الرياء

[مشكلتي]

السلام عليكم
مشكلتي هي اني كلما فعلت شيئا اظن اني ارائي و افكر في الناس مثلا عندما اقرأ القرآن لا احب ان يراني احد لاني اخاف ان اكون ارائي حتى عند ارتدائي الجلباب اقول في نفسي اني ارائي و الدين في القلب ليس في اللباس حتى الناس ينضرون الى الانسان الذي يفعل الخير نظرة ملائكية و انه لا يخطئ و نسوا انه بشر مثله وصرت افكر الان بخلع الجلباب بسبب هذا التفكير

[toulay]

وعليكم السلام ورحمة الله وبركاته
مالا الجلباب لبستيه للناس ودرك راح تنحيه على جال الناس يعني بالمختصر حياتك قاعدة تعيش فيها للناس
شوف يا اختي اذا بقيتي بالعقلية هاذي مراحش تروح بعيد
ياو ربي سبحانه هو ليحاسب علاش محملة نفسك فوق طاقتها
نحي عليك الوساوس الشيطانية هاذي وخلي ربي في قلبك
بالتوفيق

[سامية الاخلاق]

و عليكم السلام ورحمة الله و بركاته
لا يجب عليك الاسترسال في هذا التفكير فهو من الشيطان، فهو يريد أن يصدك عن الخير بأي طريقة، لذلك لا تبالغي في خوفك من الرياء حتى تتوقفي عن العمل الصالح، فهذا الخوف نوعان، محمود و مذموم،
أما المحمود فإذا كان خوفا مع المواظبة على العمل الصالح و عدم تركه ورجاء قبوله من الله عز وجل فهذا يحفزك، فقد ورد في البخاري عن ابن أبي مليكة قال: أدركت ثلاثين من أصحاب النبي صلى الله عليه وسلم كلهم يخشى على نفسه النفاق، وما منهم أحد يزعم أن إيمانه كإيمان جبريل وميكائيل.
أما المذموم فهو الذي يصل بك لدرجة التوقف عن العمل و هذا دليل على أن الشيطان تغلب عليك.
لذلك جاهدي عدو الله و لا تلتفتي لوسوسته و أسأل الله لك التوفيق.

بالمناسبة، توجد مئات المقالات الدينية في الانترنت و التي بإمكانها مساعدتك لكن توجهي فقط للمواقع الموثوقة.

[زبدة ذايبة]

وش دخل جلبابك

الرياء في الجلباب؟؟؟؟؟ وش عليه نحيه

ومن بعد يولي الرياء في الحجاب ،،،، وش عليه نحيه

ومن بعد يولي الرياء في الملابس اليومية ،،،،،، وش عليه نحيه

وين راكي رايحة ؟؟؟؟؟؟

هذا كامل دين ؟؟؟؟؟؟ أو هذا كله جهل

لعب بيك الشيطان لدرجة راه يمشي فيك كيما يحب

الحمد لله اللي جيتي كتبتي هنا

وين راكي حابة توصلي

هذا طريق المرض اللي راكي فيه

روحي أقراي وتعلمي عن حقيقة الرياء ماهي


أفكار خبط عشواء مارايحة توصلي بيها سوى لدمار نفسك

يعني كي تفكري تنحي جلبابك الناس مارايحينش يزيدو يشوفو فيك

يعني تكوني قضيتي على الرياء نهائيا

أنا من رأيي أنه هذذا هو الرياء بعينه

تنحي جلبابك على جال الناس؟؟؟؟؟؟؟

هذا تلبيس إبليس

وكي تنحيه كيفاش تقابلي الناس ؟؟؟؟؟؟

مفتخرة بخلع جلباب الحياء

أو توصلي رسالة لكل وحدة أن نزعهها للباس الحياء ساهل

أي شرف رايحة تجيبيه لنفسك

واي سمعة

يكفي أن الناس يعطوك سم :" هذيك اللي نحات الجلباب"

هذا رياء أو سمعة

اللي يعرفوك واللي مايعرفوكش يعودو يهدرو عليك

يا أختي

فكري مليح

وروحي تعلمي أمور العقيدة

وسدي على نفسك هذ الأوهام الباطلة اللي رايحة تديك إلى ما لايحمد عقباه

الله يهديك

[ايمانو الجزائرية 01]

الله يثبتك على الطريق الصحيح