قولولي هذا تبذير ولا سخاء ؟؟؟! 😮

[أنا ستازيا]

أعضاء المنتدى الكرام
السلام عليكم ورحمة الله تعالى و بركاته

كنت راح نحط الموضوع هذا في قسم مشكلتي و بهوية متخفية، منبعد تراجعت و قررت مواجهة الواقع بالاك كي نسمع الانتقادات مباشرة موجهة لشخصي ندير القلب و نغيّر من طبعي ...

مشكلتي هي اني مانعرفش نتعامل مع الدراهم، مانعرفش نتصرف و طريقتي في التسيير المالي جد جد فضيعة، بالمعنى الدقيق الدورو لي يتحط في يدي نصرفو...#منوعة21

ندخل لسوبيرات باه نشري حليب و ياوورت بقيمة عشرين ألف، نخرج بحليب و ياوورت و زوج شكاير قضيان خلاف يوصلي ساعات لثلاثمية ألف ... !#تعجب

ندخل للحانوت باه نشري خمار بقيمة خمسين ألف، نخرج بزوج خمارات و تريكو و قندورة و بيجامة نوصل بيهم ساعات حتى لمليون ولا كثر ...! #غريب

ندخل للمكتبة باه نشري رواية نتاع باولو كويلو بميات ألف، نخرج برواية باولو كويلو معاها وحدة خلاف لأغاتا كريستي و ديوان نزار قباني و دليلك في الطبخ للسيدة رزقي و كتاب كيف تربي الحلزون في القطب الجنوبي (خاطر يحكمني الفضول القاتل من العنوان باه نعرف المحتوى) ونعشي صارفة على الأقل خمسميات ألف ... ! #مطالعة

والكارثة العظمى كي ندخل لحانوت لماعن، هنا مانيش راح نقولكم واش نشري ولى شحال نصرف بصح الحاجة الأكيدة هي اني حتى و ندخل بلا دراهم نشري حتى باسينة نتاع نيلو بعشرالاف ...! #امم

جربت كل الحلول ولا حل فاد معايا ...كي مانهزش معايا الدراهم نلقا روحي نفارسي على الحاجة باه لغدوة منذاك نرجع نشريها، ندير الحصالة و هي أول حاجة نلجأ ليها مع أول احساس ببدأ تدهور الوضع المالي، جربت مانخرجش باه نطبق قانون ماتشوف عيني ما نشري و كانت النتيجة أني مع تسمحلي الفرصة باه نخرج كيشغل خرجت من الحبس و نلقى روحي زدت في وتيرة الصرف أضعاف مضاعفة ...!#غضب

هذا بكل و أي شخص في المحيط نتاعي تعجبو حاجة من الشي لي شريتو ، وبكل صدر رحب نمدهالو و أنا فرحانة قاتلتني السعادة مهما كانت الحاجة هاذي و حتى ولوكان نحيها على فمي و نقول منبعد نعاود نشري وحدة خلاف ليا ...! #تعجب

كي تتزيّر عليا نقول خلاص لازم نحي هاذ الطبيعة ولازم نتعلم الاقتصاد، و نحس روحي أكبر مبذرة في تاريخ البشرية، و نلوم روحي على بزاف حاجات مايستاهلوش ضياع هذاك الكم الهائل من الدراهم ونتفكر فقط الجزء نتاع (ولا تبسطها كلّ البسط) ووو... بصح بمجرد ما يطيح الدورو في يدي نتحوّل 180° وننسى اللوم و نحس روحي أكبر كريمة و سخيّة في التاريخ، ونقول عادي ماشي خسارة فيا ولا في فلان، ونتفكر فقط الجزء (ولا تجعل يدك مغلولة الى عنقك) ...! #ثاقب

قولولي كيفاه ندير ؟؟؟
:sdf::sdf::sdf:

متقبلة كل انتقاداتكم واقتراحاتكم بصدر رحب...

������ تحياتي ������

[Elwawy]

سؤال واحد و هو الأهم قبل أن أساهم.

هل أنت مصدر المال, والدين, زوج أخ؟ إرث, مال اللوطو؟ من يتعب من أجل هذا المال

[Om shahed]

ولله وش رح نقلك
حاولي دراهم لتجيك اعطيها لزوجك ولا يماك قلهم يخبوهالك و هزي منها مبلغ صغير فقط و قوليلهم يودزيرو عليك ميعطوهالكش باش متصرفيهاش
ممكن يلمدوهالك و تقدري ديري بيها حاجة تع ذهب كبيرة تلقايها مرة اخرة
مثلا روحي لكاش صايغي يبيع ذهب شوفي حاجة و قوليلو هاذي نشريها من عندك
خليها عندو و كل شهر اعطيه فيمة من مبلغك هكا دراهمك تروح ديراكت للذهب متروحش فساد
و ذهب اذا لبستيه لبستيه اذا ملبستيش راه محطوط يجي نهار و تلقيه
يعمي كي تكون دراهمك محطوطة ذهب احسن ما كل يوم تجبدي تصرفي

[أنا ستازيا]

سؤال واحد و هو الأهم قبل أن أساهم.

هل أنت مصدر المال, والدين, زوج أخ؟ إرث, مال اللوطو؟ من يتعب من أجل هذا المال


السلام عليكم ورحمة الله تعالى و بركاته

بالتأكيد أخي نصرف من حُر مالي

وماعندي حتى مصدر خلاف

[أنا ستازيا]

ولله وش رح نقلك
حاولي دراهم لتجيك اعطيها لزوجك ولا يماك قلهم يخبوهالك و هزي منها مبلغ صغير فقط و قوليلهم يودزيرو عليك ميعطوهالكش باش متصرفيهاش
ممكن يلمدوهالك و تقدري ديري بيها حاجة تع ذهب كبيرة تلقايها مرة اخرة
مثلا روحي لكاش صايغي يبيع ذهب شوفي حاجة و قوليلو هاذي نشريها من عندك
خليها عندو و كل شهر اعطيه فيمة من مبلغك هكا دراهمك تروح ديراكت للذهب متروحش فساد
و ذهب اذا لبستيه لبستيه اذا ملبستيش راه محطوط يجي نهار و تلقيه
يعمي كي تكون دراهمك محطوطة ذهب احسن ما كل يوم تجبدي تصرفي

السلام عليكم ورحمة الله تعالى و بركاته

ياختي جربت حكاية نخبي عند امي بصح كيما قلت قبل لقيت روحي nverssi و الغدوة منذاك لازم نرجع نكمل المبلغ المتبقي .... صافي نولي نهز من لي مخبي عند امي ونبقا ندور في نفس الحلقة ....

ومع اني مانيش من هواة الذهب بصح الفكرة نتاعك مليحة

شكرا اختي وبارك الله فيك على الاقتراحات

[ايمان4]

شوفي اختي كاين فكرة انك كي تخلصي تحطيهم في البنك ديراكت و تخلي ليك قيمة مالية تكفيك للطرونسبور و المروف لكن قيس قيس انت تعرفي شحال مثلا تخلي مليون قولي لازم تفوتلي الشهر و صح كاين لي معيش امراة و زوج درااري بمليون و الباقي خليه في البنك و بطبيعة الحال رايحة تحشمي كل يوم حابسة في البنك تقوليلهم جيت نخرج دراهمي و هادي طريقة باش تلايمي و تديري بيهم حاجة و كاين طريقة اخرى قولي زعما لازم نشري سيارة و ابداي تحملي بالسيارة و روحي شاومي السيارات و شوفيهم جدد يغيرو و ابداي تلايمي في البنك و كي تكملي الملبغ اشريها المهم او طريقة الذهب المهم حصلي روحك في حوايج كبار و ديي في بالك بلي مول الحانوت مدابيه يسربي و يبيع يعني انت الخاسرة

[دفء المطر]

هذا سوء التسيير ماتخرجيش بزاف و كي تخرجي خصصي يوم واحد اشري فيه كل حاجة ناقصاتك مع بعض كثرة التسوق هي لي نخليك غير اشري اشري .. لازم تنقصي من ذهابك للمحلات

