تسجيل الدخول

مشاهدة النسخة كاملة : طالبة صيدلة في خدمتكم...♡

Dr.imy
2019-04-08, 20:46
سلاااام
عندي شحال مادخلتش للمنتدى توحشتو هههه
بدايةً انا طالبة صيدلة و عندي باك 2016 ب13 و 2017 ب 15 الحمد لله على كل حال ^^
تفضلوا سقسيو واش تحبو علابالي راكم مقلقين و خايفين بزاااف لكن ان شاء الله نقدر ننصحكم بواش نعرف و تستفادو :d
عاشقة علم
2019-04-08, 20:49
ممكن تعطيني برنامج صارم نقرا بيه راني بحاجتو رجاءا بسك منيش موجدة
فاطمة فاطمة 123
2019-04-08, 20:50
سلام عليييكم
بون انا تاني راني حرة باك لول ب 14
لسونسيال واش حبيت نقولك انا حلييت تمارين وكملت كامل لبروقرام ومام لباك ودوكا راني نحوس على تمارين جدد ونحل فيهم مي مازال شوية داك بروبلام نغلط ونبقى نخمم نقول لوكان في باك يصرالي هاك وبزززاف خاييفة + انا نحفظ في تاريخ وجغرافيا لكن في لباك ما ديتش فيه خايفة مالغري حافظة علاش وين راه بروبلام
خبرني واش تنصحيني نتي تاني كنتي حرة واش درتي في باك دوزيام مادابيك تنصحيني والله فغيمون خايفة كتر من باك لول
فاطمة فاطمة 123
2019-04-08, 20:50
سيغتو في هذا الوقت
Dr.imy
2019-04-08, 21:24
بالنسبة للبرنامج نتي ديريه وحدك ^^
راني دايرة فيديو فاليوتيوب عليه
https://youtu.be/Ovi07BTPWDQ
Dr.imy
2019-04-08, 21:31
بالنسبة لسؤالك فاطمة
انا فالباك الثاني بالعكس كنت مرتاحة لدرجة مايهمنيش شحال نجيب...
يعني لازم تكوني هكدا علاخاطر راكي جوزتي من قبل يعني الرهبة تاع الباك ماتكونش عندك كامل انا كي رحت نجوز رحت نضحك و فرحانة و نورمال على عكس الباك اللول....
المهم انا نقولك بلي خودي فترة راحة يعني يوم او يومين ديري فيهم كل حاجة تحبيها يعني repos كولي شيكولات شوفي افلام ضوفي مسلسل شوفي تيفي كونيكتي حتى تشبعي ديري كل حاجة تخليك تنساي الباك و ماتتوتريش و ماتخمميش فيه
لما تحسي نفسك خلاص ارتحتي بعد يومين ولا تلاتة لتماك تقدري تتوكلي على الله و تبداي المراجعة غير بلعقل
انا نقولك غير مكالاه تبقاي تنوعي فالمراجع ماتفيدكش هادي بلعكس تقلقك يعني حلي الباكات لي فاتوا بلعقل كل يوم ديري باك من كل مادة علمية زعما ديري ورياضيات و شريعة...الخ الصح دوكا انك تحكمي في راسك الحفاظة و الاجابات...الخ ماشي وقت تدخلي معلومات جديدة ولا باش تتوتري غير ادا كانت حاجات خفاف برك معلومات صغار حابة تشديهم اكتبيهم في كراس خاص مثلا...و تاني ديري كراس فيه ملاحظات الحاجات لي تنسايهم مثلا تنساي دايمن كيفاه تبداي تحلي تاع دوال دراسة تغيرات اكتبي اولا لازم نديرو النهايات ثانيا....وهكذا
بالتوفيق و اذا عندك سؤال اخر قوليلي
peggy
2019-04-08, 21:53
عندي بروبلام مع مواد الحفظ, كيفاش كنتي ديري مع تاريخ و جغرافيا؟ خاصة عامك الثاني؟ أنا راني كي نطلع على مصدر نصيب حاجة, و كي نروح لمصدر أخر نصيب حاجة أخرى (وجيز-محمودي عادل-معالي) و كراس القسم مانديرش فيه ثقة, ماين شحال من حاجة ما دارتهاناش أستاذة في القسم صبتها فلي باك. و هي أصلا تنتبلنا من كراس تاع تلميذ مرة, و مرة من محمودي عادل, يعني من اللي تصيبو قدامها. إذن أي مرجع نهائي تنصحي بيه؟ و مادامك تخصص صيدلة. ما هي الطريقة المثلى للحفظ؟ و كيفاش نقعد عاقل على لي حفظته؟

-و في مادة العلوم الإسلامية هل أكتفي بحفظ العناوين و فهم المحتوى فقط؟ لأنو شفت بزاف لي يدو العلامة الكاملة يحفظوا العناوين و التعاريف فقظ و المفاهيم و غيرها يعيدوا صياغتها بأسلوبهم الخاص. و هل لازم نحفظوا الأيات؟

