كيف اكشف هويتهم

[مشكلتي]

السلام عليكم
من اسبوع فتح حساب فيس بوك باسمي ولقبي وبدأ يسيئ للناس باسمي وعندما علمت بالامر اتصلت به وطلبت منه غلقك ولما لم يوافق هددته انني سأشتكي وارفع دعوة فقام بحظري وبعدها الغى الحساب .
اريد ان اعرف من يكون او تكون وعندي كل رسايل السب والشتم التي بعثوها لي .
فهل ممكن ان اشتكي؟ وهل ممكن معرفة هوية الشخص بالرغم من الغاء حسابه؟
شكرا لمساعدتي

[جويرية الإيمان]

ايه يقدرو يعرفو كلشي

إذا حابة تشكي روحي اشكي

[kacimo.samy]

السلام عليك
الخطأ خطأك في بداية الامر لو اشتكيتي بيه بدون ان تسأليه
وكان راح بعد اسبوع يعطولك و تجي تشوفي شكون هو و يبقا يحلل فيك باه تسمحيلو
و هذي صرات لصديقي ( جريمة انتحال شخصية) وجد شخص منتحل شخصيته
المهم توجهي لهم و بلغي

[خالد عنابي]

الخطئ منك لقيامك بتنبيه الجاني


المفروض التقدم مباشرة بشكوى لدى المصالح الامنية المختصة لتقبض على الفاعل وتقدمه للعدالة

[مُحمد رازي]

و عليكم السلام و رحمة الله
أنا صراحة يظهرلي قضية كهادي راح يعتابروها مضيعة وقت و في حالة ما اشتكيتي
يعني يتركو القضايا الكبار و الجرائم الإلكترونية الكبيرة و يتابعو قضية لي في الغالب مع الأخير يكتاشفو أنه مجرد مراهق قاعد يلعب على صاحبه
و الدليل أنو هاد الشخص لي فتح حساب باسمك شخص صغير ، هو أنه خاف بمجرد ما قلتيله راح تشتكي و باين أول مرة راه يدير في هاد الشي
و الأمر الثاني في الغالب يكون يعرفك يقرا معاك أو تقرا معاك أو معرفة من نوع ما وبيناتكم عداوة شخصية بأي شكل من الأشكال
و حتى الناس لي أساء ليهم ما نستبعدش أنهم يكونو غير من المحيط لي تعرفوهم تاع أصدقاء و معارف
باختصار نتي ما راكي لا شخصية مشهورة لا والو حتى ينتاحلو شخصيتك و القضية ما راهي تبانلي لا قضية تهديد و لا ابتزاز و لا شرف
و لو كان جات قضية خطيرة و مستلك الشرف تاعك ما كنتيش في البداية تطلبي منه غلق الحساب ! بصح كنتي راح تشتكي بيه ديراكت
و هاد التردد تاع دركا يظهرلي مجرد فضول حتى تعرفي شكون هاد الشخص و خلاص

[Amelmina]

يمكنك الشكوى للشرطة اختي فحسب علمي هناك فرقة خاصة للجريمة الالكترونية*

[toulay]

وعليكم السلام ورحمة الله وبركاته
كون في هاذيك اللحظة رحتي شكيتي بيه يجبدوه يالوكان تحت الارض بصح انت رحتي مديتيلوا فرصة زعمة باش يعترف شكون حاجة باينة يروح يغلق الحساب
Bref شوف درك انت واش يخرج عليك تحب تشكي روح sinon انسى لحكاية واذا تكررت متعاودش نفس السيناريو
بالتوفيق

[visa uk]

نصيحة اخطيك ماتشتكي ماوالو صح خدمة مش مليحة ووووو بما شخص يكون لاتعرفيه تماما او تعرفيه مليح ف كلتا الحالتين اتجنبي اصلا شكوي الخ مش حاجة خطيرة الا هاك نولو كل دقيقة نشتكو

[visa uk]

الله يهديك صراحة تبانلي امر عادي جدا وليس تهديد بدرجة تاع ناس اشخاص الخ معروفين شخصيات هادوك لي ربما يبلعو الخ نحي فكرة من راسك

[nadir_telecom]

و كيفاش جاتك في راسك إنتحال شخصية ديجا هوما لوكان يعرفوه زعما مايديرولو والو لأنه مادار والو فتح فيسبوك بإسم عجبو لا أحد يحق له التدخل بالأمر لان المر يخصه