اريد المساعدة

[الحالمّــة]

السلام عليكم

انا طالبة مترشحة حرة

مشكلتي هي كلما اريد الدراسة احس ان راسي سينفجر نقرا غير ساعتين نعيا اظن انه من تعب العام الفائت

وكذلك عندما اجد الالة الحاسبة اضل احسب و افكر في صديقاتي اللواتي حققن احلامهن

احتاج المساعدة

[الحالمّــة]

.................................................. ..................................

[~ قدس ~]

انا ثااني كنت كيفك االمدة هااذي .. خاصتا انو لثنين في نفس الحاالة .. انا ثاني مترشحة حرة ..
اولاا علييك بالاستغفاار .. فهو ييسر الاموور ..
وكي تقرااي مثلا ساعتين ..
الوقت البااقي ابقااي خممي كي تحققي هدف نتااعك وش رااح ديري ..
المهم مثلا توالفي عن تقعدي في الداار لي تقرااي فيها .. بلا ماديري والو ..
انا مثلا ربما كي تحدثنا المرة ليفااتت شركتك هدفي .. ونضل نخمم بييه حتاان وليت نقرا 9 ساعات منظمة وبارادتي ..
ووليت نزيد في ربع سواايع من عندي من غير تااع بابا اكي عارفة .. هذا كل رااجع للهدف تااعي ..
وتحسي براسك رااح يتفجر .. عقلك هو يقلك هكا ..
الشيطاان لي يدير هكا .. يبعد فيك عن قرايتك ..
استحفظي برك تقولي مانعاودش ونقرا في الجامعة .. راح تراودك افكار كي هكا ..
حاولي كي تقرااي ووين تحسي براسك ولا حاجة خممي في الحاجات لي مليحة لي راح تصرا بعد لقرايا هاذي ..
راح ترجعي ليه ليه تقري ..

[الحالمّــة]

تقولي راكي حاسة بيا قدس هادي الافكار كامل تجيني هههه
و زيد نبدا نقول مازال الحال على القراية لانو 10 تمارين نحلهم في ساعة يعني نحس بلي بلخف نكمل البروغرام هههه
و راسي صح كي نكمل القراية يبدا يغلي هههه مشي وساويس صح

[الحالمّــة]

help me please

[~ قدس ~]

10 تمارين تحليهم في ساعة معلييش مي رااكي بااه تحاربي .. علقل في كل وحدة تحلي 200 تمرين .. اضربيها في سبعة .. تجيك التمارين لي بش تحليهم في الرياضيات .. زيدي اضربيها في 2 النتيجة ليفااتت يعني بااش تحليها في رياضيات وفيزياء .. وكذلك عندك 200 مصطلح تحفظيه .. 135 تارريخ .. 50 شخصية .. هذا كل فوق الاضافات وو خلي الدرووس ..
لازم مفصلة وكل وحدة 6 نقااط .. فرنسي لازم علقل البكالورياات كامل تفوتي عليها .. وفي ثلاثين كلمة في كل نص تحفظيها خلي الانجليزية وقواعدها .. ونصوصها لي ربع مجالات وفي كل مجاال لازم تهزي 200 كلمة ..
اذا تحبي نكملك بااقي الموااد .. يعني تبدي ضرك وان شاء الله تلحقي .. خممي انك كل مادة داخلة للامتحاان بااش تعرفي كل شي .. ان شاء الله .. كلا سؤاال تعذر عليك ..

علابالي صح ماش تواساوييس .. لاني حسيت كيفك بالضبط قبل سمانة .. مي الحمد لله تغلبت عليها ..
وين تجيني حالتي ههه ماما تسميها الحالة .. نقلق ورااسي نحسو خلااص انا وما نقدرش نتحملو ..
نبدا ندوور وندوور نص سااعة .. نريح ونرجع نقرا هاذي طريقتي .. انتي تقدري تقري ساعة وتريحي سااعة ..
وهكذا حتاان توالفي بثلاث ساعات وربعة ..

اصعب مرحلة هااذي .. سيرتوو مين تحاربي تمرين السؤال لول ماتعرفييش ..

عارفااتك قووية .. وتتجاوزيها .. البااك مش عباارة عن قراية .. لانو كاامل كاامل عندنا عقل ونقرو ..
كيما يقول احد الفلاسفة .. ان العقل اعدل الاشياء توزيعا بين النااس .. البااك غير لي يقدر يتجااوز اك المحن والصعااب
لي تواجهه في طريقه للقرايا ..

[الحالمّــة]

صحيتي بزاف قدس فدتيني وطلعتيلي المورال

نحن لها

[* قمر*]

ربي يكون معانا و الله مثلي تماما مقدرتش و لكن راني نحارب من أجل الهدف و وووو
بالتوفيق