ساعدوني

[مشكلتي]

السلام عليكم

انا طالبة جامعية في مقتبل العمر تحصلت على البكالوريا بتقدير جيد

مشكلتي هي مصاريف الجامعة فأنا من أسرة متواضعة ماديا

و لهذا قررت البحث عن عمل و اريد آرائكم حول ما يكنني ان اعمله

و مالمهن التي استطيع مزاولتها
و
كيف استغل العطل

شكرا لكم

[ع.عيسى]

اطمأني لن تجدي العمل الذي يناسبك ........كما انه من الصعب التوفيق بين العمل والدراسة .....اختاري تخصص اقل تطلفة

[toulay]

وعليكم السلام ورحمة الله وبركاته
يا اختي من الاحسن تتوله بقرايتك وفيما يخص المصروف حاول تكون مقتصدة مثلا روح فالنقل تاع الطلبة وهذاك المصروف خبيه وتاني متخسرش دراهمك في fast food
والعمل يا اختي صعيييييييييب بزااااااااااااااااااف باش تلقى خدمة درك راهو كل شيء مبلوكي
لكان عندك حرفة في يديك مليحة تقدر دير الكروشي ولا الحلويات
على كل الارزاق على ربي سبحانه
بالتوفيق

[dali rami]

السلام عليكم أختي

مع احتراماتي لآراء الإخوة

أقترح عليك العمل عبر النت بتقديم خدمات مصغرة ككتابة المقالات أو الترجمة التصميم أو غيرها من المهارات عبر مواقع الخدمات المصغرة مواقع العمل الحر مثل موقع خمسات وغيره من المواقع المنتشرة


إن احتجت أي مساعدة ، نحن في الخدمة

بالتوفيق إن شاء الله

[زايدي أمحمد]

تقدري بتواضع مالك ان تدرسي ماتعنديش الغاشي برك امشي على حسابك

[lachiche]

ننصحك متخدميش عند الغاشي ليس عيب لكن المجتمع ميرحمش

نعطيك حل اختي ويخرج عليك بما انك جامعية

كاين مجال مزال جديد واسموا تداول العملات الرقمية مربح جدا ايضا فيه خسارة

ابحثي في اليوتوب عن شخص اسمه احمد شديد يقدم دروس رائعة في التداول ولديه مجموعات على التلغرام يقدم توصيات مجانية

يمكنك شراء مبلغ من البتكوين حسب قدرتك او العمل في مواقع تقدم البتكوين لمدة شهر ستجمعين 30 او 40 دولار وابداي العمل في منصات التداول تستطيعين ربح كل يوم 2% تكفيك الصفقات غالبا تكون نسبة الربج من 10 الى 30 %

اهم شيئ عليك التعلم

ثانيا يمكنك صناعة تطبيقات في البلاي ستور وستربحين منها الكثير ان شاء الله

[Simsim.rd]

العمل راح يكون صعيب عليك من ناحية التوفيق مع الدراسة. تقدري ديري أشغال يدوية ولا تصنعي حلويات و تبيعيهم ولا ديري دروس تقوية للأطفال في المنزل نتاعك حسب التخصص لي تقراي فيه و ربي يوفقك

[solinne]

ننصحك متخدميش عند الغاشي ليس عيب لكن المجتمع ميرحمش

نعطيك حل اختي ويخرج عليك بما انك جامعية

كاين مجال مزال جديد واسموا تداول العملات الرقمية مربح جدا ايضا فيه خسارة

ابحثي في اليوتوب عن شخص اسمه احمد شديد يقدم دروس رائعة في التداول ولديه مجموعات على التلغرام يقدم توصيات مجانية

يمكنك شراء مبلغ من البتكوين حسب قدرتك او العمل في مواقع تقدم البتكوين لمدة شهر ستجمعين 30 او 40 دولار وابداي العمل في منصات التداول تستطيعين ربح كل يوم 2% تكفيك الصفقات غالبا تكون نسبة الربج من 10 الى 30 %

اهم شيئ عليك التعلم

ثانيا يمكنك صناعة تطبيقات في البلاي ستور وستربحين منها الكثير ان شاء الله
كيف يتم صناعة تطبيقات على البلاي ستور اختي من فضلك اريد توضيح انا بحاجته

[Om shahed]

ولله خدمة صعيبة تلقي
مام خدمة دار مليحة مثلا اذا كنتي عندك شوي خبرة في حلويات او خياطة او حلاقة مثلا غير ديري سيشوار للغاشي مربح جدا اقل شي انك تجبدي شعر مراة ب 40 الف
ولا روحي صالونات حلاقة اخدمي عندهم
هاذ خدمة تقدريلها بما انك تقري

[طالبة علم شرعي]

السلام عليكم
فكرة جيدة اختي انك تحاولين العمل وتخفيف الضغط على عائلتك خاصة ادا كانت اوضاعكم المادية مزرية والمصاريف العادية يعني ماين قوسين بلا متعاندي الناس مرات الانسان حتى ضروري ميقدرش يوفره لنفسه
المهم اليوم كاين ما يسمى بالتجارة الالكترونية اختي
تشري على بنات حوايج وتبيعيهم بسعر اخر لبنات ولايتك وخصوصا انت فالجامعة يتمشاولك غاية وبدون ما تخدمي عند الناس يعني عند نفسك برك يليقلك شوية راس مال فالبداية حتى لو كان مابين 300 الف ولا 400 الف كبداية
وادا احتجتي اي نصيحة ولا راسليني ونعاون اختي انا شخصيا مارست التجارة الالكترونية وخففت على عائلتي لما كنت في الجامعة
ربي يوفقك

[Qu_een]

انا ايضا كيفها عندي مشكل هذا كيفاه التجارة الاللكترونية ممكن توضحولي واش ندير وربي يجازيكم

[بشرئ عاشقة العلم]

اسمحولي بصح هدي تاع التداول بالعملات حرام شرعا اي مكان لاه تدخلي في هادالامور