فكرة ونصيحة

[براء]

السلام عليكم ورحمةة الله وبركانه
لاصحاب الافكار والمشاريع عندي استفسار
املك 100 مليون اريد ان استثمرها
في رايكم اي مشروع ابدا

[ali du treize]

أخي ان كانت لك دراية بالعمل على الإنترنت يمكنك استثمارها و بدأ مشروع على النت و يلا خاطيك هاد الشي تقد تدير فاست فود اك عارف شعبنا يموت على الماكلة

[الأمل المفقود]

100 مليون استثمرها في كراء ملابس الاعراس

[مواطن عادي]

اولا استخير في اي شيء وتوكل على ربي
2- اخدم مشروعين افل اقسم مبلغ 50 مليون ما تريسكيش بكامل مبلغ
3- اخدم واش انت لي تعرف وتبغيه وشاطر فيه وتحبو افضل من تشوف اراء ناس لخطراش كل واحد وقفازتو ما يعنيش كامل ناس تربح من نفس شيء
مثال :
نعرف واحد فاتح فاست فود يطيب مليح وخبرة وناس كامل تعرفو غلطة وحيدة لي دارها بدل محل تاعو من اجل اقتصاد مصاريف كراء وفتح في بلاصة مش بعيدة عليه
صدقني وين نفوت عليه نلقاه داير كرسي برا ومريح لاخدمة لا ربح ترك عتبة لي يخدم فيها وراح لعتبة جاية شوية مش باينة طبعا رزاق ربي سبحانو لكن عمرك ما تترك
محل لي ربحت منو
عبرة :
هذا سيد بالرغم من خبرتو و يطيب مليح فاتح فاست فود لكن هناك فرقين اول مكان مليح وثاني مكان سيئ عمل فرق كبير
ونزيدك حاجة في محل اول فتح واحد في بلاصتو دا عليه اسم و عتبة و يخدم لاباس عليه
وتوفيق من الله عز وجل

يجب دراسة مكان لي حاب تفتح فيه واش يصلح تعرف واش دير بـ 50 مليون او 100 مليون

مثلا كون نقلك افتح مشروع محل بيع لباس نساء في مكان مرشي خضر وفواكه تدخل للراس هذي

شوف مكان مليح تعرف اجابتك


واذا مش حاب محل تجاري اشري هاربين اخدم بيه افضل أو سيارة نقل حضاري أو اخل شريك مع واحد عدو خبرة واخدم معاه وادي خبرة ثم طور من نفسك وتعدد في مجال ربحك


هذا مجرد نصيحة وافضل نصيحة هيا توكل على ربي واسئل توفيق وبركة قبل كل شيء

ربي يوفقك و يسدد خطاك وربح وفير ان شاء الله