من فضلكم ارائكم .............

[kadiro creezy]

السلام عليكم
انا مقبل على شهاده التعليم الثانوي شعبة الرياضيات
لكن مرضت هذه الايام و طبيب عطاني maladi مدة شهرين ,
اريد ان اقرئ في المنزل هده الايام ,
اريد ارائكم و اريد من اين اشرح الرياضيات و الفيزياء و المواد الاخرى ..... و اريد برنامج
من فضلكم اريد نصائح و شكرا لكم .....

[SELIM2019]

اولا ربي يشافيك
ثانيا اخي, لا تعتمد على برنامج محدد لاني جربتها ولم تنفع يعني نهار تقرا 10, انصحك بان تدرس المواد التي انت ضعيف فيها, مثلا الفلسفة و العلوم خصص نهار ليهم حتى لي تحس بلي المواد كلها متزامنة منبعد avences
بالنسبة للرياضيات انصحك الاستاذ نورالدين اعلم ان فيديوهاته طويلة لكن اعدك ان فيها كلشي, يعني تفرج فيديو فيه 15 ساعة افضل من انك تقعد تبحث في الكتب والانترنت بلاك ضيع وقت كثر
الفيزياء استاذ شريفي جد رائع, حاول تفهم الدرس لكن ملاحظة جد مهمة الفيزياء والرياضيات خصهم التمارين يعني نتا تظن انك راك فاهم وفعلا فاهم لكن كي تشوف التمارين تنخلع, التمارين تعودك على طبيعة الاسئلة وكيفية الحل حل اكبر قدر من التمارين وسترى النتيجية
اما العلوم كاين ربما استاذ عبد الحميد يحل تمارين في youtube لكن شخصيا ماكنتش نتفرج لاني كنت نفهم وندير ليكور العلوم فيها المنهجية ركز عليها جيدا لانو مرات حتى تكون اجابتك صحيحة بدون منهجية ويعطيولك 0, العلوم فهامة مافيهاش حفظ ابدا ماعدا المصطلحات العلمية (حتة المعادلات وتفهمهم) حاول في كل المواد العلمية ان تتطرق الى الدرس من كل جوانبه من بعد اكبر عدد من التمارين
كخلاصة عامة هاذا هوما النقاط
- الكتب المدرسية في العلوم و الرياضيات (علابالي بلي كامل رانا قايسينهوم وما نحلوهمش كامل لكن صدقني الرياضيات فيها تمارين بالتدريج اللي تخليك تفهم و كتاب العلوم اسمع جيدا ما اقول يغنيك عن كل الكتب الخارجية فقط الى حتاجيت تمارين ولا لكن الفيزياء لا انصحك ضيع وقتك)
- في هاذ الشهرين حل البكالوريات وقارنهم معا الحل من 2008 حتى 2018
- احفظ التاريخ والجغرافيا وركز على المصطلخات الشخصيات التواريخ والخرائط من محمودي عادل الكتاب الازرق
-الفلسفة احفظ المنهجيات و الاقوال وافهم الدروس ودرب نفسك على كتابة المقالات الكبيرة (4اوراق او اكثر)
- الاسلامية ملخص هردولي جد رائع انا ديت بيه 17 العام اللي فات
- اللغات خليهم حتى الاخير الشهرين التاليين وحفظ فقط القواعد وحل الباكلوريات من 2008 الى 2018 وممكن تدي العلامة الكاملة
لكن انصحك ماتخليش نهار يفوت وما تراجعش فيه على الاقل 2ساعا ياك راك قاعد
موفق اخي,,,

[Hou Da Lar]

السلام عليكم
قرايا في دار مليحة مي بشرط تنظم وقتك و مضيعهش في كونكسيون و صوالح لي يلهو
الرياضيات تبع الدرس من عند الاستاذ نور الدين ( متشوفش فيديوهات من الف الى الياء راها طويلة بزاف ) و ادا لقيت روحك ناقص شويا حل بكالوريات مع الاستاذ نور الدين و شوف كيفاه يحلهم و كتب الملاحظات و اسئلة لي تعرف روحك تنساهم منين تفهم حل تمارين الاستاذ مصطفاي + بكالوريات السابقة
فيزياء تبع مع الاستاذ شريفي شرح الدرس و حل تمارين من كتاب المغني فقط
باقي المواد ليس لدي ادنى فكرة شوف موضوع الاخ الكريم ربي يجازيه غادي يفيدك بزااف https://www.djelfa.info/vb/showthread.php?t=2131851
.
.
بالتوفيق و الله يشفيك

[*آمنة*]

ربي يشافيك خويا
الاستا\ نور االدين احسن توجيه

[kadiro creezy]

*SELIM2019* (https://www.djelfa.info/vb/member.php?u=680011)
السلام عليكم اخي*
امين يا ربي* ,, ان شاء الله يا ربي ,, انا حاب نرتاح شويا و نبدا كيما قتلي ان شاء الله
*Hou Da Lar* (https://www.djelfa.info/vb/member.php?u=665539)
وي* راني حاب نظم الوقت و استفدت من موضوع الاخ*
شكرا لك اختي* امين يا رب
**آمنة** (https://www.djelfa.info/vb/member.php?u=669587)*
ان شاء الله اختي ,
سوف اتابعه* باذن الله . امين يا رب*
شكرا لكم