أود من جميع الأعضاء نصحي سواء كانوا رجال أم نساء

[مشكلتي]

أولا السلام عليكم

أنا فتاة في 21 من عمري جامعية أود من جميع الأعضاء نصحي سواء كانوا رجال أم نساء
في الحي الذي أسكن فيه هناك رجل دائما عندما أخرج من البيت لأشتري أو لذهاب لأقارب أجده دائما ينظر الي فهو يعرف أين أسكن في البداية كان يود أن يتكلم معي في الهاتف حيث في أحد المرات و انا ذاهبة الى جامعة أراد أن يعطيني رقم هاتفه و لكن أنا لم أعطيه أي فرصة ليتكلم معي أنا عندي مبدأ من يريد أن يخطبني من أهلى لا اود أن أتكلم معه أبدا مع علم انه يعرف أفرادا عائلتي أنا يبدو لي شخصا جيدا أنا فعلا أود أن يخطبني ماذا أفعل هل أنتظر الى أن يخطبني فلا ربما هو لا يود أن يخطب ربما نيته غير ذلك أم أعلمه انني أود أن يخطبني فهو يعجبني
أرجو منكم نصحي أختكم
وشكرا مقدما

[زبدة ذايبة]

وهذا اللي يظل قاعد يستنى فيك مايخدمش؟؟؟؟؟

كل مافي الأمر أنه حب يوسوسك ويخليك تشكي

ومن ثمة تبداي تفكري فيه

ومنه يعطيك التلفون

ومنه تقولي راه يحبني

ومنه تقولي يحوس يجي يخطبني

ومنه تقولي ممكن يكون يحشم ومايعرفش كيفاش يبدى

ومنه أنت راه عاجبك

ونقولك غير أخطيك

وألتهاي بقرايتك.

هذ النوع من العباد يجوز وقتو في الشوارع

حتى ينسج قصة جديدة مع ضحية جديدة.

لو كان كل رجل يقوم بعلاقة مشبوهة تبان عليه.

رح تشوفي الفضايح.

الرجل الشهم

الرجل الرجل مايديرش هكذا.

هذا عجبو صغرك

وحب يلعب بيك مثل الدمية

يهدر معاك في التلفون ومن بعد......

ومن بعد إلى سلة المهملات.

ردي بالك تغلطي

اللعب بأمور الشرف نهايته وخيمة

ماتكونيش لعبة في يد من هب ودب

وماترشحيش نفسك تكوني فريسة

لكل مفترس.

المبدا اللي قلتي راه عندك ابقاي ثابتة عليه حتى تموتي.

وهذا مطلب ديني وشرعي.

ماتحطيش راس والديك في التراب.

وماتشوهيش سمعتك لأجل كل ساقط.

ولأجل شباب الطرقات.

[نبض قلبي]

السلام عليكم
لاداعي لإنتظاره ،او الذهاب اليه او اعطاءه رقم هاتفك
لا أظن انه يطلب الحلال و ان اراد ذلك فبيت اهلك مفتوح و له كل الحرية ليتقدم لوالدك
ربي يجيبلك اللي فيه الخير😊

[مُحمد رازي]

أولا السلام عليكم

أنا فتاة في 21 من عمري جامعية أود من جميع الأعضاء نصحي سواء كانوا رجال أم نساء
في الحي الذي أسكن فيه هناك رجل دائما عندما أخرج من البيت لأشتري أو لذهاب لأقارب أجده دائما ينظر الي فهو يعرف أين أسكن في البداية كان يود أن يتكلم معي في الهاتف حيث في أحد المرات و انا ذاهبة الى جامعة أراد أن يعطيني رقم هاتفه و لكن أنا لم أعطيه أي فرصة ليتكلم معي أنا عندي مبدأ من يريد أن يخطبني من أهلى لا اود أن أتكلم معه أبدا مع علم انه يعرف أفرادا عائلتي أنا يبدو لي شخصا جيدا أنا فعلا أود أن يخطبني ماذا أفعل هل أنتظر الى أن يخطبني فلا ربما هو لا يود أن يخطب ربما نيته غير ذلك أم أعلمه انني أود أن يخطبني فهو يعجبني
أرجو منكم نصحي أختكم
وشكرا مقدما


يعرفك وين تسكني و زوج خطوات قدّام الدار و ما تقدمش لخطبتك !! راه يستنى حتى يقولك بالهاتف راني جاي وجدي القاطو و القهوة و التاي

الأمر واضح وضوح الشمس من هذا الشخص و بأن القضية عنده مجرد تمضية وقت لا أكثر و ملء فراغ و كما أشارت الأخت في ردّها السابق و بما أنك تصادفينه كل مرة عند خروجك و هو يراقبك هذا ما عنده خدمة يتلهى فيها ما والو ؟ الأمر راه باين كيف راح يبدا و كيف راح يخلص و سيكرر لك نفس الأغنية الشهيرة التي تم إيقاع بها الكثير من الفتيات الساذجات و التي من كلماتها : قصدي شريف و راني ناويك للحلال و اعطيني النيميرو و نتعرف بيك و يدخلك في متاهات لا مخرج لكِ منها ، المشكلة الآن أخشى بأنه قد التمس منك و من خلال ردود أفعالك عند مصادفته بأنه ليس لديك مانع و هذا ما هو واضح من خلال الكلمات التي قلتها أنتِ و لونتها في الاقتباس بالأحمر فهو سينتبه لهذا الأمر و سينعكس تصرفك و رد فعلك عند مقابلته و ستظهرين له اللين و أنك سهلة المنال و هو سيعمل على هذا الجانب بلا كلّ و لا ملل ما راه خاسر والو و سيواصل إصراره إلى غاية أن ترضخي له و تقولي في نفسك فعلا هو جاد و ما المانع من أن أعطيه فرصة و حينها ستذهب مبادئك في مهب الريح و تبيعينها بثمن بخس دراهم معدودات ، و بالعكس لو وقفت معه وقفةً حازمة و أظهرت له اشمئزازك من مصادفتك له في كل مرة و جعلته يسمع تعوذك في كل مرة تمرّين عليه لكان قد أخلى سبيلك و أعتقك منذ زمن ، لهذا دعي عنك هذا الوهم بأنه جاد لأن الجادين يجو باينين

[نجاة^^]

الله أعلم بما في القلوب
ولكن مثل ما أشار الإخوة قبلي فلا تحدثي ضجة واتركي كل شيء كما أراده الله ،وخاصة انه يعرف أهلك و بيتك ،
سهل الله أمرك أخية

[ابن الجزائر11]

السلام عليكم

لا تفتحي الباب أتركيه موصدا خير لك من جلب الويلات .........

وإن كان صادقا سيطرق باب وليك وسيفتح له .

الحلال بين والحرام بين .

[محارب الحمق]

من يريدك يطرق باب منزلك

[بسمـة أمل]

من يريدك ..يقصد أهلك مباشرة اختي

[أم رقية نسرين]

سلام ختي
يعني هو يظل مكالي الحيط و يتفرج و مش مكسر راسو و نتي مكبرتو في راسك و تسناي فيه ؟؟؟ وش محبسو كون جات نيتو شريفة ؟ خمي مليح اتولهي بقرايتك و اخطيك منو

[سَامِيَة]

هو يحاول تنويمك مغناطيسيا اختي عن بعد لانه يعرف جيدا ان مثل هكذا تصرفات مع الوقت يمكن ان تاتي بنتيجة ايجابية وربما قد مر بتجارب سابقة مشابهة وربما قد وضع ميلانك اليه ورضوخك تحد من تحدياته مادمت قد رفضت الامر قبلا !!
نظراته تلك من بعيد تاثيرها مثل تاثير الريح لما تهز اوراق الشجر فتسقطها
واذا ما اشتدت قوتها أصبح بامكانها اقتلاع الشجرة من جذورها
وبعض المعادن الصلبة اذا ما أردنا إعادة تشكيلها كما نريد فسنعرضها للحرارة
وما ان تلين فإننا نصنع بها العجب !!

كذلك انتي ان سمحت لنظراته و" صماطتو " ولا نقول حرصه في ان تزحزحك عن قيمك وان خطوت خطوة اولی ربما ستجدين صعوبة في تدارك الوضع حتی وان ظهر لك بوجه مغاير تماما٬ربما لم يبقی الكثير علی موعد تاسيسك لاسرة طيبة فلا تدمري كل ما بنيته من سنين..

