أخــي..انصحوني

[مشكلتي]

السلام عليكم ورحمة الله
انا فناة لي اخ يصغرني ب3 سنوات عمرو 15 سنة
بعدما تحصل على 16 معدل الانتقال ..معدله في الفصل الاول كان 10،ولا ما يحبش يقرا خلااص وديما مع البالون، وتبع جماعة تع تمسخير يظلوا يقسروا ف الكلاصة ومهومش تع قراية اطلاقا..قد ما نصحناه والو ..بابا اليوم كي جات البيلتة عيط عليه بزااااااااااف وحطمو صح مورالمون.....الاساتذة كامل اشتكاو منو
كاينة حاجة..انا صح اختو الكبيرة وقاع ..بصح منيش قريبة ليه ..ونورمالمون انا نوقف معاه ونحفزو ونشجعو حتى وراني في لاسيتي
راني حابة نولوا قراب لبعض ..يحتاج ف هذا السن لي يطلعلو المورال ويحكيلو بصح ما لقاش
اعطوني كاش افكار ولا ..تخليني نكسب خويا ونحتك بيه ونرجعو للطريق
وربي يجازيكم

[زبدة ذايبة]

أنتوما من الاول علابالكم راه يتبع في ذراري تاع السوء.

خليتوه حتى جاب النتيجة ودرتو رواحتيكم راكم فقتو بيه.

وكأن النتيجة هي مبرر شرعي أو رسمي حتى تزيدو عليه.

النتيجة يا عزيزتي تحصيل حاصل لأشهر طويلة من اللا مبالاة تاعكم.

أنت ، أمك، والوالد طال عمره.

الكل مشترك.

علاه ماشي النهار الأول تكونو حازمين.

قبل ما يقع الفاس في الراس.

كان من المفروض تكونو معاه حتى يتوقف عن الانحدار نحو الأسوأ.

تفرجتو فيه

وكي جات النتيجة زعمة عيط عليه الوالد .......

وين كان الأب العزيز طول تلك الفترة.؟؟؟؟؟؟

على كل حال

ماعندي حتى فكرة

ان شاء برك ما يعاقبكمش بطريقة أسوأ من النتيجة التي تحصل عليها.

لو كان جاب مليح كنت ماتطرحيش المشكلة.

وكان باباك ما يعيطش عليه.

مع أن كل مؤشرات ضياعه كانت تلوح في الأفق.

إذن حل المشكلة في أسبابها.

حاولو تعاونوه يبتعد عن رفقاء السوء.

هذا إذا ماراهش مقتنع أن أصدقاؤه أفضل من أسرته.

في انتظار باقي الأعضاء يعطوك رأي

[أنا ستازيا]

السلام عليكم ورحمة الله تعالى و بركاته

يا أختي عاودي اقراي واش كتبتي تلقاي روحك طرحتي المشكل و طرحتي بعدو الحلول و الاقتراحات .....

ربي يوفقك ان شاء الله والافكار انتي لي تكتشفيها من خلال نمط الحياة العائلي نتاعكم ....

[ابو سليمان10]

انقلوه الى مدرسة اخرى...وحاولوا تجنيبه ان يخالط المنحرفين

[noursm]

اهدري معاه بلعقل كصديقة
قوليلوا كاش ما تحتاج كاش حاجة مقلقتك...الخ
فكريه بلي كون يكمل هكذا راح يضيع مستقبلو
حاولي تشجعيه بهدايا كون يجيب مليح في الفروض الجايين مثلا اشريلو حاجة يحبها او مديلو نقود
فكريه راهو قادر على نتائج جيدة ...الخ
مجرد افكار يعني