

ما تحمليش نفسك فوق طاقتها

الزواج لأجل بناء أسرة على أسس متينة

وإذا غاب هذا الشرط فمن الأحسن عدم خوض تجربة فاشلة

تدمر حياتك وحياة غيرك

ربي يرزقك الزوج الصالح المناسب لك

[noursm]

مازال ما جاش مكتوبك هادا ماكان
ما تلوميش نفسك ابدا
اما باقي الاشخاص لا تعيري لهم اهتماما لان هذه حياتك الخاصة و انتي اللي رايحة تتزوجي ماش هوما
ربي يرزقك بالزوج الصالح ان شاء الله
اكثري من الدعاء و الاستغفار

[visa uk]

اختي نعطك نصيحة من القلب اخطك من تشراط بزاف وتكسال بزاف ووووو نعرف واحد تقني سامي لاباس بيه عندو محلو وقرا وبالمحل والوثائق تاعو الخ والله وصلت هي ل37سنة ماتزوجتش كانت تتشرط بزاف ووووووووووووووووووووووووو بصح نهار جا الصح هو شافولو فاملتو وماحبش قالهم طايبة الخ رغم انها مهندسة وقرات مليح وبدارها الخ قالهم مرا عجوزة شيخة طايبة محروقة اش نعمل بيها ارموها مانشوفش اصلا فيها اطلاقا يعني هو ولا يتكسل ويتمدد ورفض رفض قاطع انو يشوف فيها لانو فهم تخمامها من اول نضرة عمل ريكابولاسيون فهم مليح تخمامها داخلي لدا انصرف منها والان راها طابت اكثر 42سنة وتشوف فيه هو تزوج وحدة كيفو وشافتو في كم مناسبة وووو هادي دنيا اختي خمي وزدي خمي جيدا من كل جوانب

[ع.عيسى]

من المستحيل ان تلقاي شاب في مقتبل العمر موفر كل شي : سكن + عمل + مستوى فكري ...الخ ......99 % من الشباب لا يملكون سكن خاص ....70 % من الشباب لا يملك عمل مستقر...لذلك نصيحتي اليك ..ليكن معيارك هو الدين والخلق .ومعك حق ان يكون معيارك ايضا شاب طموح ..اما الماديات فهي من الغيبيات ..قد يكون فقير اليوم ويمسي غنيا والعكس صحيح .. ...اما الشهادات فحدث ولا حرج .. راني خدام في الميدان ونشوف افي فكر ومستوى وسلوك اصحاب وصاحبات الشهادات ليسانس + ماستر + دكتوراه ..يمكن ان نحتصرهم في جملة واحدة ..ان هم كالانعام بل هم أضل ....كثير من الشباب الذين لا يحملون اي مستوى دراسي مستواهم الفكري والسلوكي افضل بكثير من اصحاب الشهادات .....ماشي شرط زوج صالح يكون لديه سكن خاص و عمل ثابت و ما عندوش الخواتات وعندو دكتوراه وسيارة وطولو 180 ..الخ ...ربي يرزقك زوج على قد نيتك .

[قدور بن عاشور]

1-انا مشكلتي انه كل لي يتقدمولي دون مستوى دراسي ولا عمل ثابث ولا سكن....
2- مستواي دكتوراه وعاملة في عمل جد محترم ومرموق


الحكاية باينة: طامعين تخدمي عليهم، و راهي كثرت هذه الطفيليات في المجتمع و الله المستعان.

[amine009]

طامعين فيك اختي ... انا غير قريت الموضوع نفسي دفعتني للطمع فيك فمابالك بيهم .....الله يهدي النفوس

[imane@alger]

من حق غير متعلم يخطبك، كما من حقك الرفض، فزواج مكتوب من عند رب العالمين، اشغلي وقتك و عيشي حايتك ولا تنسى دعاء لله يرزقك زوج الطيب الصالح

[جالب الخيرات]