كثير من الزيجات انطلقت من هكذا تفاصيل فضرب طلة من النافذة ثم قصد الباب أصبح شائعا ولكننا لا نريد زواجا وكفى بل نريده زواجا مباركا

[noursm]

يعني في رايك هو قاعد يسنى فيك باش تقوليلو ارواح اخطبني ؟؟
صار هو كرامتو (ولا اي سبب) ما خلاتوش يجي يقولك نخطبك و انتي زعما رايحة تكوني فحلة عليه .
كون بالو يخطب يجي يهدر مع اهلك بلا ما يعرف نفسو ليك اصلا .
اخطيك منو و ابقاي كيما راكي، ثقيلة و رزينة ، لكان راهو من نصيبك يجي و حدو يخطب و لا ما هوش من نصيبك اهدري معاه على روحك ماش رايحة تغيري نصيبك و يجي يخطبك، بالعكس رايحة تخسري كرامتك كفتاة .
ربي يسهلك اختي.

[مسامح.]

إياك أن تعطيه رقمك
ويجب أن تصرفي بالك عنه
ولوكان مربي لما غاكسك

[Dahlia 90]

اللي يحبك صح يخاف على سمعتك و اذا كان ناوي الحلال مايطلبش رقمك بل يقصد أهلك يعني يدخل من الباب ماشي من التاقة*

[*سندوسة*]

نصيحتي ليك اختي الكريمة ماتتقلقيش على رزقك
وماتتخليك على المبدأ نتاعك لي يحبك يجي يطلبك من بيت اهلك ماشي من طرقااات

[*** عبق الزهور ***]

السلام عليكم

بالعربية هذا فارغ شغل وقاتلو الفيد لي عينو فيك يجيك للدار

ما تعمريش راسك بيه الهاي بمستقبلك

ربي يفرحك ان شاء الله

[رندة.]

حاولي تنحيّه من راسك تماما وكأنه مش موجود، اهتمي بقرايتك هي الصح، والسيّد هذا لو كان جا ناوي يخطبك راهو تقدّملك مادام أنو يعرف داركم ويعرف أهلك، علاه قاعد غير يراقب فيك ويترصّد في فرصة منك باش يهدر معاك.
ما تستعجليش على رزقك وأبقاي محافظة على مبادئك إلي كنتي محافظة عليهم طوال 21 سنة، مش تجي "في آخر السبولة تقصي صبعك" كيما يقول المثل.
ردّي بالك تغلطي وتهدري معاه أو تعطيلو رقم الهاتف تاعك، كوني على طبيعتك وتصرفّي وكأنك مش شايفاتو نهائيا، فإذا كانت نيّته طيّبة راح يجي يخطبك من عند أهلك، أما إذا كانت نيته العكس مع الوقت راح يمّل منك ويخليك في حالك.

[muslim girll]

علاه هادا مايعرفش حتى تقوليلو انت ارواح تخطب راك عاجبني
لي يحبك يجي ليك من لباب خاصة انو يعرف داركم
الراجل جامي ديريلو الاعذار .
ربي يبعد عليك الناس لي ماشي ملاح
والله اعلم

[oum abderrahim]

ياحبيبتي مازالت صغيرة ومازال تتلاقاي مع ناس أو ناس شوفي هاد السيد اذا كان من مكتوبك ماتخمميش راح تتزوجيني بيه واذا ماشي من مكتوبك ماعندك ما ديري ولهذا ماتحطيش روحك في مواقف ربما سوف تندمين عليها خلي كلش المكتوب واستناي وقراي جيبي ديبلومك هو سلاحك في هاد الدنيا وربي يوفقك

[toulay]

وعليكم السلام ورحمة الله وبركاته
من الاحسن تتوله بقرايتك خير وهو لبحر والشكارة لانو كون جاء صح عينو فيك حاجة ماتحكموا ويجي يهدر مع داركم طول
لانو الرجل يا اختي مين يحب وحدة راح يجري يتقدملها باش واحد مايسبقوا
مالا غير طيش عليك ويجي النهار وتشبع ضحك على السذاجة تاعك وماتقولوا مايقولك
ياك يعرف الدار خلاص مالا
وفي الاخير نقولك الرجل إذا أراد فتاة سيأخذها من بين ألف سيف وان لم يُردها سرق من فم الشيطان ألف كذبه ليُوهمها أنه حاول حقاً الوصول إليها
بالتوفيق