لم أستطيع

[مشكلتي]

سلام عليكم انا فتاة ابلغ من العمر 25سنة في إحدى مرات ذهبت للمركز الشرطة من أجل حصول على شهادة القامة وهناك إلتقيت بشرطي لم أضعة في بالي حصلت على شهادة القامة وذهبت مرة يوم في مساء ذخلت للفيس بوك كالعادة نلقاه بعثلي قالي سلام أنتي فلانة ...... لي جيتي درتلك القامة قتلو انا نعم قالي عجبتني وحسيت حاجة من إتجاهاك وأنا جاءنى أمر يبلغ من العمر35سنة تعرفت عليه كل يوم يقولي والله عجبتيني وكذا وانا لم أظهر له مشاعرى وحمدلله لم أظهرها وكتمتها في نفسي ومرت شهور فإذا في بيوم ألق منشور وكل أصدقائه يباركون له على زواجه ويهنيؤه أصبت بدهشة يعني كان خاطب ويتمسخر بيا أحسست بقهر وصدمة بقيت أردد في جملة حسبي الله ونعم الوكيل ودموع تملأ عينيا ليست المرة الأول التي تحدت معي نعم أنا ساذجة كيما يقول لي يجي يحشيهلي ويفوت أنا غبية ونية بزاف لي يج] نصدقو ونمشي معه في خط كرهت من روحي ونفسي والله ماذا أفعل أين أذهب أرجوكم لا للتهكم عليا أو تقليل مني لي فيا يكفيني أحيانا أبكى بلا سبب فقط لأنى غبية وأصدق كل من حولي

[خالد عنابي]

كاين الكثير يتمسخرو هكذا خاطب وحتى متزوج ويعمل القوالب

[زبدة ذايبة]

من المفروض وزارة التربية دير برنامج خاص بالبنات يقراوه مثله مثل الرياضيات أو اي مادة أخرى.

وأهم مايجب أن تقرأه الفتاة هو:

خارج جدران بيت الأهل : ألا تثقي في رجل.

المرأة بالنسبة لهذا النوع من الرجال

مجرد دمية موضوعة في محل

وكل ما يجب عليه فعله هو إبداء إعجابه بها.

لينتهي تفكيره فيها. بمجرد مغادرته للمحل.

هذي قاعدة حطيها في راسك وماتنسايهاش.

الرجل عندما يريد المرأة لحياة جادة

يعبر لها عن مشاعره بالتوجه إلى بيت أهلها.

أما هذيك المطاردة تاع النظرات والكلمات ماعندها حتى معنى.

لأنه بكل بساطة هو مايعتبرهاش خيانة لزوجته.

عادي بالنسبة إليه.

ماغلطش معاك.

حب يعبر فقط على أنك جميلة كدمية في محل وانتهى.

وأنت اللي بنيتي على كلامه أشياء.

وهذا الفرق بين المرأة والرجل.

المرأة سِميعة وتستخدم حاسة السمع بشدة وتصدق ماتسمع.

والرجل بصري يصدق مايبصره فقط.

هو قالك: عجبتيني فقط.

لم يقل أنه سيتزوجك. وأنه لن يستطيع العيش بدونك

وللأسف الشديد بعدنا عن الدين والأخلاق أردانا وأنزلنا منازل الحيوانات.

وباتت أخلاقنا دمار و وبال علينا وعلى كل من يعرفنا.

الوحيد الجدير بالتفكير والحزن هو ذلك الرجل الذي يطرق باب بيتك، يريدك زوجة له.

هذاك كي يقولك عجبتيني صدقيه.

أما البقية فمحرد حثالة.

ربي يرزقك الزوج الصالح والذرية الصالحة.

[محارب الحمق]

الذي يريدك يطرق بابك. نقطة الى السطر

[مُحمد رازي]

و عليكم السلام و رحمة الله
المؤمن لا يلدغ من نفس الجحر مرتين أختي الكريمة و البكاء على الأطلال ما راح يفيد في حتى شي
لازم تتيقني أن دليل إعجاب الرجل بالمرأة و رغبته بأن تكون شريكة حياته هو تقدمّه إلى بيتها
أما جماعة الكلام المعسول لي يوزعوه باطل في الطرقات و المواقع فلا ضامن لهم
تقولين ماذا أفعل ؟ الأمر واضح و لا يحتاج لكلام كثير ما تبقايش ديما نية و خطأ الأمس اعتابريه درس الغد
ربي يرزقك الزوج الصالح

[نجاة^^]

وعليكم السلام .
وش راكي تسناي باه تغيري و توقفي على روحك ،ولا مزال عندك أمل في في واحد آخر؟؟ ،خلاص لازم تشوفي الدنيا من زاوية أخرى متبقايش تلفي ودوري ،واذا كانت نيتك حقا زواج فما عليك الا العودة الى الله سبحانه وتعالى والدعاء له وسيبعث لك ابن حلال ان شاء الله دعك من هذه العلاقات التي أغلبها تنتهي بالخداع وربي يرزقك زوج صالح.

