افيدوني ايها المتعلمين اللطفاء

[صمت الرجوله]

السلام عليكم...
انا عندي بكالوريا عام 2007 هندسة ميكانيكية تعليم تقني برنامج قديم ،و راني حايب نعاود حر هاذ العام ان شاء الله.....هدفي هو نزيد لرصيدي ديبلوم انجليزية بالاظافة لديبلوم الهندسة الميكانية
انا راني شافي لما ديت الباك راهم اعطوني في الخيارات تخصص انجليزية....حتى تخصص انجليزية مدرسة عليا:19:......لكني لست اعلم هل مازال هاذ الشيئ متوفر.....يعني هل لما نعاود الباك هندسة ميكانيكية يعطوني في الخيارات تخصص الانجليزية ام لا؟؟؟:confused::confused:
اجيبوني بارك الله فيكم...و ربي ينجحكم و اذا احتجتوا حاجة في المواد العلمية راني هنا نعاون خاوتي ان شاء الله

[toulay]

وعليكم السلام ورحمة الله وبركاته
منيش عارفة اذا راني متاخرة بصح نجاوبك
normalement يمدولك تخصص انجليزية بصح بشرط تكون تحصلتي على الباك بمعدل طالع لانو الاولوية للغات والادبيين
يعني مثلا يكون لغات جاب مليح فالانجليزية والباك تاعو كان 11 فاصل حاجة يمدولوا الانجليزية بصح واحد يكون علمي ولا تقني ومعدل الباك 11 ميمدوهالوش لازم من 13 وفاصلة كبيرة وطلع
بالتوفيق

[صمت الرجوله]

تعيشيلي اختي ربي يحفظك شكرا على الاجابة.....راني بطلت بالاك بزاف عليا راه عندي شهادتين باكالوريا و ديبلومين مع دكتوراه
.
.
صايي مخي تبوط مانيش قادر نزيد

[toulay]

تعيشيلي اختي ربي يحفظك شكرا على الاجابة.....راني بطلت بالاك بزاف عليا راه عندي شهادتين باكالوريا و ديبلومين مع دكتوراه
.
.
صايي مخي تبوط مانيش قادر نزيد


السلام عليكم
الله يسلمك صحيت وبلا مزية الحاجة لنعرفها jamais نبخل فيها ان شاء الله ونعاون يالوكان بكلمة
الله يبارك كيما يقولوا مع الهناء واذا تحب تتعلم الانجليزية ادخل في école privée بصح لازم يكون مليح لانهم راهم الخير والبركة بصح طريقة التدريس والبرنامج المعتمد عليه مشي مليح بكل
من الاحسن تركز فالدكتوراه تاعك لانها تحتاج وقت ولازم تتفرغلها غير هي ولازم تجيب حاجة جديدة لهذا خلي تخمامك في دراسة الدكتوراه والابداع فيها ان شاء الله
بالتوفيق

فقط ملاحظة: جيت باش ندير اقتباس درت تعديل بلا مانفيق لانو مكانش علابالي بلي راني زعمة فالقسم لراني مشرفة عليه ايا تجيك تعديل هي الاولى حداها اقتباس على عكس الاقسام الاخرى تخرجلك اقتباس طول
عفوا مجددا

[صمت الرجوله]

; و عليك السلام و الرحمة
شكرا toulay ...ايه عندك حق من الافظل نركز في الدكتوراه نتاعي لانها تدي وقت و جهد كيما قلتي و ان شاء الله نبدع فيها ايضا من فمك لربي
بالنسبة للإنجليزية راني مليح فيها حبيت برك نجيب ديبلوم يتبث المستوى باقل جهد ممكن لغاية في نفس يعقوب و المدارس الخاصة يضيعولك وقتك بلا فائدة..
.
.
فقط ملاحظة: اعتذارك مقبول:19: ...شكرا مجددا و دمتي طيبة