أحتاج مساعدة

[M.Abdelhak]

في الحقيقة أنا طالب جامعي تخصص الكترونيك متمكن الى حد ما فيها الى أنني غير راض عن هدا التخصص مع العلم عندي 2 بكالوريا لأول علوم و ثاني رياضيات ، كان أول حلم لي هو الطب البشري الى أن الضروف اجتمعت أن لم يتحقق هذا الحلم ، حاولت أن أنسى الموضوع لكن لم أستطيع يعني راني بين أمرين اما اعيد البكالوريا و أحقق حلمي مع العلم عندي راح ندير 23 سنة أم هي قضية نفسية تروح مع الوقت ، الغريب في الأمر راني نحس بتأنيب الضمير أني مدرتش لي عليا في بكالوريات السابقة و ضيعت بزاف وقت ، المهم هادي أول مرة نحط موضوع في منتدى أرجوا النصيحة و شكرا.

[Hou Da Lar]

مدامك مراكش راضي على تخصص لي راك دايره عاود لباك مرة و زوج و 3 حتا تديه بمعدل لي راكي باغيه و دير طب متقبلش باقل من دا
و هاد التانيب مغاديش يروج كونترار عام مورا عام غادي يزيد سيرتو ادا سوتنيت و خدمت في بلاصة مهاش عاجباتك و خدمة مراكش قادر تتقبلها
نصيحة عاود لباك حتا و ادا طلب منك 10 سنين مهم دير التخصص لي راك باغيه و تقرا قراية باغيها و متشوفش في السن درك ولو شوابين كبار تلقاهم يقرو في لافاك و مهامهمش
لراك مسجل لباك 2019 ننصحك تقراله في دو شهور لي باقيين مزال الحال يكفي الوقت و لمراكش مسجل قرا قرايتك في لافاك نورمال و العام جاي توكل عل ربي و سجل و عاوده مراح تخسر والو
ربي يوفقك