[أنا ستازيا]

شوفي اختي كاين فكرة انك كي تخلصي تحطيهم في البنك ديراكت و تخلي ليك قيمة مالية تكفيك للطرونسبور و المروف لكن قيس قيس انت تعرفي شحال مثلا تخلي مليون قولي لازم تفوتلي الشهر و صح كاين لي معيش امراة و زوج درااري بمليون و الباقي خليه في البنك و بطبيعة الحال رايحة تحشمي كل يوم حابسة في البنك تقوليلهم جيت نخرج دراهمي و هادي طريقة باش تلايمي و تديري بيهم حاجة و كاين طريقة اخرى قولي زعما لازم نشري سيارة و ابداي تحملي بالسيارة و روحي شاومي السيارات و شوفيهم جدد يغيرو و ابداي تلايمي في البنك و كي تكملي الملبغ اشريها المهم او طريقة الذهب المهم حصلي روحك في حوايج كبار و ديي في بالك بلي مول الحانوت مدابيه يسربي و يبيع يعني انت الخاسرة

عجبتني فكرة البنك صح تحشمي كل يوم تروحي تقولهم حابة دراهمي :rolleyes:

شكرا جزيلا لك اختي على النصيحة و الاقتراحات

[أنا ستازيا]

هذا سوء التسيير ماتخرجيش بزاف و كي تخرجي خصصي يوم واحد اشري فيه كل حاجة ناقصاتك مع بعض كثرة التسوق هي لي نخليك غير اشري اشري .. لازم تنقصي من ذهابك للمحلات

صدقيني يا اختي بحكم اني نخدم ماعنديش حتى الوقت باه نخرج بدون فائدة

يعني راني نخرج مرة في الشهر على الأكثر مرتين

يعني مشكلتي ماهيش في العدد بل في النوعية

مرة صح في الشهر بصح هاذيك المرة تقضي عليا

شكرا جزيلا على النصيحة اختي الكريمة

[Elwawy]

السلام عليكم ورحمة الله تعالى و بركاته

بالتأكيد أخي نصرف من حُر مالي

وماعندي حتى مصدر خلاف


كلمة واحدة : المال خادم مُطيع و سيِّد فاسد.

عندي أخ و عندي صديق بنفس التشخيص, يزربع كل ما يملك في كل شيء و أي شيء و عندما تناقشه كأنك تطرق الماء, الله غالب لازمك مطبعة أموال. أما باقي نصائح التبذير و كذا و كذا أظنكي تعرفين كل شيء.

هكذا الطبع هناك من يحب أن ينفق المال في التبضع و الشراء, متعة و يحس بالفرحة, عادي, إشري و تصدق بالمقابل و ربي يباركلك في مال. لاتبذر (في التفاهات) و لا تسرف (تنفق أكثر مما تملك)

[مُحمد رازي]

