المساعد الشخصي الرقمي

مشاهدة النسخة كاملة : محاجب في الفرن مقرمشين .......امممممممممممم

dima 08
2018-10-05, 15:04
سلام الله عليكم حبيباتي توحشتكم بزاف ... راني غبت شوي عن المنتدى واليوم راني رجعت وبيديا معمرين لحبيباتي .....اليوم حبيت نشاركم بوصفة طبقتها صراحة لقيتها في النات وعجبتني النتيجة.... قلت نشارك بيها اغلى ناس وان شاء الله انتم تاني طبقوها وتعجبكم
لكم المقادير بالنسبة للعجينة ...كيلة سميد رطب ونفس كيلة فرينة منخولة ونص مغرفة خميرة كيميائية ومغرفة خل ونلم بالماء الدافيئ ونعجنها جيدا كيما الشخشوخة ومنديرهش مطلوقة بزاف ... بعدها نلوزها ونغطيها وتخليها ترتاح ..... اما بالنسبة للحشو لي هو نقلي بصل مع شوي ثوم وحبة طماطم مقطعة قطع صغيرة وشوي طماطم مصبرة وهريسة انا عن نفسي نقطع الفلفل الحار قطع صغيرة وزيتون اخضر ودبشة وفيونداشي حسب المقدور وفرماح وفرماج رابي ....كي بيرد الحشو نبسط العجينة بواسطة الزيت ونحط شوي من الحشو ونضيف شوي فرماج بربار وفرماج رابي ونغلقها وندهن وجه الحبة بالبيض والى الفرن مباشرة يكون مسخن مسبقا حتان تتحمر جيدا وقدميها مع العصير
لكم صور لتطبيقي المتواضع وصراحة عجبتني والدار كامل قلولي هايلة ههههههههه
تفضلوا.... في انتظار تعليقاتكم حبوباتي
https://up.djelfa.info/uploads/15387479594851.jpg

https://up.djelfa.info/uploads/153874795951682.jpg

https://up.djelfa.info/uploads/153874795956283.jpg[/IMG

[IMG]https://up.djelfa.info/uploads/15387479821281.jpg

https://up.djelfa.info/uploads/153874798217972.jpg
نتمنا تجربوها..... ولكم حرية التعليق حنوناتي بالتوفيق
مياسم الصمت
2018-10-05, 15:34
السلام عليكم و رحمة الله و بركاته
يعطيك الصحة
اكثر حاجة تعبني في المحاجب الطياب
خاصة لما تكون كمية كبيرة
لدي سؤال لو تفضلت
نطرحوا العجينة رقيقة كما المحاجب العاديين و لا تكون خشينة
raghado
2018-10-05, 15:43
4444444444 يعطيك الصحة هايلة راح نجربهاااا
dima 08
2018-10-06, 12:50
السلام عليكم و رحمة الله و بركاته
يعطيك الصحة
اكثر حاجة تعبني في المحاجب الطياب
خاصة لما تكون كمية كبيرة
لدي سؤال لو تفضلت
نطرحوا العجينة رقيقة كما المحاجب العاديين و لا تكون خشينة



وعليكم والسلام ... الله يسلمك حنونة نتشرف بمرورك الطيب ....طبعا على العين والراس ....تكون عادي ما رقيقة بزاف ما هي خشينة باه مايخرجش الحشو ونتمنا تجربيها وتعجبك وتشاركينا بتطبيقك شكرا حبيبتي
dima 08
2018-10-06, 12:52
4444444444 يعطيك الصحة هايلة راح نجربهاااا

الله يسلمك حنونة شكرا ....هيا جربيها واعطيني رايك وشاركينا بتطبيقك نحولة
fati13
2018-10-06, 13:41
يعطيك الصحة ختي والله غير نجربها عجبتني بزاااااف واحلى تقييم
نبض قلبي
2018-10-06, 14:59
السلام عليكم
ساهلة و خفيفة
قيد التجريب
يعطيك الصحة👍
idem16a
2018-10-07, 12:22
يعطيك الف صحة حبيبتي ديما.جاوك يهبلو.نموت على المحاجب.وكيما قالت مياسم الصمت.يعيوني طيابهم. فقط سؤال.كي تحبهم في الفور.يتنفخو وحدهم.ونقلبوهم من الجهتين كيما المحاجب العاديين. ويعطيك الف صحة
ملاك ملاكي
2018-10-07, 15:17
امممم يعطيك الصحة والعافية غاليتي.... بالفعل هااايلة شهيتيني ياعطيك الخير������ أن شاء الله نجربها اذا حب ربي
مي راكي غبتني علينا..... وفرحت برجعتك أن شاء الله تشاركينا بكل ماطبخت يداكي
مشكوووورة حبيبتي موفقة
جنة الفردوسْ
2018-10-12, 10:25
ممممم شهيتيني جاو روعة ومقرمشييين... يعطيك الصحة حبيبتي... جاري التطبيق ان شاءالله
بسمة ღ
2018-10-12, 10:58
اممم تبدو لذيذة
يعطيك الصحة أختي الغالية
المطمئنّة
2018-10-12, 16:34
السّلام عليكم ورحمة الله وبركاته
جزاكِ الله خيرا وبارك الله فيكِ على الوصفة
بـــيِسَة
2018-10-12, 17:48
سلام
امممممممممم تع الصح
ماااااارسي اختي
بصحتكم