المساعد الشخصي الرقمي

مشاهدة النسخة كاملة : مورالي 0

nr.houda
2018-10-13, 12:49
السلام عليكم نتمنى تكونوا بألف خير
بما أنوا أنا معتبرتكم مثل عائلتي الثانية قررت أنوا أي حاجة مليحة أو مش مليحة نحكيهالكم يعني نتقاسم معاكم الحلوة والمرة
اليوم رحت نقرى les coures تاع الفيزياء ولاحظت أنو مستواي مقارنة بوحدخرين 0 وهذا راجع أنو ا الأستاذ ثقيل في الدر وس ومراهش يديرلنا بزاااف أمور و هذا أقلقني بزاف مع عيطت للأستاذة قتلها شوفيلي حل التمرين قاتلي فرحتيني بديتي تفهمي شوية يعني وليت نحس مستواي ضعيف على الرغم من انو أنا مستواي كان جيد و بالنسبة لتنظيم الوقت تقريبا وقتي قاع مع القراءة بصح في التالي كيشغل مراجعة والو يعني مرانيش نتقدم راني غير في بلاصتي ندور وكلما نقرر انو نوض صباح باه نحفظ المواد الأدبية منقدرش ولازم عليا نوض باسكو عندي الفترة المسائية يا ربي نكمل مادة علمية و ثاني أنا كنت دايرة هدف أنو نجيب معدل يخولني باه ندير تخصص طب دروك وليت نقول معليش ندي غير 14,13 معليش يعني راني حاسة بلي بديت نتهاون موليش كيما كنت
نتمنى انو تساعدوني راني في حالة حرجة بزااااف
ربيييي يوفقكم جميعا
مُـ‘ـُنُـ‘ـُـعُـ‘ـُمُـ‘ـُ
2018-10-13, 13:50
متقارنيش روح بالاخرين، كاينين اشخاص دائما تلقاهم يشاركو في القسم ويتناقشو مع الاساتذة ومبعد يجيبو نتائج دون المستوى. والعكس صحيح.
So، شوفي نقائصك وحاولي تحسنيها وفقط ودائما اطمحي للتفوق، حتى لو مجبتيش معدلات مليحة في الفصول، فالباك شيء اخر. متخليش النقاط تحطمك

بالتوفيق، ان شاء الله
Hou Da Lar
2018-10-13, 13:51
اول حاجة هادي لهدرة تاع كو غي نربح لباك ب 14 قلعيها من راسك خمي في الافضل ادا قعدتي تقولي دي لهدرة لباك و في شك تديه
و تاني حاجة هاد الافكار السلبية تاع مكفانيش لحال و راني متاخر قلعيها ياا ختي راه باقي 9 شهر يااا عيباد ربي 9 شهر تكملي بروقرام و يبقالك قنطار تاع وقت غي متتقليقيش و سايي
و بالنسبة ل لي كور ادا شفتي روحك مراكيش تستفادي بدلي استاذ قبل ما يكمل الفصل مادامك في بدية
و خصك ديري برنامج باه تراجعي و تنظمي وقتك ادا معرفتيش مديلي توقيت تاعك و انا نديرلك
و اهم نقطة رانا عاد في اكتوبر علاه حتا تنوضي فجر مزالنا في لبدية هاك راكي تشري في لعيا و تحوسي تمرضي روحك ما يجي يكمل لعام حتا تكوني مرضتي و حالتك حالة
nr.houda
2018-10-13, 14:28
[QUOTE=Hou Da Lar;3997684301]اول حاجة هادي لهدرة تاع كو غي نربح لباك ب 14 قلعيها من راسك خمي في الافضل ادا قعدتي تقولي دي لهدرة لباك و في شك تديه
و تاني حاجة هاد الافكار السلبية تاع مكفانيش لحال و راني متاخر قلعيها ياا ختي راه باقي 9 شهر يااا عيباد ربي 9 شهر تكملي بروقرام و يبقالك قنطار تاع وقت غي متتقليقيش و سايي
و بالنسبة ل لي كور ادا شفتي روحك مراكيش تستفادي بدلي استاذ قبل ما يكمل الفصل مادامك في بدية
و خصك ديري برنامج باه تراجعي و تنظمي وقتك ادا معرفتيش مديلي توقيت تاعك و انا نديرلك
و اهم نقطة رانا عاد في اكتوبر علاه حتا تنوضي فجر مزالنا في لبدية هاك راكي تشري في لعيا و تحوسي تمرضي روحك ما يجي يكمل لعام حتا تكوني مرضتي و حالتك حالة[/QUOT
عندك الحق أختي مي والله راني غير مع المواد العلمية و المواد الادبية مانيش نتفرغلهم كامل قلت نوض الصباح نحفظ باش في العشرة نتفرغ غير للمواد العلمية درت برنامج دارتهلي أختي ديجا ربحت الباك مب مانيش نطبقه کیما ‌يلزم كي يحكمني النعاس تخلي كلش ونروح
شكرااا أختي طلعتيلي المورال راح ندير حلم الطب بين عينيا و نتوكل على الله ربي يخليك موفقة
nr.houda
2018-10-13, 14:29
متقارنيش روح بالاخرين، كاينين اشخاص دائما تلقاهم يشاركو في القسم ويتناقشو مع الاساتذة ومبعد يجيبو نتائج دون المستوى. والعكس صحيح.
So، شوفي نقائصك وحاولي تحسنيها وفقط ودائما اطمحي للتفوق، حتى لو مجبتيش معدلات مليحة في الفصول، فالباك شيء اخر. متخليش النقاط تحطمك

