ساعدوني واجركم على الله

[مشكلتي]

السلام عليكم
انني في مشكلة كبيرة حقا ضاق صدري ثقتي بنفسي زالت
القصة
كانت سنة من سنوات مرت علي سيئة لدرجة الموت كاااارثة تحصلت معدل لم اتوقعه في 4 متوسط كما انني تشاجرت مع جميع زميلاتي

+الان انا بكالوريا اصبحت اخاف ان تعود تلك السنة لوتعلمون صار عندي فوبيا لدرجة كبيرة مثلا

لبست البني في تلك السنة لن البسه بعد الان +درسني رجل في متوسط اخاف ان يدرسني رجل
والامر مستمر اشعر حقا بالضيق

[مراد سابقا10]

انت لي توسوسي في روحك مكان والوا

اقراي قرايتك وانزعي تلك الأفكار من دماغك.

[زبدة ذايبة]

هذا من الرابع متوسط.!!!!!!!

اللي كان صغير كبر

واللي كبير زاد كبر

والمعدلات طويت صفحتها

ودخلتي مرحلة جديدة


ولكنك ماشي حابة تخرجي من المتوسطة.

المعدلات والدرجات ماهي إلا وسيلة لنقلك لمستوى جديد فقط

ماراكي رايحة تخدميلنا الصواريخ

ماراكي رايحة تخدميلنا النووي

ماراكي رايحة ترجعي الجزائر جنة خضراء.

ياربي تنجحي وتجيبي معدل يسمحلك ديري تخصص مليح كيما راكي حابة.

يعني ماكالاه تضخمي الأمور

وتعطيها أكثر مما تستحق.

لا اللون البني رايح ينجحك

ولا رايح يرسبك.

ولا ختى الظروف اللي جوزتيها

في المتوسطة رايحة ترجع بنفس الكريقة

هذا عقلك فقط هو اللي صورلك هذ الأفكار اللي ماعندها حتى أساس

قاعدة تخوفي في روحك بروحك

تكملي هكذا ماتوصلي لحتى شيء

نهايتك تكون الرسوب وتخرجي من الثانوية من الباب الواسع.

ردي بالك تجرك الأوهام إلى ما لا يحمد عقباه.

نحن مسلمون ومؤمنون بالله

اللي عليك ديريه

والنتيجة بيد الله هو اللي يوفق.

قوي إيمانك بالله

واقراي أو استمعي لدروس عن التوكل على الله

لعل وعسى ينصلح حالك

وتزول هذه الأوهام من رأسك

ربي يوفقك.

[Histidine~]

انا كنت نفس مشكلك عزيزتي
اشعر بك جيدا
اولا و قبل كل شيء يجب الصلاة و كثرة الدعاء و الذكر
تخيلي انك امام حاجز ثم قولي لنفسك هذا حاجز سهل تحطيمه و سهلي الامر و حطميه و تخلصي من حطامه
ثم اقنعي نفسك ان تلك وسوسة الشيطان و ان كلامه مجرد وهم و ان شخصيتك تتغير للاحسن
و ركزي على ايجابياتك و قولي (انا بطبعي ايجابية لانني انسان و فطرتي الاسلام و الاسلام دين السلام و الايجابية و لا يمكن للشيطان ان يغويني لانه لا يمكن ان يقوم ضعيف و فاشل ببرمجة عقلي كما يريد)
ثم ديري في راسك كأنه مر قرن على الرابعة متوسط
و ركزي جيدا على ال3 ثانوي و دروسها و اهم شيء ادركي ان برمجة العقل حرام و ووهم (و التي يوهمك بها الشيطان لكي لا تبلسي البني )
البسيه زكارة فالشيطان و لا تهتمي
موفقة

[noursm]

راكي في مرحلة المراهقة و نتفهمك .
بالصح نقولك حاجة اخطيك من التوسويس هذا راهو الشيطان - و العياذ منه - قاعد يوسوس في راسك باش تخممي غير في التفهات و تنساي الأهم اللي هو الاجتهاد من اجل النجاح و التفوق .
كيما قالتها الاخت زبدة ذايبة اللون البني ما رايح ينجحك و لا رايح يرسبك .
هيا فحلة توكلي على ربي و اسعاي باش تنجحي و اخطيك من التفاهات .

[رندة.]

الرابعة متوسط والثالثة ثانوي هي بمثابة إمتحانات باش تنتقلي من مرحلة المتوسطة للثانوية ومن مرحلة الثانوية للجامعة.
ما تكبريش الموضوع وتوسوسي روحك وتضيعي وقتك في احتمالية أنو تتعاود نفس مرحلة المتوسط في الثانوية، الآن راكي كبرتي مقارنة بهذاك الوقت، ركزّي في قرايتك مليح وتغلبّي على وسوسة الشيطان، وين ما تخممي أنو يمكن تكرر عندك هاذيك الحالة تاع المتوسط وتشاؤمك من اللون البُني استعيذي من الشيطان واستغفري، وان شاء الله ربي يوفقك وينجحك.

[zineb zizi47]

ما كاين والو ما راح يصرا والو ديري لي عليك و الباقي على ربي

[22bilal bilal]

خيك من الطيرة واقراي وحافظي على صلواتك ووكثري من الاستغفار
ربي يفتح عليك وعلينا