تسجيل الدخول

مشاهدة النسخة كاملة : مشروع الطباعة على السيراميك

faty85
2019-03-20, 13:54
السلام عليكم و رحمة الله
في الاوانة الاخيرة و نظرا لظروفي الصعبة الحمد لله قررت اني ادير مشروع صغير في بيتي المهم جمعت بعض المال و اشتريت مكينة presse à chaud 5 fonction
تطبع على السيراميك و القماش و الصحون . المشكل هو اني معرفتش نستعمل دراجات الحرارة و الوقت المضبوطين . و بقيت من واحد لواحد نسقسي و نستفسر لكن واحد ما حب يساعدني حطيت حتي اعلانات في مواقع التواصل الاجتماعي الكل يقولولي نساعدوك لكن كي نطرح الاسئلة لا احد يجيب .انا ما طالبة والو غير ينعتولي درجات الحرارة للطباعة في كل حاجة و بعض نصائح و اجره على الله .هذه مكينتي .جزاكم الله كل خير
بنت الجزائر
2019-03-20, 23:00
السلام عليكم ورحمة الله اليك هذا الرابط فيه الموضوع الذي تبحثين عنه اتمنى ان اكون افدتك ولو قليلا الموقع بالفرنسية استعملي google traduction اليك رابط الموقع
https://www.printmytransfer.fr/comment-utiliser-une-presse-a-chaud
faty85
2019-03-21, 20:33
شكرا لك اختي بنت الجزائر*
najih7
2019-03-25, 17:57
ممكن تفيدينا كم سعر هذه الماشينة و شكرا
med1993
2019-03-26, 03:50
السلام عليكم
الأخت الكريمة للطباعة على السيراميك من كؤوس وصحون ... يلزم عليك تشري كؤوس و صحون خاصة وقابلة للطباعة عليها أيضا هذا النوع من الطباعة يعرف بالطباعة بالسيبليميشن sublimation، ايضا لازم توفري نوع محدد من الحبر يعرف بحبر السبليميشن و ورق طباعة يعرف بورق السبليميشن، يعني في محصلة الفكرة لازم توفري الة طباعة الخراطيش تاعها Cartouche d'encre قابلة للتعبأة باش تعمريها بحبر السيبليميشن وتقومي بطباعة الصور على ورق السبلميشن و تكون طباعة الصورة معكوسة Miroir باش تخرجلك عادية عند ضغطها بال presse a chaud اللي شريتي، فيما يخص درجة الحرارة راح نبحثلك عليها فيما يخص ال sublimation أو يمكنك البحث في اليوتوب تحت عنوان sublimation heat press machine لان انا كنت نستعمل نوع اخر من الطباعة واللي هو le flocage مختلف درجة الحرارة و الوقت
أيضا مكمن هذا الفيديو يساعدة انتبهي جيدا لدرجات الحرارة اللي يستعملها لان الفيديو سريع بعض الشيء : https://goo.gl/UiAaAc
تفضلي اي سؤال اخر لانو فهذا المجال أصحابو بخلاء بالمعلومات.
faty85
2019-03-30, 16:13
بارك الله فيك اخي med1993*
انا عندي كلشي من الحبر و الكؤؤس و الاصق و كلك الورق انتاع sublimation* المهم شارية كلشي و بديت نخدم*
بصح عندي مشكل في الوقت و درجات الحرارة لكل حاجة مثلا القماش .casquette . الخ*
و للاخ الي يسال عن السعر شريتها ب 2 ملاين* و الصرف من موقع marquet place على الفيس بوك*
med1993
2019-03-31, 04:11
اذا شوفي الفيديو هذا https://goo.gl/UiAaAc واكتبي الوقت ودرجات الحرارة اللي استعملها لكل حاجة
المهاجر001
2019-04-26, 15:00
اكيد تلقاي على اليوتوب او مقالات على الالة و كيفية استعمالها . اعطينا اسم الالة و اكيد نقدرو نساعدوك
brahim21
2019-05-18, 14:56
اني نستعمل في درجة 340
نطبع كل شيء بنفس درجة الحرارة جيد جدا