بالتوفيق، ان شاء الله

وي عندك الصح خويا شكرااا ربي يحفظك طلعتلي المورال ربي يوفقك
كاتمة الاحزان
2018-10-13, 16:13
اختي قلع رانا كيفكيف حاسة روحي صفر في ماط، اشتقاق و ما نعرفش نديره
هذي البداية..
Histidine~
2018-10-13, 16:38
اختي قلع رانا كيفكيف حاسة روحي صفر في ماط، اشتقاق و ما نعرفش نديره
هذي البداية..

علاش راكي عايشة كي متعرفيش الاشتقاق خخخخخ درناه العام الليفات lol
Hou Da Lar
2018-10-13, 19:49
[QUOTE=Hou Da Lar;3997684301]اول حاجة هادي لهدرة تاع كو غي نربح لباك ب 14 قلعيها من راسك خمي في الافضل ادا قعدتي تقولي دي لهدرة لباك و في شك تديه
و تاني حاجة هاد الافكار السلبية تاع مكفانيش لحال و راني متاخر قلعيها ياا ختي راه باقي 9 شهر يااا عيباد ربي 9 شهر تكملي بروقرام و يبقالك قنطار تاع وقت غي متتقليقيش و سايي
و بالنسبة ل لي كور ادا شفتي روحك مراكيش تستفادي بدلي استاذ قبل ما يكمل الفصل مادامك في بدية
و خصك ديري برنامج باه تراجعي و تنظمي وقتك ادا معرفتيش مديلي توقيت تاعك و انا نديرلك
و اهم نقطة رانا عاد في اكتوبر علاه حتا تنوضي فجر مزالنا في لبدية هاك راكي تشري في لعيا و تحوسي تمرضي روحك ما يجي يكمل لعام حتا تكوني مرضتي و حالتك حالة[/QUOT
عندك الحق أختي مي والله راني غير مع المواد العلمية و المواد الادبية مانيش نتفرغلهم كامل قلت نوض الصباح نحفظ باش في العشرة نتفرغ غير للمواد العلمية درت برنامج دارتهلي أختي ديجا ربحت الباك مب مانيش نطبقه کیما ‌يلزم كي يحكمني النعاس تخلي كلش ونروح
شكرااا أختي طلعتيلي المورال راح ندير حلم الطب بين عينيا و نتوكل على الله ربي يخليك موفقة

مهم تكوني قابضة غايا مواد العلمية اما المواد الادبية ساهلة فيساع تراجعيها
بالنسبة للمواد الادبية و الحفظ ركزي غايا في القسم و راجعيهم غي منين يكون عندك فروض و في العطلة لتهيلهم غايا
ربي يوفقك
nr.houda
2018-10-13, 20:29
[QUOTE=nr.houda;3997684333]

مهم تكوني قابضة غايا مواد العلمية اما المواد الادبية ساهلة فيساع تراجعيها
بالنسبة للمواد الادبية و الحفظ ركزي غايا في القسم و راجعيهم غي منين يكون عندك فروض و في العطلة لتهيلهم غايا
ربي يوفقك

