المساعد الشخصي الرقمي

مشاهدة النسخة كاملة : اقتارحو عليا حل

Hou Da Lar
2018-10-06, 00:57
سلام عليكم
بون انا فوت لعام ليفات لباك تقني رياضي و ربحته مي مشي معدل لي كنت باغياته ايا بغيت نعاوده ليبر
مشكل هو راني نقرا جامعة تخصص مات انفو و لقيت روحي من سابع مستحيلات نقرا ل لافاك و لباك تاني باسكو قراية لافاك واعرة شويا و خصك تقرالها غايا و تحط راسك و تلتها بيها
ايا خممت نبلوكي لعام و نقعد في دار نقرا
دارنا رفضو لفكرة باسكو قالولي كو تقعدي في دار تولي غي راحة و الاستجمام ما تقري ما والو و تولي في حالة خمول غي رقاد و سايي و هنا لقيت بلي عندهم لحق
حصلت معرفت لا نبلوكي لعام لا نقرالهم لزوج مشكلة امبوسيبل نوفق بيناتهم و من جيهة هدرة دارنا صح و عندهم لحق 100 في 100
كيييندير معليش تمدولي رايكم
Sawsen99
2018-10-06, 07:57
شوفي أختي ، من رأيي متبلوكيش ، أقراي للجامعة فالسوماستر لول طلعي عامك بمعدل شباب 13 ولا أكثر ، كي تكملي لي كونترول أبداي طول للباك و ركزي غير معاه و الجامعة حضري برك مي متقرايلهاش بزاف بيسك ديجا راكي جايبة مليح فسوماسثر لول ، لاشتا متجيبيش فثاتي راكي ناجحة و هكا تكوني ضمنتي النجاح فالجامعة و عندك وقت كافي للباك و زيد نتي فوتي من قبل و قريتي آلوغ مريحاش تكون عليك لقراية بزاف كيما عامك لول بيسك ديجا اكي مجربة ، و هك تقراي و تفوتي لباك و نتي مرتاحة بيسك معندك واش تخسري ، جامعة اكي ناجحة و الباك أكي قريتيلو ... هذا هو رايي ...
بالتوفيق و ربي يسهلك ان شاء الله
Hou Da Lar
2018-10-06, 12:30
شوفي أختي ، من رأيي متبلوكيش ، أقراي للجامعة فالسوماستر لول طلعي عامك بمعدل شباب 13 ولا أكثر ، كي تكملي لي كونترول أبداي طول للباك و ركزي غير معاه و الجامعة حضري برك مي متقرايلهاش بزاف بيسك ديجا راكي جايبة مليح فسوماسثر لول ، لاشتا متجيبيش فثاتي راكي ناجحة و هكا تكوني ضمنتي النجاح فالجامعة و عندك وقت كافي للباك و زيد نتي فوتي من قبل و قريتي آلوغ مريحاش تكون عليك لقراية بزاف كيما عامك لول بيسك ديجا اكي مجربة ، و هك تقراي و تفوتي لباك و نتي مرتاحة بيسك معندك واش تخسري ، جامعة اكي ناجحة و الباك أكي قريتيلو ... هذا هو رايي ...
بالتوفيق و ربي يسهلك ان شاء الله


صحيتي ختي مي بروبلام حنا سيستام lmd لازم تبلعي في ليدو سوماستر متنجميش تبلعي في لول ولاخر لا و كيما قلت مستحيل نقرالهم لزوج و نوفق بيناتهم منجمش
~ قدس ~
2018-10-06, 12:47
اناا رااني كيفك .. عام ليفاات فوتت البااك تقني ماجانيش معدل ملييح درت مات وانفو ..
مي بااش نبلوكي العاام ..

ورااني عندي شهر في داار .. ونقراا 9 سااعاات منضبطة طبعاا الانضبااط يرجع لييك انتي.. اذا كنتي مش حابة قرايتك هاذي ..
وحاابة تدي معدل ملييح .. انت تلقائيا رااح تقراايلها .. يعني في الاول يجيك شوي اهماال من بعد خلااص ..

انا لي في ايدوو يبلووكي ننصحه يبلووكي .. خيير .. سيرتو مات وانفو .. تقرايلها وحدها ويااربي تطلعي ..
Hou Da Lar
2018-10-06, 19:45
...............................................
ريتال2
2018-10-06, 19:48
سلام عليكم
اختي اقرايهم لزوج وان شاء الله تنجحي فقط نظمي روحك وركزي
اذا بغيتي نقترح عليك جدول بلاك يناسبك بالتوفيق
Hou Da Lar
2018-10-06, 19:58
سلام عليكم
اختي اقرايهم لزوج وان شاء الله تنجحي فقط نظمي روحك وركزي
اذا بغيتي نقترح عليك جدول بلاك يناسبك بالتوفيق

واه مديلي
بصح مشكلة منجمش نقرالهم لزوج باسكو مات انفو واعرة خصك تحطي راسك و تقريلها وحدها و امبوسيبل نتخلا على باك و من جيهة هدرة دارنا صحيحة الور حصلت حصلة تاع صح
ريتال2
2018-10-06, 20:02
واه مديلي
بصح مشكلة منجمش نقرالهم لزوج باسكو مات انفو واعرة خصك تحطي راسك و تقريلها وحدها و امبوسيبل نتخلا على باك و من جيهة هدرة دارنا صحيحة الور حصلت حصلة تاع صح

رايحة نراسلك في خاص ونفهمك
~عيون القلب~
2018-10-06, 22:52
السلام عليكم
من رأيي انك تحضري دروس الثانوية كشغل معيدة , و خاصة بعدما زادو قداش من حاجة في البرنامج في جميع المواد
نعرف وحدة كيما انت دات الباك بـ 13 بلوكات عام الجامعة وراهي تعاود فيه حرة , وراهي تحضر كل يوم في الليسي عندنا كشغل مستمعة كيما راهم يقولو
ربما هذي الطريقة تضمنلك تدي معدل حابته خصوصا انك معيدة
بالتوفيق
Hou Da Lar
2018-10-07, 21:43
اناا رااني كيفك .. عام ليفاات فوتت البااك تقني ماجانيش معدل ملييح درت مات وانفو ..
مي بااش نبلوكي العاام ..

ورااني عندي شهر في داار .. ونقراا 9 سااعاات منضبطة طبعاا الانضبااط يرجع لييك انتي.. اذا كنتي مش حابة قرايتك هاذي ..
وحاابة تدي معدل ملييح .. انت تلقائيا رااح تقراايلها .. يعني في الاول يجيك شوي اهماال من بعد خلااص ..

انا لي في ايدوو يبلووكي ننصحه يبلووكي .. خيير .. سيرتو مات وانفو .. تقرايلها وحدها ويااربي تطلعي ..



معليش تقوليلي شاهوما اجراءات لي نديرهم باش نبلوكي لعام