لم اتخذ القرار المناسب

[الحالمّــة]

السلام عليكم
جمعة مباركة
اجد اني لا استطيع الدراسة للبكالوريا كمترشحة حرة البكالوريا الاولى اخذتها بمعدل 15 الا ان و الدي لم يرضوا بها و شجعوني على الاعادة و التحصل على معدل ممتاز لاحقق حلمهم الا و هو الطب وجدت اني اكرهه كرها فانا اكره المستشفيات و كلما قلت لابي ذلك صرخ علي ووبخني ان لا اعيد هذا الكلام و ابدأ في الدراسة اما بالنسبة للتخصص الدي اخترته هو مدرسة عليا للاساتذة لغلة فرنسية و هي اكره مادة عندي اختارها لي ابي لقرب المسافة فقط و انا الان حائرة بين الدراسة أو التحزيل الى مادة اخرى في المدرسة العليا انصحوني فقد ارقني هذاالموضوع

[نبض قلبي]

السلام عليكم
اذا ارغمتي على اعادة البكالوريا و لا حل لك غيرها
اعيديها احسن من انك تودري عوامك في الباطل
اقراي مليح
بالنسبة لامر كره المستشفى فهو شيء عادي
توالفي مع الوقت ، راهي حاجة طبيعية
بالتوفيق

[الحالمّــة]

.......................

[الحالمّــة]

؟؟؟؟؟؟؟؟؟؟؟

[bis kou]

السلام عليكم
اختي معدلك جيد كيف كان تحضيرك حتى تحصلت على هذا المعدل ؟؟ والمعدلات الفصلية هل هذا يأثر ولالا ؟؟

اسمحيلي خرجت عن الموضوع لكن فضولي والشغف دفعني لطرح هذا السؤال

[عآشقة فلسطين]

برأيي يجب ان تتبعي ما تريدنه حقا انت من سيدرس التخصص وانت من سيمضي بقية حياته يعمل فيه ... هل لديك حلم محدد؟؟؟

[Lasmaa Ya]

اختي اسمعي انا ملي كنت صغيرة و هوما يعيطولي " الطبيبة " كنت ندي معدلي 17 فالسيام سجلت شعبة علوم و كملت بصح كي لحق عام الباك قالولي نتاوع الدار عاوديه و ماجيبيهش باه تقراي عام آخر و تجيبي 17 فالباك بالطبع انا قبلت و عادي
عاودت الباك و لحق العام لي نجوز فيه الباك صح ، طاح معدلي فالمواد الاساسية و كي قالولي كون تكملي هكذا والله يا الطب ما تكحلي عليه و بطبيعة الحال انا من بكري مكانش عندي ميول ليه قلتلهم بلي حابة ندير الكترونيك في بومرداس باللغة الانجليزية زعفو المرة لولة بصح كي لقاو بلي فيها خرجة من البلاد و مليحة قبلو يعني انا بلا ما يقبلو كنت رايحة ندير وش حبيت بصح ربي ما كتبش و ما جبتش معدل مليح والسنة رايحة نعقب الباك للمرة الثالثة
شوفي انا وقفت في وجوهم و قلتلهم بلي الكترونيك ولا مكانش وشوفي نتي على حساب عقلية داركم

[الحالمّــة]

السلام عليكم
اختي معدلك جيد كيف كان تحضيرك حتى تحصلت على هذا المعدل ؟؟ والمعدلات الفصلية هل هذا يأثر ولالا ؟؟

اسمحيلي خرجت عن اةلموضوع لكن فضولي والشغف دفعني لطرح هذا السؤال
بالنسبة لتحضيري فكان تحضيرا عاديا في هده الفترة كنت في اللوغاريتم وكنت متأخرة جدا على صديقاتي الا اني تداركت الامر
اما بالنسبة للمعدلات فلا يأثر فأنا كنت آخذ معدل 14 و كان اقصى معدل لي 16
عادي أخي أسأل أي سؤال تريد
وفقك الله

[الحالمّــة]

احلم بنخصص الصيدلة او دكتورة في الجامعة

[الحالمّــة]

انا قلتلهم مابغاوش ودارولي حالة و قالي بابا خصنا المعرفة في السبيطار هل تصدقين هذا ؟؟!!!

[Lasmaa Ya]

والله ما لقيت ما نقول فشلتيني
ربي يكون معاك

[~عيون القلب~]

عادي جدا ادرسي الباكالوريا من اجل الصيدلة واقنعي والديك انو الصيدلة مثلها مثل الطب

[المداينية26]

عادي جدا ادرسي الباكالوريا من اجل الصيدلة واقنعي والديك انو الصيدلة مثلها مثل الطب

بصح هكا رح تحطم حياتها,,فرص العمل لمتخرجي تخصص صيدلة قلييييييييييييييييييلة و زيد قرايتهم صعيبة غير لاشيمي عكس المدرسة عليا للأساتذة العمل مضمون

[~عيون القلب~]

بصح هكا رح تحطم حياتها,,فرص العمل لمتخرجي تخصص صيدلة قلييييييييييييييييييلة و زيد قرايتهم صعيبة غير لاشيمي عكس المدرسة عليا للأساتذة العمل مضمون

اظن العكس ان مناصب العمل متوفرة المهم انهم يصرحون لك انك تفتح صيدلية فقط و بخصوص الدراسة ربما تكون كذلك لكن كل و ميولاته فهي تميل للصيدلة , والله اعلم

[الحالمّــة]

الصيدلة احبها حقا لكن ليس كثيرا
و المدرسة العليا للاساتذة انا فيها

[الحالمّــة]

أمين
ربي يوفقك

[~ زمزم ~]

ماعرفتش وش نقوول خاصتا كي جات منك انتي كنت نحسبك تشدي في روحك تكثر من هكا وقراراتك عادتاما تكوون حكيمة اكثر ..
المهمم نتي الطب تكرهيها تكرهيها ؟ ..
تاع مجرد انك تكرهي المستشفياات امر عاادي ..
عندي خويا جامي ولا هدر عن ميديسين حاب غيير مدارس عليا تاع اعلام آلي تخيلي حتى وين يولي بااش يديروله تحااليل ولا يشوف اي دم يدووخ في بلاصتو .. تاع العبد هذا ما يتحملش الطب وووو ..
لكن مع خرجة نتيجة البااك دار ميديسين ..
وكاينة عفاف هنا كانت حا ديير اعلام آلي حتى هي .. في اخر لحظة بدلت للميديسين ..
واذا ماكنتيش حابة مهنة الطب تقدري تواصلي قرايتك فيها وتولي بروفيسورة في الجامعة وهكذا انتي ترضي بيها واهلك يرضو ..
و أكييد أكييد أهلك يحبوولك الخيير ويحبولك غير الحاجة لمليحة لييك ..
نقلك غير ركزي عن قراية البااك واعزمي على انك تجيبي معدل الطب .. واصلا بغض عن النظر على انو انا حابة ندخللها ولا نتي ولا ولا .. ولات غير المدسين في* بلادنا ..
وبعد هذا كله مهنة نبيلة جداا .. وانسانية .. فعاودي تخممي في انك تحبي الطب ..
اييه انا قدس بعضوية اختي ..

[الحالمّــة]

اهلا قدس
لقد غيرت حلمي اتعلمين لماذا لانها مهنة صعبة و فيها مسؤولية و ليس فيها عطل و العمل كثير اجدها انها ليست مهنة لامرأة بالضافة الى الاختلاط بالرجال كثيرا !

[~ زمزم ~]

بالنسبة للصعوبة ماتقولييش راها صعيبة مادام ماجربتيهااش والمسؤولية صح راني معااك فيها ..
والعطل ثااني ماشي بزااف اما الخدمة الوقت هذا ولات كيف كيف ..
العمل كثيير صح .. اما مش حجة .. حتى استاذة نهار كامل واقفة قدام السبوورة وفليل ترصالك تصححي في اورااق ..
العمل كامل كيف كيف سواء طب سواء صيدلة سواء دونديست سواء استاذة ..
بالنسبة للاختلااط .. الواحدة تعرف كفااش تديير حدود معاهم وخلااص عدنا في مجتمع لابد منه الاختلااط في يااسر حواايج .. انا هاهو دايرة جلباب وكلش ومانحبش الاختلااط وووو بصح الحاجة لي حابين نوصلولها دينا ما يصعبهااش علينا بالعكس يسهلها .. تجنبي الاختلاط وخلاص ..
اذا قريتي في الجامعة اختلااط في الشعب كل سوا استاذة سوا طبيبة في الخدمة سوا فارماسي يجو يشرو منك سوا طبيبة زملاء عمل ومرضى .. سوا استاذة زملاء عمل اساتذة ..او اولياء اموور ..
بالعكس بلاك مهنة الطب تمنحك انك ماتخالطيش رجاال لوكاان تديري تخصص اطفال صغار ولا نساء ..

حبيت نقلك ماتشوفييش الحاجة من منظوور واحد شوفيها من كل الجهاات .. مهنة نبيلة انسانية تقربي لربي اكثر .. فيها مجهوداات تأجري عنها .. ماتوليش تحسي بتعب ..
كاينة طبيبة نعرفها سي منظمة حياتها اكثر من وحدة قاعدة في داار ..

انتي المهم انك تكوني ناجحة مش مهم في وااش ناجحة حبيتي تروحي لحاجة اخرى روحي وتفوقي فيها وووو ..
الحاجة مهما كان لازم تكون رغبة دفينة فيك ..

وربي يوفقك مووونة ..

انتي خممي انك تجيبي معدل تدخلي بيه لكل شيء بإذن الله ..

ومبعدها استخري ربي .. وهو لي يوريلك طريقك .. ما ندم من استخاار ..

[Lasmaa Ya]

اختي قلت لماما عليك قالتلي بلي كون جات في بلاصتك كون ما تخدمش فالباك و بعدها تنحي لبلوك للعام الاول و دير تحويل للتخصص لي بغات تقراه
وشوفي نتي

[الحالمّــة]

انا مرت خالي طبيبة قاتلي اخطيك تعيي بزاف قالت لماما دونتيست خيرمنها