قدر الله و ما شاء فعل ..

[Histidine~]

السلام عليكم
و الله ما قصدي نهبطلكم المورال و شي مي كرهت كلاستنا بشخص لا يطاق
استاذ الفيزياء عطالنا سوجي الكتبة في بسيف باش تبان و ممبعد يقلك غلطتو في معادلة الاكسدة و الارجاع و حنا وين ران ذنبنا ان اراد ان يلعب بنا
و زادو جابو قاع المعاودين نتع سيدي ربي و حطوهم عندنا جي شغل راهم يتمسخروا بينا ؟ و الوقت قع مشي مقسمينو مليح لكلاستنا نقرا نهار كامل فيزيك و سيونس و مات راهم حابينا نهبلو ؟ و العشية زوج سوايع فلسفة .. و زيد قسمنا معادلة المماس ما يعرفوهاش و يحوسوا يجيبو الباك و كي نقلهم القراية خير يبداو يتمسخرو بيا و يحوسوني بسيف نمشي مع وحد الطفل استغفر الله لهذا الكلام باسكو ذا الطفل ولا اللي يجي يقلو هاذي ..... و العياذ بالله انا كرهت ما صبت ما ندير يحوسوني بسيف نرجع كيما هوما و للاسف ما نقدرش نبدل الليسي زعما نقدر نبدل القسم ؟ في انتظاركم

[* قمر*]

صرالك نفس حالتي العام الماضي حتى اضطريت اني موليتش نروح ضيعت روحي والله نصيحتي العبيها مكيش حابة تقراي و دي الفايدة مدريش كامل عليهم و الله غير راهم كامل يقراو غير لاعبينها هذا ماكان راهي تخرج غير فيك نتي

[〆 بٰٰاولو 乄]

لا حول ولا قوة الا بالله
واه ختي تقدري تبدلي

[Histidine~]

صرالك نفس حالتي العام الماضي حتى اضطريت اني موليتش نروح ضيعت روحي والله نصيحتي العبيها مكيش حابة تقراي و دي الفايدة مدريش كامل عليهم و الله غير راهم كامل يقراو غير لاعبينها هذا ماكان راهي تخرج غير فيك نتي

شكرا لك اختي و الله ملقيت كيفاش نتصرف معاهم وحدة تقول كامل الكلاسة ما عندهاش لاباز و واحد يقول غير انا القاري و واحد يستنى غير منينتا نغلط باش يستشفى بيا و لو غلط بسيط كرهتهم

[عشريني متمرد]

سلامو اختي

ماتديريش عليهم برك ، اقراي قرايتك واضربي هدرتهم فـ 0

حتى يكرهو وحدهم ويخطوك

+ نظن عرفتيني [ حسام :) ]

[imi souki]

والله راكي في بلية :confused::confused: ... حاولى تتكلمي مع الناظر أو مدير المؤسسة لان الوضع لا يطاق بالنسبة لتدخلهم في أمورك الشخصية و الله لم افهم كيف يفكرون ؟:mad:؟ بصراحة سيكون من الاحسن ان لا تغيري اذا كانت المشكلة من التلاميذ فقط حاولي الانعزال قدر الامكان .... ما اذا كنت غير مرتاحة فغيري الان قبل فوات الاوان سيكون من الصعب التأقلم اذا غيرتي في وقت متأخر ... بالتوفيق .. حاسة بيك و صراتلي فالبيام نفس الحكاية :mh31:

[الاسكندر الاكبر]

بدلي الكلاسة في اسرع وقت ممكن ، ماهذا حسلنا الله و نعم الوكيل

اختي اردت ان اسئلك عن مرضك ، كيف انت الآن هل من تطور

[Histidine~]

بدلي الكلاسة في اسرع وقت ممكن ، ماهذا حسلنا الله و نعم الوكيل

اختي اردت ان اسئلك عن مرضك ، كيف انت الآن هل من تطور

نعم اخي انهم قسمنا لا ادري ان كانوا في عقولهم ، بالنسبة للمرض الحمد لله زادولي ست اشهر اخرى في الدواء و لكن الحال يتحسن

[Histidine~]

سلامو اختي

ماتديريش عليهم برك ، اقراي قرايتك واضربي هدرتهم فـ 0

حتى يكرهو وحدهم ويخطوك

+ نظن عرفتيني [ حسام :) ]


شكرا اخي ، اسفة لا اعرفك ربما انت مخطئ

[Histidine~]

والله راكي في بلية :confused::confused: ... حاولى تتكلمي مع الناظر أو مدير المؤسسة لان الوضع لا يطاق بالنسبة لتدخلهم في أمورك الشخصية و الله لم افهم كيف يفكرون ؟:mad:؟ بصراحة سيكون من الاحسن ان لا تغيري اذا كانت المشكلة من التلاميذ فقط حاولي الانعزال قدر الامكان .... ما اذا كنت غير مرتاحة فغيري الان قبل فوات الاوان سيكون من الصعب التأقلم اذا غيرتي في وقت متأخر ... بالتوفيق .. حاسة بيك و صراتلي فالبيام نفس الحكاية :mh31:

شكرا لكِ اختي الاساتذة الله يبارك نعم الاساتذة و لكل قاعدة شواذ مي التلاميذ الله يسترنا ، ان شاء الله ما نرسبش على جالهم

[imi souki]

شكرا لكِ اختي الاساتذة الله يبارك نعم الاساتذة و لكل قاعدة شواذ مي التلاميذ الله يسترنا ، ان شاء الله ما نرسبش على جالهم

ان شاء الله وسعي بالك عليهم الا قدرتي و لا بدلي الكلاسة تهناي منهم خلاص
بالتوفيق أوني تشان :19: