ااستفسار عن امر يهمنا جميعا

[رانية ة]

السلام عليكم

قرءت في جريدة النهار هذا
اليكم اهم ماجاء فيه

ين كشف بأن الأسئلة ستكون مبنية على الفهم والتحليل بنسبة كبيرة مقارنة بامتحانات السنوات الماضية.
حول نوعية أسئلة الامتحان، قال المتحدث إنه بناءً على تقارير المفتشين الذين هم الأقرب للتلاميذ ويعرفون مستواهم الحقيق.

سيتم تحديد نوعية الأسئلة التي ستكون مبنية على الفهم والتحليل والاستنباط بنسبة أكبر مقارنة بالسنوات الماضية.

وفي هذا الصدد، قال المتحدث إن الديوان خلال العشر السنوات الماضية، كان يعتمد على أسئلة تحليلة.

وإذا تمت مقارنة مثلا بين موضوع بكالوريا 2010 وبكالوريا 2018، نجد أن هناك أسئلة تحليلية واستنباطية آنذاك لكن بشكل ومستوى مختلف.

هل هذا يعني ان الاسئلةة ستكون صعبة طالما انها تعتمد على الفهم فقط
وهل لاجدوى من حل بكالوريات سابقة ؟؟؟؟؟

[ندوشةة]

قالولي مديري لامان في حتى حاجة حلي كلش و والفي على جمييع انماط الاسئلة
مثلا في احد الباكالوريات دارو العتبة فالفيزياء و موقعة من طرف الوزيرة و كلش لكن فالباك كي دخلو لقاو الدرس هاداك بعد

[رانية ة]

قالولي مديري لامان في حتى حاجة حلي كلش و والفي على جمييع انماط الاسئلة
مثلا في احد الباكالوريات دارو العتبة فالفيزياء و موقعة من طرف الوزيرة و كلش لكن فالباك كي دخلو لقاو الدرس هاداك بعد


لا الامر الذي حير ماذا يقصدون بالاسئلة فهم ولن تكون ماكانت عليه من 2010 الى 2018 وغيرها من ثرثرتهم
اوليس الرياضيات وفيزياء فهم ماذا يضبفوا اكثر من هذا

عموما شكرا لكي ;)

[الثلـــجة الصغيرة]

؟؟؟؟
و زادك الميراث و الجيولوجيا و الخرطي اين نحن ذاهبون؟
مؤامرة سرية ضد التلاميذ لتخريب عقولهم من الصغر
لا عتبة لا اضراب لا والو


حابينا نقراو كلش و لا ماكانش الباك .... ما هذا ؟ عقلي فقد عقله !!!

[الثلـــجة الصغيرة]

حتى استاذنا و يغلط فالميراث ان لم ينظر للمذكرة حتى كبار المفسرين فمن نحن حتى ندرس الميراث و نفهمه فوق كل هذا ؟

[الثلـــجة الصغيرة]

ان وُلدت في الجزائر فأنت مذنب طوال عمرك ... من الحرب الى الحرب و الفاهم يفهم !!

[رانية ة]

استاذ الشريعة قال لنا الميراث علموه العلماء في 5 اشهر
فمن نحن لنتعلمه في 3 حصص اولادري

[الثلـــجة الصغيرة]

ههههه راكي تشوفي


بلادنا شابة

[رانية ة]

ياخي قالوا بلي في 2021 يبدلوا كلش امالا علاه رايحين يبدلو نوعية اسئلة من 2019

صراحة انا وحدة من الناس الي يعتمدوا على الحفظ اكثر

[Histidine~]

........




واقيلا اللي نحبس من ضرك و نكمل المانغا نتاعي .. انا علاش راني نغبن في روحي في باطل



على كل حال ربي يجعل الخير خاصة و انها جات مع العهدة الخامسة ربي يستر خلونا نقضوا صوالحنا و نقلعوا

[Histidine~]

"أرسم المماس عند اللحظة t=0 " ... قالنا الاستاذ نتع الفيزيك الدول الاخرى كي سمعوا بينا حسبونا الله يبارك نوابغ قادرين على شقانا


ههههه إنك في الجزائر

[رانية ة]

هههههههههه والله عندك الحق

عيش تشوف لعجب في بلادك
برامج طويلة والاسئلة كامل يجلي عليهم
والجديد رح تعتمد على الفهم فقط

[Histidine~]

حنا علا رانا قاعدين هنا ؟



ايا نهجروا كيما هجروا اللي قبلنا :/



ْ~

[رانية ة]

:/ :/ :/ :/

[رانية ة]

معليش حنا نقراووكلش بيد ربي

[☜ ندى ☆]

هههههه ضحكتوني فيها خير بإذن الله
و رانية لا أظن أن الأسئلة ستكون صعبة كله من المنهاج و كل عام يقولوا الاسئلة مش كي العام لي قبلوا وراح يكون صعب لكن كلهم كيف كيف كلهم سهلين حتى العام هذا تاني إن شاء الله

[الاسكندر الاكبر]

يا جماعة و ضك واش الحل مع الميراث هذا

[الاسكندر الاكبر]

هذا اللي كيما قلتوا العلماء يضربوا معاه 5 شهر و حنا في قسمنا ساعتين اي حصتين مزدنالوش

[~زهرة اللوتس~]

هذا اللي كيما قلتوا العلماء يضربوا معاه 5 شهر و حنا في قسمنا ساعتين اي حصتين مزدنالوش

حنا مزال مدرناهش بصح استاذتنا قالتنا بلي مفيهاش مسائل تطبيقية التعريفات فقط

[shino]

السلام عليكم و رحمة الله تعالى و بركاتهه
اهلا بجماعة البكالورياتوس ان شا الله كل شي تمام؟، اييييه تقول البارح و انا كيفكم فكرتوني بالعام لي فات
الللللمهم بغيت نقولكم النهار من يوم يومها تحب تخرط و تحوس تخلع فالاطفال الصغار (هههه لول ماشي لهاد الدرجة)
مي لوكان يطبقوها يجيبو كيما العام لي فات مثلا العلوم كيما الموضوع الثاني و هو اللي انا خدمتو
فيه افكار و يعتمد شوية على الفهم بصح تكون فاهم الدرس و خدمت الباك تاع العوام لي فاتو
تضمن العلامة الممتازة نوورمال كي والو اديوها من عندي (عن تجربة يا معلم )
و نعطيكم نصيحة فهاد الوقت و كل ما تقربو من النهار الموعود تبدا الاشاعات تخرج
و زادو هذا و نقصو هذا و كلاو هذا و باعو هذا نانانانا متكسروش روسكم بيهم
اقراو بنفس الوتيرة و متخلعوش رواحكم الباك هذا باذن الله راهو اسهل من الاختبارات الفصلية
متضيعوش الوقت برك اقراو و ريحو و كولو مليح "خخخ"
و اخطيكم ثم اخطيكم من الليالي البيضاء هادي ضيعلكم غير صحتكم
و ربي يقدركم و يوفقكم ان شا الله

[الاسكندر الاكبر]

حنا مزال مدرناهش بصح استاذتنا قالتنا بلي مفيهاش مسائل تطبيقية التعريفات فقط

مالا حنا درنا غير مسائل تطبيقية شفويا و في الباك قالتلنا يمودلكم مسألة و يقولك اقسملهم و في الفرض دارتلنا مسألة و دخلتلنا فيها الزكاة ثاني ،


على حساب الدروس اللي رانا نطرقولهم ، سوايع نحس بلي رانا علماء :1: