سلللام

[ilyes1996]

سلام عليكم
نفسيتي متحطمة مانيش قادرة نقرأ كيما ليوم بديت من 13.00 إلى 17.00 حبست ما قدرتش نزييد مانيش عارفة واش رآه صاريليي
وممكن طلب خاسني تمارين في احتمالات أيها أحرار قولولي اناا كرهت كرهت احيانا مع اني ادرس احس نفسي ما قريت واالوا
ديفوا نقول علاش عاودت باك كون كملت في قريتي بفغفغف كرهت

[* قمر*]

رااااااااااااانا كامل هكا
هاذي نتي لراكي كملتي وانا واش نقول مزلت غي في الاول
موفقة على كل حاال

[المداينية26]

اسمحلي بصح من 1 لل 5 و نتا تقرا ماكفاتكش وش تزيد مثلا ؟

[Hou Da Lar]

سمحيلي فاطمة مي راكي غير تشكلي
بديتي من نوفمبر و درك راكي تقري 5 سوايع ولا كتر و راكي حابسة في احتمالات الله يبارك واش راكي باغية كتر حمبوك
راكي وحدك تتوسوسي
انا راني في الدوال العددية فقط و الله غير مازلت مبديت في الاسية و المواد لخرين مشفتهمش قاع تسما على حساب واش قلتي نروح نسويسيدي انا !!!
كملي في ريتم لي راكي فيه و الله غير راكي مليحة الله يبارك 5 سوايع راهي حاجة مليحة
احتمالات شوفي تمارين تاع الاستاذ نورالدين راهم ملاح بزاف و راه داير قاع الاسئلة لي تنجم تجينا

[ilyes1996]

مي ني حاسة غير سلكت في قراية مشي ني فاهمة مليح والله ني خايفة كتر من باك اول

[Lasmaa Ya]

انا الحمد لله كون فالنهار نقرا غير سطر نكون فخورة بروحي و نقدر الانجاز لي درتو
و اذا اليوم قريت سطر الغدو نحاول نقرا زوج سطر و اكثر
المهم ما نحطمش روحي كيما راكم ديرو
هاذي تولي حالة نفسية
يولي الانسان لا شعوريا من كثر هذي الهدرة يولي ينقص المردود تلقائيا في عوض انو يضاعفو
ما تغلطوش هذي الغلطة ، ما كمش تشكيو في همومكم راكم تحطمو في معنوياتكم
مجرد راي صحيح

[~ قدس ~]

ياحليلي ياربي .. وشبيكم كلكم احبااط متحطمين ووووو ..
علاه عاودتو البااك خاطر ماعجبكمش المعدل لول ..اذا تقدمو للقداام ما كانش رجعة ماكاانش نفسياات متحطمة .. كاين امل هدف حلم .. البااقي كل خلوه لبعد البااك لي حب يتحطم يفشل ماعنديش مشكل .. خلو كامل لبعد البااك تو هدفكم البااك سوا بقراية ساعة سوا بعشر سوايع .. اقراي ساعة وريحي ساعة طريقة مليحة ههههه