و عليكم السلام و رحمة الله
هادي عادة سيئة أختي و ماشي مليحة راهي فيك ووين ما راكيش تقدري تصبري على الشراء لدرجة أنو في أفضل حالاتك راكي توصلي تشري بسينة تاع عشر الاف فقط باش تلبي هاديك الرغبة الملحة تاع الشراء ! صح ربي يحب يشوف أثر النعمة تاعه على عبده بصح ماشي بهاد الطريقة تاع الاسراف و التبذير ، الدراهم ماشي ملاح أنهم يوصلو يسيطرو على الواحد بهاد الطريقة ، نتي لازم تعرفي كيفاش تتحكمي في المصروف و تنفقيه في الشي المفيد ماشي غير لي جا في طريقك تشريه حتى و لو كان ما عندك حتى حاجة بيه ، و كمثال أنك رايحة تشري الحليب و الياوورت ارفدي معاك غير عشرين ألف أو فقط قد ما يجيبولك هاد الصوالح ماشي ترفدي معاك قريب نص مليون و تدخلي لسوبيرات و يقعدو أصناف المأكولات و المشروبات يلمعو في عينيك و ما تقدرش تقاومي كامل دوك المغريات ، و تانيك نحي من راسك فكرة أنك كي تدخلي تشري حاجة و لا زوج تجيك حشمة أنك ما شريتيش بزاف و تشوفي الناس من حولك هادا رافد ربع شكاير و لاخر ستة ولاخر ماقدرش يرفد من كثرة واش شرا الله يسهل عليهم هوما ممكن عندهم عايلة كبيرة أو أنهم موالفين بعيشة الترف هادي ، بصح نتي راكي تصرفي غير على روحك ما عندك لا أولاد لي ممكن يسخفو على هاد الصوالح لا والو ، و حتى لو كان شريتي معاك لإخوة صغار أو وحدين من العايلة ماراحش يوصل بيك الحال حتى تصرفي قريب نص مليون عليهم في نهار واحد ، هادا بالنسبة للأمور تاع الماكلة و بالنسبة للملابس شري الحاجة لي فعلا راح تلبسيها ماشي تشري نص الحانوت من بعد كامل واش شريتيه تردميه في الخزنة حتى تركبه العنكبوت و ياكله البق أو تانيك الملابس لي ما تستعمليهمش و راهم مستهلكين المكان باطل في الخزنة صدقيهم على وحدين تعرفيهم محتاجين ، و كنتي تحوسي من قبل على أفكار تاع صدقة جارية لميت نظن عندكم ميت الله يرحمه و يوسّع عليه أو عليها ، فتقدري تستغلي قضية شراء الملابس هادي و عوض أنك تصرفي مليون و تشري نص الحانوت خصي منه جزء و عاوني كاش فتاة تكون فقيرة و محتاجة و حابة تشري لباس شرعي و حجاب بصح ما قدرتش حوسي ممكن تلقي حالات كيمن هادو و انويها صدقة على الميت و تقدري ديري هاد الشي في كل مرة و كل شهر تخرجي تشري فيه الملابس ، و نفس الأمر بالنسبة للكتوبا أسيدي حتى إدا ما كنتيش تشري الكتوبا الاسلامية كي تدخلي للمكتبة شري معاك كتاب و لا زوج تاع فقه و لا عقيدة و لا تفسير و صدقيه على كاش واحد من طلبة أو طالبات العلم الشرعي و لا أي واحد يحب يتفقه في الدين و ما عندهش القدرة باش يشري و ما شي شرط تشري مصحف و تخليه في الجامع خطرة في حياتك و لكن كتوبا من هاد النوع فيهم فايدة عظيمة و تقدري كل مرة تشري كتاب و تعطيه لواحد يستفاد منه و يروح أجر القراءة تاعه للميت ، و هي من المفروض تفيدي روحك أنتي الأول بيهم ماشي يجذبك عنوان تاع كتاب كيف تربي الحلزون في القطب الجنوبي و تشريه و نتي فرحانة على الأقل اشري كتاب : "كيف تصبح مشحاح في سيمانة - تأليف الرازي" مفيد أكثر https://www.djelfa.info/vb/images/icons/icon10.gif ، فصدقا أختي لازم تحاسبي روحك على كل دورو تنفقيه ماشي حتى لغدوة وين يتحاسب العبد على ماله من أين اكتسبه و أين أنفقه لاخاطرش الدراهم ماراهمش دراهمنا مال الله و هنا نتصرفو بيهم و مجرد أنكي تفكري بلي كاين غيرك لي راه حاصل و ما عندهش حتى واش يكفيه لقوت يومه و ما يجي يكمل الشهر حتى يحصل تعرفي النعمة لي راكي فيها نتي لهاذا لازم تحسني استغلالها ، و قضية أنكي تحسي بالسخاء كي تمدي واش شريتي للاخرين فهادا ماشي سخاء لاخاطرش السخاء ماشي تمدي حاجة و من بعد تروحي تشري الدوبل منها السخاء يكون بالدرجة الأولى في العطاء حتى و لو ما طلبوش منك لخرين و حتى و لو كان ما تحصلتيش نتي على داك الشي
أعتذر على الإطالة و أعتذر على صراحتي و لكن أنتِ حبيتي تواجهي النقد و النقد مليح أحسن ملي يقولك راكي على صواب في حين تكوني على خطأ

[أنا ستازيا]

كلمة واحدة : المال خادم مُطيع و سيِّد فاسد.