-الحاجة الثالثة هي أني في الرياضيات و العلوم الفيزيائية طوال العام كنت نكتفي فقط بالفهم الشامل للدرس و من أين أتى كل قانون (و بعض المفاهيم) و حليت بعض التمارين هنا و هناك من الكتاب و بعض البكالوريات. على أساس أنو كي نحل التمارين في أخر شهرين راح نتذكر أفكار التمارين لي حليتها و راح نوالف حل التمارين و المواضيع (مع أنني شعبة رياصيات) فهل كنت على صواب و هل منحاجي في العمل هو الأحسن؟

-من أين أتعلم منهاجية الإجابة و التنظيم في الرياضيات و الفيزياء؟ حيث أن إجابتي و ورقتي فالإمتحانات تكون عبارة عن فوضى عارمة




و في الأخير أعطينا تحفيز إن أمكن p: راني نقارن نفسي مع الناس بزاف. و بالزيادة كي نحضر فالقسم و نرجع نلقى تفكيري مشتت و ما نقدرش نركز نحفظ درس. و في العطلة كي نقرر نبدا نحفظ نصيب روحي درس واحد و أنا نعاود فيه طول النهار
الملآذ
2019-04-08, 22:49
السلام ..
لطف منك مبادرة جميلة مثل هذه ...انا طالبة جبت 14 في باكي لول وباغية الامتياز ان شاء الله ...
يعني انا اعاني من تأخر في بعض المواد فهل بامكاني اللحاق...
بالاضاافة الى ذلك ماهي المواد التي اسقطتك في باكك لول وكيفاش تداركتيها وماهي اكثر الشهور الي زادت وتيرتك متاع لقراية فيها ...
Dr.imy
2019-04-09, 12:28
سلام اعتذر على التاخيييير
نبدا بسؤالك peggy ^^
تاريخ و جغرافيا اهم حاجة ماهيش الدروس
لوكان تضرب طلة على الباكات لي فاتو تلقى الدرس يطيح فقط في الوضعية الادماجية ^^
يعني الصحفي المصطلحات و الشخصيات احفظهم مليح و ركز عليهم+الخرائط
بالنسبة ليا ماكنتش نخلط لا هادي لا هاديك حفظت دروسي من كراس القسم لأنو هاداك هو الصح اذا اعتمدت على مصدر اعتمد على واحد برك انا نظن الكراس احسن لانو الاساتذة كي يديرو الدرس عندهم المقرر او البرنامج الوزاري يبعتوهولهم ماتقدرش ديرلك حاجة و حاجة تنساها اذا حاب تضيف اشياء عادي ضيفها للكراس
الباكات جامي يجيو وش حفظت لوكان تطاوعهم تحفظ تاريخ الامم كامل
يطيح فهامة و في عامين دياولي درت شوية من راسي في الوضعية لانو حاجات مانقولش ما جزناش عليهم ولكن ماشي كيما طاحلنا يعني افهم الدرس و احفظو وخلاص ماشي مليح التذبذب و كثرة المراجع
اسلامية عجبتني الملاحظة تاعك على لوخرين...ايه ماهيش حفاظة 100% و السر يكمن فيييييي الايات ^^ انعم ايه جبت في عامين تاوعي 18.5 زوج باكات في الاسلامية اعتمدت على مصدر واحد ملخصات محمد هردولي قالولي بدلولكم المنهج و ماعادتش تصلح المهم شوف مصدر واحد خيرو نتا يكون مليح و مايكونش معمر بالتغنجيق �� يكون مختصر فيه غير عناصر الدرس و المطات فقط +اختار ايات من كتاب الميسر لكل درس و الفوائد.....
و فالامتحان ماعليك غير تعمر الورقة بالايات ولا احاديث ماتحتاجش يطلبو منك فالتمرين حتى اذا عطاولك اية و قالولك استخرج منها ايه تستخرج كل فائدة زعما تكتب علاه كتبتها تستدل مع اللول بالاية لي مدوهالكم و من بعد كي تشرح زيد الايات تاع الميسر لي حفظتهم ^^
ماتحفظش الكتاب كامل لالا خيّر لي يكونو صغار و يجوك ساهلين للحفظ
Math و فيزيك عليك وعلى الملخصات اكتب القوانين+الافكار في اوراق بيوضا ولا كراس خاص بطريقتك تحب بالدارجة المهم تفهمهم و اكتب الافكار الجدد لي لقيتهم فالتمارين و جامي لقيتهم من قبل تحتاج هادو فالليلة تاع الباك و حتى كي تحل تمارين تجبد ديراكت الملخصات تلقى راحتك تشفى على كلش ^^ ماكالاه تخلي للدقيقة اللخرة و ماشي مليح تنوع المصار نحل عشرة تمارين منوعين و فيهم افكار نحلهم مليون مرة خير من لي نحل مليون تمرين خطرة ولا زوج و ننساهم فالباك