[عماد الفقير]

السلام عليكم
ربي اشرح لي صدري و يسّر لي أمري
هذا و الله أعلم من نِتاج مخالفة أوامر الشرع الحنيف و عدم الامتثال لنواهيه يا أختي الفاضلة ، فديننا قد بيّن ضوابط خروج المرأة التقّيّة خارجا و علينا جميعا الإمتثال له .
فِعل ذلك الذَكر هو فِعل الكثير من بني جنسه ، التلاعب بمشاعر الأخوات هو من الروتين أحيانا ، الروتين القاتل الذي يجب طمسه في نظرهم السقيم و الذي سيجنون ثماره لا محاله .
أقول و انصح كما نصحكم من قبلي يا "أختي" بتقوى الله جلّ و عزّ و السؤال المّلح آناء الليل خاصة لنيل ما ترجونه و ما تتمنيه في الدنيا و حال الآخرة و الله الموفق .
و ليكن هذا الأمر عظّة لكم و لبقية الأخوات .
نسأل الله الهداية
آمين

[samir-physic]

انت قلتي خلال مدة وهو يبعثلك و بعد شهور تزوج اين المشكل رفضتيه فبحث عن اخرى او كان معجب بيها قبل.

[English is me]

قولي حسبي الله و نعم الوكيل و ادعي الله ان يسترك مع زوج صالح و لا تعيري اي اهتمام للاصحاب التصرفات الصبيانية
ربي يعوضك و يفرج عليك اختي العزيزة

[الأمل المفقود]

صدقيني حبيبتي انت دموعك اغلى من ان تسقط من اجل شبه ذكر يلعب بمشاعر البنات
يروح في ستين الف داهية عيشي حياتك و ادعي الله يلاقيك برجل حق و حقيقي يعرف قيمتك و يديرك ملكة تاج فوق راسو
اما اشباه الذكور فلا حدث
نصيحة مني ليك لوجه الله
ربي يوفقك

[toulay]

وعليكم السلام ورحمة الله وبركاته
ياسيدي تهنيا منو واش دير بيه لوكان جاء صح راجل وعليه لكلام وعجبتيه حتى حاجة ماتمنعوا باش يجي يتقدملك بصفة رسمية donc هذا باين فيه خلاط قول الحمد الله
و attention تبكي عليه وعلى غيرو من اشباه الذكور لانو دموعك غالية بزاااااااااااااااف وميستاهلش طيح صحتك على جاله
مالا يا اختي انفض لغبار على روحك وخليك قافزة شويا ونصيحة مني مصلحتك هي الاولى وراح يجي النهار وتشبع ضحك مشي بكاء على السذاجة تاعك
وان شاء الله ربي يرزقك بسيد سيدو امين يارب العالمين
بالتوفيق

[أم رقية نسرين]

سلام ختي
والله الشيء لي دائما يحيرني علاه توقعو كامل في نفس الغلط مئااااات البنات قبلك صرالهم هكا و نتي تأمني في واحد على جال نظرة و كلام فارغ يا بنتي متعيشيش في المسلسلات و تباتي تحلمي بيه و هو يكوبي معاك من و يهدر مع وحدة اخرى يلهي في روحو قبل زواجو قداااااااه من مرة في هاد القسم بعد حكايات كيما هادو و كل النصائح تقول لي نيتو طيبة يقصد البيوت من ابوابها و نتي راكي تعرفي صلاحك مكيش طفلة صغيرة
و التواصل مع الشباب حررررام فيسبوك او غيره اقفلي هاد الباب ترتاحي و ربي يرزقك بالزوج الصالح

[MisterYo]

السلام عليكم
حاجة ما فهمتهاش هاد الشرطي كيفاش تحصل على الفيسبووك تاعك ؟ لاخاطرش مشكلة ادا كان الأمر ساهل كيمن هاك و في المتناول و أي واحد تنفحله في فتاة يلقى الحساب تاعها و لا النيميرو تاعها متوفر بكل سهولة و لا يعطوهله بدون ما تقدمهله هي بمحض إرادتها ، و هاد الشي يفتح باب للشيطان يرجع كل واحد يدخل منه بزعم راه ناوي الزواج ، و المشكل فيكم نتوما أغلب الفتيات و في عوض تغلقو هاد الباب نهائيا تتساهلو في الأمر كمثال هاد الشرطي ارسلك في الفيسبووك كنتي من الأول تبلعي في وجهه الباب و تخسري عليه أنكي تقوليله كيما عرفت الحساب تاعي حوس على الدار وين نسكن و ارواح اخطب أما باش تسمحيله يدخل من الباب خلاص انتي لي فتحتي باب الشر على روحك و سمحتي للشيطان يكون الراعي الرسمي لهاد العلاقة لهاذا ما تلومي غير نفسك ، و قضية انك نتي نية و ديما يلعبوها بيك لازم ما تخليش اليأس من التأخر تاع الزواج يخليك تدخلي في علاقات تتوهمي منها بلي هادا أخذ بالأسباب خلي الشي لي راه كاتبهلك ربي هو يجي للدار و بالشكل لي يرضي الله أما باش تخرجي و تستقبليه في الطريق تأكدي بلي راح يخلّيك في الزونقة و يروح

[noursm]

يا اختي ما تبقايش تعاتبي في نفسك صرات صرات
انتي خممي في المرة الجاية و خلاص ما تزيدي تديها حتى في واحد
ربي يرزقك ان شاء الله بالزواج الصالح و الذرية الصالحة