عندي أخ و عندي صديق بنفس التشخيص, يزربع كل ما يملك في كل شيء و أي شيء و عندما تناقشه كأنك تطرق الماء, الله غالب لازمك مطبعة أموال. أما باقي نصائح التبذير و كذا و كذا أظنكي تعرفين كل شيء.

هكذا الطبع هناك من يحب أن ينفق المال في التبضع و الشراء, متعة و يحس بالفرحة, عادي, إشري و تصدق بالمقابل و ربي يباركلك في مال. لاتبذر (في التفاهات) و لا تسرف (تنفق أكثر مما تملك)


بارك الله فيك أخي الكريم

وشكرا جزيلا على النصيحة

[أنا ستازيا]

و عليكم السلام و رحمة الله
هادي عادة سيئة أختي و ماشي مليحة راهي فيك ووين ما راكيش تقدري تصبري على الشراء لدرجة أنو في أفضل حالاتك راكي توصلي تشري بسينة تاع عشر الاف فقط باش تلبي هاديك الرغبة الملحة تاع الشراء ! صح ربي يحب يشوف أثر النعمة تاعه على عبده بصح ماشي بهاد الطريقة تاع الاسراف و التبذير ، الدراهم ماشي ملاح أنهم يوصلو يسيطرو على الواحد بهاد الطريقة ، نتي لازم تعرفي كيفاش تتحكمي في المصروف و تنفقيه في الشي المفيد ماشي غير لي جا في طريقك تشريه حتى و لو كان ما عندك حتى حاجة بيه ، و كمثال أنك رايحة تشري الحليب و الياوورت ارفدي معاك غير عشرين ألف أو فقط قد ما يجيبولك هاد الصوالح ماشي ترفدي معاك قريب نص مليون و تدخلي لسوبيرات و يقعدو أصناف المأكولات و المشروبات يلمعو في عينيك و ما تقدرش تقاومي كامل دوك المغريات ، و تانيك نحي من راسك فكرة أنك كي تدخلي تشري حاجة و لا زوج تجيك حشمة أنك ما شريتيش بزاف و تشوفي الناس من حولك هادا رافد ربع شكاير و لاخر ستة ولاخر ماقدرش يرفد من كثرة واش شرا الله يسهل عليهم هوما ممكن عندهم عايلة كبيرة أو أنهم موالفين بعيشة الترف هادي ، بصح نتي راكي تصرفي غير على روحك ما عندك لا أولاد لي ممكن يسخفو على هاد الصوالح لا والو ، و حتى لو كان شريتي معاك لإخوة صغار أو وحدين من العايلة ماراحش يوصل بيك الحال حتى تصرفي قريب نص مليون عليهم في نهار واحد ، هادا بالنسبة للأمور تاع الماكلة و بالنسبة للملابس شري الحاجة لي فعلا راح تلبسيها ماشي تشري نص الحانوت من بعد كامل واش شريتيه تردميه في الخزنة حتى تركبه العنكبوت و ياكله البق أو تانيك الملابس لي ما تستعمليهمش و راهم مستهلكين