المنهجية تتعلمها من الباكات السابقة شوف الحل الوزاري بلا ماتكتب شوف برك طريقتهم و شوف التوزيع تاع النقاط
كاينة حاجة حبيت نهدر عليها math راهي بحد ذاتها منهجية شوف الكتاب المدرسي كاين القاعدة و تحتها تلقى تمارين محلولة صغار هادوك هوما اتعلم منهم المنهجية علاخاطر هاااااادوك تاع الوزارة
و مثلا اكتب تاني ملاحظات ولا عفايس تنساهم زعما باينة كي يقولك ادرس تغيرات الدالة f كاين خمس مراحل
النهايات/نشتقو الدالة/نحددو الاشارة كتابيا /تحسب ديلتا زعما..../دير جدول الاشارة /من بعد جدول التغيرات تاع f / و اخيييييرا تكتب بلي من المجال كذا الى كذا الدالة متزايدة و من المجال....متناقصة و تنعدم في الفاصلة كذا^^
C pas facile علابالي و جزت على هاد المرحلة حاول ماتخممش فالناس واش دارو....اهم حاجة ابتعد عن النااااس دير حدود ماتبقاش تسقسي نتا وين وصلت....قارن روحك مع روحك قول شحال بقالي الدروس وين راني لاحق وين لازم نزيد فالمجهود و هكدا....و حفز روحك تاني قول بلي انا تعبت و ربي حاشاه جامي يظلم عبدو و اكيد رح نلقى حق تعبي و تاني ادعي عليك بالدعاء ماكاش قد دعاء المؤمن لنفسه بزاف اقرا الاذكار و المعوذات اسمع قرآن كي يجوك الافكار تاع الوسواس اسمع رقية شرعية كاينة فيوتيوب للتركيز...و ارقد مليح و كول مليح و عيش حياتك عادي ^^ قول انها مرحلة و تعدّي و برك
بالتوفيق
Dr.imy
2019-04-09, 12:33
الملاذ
بالنسبة للوقت ان شاء الله يكفيك ماتخافيش نظميه برك اكيد تلحقي و اقراي مادتين ساعة ساعة خير من لي تجيبي يوم كامل حاصلة في درس واحد من مادة وحدة نظن فهمتيني ^^
المواد اللي طيحتني كانت العلوم بصح غلبتها الحمد لله ^^
الريتم كنت كل مرة نزيد فيه بديت بلاااااعقل في نوفمبر كي السلحفاة و بدا يزييييييد حتى لحق الباك بوووووم مانرقدش نروح نجوز هكداك كي المهبولة
المهم ابداي كل يوم زيدي زعما راكي تحلي تلات تمارين فاليوم من علوم زيدي كل يوم واحد ولا بالسمانة ابداي تزيدي يولو عشرة فاليوم و اعتمدي على الوققققت اخدمي عليه كي تحلي باك فالدار ديري الوقت تلت سوليع و ابداي تحلي باش تتدربي على السرعة خاصة المات
ربي يوفقك â™،
tajwid
2019-04-09, 15:33
سلام عليييكم
بون انا تاني راني حرة باك لول ب 14
لسونسيال واش حبيت نقولك انا حلييت تمارين وكملت كامل لبروقرام ومام لباك ودوكا راني نحوس على تمارين جدد ونحل فيهم مي مازال شوية داك بروبلام نغلط ونبقى نخمم نقول لوكان في باك يصرالي هاك وبزززاف خاييفة + انا نحفظ في تاريخ وجغرافيا لكن في لباك ما ديتش فيه خايفة مالغري حافظة علاش وين راه بروبلام
خبرني واش تنصحيني نتي تاني كنتي حرة واش درتي في باك دوزيام مادابيك تنصحيني والله فغيمون خايفة كتر من باك لول

سلام فاطمة اهتزازات الكهربائية قريتها ولالا وبخصوص التركيب الضوئي كملتيه سمعت قالو حذفو بعض المعدلات هل هذا صحيح ??
فاطمة فاطمة 123
2019-04-09, 15:49
وي قريتها مي سمحيلي اختي اناتقني خاطيني علوم
فاطمة فاطمة 123
2019-04-09, 15:50
مي شوفي وحدة دارت موضوع عليه على ما اضن
tajwid
2019-04-09, 19:12
مي شوفي وحدة دارت موضوع عليه على ما اضن

شكرا علبالي حبيت نتاكد برك
فاطمة فاطمة 123
2019-04-09, 19:23
العفو ادا تسحتقي حاجة ولا قوليلي هه
tajwid
2019-04-09, 20:42
العفو ادا تسحتقي حاجة ولا قوليلي هه

شكرااا بالتوفيق:)
الملآذ
2019-04-11, 20:17
صحيتي ربي يوفقك