اريد ارائكم

[abd el nour 2017]

السلام عليكم
عندي 3 اشهر من فتح محل مواد غذائية
كفاش نعرف روحي راني مليح ولا العكس
ران لنجيبها في النهار نعاود نسلع بها
وداير خدام نخلص كل شهر
والمحل دايرو في المنزل
عاونونا الله يستركم كاش معلومات ولا نصائح

[أنا ستازيا]

وعليكم السلام و رحمة الله تعالى و بركاته*

الحاجة الاولى لازمك كل نهاية يوم تحسب مدخول المحل (يعني شحال دخلت دراهم من المواد لي بعتها)، وفي نهاية الشهر تحسب شحال المدخول الشهري (حتى وكنت مثلا صرفت من الدراهم عادي يعني كي تحسب سجل في ورقة أو pc و في نهاية الشهر طلع المجموع)*

الحاجة الثانية نفس الشي بالنسبة للسلعة لي تشريها لازمك تسجل شحال قيمة السلعة لي شريتها لمدة شهر وتحسب معاها اي حاجة شريتها تخص المحل (مثلا ادوات النظافة المستعملة لتنظيف المحل) و تحسب معاها لخلاص نتاع الخدام، ولوكان جيت كاري ولا تسلك الكهرباء ثاني تحسبها معاها بصح أنت فاتح المحل في بيتك يعني تهنيت من هاذ الناحية.*

في هاذ الحالة عندك شحال دخلت و عندك شحال خرجت، تحسب الفرق و من النتيجة لي تلقاها تقدر تعرف اذا عندك فايدة تجنيها من المحل.*

وفي غضون ثلاثة أشهر على الأكثر تقدر تصل لاستنتاج عام حول المحل وتقدر تتخذ القرار الصائب.*

ربي يوفقك ان شاء الله*

[abd el nour 2017]

وعليكم السلام و رحمة الله تعالى و بركاته*

الحاجة الاولى لازمك كل نهاية يوم تحسب مدخول المحل (يعني شحال دخلت دراهم من المواد لي بعتها)، وفي نهاية الشهر تحسب شحال المدخول الشهري (حتى وكنت مثلا صرفت من الدراهم عادي يعني كي تحسب سجل في ورقة أو pc و في نهاية الشهر طلع المجموع)*

الحاجة الثانية نفس الشي بالنسبة للسلعة لي تشريها لازمك تسجل شحال قيمة السلعة لي شريتها لمدة شهر وتحسب معاها اي حاجة شريتها تخص المحل (مثلا ادوات النظافة المستعملة لتنظيف المحل) و تحسب معاها لخلاص نتاع الخدام، ولوكان جيت كاري ولا تسلك الكهرباء ثاني تحسبها معاها بصح أنت فاتح المحل في بيتك يعني تهنيت من هاذ الناحية.*

في هاذ الحالة عندك شحال دخلت و عندك شحال خرجت، تحسب الفرق و من النتيجة لي تلقاها تقدر تعرف اذا عندك فايدة تجنيها من المحل.*

وفي غضون ثلاثة أشهر على الأكثر تقدر تصل لاستنتاج عام حول المحل وتقدر تتخذ القرار الصائب.*

ربي يوفقك ان شاء الله*
وعليكم السلام
معلومات جيدة وصائبة ستؤخد بعين اعتبار
بوركتى
الله يجازيك