المكان باطل في الخزنة صدقيهم على وحدين تعرفيهم محتاجين ، و كنتي تحوسي من قبل على أفكار تاع صدقة جارية لميت نظن عندكم ميت الله يرحمه و يوسّع عليه أو عليها ، فتقدري تستغلي قضية شراء الملابس هادي و عوض أنك تصرفي مليون و تشري نص الحانوت خصي منه جزء و عاوني كاش فتاة تكون فقيرة و محتاجة و حابة تشري لباس شرعي و حجاب بصح ما قدرتش حوسي ممكن تلقي حالات كيمن هادو و انويها صدقة على الميت و تقدري ديري هاد الشي في كل مرة و كل شهر تخرجي تشري فيه الملابس ، و نفس الأمر بالنسبة للكتوبا أسيدي حتى إدا ما كنتيش تشري الكتوبا الاسلامية كي تدخلي للمكتبة شري معاك كتاب و لا زوج تاع فقه و لا عقيدة و لا تفسير و صدقيه على كاش واحد من طلبة أو طالبات العلم الشرعي و لا أي واحد يحب يتفقه في الدين و ما عندهش القدرة باش يشري و ما شي شرط تشري مصحف و تخليه في الجامع خطرة في حياتك و لكن كتوبا من هاد النوع فيهم فايدة عظيمة و تقدري كل مرة تشري كتاب و تعطيه لواحد يستفاد منه و يروح أجر القراءة تاعه للميت ، و هي من المفروض تفيدي روحك أنتي الأول بيهم ماشي يجذبك عنوان تاع كتاب كيف تربي الحلزون في القطب الجنوبي و تشريه و نتي فرحانة على الأقل اشري كتاب : "كيف تصبح مشحاح في سيمانة - تأليف الرازي" مفيد أكثر https://www.djelfa.info/vb/images/icons/icon10.gif ، فصدقا أختي لازم تحاسبي روحك على كل دورو تنفقيه ماشي حتى لغدوة وين يتحاسب العبد على ماله من أين اكتسبه و أين أنفقه لاخاطرش الدراهم ماراهمش دراهمنا مال الله و هنا نتصرفو بيهم و مجرد أنكي تفكري بلي كاين غيرك لي راه حاصل و ما عندهش حتى واش يكفيه لقوت يومه و ما يجي يكمل الشهر حتى يحصل تعرفي النعمة لي راكي فيها نتي لهاذا لازم تحسني استغلالها ، و قضية أنكي تحسي بالسخاء كي تمدي واش شريتي للاخرين فهادا ماشي سخاء لاخاطرش السخاء ماشي تمدي حاجة و من بعد تروحي تشري الدوبل منها السخاء يكون بالدرجة الأولى في العطاء حتى و لو ما طلبوش منك لخرين و حتى و لو كان ما تحصلتيش نتي على داك الشي
أعتذر على الإطالة و أعتذر على صراحتي و لكن أنتِ حبيتي تواجهي النقد و النقد مليح أحسن ملي يقولك راكي على صواب في حين تكوني على خطأ


يعطيك الصحة أخي محمد الرازي

بكلامك هذا راك وفيت و كفيت

نقطة فقط اني كي نشري نشري بمرضاتي ماشي نشوف واحد شرا بزاف نعاندو لالا، وخاصة نشري لحاجات لي نلقاهم مختلفين ونحب نجربهم (في شتى المجالات) بسبة الفضول الزائد لي فيا ...

ان شاء الله يبقالي التأثير وتأنيب الضمير لي حكمي بعد ما قريت كلامك

بارك الله فيك و شكرا جزيلا على كل كلمة قلتها

[المطمئنّة]

السّلام عليكم ورحمة الله وبركاته

مرحبا بكِ أختي الكريمة، أرجو أن تكوني بخير وعافية

أنا أرى أنّ ماتقومين به من شراء عشوائي هو تبذير للمال خاصّة وإذا كنتِ لا تستعملين تلك المشتريات لاحقا
وربّما هذا الشّي هو من حبّ بن آدم للدّنيا وزينتها
لذلك حاولي أن تحدّدي أولوياتك وماتحتاجين إليه فقط وباقي المال ادّخريه فقد تحتاجينه يوما ما من يدري؟
هذا المال سنسأل عنه يوم القيامة من أين اكتسبناه وفيما أنفقناه
حاولي أن تتصدّقي بجزء منه وأن تصرفي على نفسك ولا تبخلي عليها طبعا أمّا الباقي فادّخريه
لأنّ الدّنيا لا تثبت على حال وقد تكونين في يوم ما في أمسّ الحاجة إليه وربّما قد تتحسّرين على مابذّرتِ منه بدون فائدة
لذلك يجب أن تتعلّمي فنّ الإدّخار وتطبّقيه شيئا فشيئا حتّى تتقنيه
وللتّخلص من الشّراء العشوائي الأمر بيدكِ وحدكِ لأنّ هذا الشّيء يبدأ من النّفس
أيّ أنّه يجب أن تكوني مقتنعة بما أنتِ مقدمة عليه بحول الله من تنظيم مالكِ
اعلمي يا أختي أنّ المال نعمة يجب أن نستغلّها فيما يرضي الله و بما يدخل علينا السرور وأن نتصرّف فيه بدون افراط ولا تفريط
هناك من النّساء المتزوّجات من تدّخر كل يوم مبلغ يسير جدا من المال يصل حتى إلى 20دج فقط وتضعها في حصالتها حتى تجمع مبلغا يمكّنها من شراء شيء لبيتها، وهذا النّوع من النّساء تتمنّى مبلغا حتّى تجهزّ به مطبخها أو بيتها بصفة عامّة، أرأيتِ كم هم النّاس متفاوتون في الرّزق؟؟؟
لذلك يا أختي الفاضلة من باب شكر الله على نعمته أن نحافظ على هذه النّعمة حتى يبارك الله لنا فيها ويزيدنا منها
تقبّلي ردّي أختي
تحيّة تقدير واحترام

[أنا ستازيا]

السّلام عليكم ورحمة الله وبركاته

مرحبا بكِ أختي الكريمة، أرجو أن تكوني بخير وعافية

أنا أرى أنّ ماتقومين به من شراء عشوائي هو تبذير للمال خاصّة وإذا كنتِ لا تستعملين تلك المشتريات لاحقا
وربّما هذا الشّي هو من حبّ بن آدم للدّنيا وزينتها
لذلك حاولي أن تحدّدي أولوياتك وماتحتاجين إليه فقط وباقي المال ادّخريه فقد تحتاجينه يوما ما من يدري؟
هذا المال سنسأل عنه يوم القيامة من أين اكتسبناه وفيما أنفقناه
حاولي أن تتصدّقي بجزء منه وأن تصرفي على نفسك ولا تبخلي عليها طبعا أمّا الباقي فادّخريه
لأنّ الدّنيا لا تثبت على حال وقد تكونين في يوم ما في أمسّ الحاجة إليه وربّما قد تتحسّرين على مابذّرتِ منه بدون فائدة
لذلك يجب أن تتعلّمي فنّ الإدّخار وتطبّقيه شيئا فشيئا حتّى تتقنيه
وللتّخلص من الشّراء العشوائي الأمر بيدكِ وحدكِ لأنّ هذا الشّيء يبدأ من النّفس
أيّ أنّه يجب أن تكوني مقتنعة بما أنتِ مقدمة عليه بحول الله من تنظيم مالكِ
اعلمي يا أختي أنّ المال نعمة يجب أن نستغلّها فيما يرضي الله و بما يدخل علينا السرور وأن نتصرّف فيه بدون افراط ولا تفريط
هناك من النّساء المتزوّجات من تدّخر كل يوم مبلغ يسير جدا من المال يصل حتى إلى 20دج فقط وتضعها في حصالتها حتى تجمع مبلغا يمكّنها من شراء شيء لبيتها، وهذا النّوع من النّساء تتمنّى مبلغا حتّى تجهزّ به مطبخها أو بيتها بصفة عامّة، أرأيتِ كم هم النّاس متفاوتون في الرّزق؟؟؟
لذلك يا أختي الفاضلة من باب شكر الله على نعمته أن نحافظ على هذه النّعمة حتى يبارك الله لنا فيها ويزيدنا منها
تقبّلي ردّي أختي
تحيّة تقدير واحترام

وعليكم السلام ورحمة الله تعالى و بركاته

شكرا جزيلا لك اختي الكريمة

وبارك الله فيك على النصائح القيّمة

كلامك كله على العين و الراس وانا بإذن الله في طريق التغيير

شكرا جزيلا لك وللجميع

[milanista27]

اظن عند ما يرزقك الله باولاد ستتعلمين اقتصاد
والله اعلم

[أنا ستازيا]

اظن عند ما يرزقك الله باولاد ستتعلمين اقتصاد
والله اعلم

كلام في الصميم

بارك الله فيك

[أم رقية نسرين]

ولله وش رح نقلك
حاولي دراهم لتجيك اعطيها لزوجك ولا يماك قلهم يخبوهالك و هزي منها مبلغ صغير فقط و قوليلهم يودزيرو عليك ميعطوهالكش باش متصرفيهاش
ممكن يلمدوهالك و تقدري ديري بيها حاجة تع ذهب كبيرة تلقايها مرة اخرة
مثلا روحي لكاش صايغي يبيع ذهب شوفي حاجة و قوليلو هاذي نشريها من عندك ف
خليها عندو و كل شهر اعطيه فيمة من مبلغك هكا دراهمك تروح ديراكت للذهب متروحش فساد
و ذهب اذا لبستيه لبستيه اذا ملبستيش راه محطوط يجي نهار و تلقيه
يعمي كي تكون دراهمك محطوطة ذهب احسن ما كل يوم تجبدي تصرفي

سلام ختي فقط اردت تنبيهك إلى ان هذه الطريقة في شراء الذهب لا تجوز و تأخذ حكم الربا إذا اردت شراء الذهب يجب ان يتم ذلك في حينه يعني احضري المال و خذي الذهب في نفس الوقت اما ان تبقي الذهب عند البائع و تتركيه حتى تكملي المبلغ اللازم فهو ربا

[أم رقية نسرين]

و لصاحبة الموضوع صدقيني قضية ولف برك حطي دراهمك عند ماماك ولا اشري حصالة باهية خبي فيها صواردك باه كي تجي تكسريها تغييييضك ههه ولا اشري اللويز كل ما تلمي مبلغ اشري لويزة و لا زوج
والله يا ختي فقط اعفسي على قلبك و ادعي الله باه تنحي هاد العادة

[أنا ستازيا]

و لصاحبة الموضوع صدقيني قضية ولف برك حطي دراهمك عند ماماك ولا اشري حصالة باهية خبي فيها صواردك باه كي تجي تكسريها تغييييضك ههه ولا اشري اللويز كل ما تلمي مبلغ اشري لويزة و لا زوج
والله يا ختي فقط اعفسي على قلبك و ادعي الله باه تنحي هاد العادة

بارك الله فيك اختي

شكرا جزيلا على النصيحة

🌸🌸🌸

[Om inesanis]

يبدو أن الاعضاء كفاو ووفاو في ما يخص النصائح والافكار التي تقدر تفيدك ولكن حبيت نزيدلك حاجة أن الله يرفع نعمته عن من لا يقدرها...فاليوم راكي تخسري وتبذري ممكن غدوا (لا قدر الله) رح تحتاجين كل فلس راكي تخسري فيه اليوم.. ممكن جدا أن الوضع ينقلب بيك وتولي حتى الحاجة تع الف فرانك تديري ميزانية باه تشريها.. وهذا جائز لانه لا يعلم الغيب الا الله ...وكما يقول المثل المصري خلي قرشك الابيض ليومك الاسود. الله لا يقدر عليك*

[أنا ستازيا]

يبدو أن الاعضاء كفاو ووفاو في ما يخص النصائح والافكار التي تقدر تفيدك ولكن حبيت نزيدلك حاجة أن الله يرفع نعمته عن من لا يقدرها...فاليوم راكي تخسري وتبذري ممكن غدوا (لا قدر الله) رح تحتاجين كل فلس راكي تخسري فيه اليوم.. ممكن جدا أن الوضع ينقلب بيك وتولي حتى الحاجة تع الف فرانك تديري ميزانية باه تشريها.. وهذا جائز لانه لا يعلم الغيب الا الله ...وكما يقول المثل المصري خلي قرشك الابيض ليومك الاسود. الله لا يقدر عليك*

شكرا على النصيحة أختي

بارك الله فيك