أقعدي تتخيري و هذا مش مليح و هذا شين و هذا دون المستوى................تلقاي روحك فايتك الترن و تحملين لقب بايرة + دكتوراة (عذرا للمصطلح). ..............يا أختي لو كان الحال بالمستوى الدراسي أو بالمستوى المالي أو بالعقلية لو كان واحد ما زوج أو واحدة ما زوجت.............أختي إذا آتاكم من ترضون دينه و خلقه فتزوجيه.................و خليك من عقلية ما طاحتش العقلية مع بعضها البعض.....................المهم عليك بتقوى الله ....................و خافي ربي و أستخيره...........................و أخيرا عليك بالزواج فإنه أجدى لك بمن ترضين دينه و خلقه ..............كما ان النظرة الشرعية الخالية من كل ما يمس أو يخدش (الدين) و في إطار شرعي فعسى ان يؤدم بينكما....................اليوم الخطاب و غدوة يا ريت يكون خطاب.............................................. .............................
............................؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Elwawy]

هناك العديد من من يملكون ما تطلبين هنا في المنتدى, هل ستقبلين إذا جائكي كل شيء على طبق؟

[ابو سليمان10]

هناك العديد من من يملكون ما تطلبين هنا في المنتدى, هل ستقبلين إذا جائكي كل شيء على طبق؟

سؤال جيد......ليس تقليلا من قدر الاخت لاكن هل من يملكون ما تريد هي سيقبلون بها
اظن انني اعمل في نفس مجال الاخت و اعرف ما اقول

[النجمة القطبية]

بصراحة بحكم اني مريت بهذه المرحلة وتقريبا عندي نفس مواصفاتك لاني طبيبة الفرق الوحيد ربما اني تزوجت وانا ادرس ماشي خدامة
بالمختصر مريت بنفس تجربتك صعوبة إيجاد الزوج المناسب بسبب كثرة شروطي اللي سببها الأصلي الخوف من التجربة بسبب الأفكار المسبقة وتجارب الآخرين
يعني مثلا انا كنت رافضة فكرة الزواج بمطلق و رافضة أن يكون كبير السن والليستة مزال وقعدت نختلق في الإعدار حتى اكتشفت اني إبحث عن المبررات لنفسي حتى اهرب من الزواج دون أن أشعر
المهم نصيحة مجرب أغلب تلك الشروط وهم مجرد ما تلقاي وليد الفاميليا المحترم ويكون مناسب بنسبة معقولة اتكلي على الله وابني حياتك
خاصة انوا راكي في سن الزواج والشباب لا يعوض بثمن متضيعيهش في التردد
موفق

[الواثق]

الذي سيتزوجك لايحتاج دكتوراه الخاصة بك حتى تذكريها .......وانا اعلم علم اليقين ان غالبية العاملات مهما كانت شهاداتهن واموالهن يبحثن عن رجل فراش فقط ولايتدخل في اي شيء اخر فان ظهر رجل ينقد لباسا اااو خروجا او سفرا او او ......قيل عنه انه غير مناسب والدليل هو ان اغلب المتحدثات يقلن لي يحوس على مراة يخبيها عندو يديها مخبية في بيت ابيها .........ايتها العاملات راهم العسكر يحوسو عليكم للزواج فهو في ثكنته ولايستطيع الخروج الا مساءا (اذا كان مخير) وانتن تستطعن التحرك نهارا ححتى يرجع سبعكن......فهنيئا لكن هاته الزيجة .......(بعض العسكر لايرضون بما ذكرت حتى لا اعمم)..........والله المستعان

[visa uk]

كل وحدة وعقليتها كاين نسلء يحبو يتزوجو بصح يحبو الحرية تامة وووو راجل متيتدخل فيها وووو وهن كثيرات يحبو التحرر وتعمل وش تحب في مخها ووو راجل زيادة تماما في عقليتها وشفتهم في عائلتي الخ وكاين مرا ماتحبش اصلا تتزوج اطلاقا تحب تعيش وحدة حرية ومتحررة تماما وكاين انواع عقليات كما رجال ايضا كاين لي يحب يتزوج فعلا فعلا وكاين لي مايحبش اطلاقا زواج مالقري يكون لاباس بيه يحب حرية تحرر تام ووو شايفهم كل واحد وعقليتو

[sarajevo]

حذاري ان تتناولي عن مبادئك ومعايير انتقاءك للزوج فانت محقة لان التوافق بين الزوج والزوجة من اهم عوامل النجاح فما فائدة الزواج لبضع شهور وتجدين نفسك مطلقة انت لا تزالين صغيرة فلا تتسرعي