وي أختي هذي هيا ربي يوفقك خففتي عليا بزاااف نتمنالك التوفيق ربي يخليك
سندس استبرق
2018-10-17, 17:22
رانا في نفس الوضع سبحاان الله ... اتخيلي اني نبدا نحخل تنمرين فلفيزياء نلحق لحاجة صعييبة نحبس نلقا وقتي بييرووح غير مع الواجب المنزلي الا كان كاين نظل نشكي من الوقت لي مكاانش كحكيت للاستاذ سقساني على شحال ترقدي قلتلو من تسعة لتسعة ونص قالي لازمك تولي تزيدي الوقت حتى للحداش و لا .. مع اني كيلحق وقت الرقااد التركيز يرووح منقدرش نقاوم و رانا في اسبوع تاع الفروض و منيش جاهزة و اني حاايرة نبدا نقول نقرا مات مدور للفيزيا و المواد الادبية منهدؤروش عليهم
الاسكندر الاكبر
2018-10-17, 19:52
انا ثاني مستواي جد متوسط و بسيط في الفيزياء بصح راني نحاول ،

و ايضا كنت نشتكي منها بزاف لكن هذا خطا جسيم ، كلما نشوف روحي راح نبدا نشكي ، نهز كراسي تاع حل التمارين و السلسلة و نحط و نقول لنفسي هيه انا مستواي بسيط و متوسط لكن كامل اللي تفوقوا مروا على هاد المرحلة اذا انا راتي نمر بيها و لازم عليا نتجاوزها كيما هوما ىجاوزوها ، صدقيني عندما تتحدثين مع نفسك حول الموضوع بصوت مرتفع ستستعيدين ارتدتك كانك تتحدثين مع شخص آخر

الله توفيقك لنا نحن محاربي بكالوريا 2019

. ~ آمين ~
Dahlia 90
2018-10-17, 20:02
أنا في وقتي كنت نوض على الخامسة ولا ونص صباحا صحيح صعيب لكن هاذا هو الحل الوحيد باش مايتراكموش عليك الدروس و زيد الحفيضة و لا الفهامة تاع الصباح الباكر تترسخ و تدخل بسرعة ...و الله يوفقكم جميعا ان شاء الله
!~•عًــ سُــيّــدٍ ــلــيّ •~!
2018-10-17, 20:14
السلام عليكم نتمنى تكونوا بألف خير
بما أنوا أنا معتبرتكم مثل عائلتي الثانية قررت أنوا أي حاجة مليحة أو مش مليحة نحكيهالكم يعني نتقاسم معاكم الحلوة والمرة
اليوم رحت نقرى les coures تاع الفيزياء ولاحظت أنو مستواي مقارنة بوحدخرين 0 وهذا راجع أنو ا الأستاذ ثقيل في الدر وس ومراهش يديرلنا بزاااف أمور و هذا أقلقني بزاف مع عيطت للأستاذة قتلها شوفيلي حل التمرين قاتلي فرحتيني بديتي تفهمي شوية يعني وليت نحس مستواي ضعيف على الرغم من انو أنا مستواي كان جيد و بالنسبة لتنظيم الوقت تقريبا وقتي قاع مع القراءة بصح في التالي كيشغل مراجعة والو يعني مرانيش نتقدم راني غير في بلاصتي ندور وكلما نقرر انو نوض صباح باه نحفظ المواد الأدبية منقدرش ولازم عليا نوض باسكو عندي الفترة المسائية يا ربي نكمل مادة علمية و ثاني أنا كنت دايرة هدف أنو نجيب معدل يخولني باه ندير تخصص طب دروك وليت نقول معليش ندي غير 14,13 معليش يعني راني حاسة بلي بديت نتهاون موليش كيما كنت
نتمنى انو تساعدوني راني في حالة حرجة بزااااف
ربيييي يوفقكم جميعا

الفيزياء شكون الاستاذ الي ثقيل نتاع القسم ولا الكور
شوفي في اليوتيوب الاستاذ مولاي ولا شريفي راخ تفهمي ان شاء الله
وانا العام الي فات كنت في الفيزياء جيد بصح كي دخلت للكور لقيت تلاميذ يطيرو فيها انا وش قريت في 2 ثانوي نسيتو وهوما نتاع الاولى ةموال شافين على درووسها بصح ماتقدريش تقارني روحك بيهم خطراتش كاين الي يحفظو يبانو خير منك بصح نتي بلاك فاهمة خير منهم وزيدي حاجة مليحة هاذي كي تشوفيهم يقراو مليح رايحة تجبدي باه تولي كيفهم ولا خير منهم وفي الفيزاء المهم انك تفهمي قبل كل شيئ
علابالي بلي راني نخلط باسكو حاس رةحي غير نخرط ان شاء الله تكوني فهمتيني :1::1::1::1::1: وزيدي العضاء الاخرين راهم جاوبوك :1::1::1: