بخصوص الشوفة و ما يجب إحضاره من خاتم و هدية ؟

[Sam1To]

السلام عليكم،

توجد فتاة اعجبت بها و مقتنع بها،

و أريد الذهاب إليها لتلبيس الخاتم مع العلم أني في ولايتين مختلفتين أكثر من 200 كيلو متر،

هي من ولاية المسيلة،

ادا كنت أعرف الفتاة جيداً و مقتنع بها، أريد أن البسها الخاتم ، نعينها يعنني

ماذا آخد معي، هل أشتري فقط خاتم ب 2 -3 ملاين و هدية ، (لا أدري ماذا أقدم كهدية :sdf:) أنا شاب لا أفقه شيئاً في هذه الأمور،

أتمنى أن تشرحو لي ماذا أشتري و كل شيئ بالتفصيل ،


مع العلم أنا من ولاية بعيدة و هي من ولاية المسيلة

و كم تكلفني التعيينة أو الشوفة أو الملكة أو كما تسمونها المهم حاب نحكم الطفلة قبل ما يطيرو بيها ههههه :rolleyes:

في إنتظار الإجابة

[Sam1To]

27 مشاهدة ولا رد ...

[عماد الفقير]

السلام عليكم
انا من ولاية المسيلة يا خويا الزّين ، مرحبا بيك

هل تقدّمت لخطبتها من ولّيها الشرعي أم ليس بعد ؟
ان كنت كذلك و تمّ القُبول المبدئي و نويتما الخطبة الشرعية بعده ، لك الحق في السؤال مباشرة عن
عادات المنطقة و تقاليدها ، الأمر سهل جدّا ، تكلّم من زوجتك (( ان كنت قد عقدت عليها شرعل طبعا ))

[Sam1To]

السلام عليكم
انا من ولاية المسيلة يا خويا الزّين ، مرحبا بيك

هل تقدّمت لخطبتها من ولّيها الشرعي أم ليس بعد ؟
ان كنت كذلك و تمّ القُبول المبدئي و نويتما الخطبة الشرعية بعده ، لك الحق في السؤال مباشرة عن
عادات المنطقة و تقاليدها ، الأمر سهل جدّا ، تكلّم من زوجتك (( ان كنت قد عقدت عليها شرعل طبعا ))
لم أتقدم لوليها الشرعي بعد، أريد عمل الخطوة الأولى ماهي الخطوة الأولى التي أقوم بها ؟

أنا حاليا فقط حاب نحكم الطفلة، نلبسلها خاتم و نبين نيتي لأهلها و نعرف راي أهلها، هذا أهم شيئ عندي في الوقت الحالي

[عماد الفقير]

خويا

الرجل يطرق الباب مباشرة ان أراد العفاف طبعا و لا أتهّمك هنا .

تقدّم لوليها أوّلا ، ربّما تُرفض و ربّما هي مخطوبة ... لا نعلم بعد

تقدّم لها أوّلا يرحمك الله
بالتوفيق

[بـــيِسَة]

سلام

الف الف الف مبروك ربي يكمللكم

شوف اول حاجة دبر نميغو تيليفون تع اب البنت او جدها او عمها او خالها او اخوهااااا
و اتلاقاو او في التلفون فقط احكيلهم واش رح ادير قوللهم حاب نخطب بنتكم على سنة الله ورسوله
و مبعد كي يقبلوا حدوا اليوم الي تروح فيه انت واهلك عندها و لازم والديك تاني يكونوا قابلين اوكي

و مبعد اشري خاتم بسيط سااااامبل لانها هادي اول مرة برك تع الشوفة
و تاني ادي معاك العطر و صابون تع الريحة و برتقال او اي فاكهة و الكعك هادا مكان و الا حبيت ادي الخاتم و الكعك برك و فاكهة نورمااااااال
لازم الكعك و الخاتم اوكي و كل واحد و عاداته ... كملت و هادا مكان و يااااااااااارب و اجعلها على خير ان شاء الله
و عندي امنية ادعيلي تتحقق بخير و شكرااااااااااااااااا .
.ههههههههه
حقااااا نسيت و كي تروحوا انت اسكت اوكي خلي ابوك و ابوها يحكوا برك هههههه
و ادي غير 2 ولا 3 عباد برك ...
تحياتنا

[Sam1To]

خويا

الرجل يطرق الباب مباشرة ان أراد العفاف طبعا و لا أتهّمك هنا .

تقدّم لوليها أوّلا ، ربّما تُرفض و ربّما هي مخطوبة ... لا نعلم بعد

تقدّم لها أوّلا يرحمك الله
بالتوفيق

بارك الله فيك
سلام

الف الف الف مبروك ربي يكمللكم

شوف اول حاجة دبر نميغو تيليفون تع اب البنت او جدها او عمها او خالها او اخوهااااا
و اتلاقاو او في التلفون فقط احكيلهم واش رح ادير قوللهم حاب نخطب بنتكم على سنة الله ورسوله
و مبعد كي يقبلوا حدوا اليوم الي تروح فيه انت واهلك عندها و لازم والديك تاني يكونوا قابلين اوكي

و مبعد اشري خاتم بسيط سااااامبل لانها هادي اول مرة برك تع الشوفة
و تاني ادي معاك العطر و صابون تع الريحة و برتقال او اي فاكهة و الكعك هادا مكان و الا حبيت ادي الخاتم و الكعك برك و فاكهة نورمااااااال
لازم الكعك و الخاتم اوكي و كل واحد و عاداته ... كملت و هادا مكان و يااااااااااارب و اجعلها على خير ان شاء الله
و عندي امنية ادعيلي تتحقق بخير و شكرااااااااااااااااا .
.ههههههههه
حقااااا نسيت و كي تروحوا انت اسكت اوكي خلي ابوك و ابوها يحكوا برك هههههه
و ادي غير 2 ولا 3 عباد برك ...
تحياتنا

هههه، اشكركي أختي على الرد الظريف الخفيف :d:d

إن شاء الله ربي يسهلنا ، و ربي يسهلك إن شاء الله واش راه في بالك،

[toulay]

وعليكم السلام ورحمة الله وبركاته
اول حاجة ديرها هي تتلاقى مع باباها وتحكي معاه وتقولوا واش راك ناوي بعدها هو يقولك اصبر عليا حتى نشاور الدار ونردلك لخبر ان شاء الله
بعدها مين يجاوبك ويقولك مرحبا بيك تماك انت وهو تتفاهموا وقتاش تجيب اهلك باش تركب الخاتم للطفلة ان شاء الله
فيما يخص واش تدي معاك انت ومقدروك
كاين ليدوا خاتم و une tarte برك وكاين ليدوا معاهم تاني سلة تاع الفواكه وكوفري تاع ريحة والشيكولا
بصح دير الحاجة لتقدر عليها والصح فالهناء والطيب
ربي يسهلك
بالتوفيق

[أم يوسف2]

السلام عليكم حسب خبرتي اولا تكلم مع ابوها اواخوها
عند الموافقة ادي اهلك وروح الشوفة تدي une tarte فاكهة متل برتقال تفاح موز ان استطعت ادي عطر وادا تمت الموافقة كلف امك تمدلها مياتالف او حسب مقدورك
بعدها الخطبة شرعية تدي خاتم تاع الشوفة قيس ما تقدر وتتفاهمو على كلش
بالبركة

[بـــيِسَة]

بارك الله فيك


هههه، اشكركي أختي على الرد الظريف الخفيف :d:d

إن شاء الله ربي يسهلنا ، و ربي يسهلك إن شاء الله واش راه في بالك،

سلام

انشااااااء الله شكراااا

تحياتنااااااااااااااااااا

[النجمة القطبية]

انا على حد علمي الخاتم ميدوهش من أول مرة
الخاتم في مجتمعنا دليل أن الفتاة مخطوبة أو متزوجة بمعنى ممنوع الاقتراب منها
درك انت أعطي الوقت لأهلك يشوفوها ويقرروا متتسرعش إلا أن كنت متأكد منها ومن أهلها
تقدر تدي باقة زهور محترمة من النوعية تع المناسبات وباتيسري
وهدية مناسبة عطر أو ساعة أو بورتابل أو مبلغ رمزي
ربي يهنيك

[zahra1999]

عييت نفهم طول حياتي واش هو خاتم الشوفة؟

حنا الخاتم نقدموه للمراة في حالة ما اذا كان التراضي والقبول واضح جليا بين الطرفين العريس والعروس واهاليهما.

هنا يقدم الخاتم وتعرف البنت بانها مخطوبة لفلان.

بالمختصر المفيد الخاتم عندنا ندوه في الخطبة أي بعد ترسيم الامور .

ربي يوفقك لما فيه الخير اخي