كسولة مرت من هنا.

[Histidine~]

السلام عليكم
اخيييييييييرا لي مدة ما دخلتش نتمنى تكونوا بخير
المهم .. عندي مشكلة النوم الثقيل و التشتت
اللي يعرف اي حل باش نتفاداهم يقلي بليز
و اجركم على الله

[ا̍ڔٰا̍دۃ ۛ ּحۡــدڀــدڀــۃ]

اعتقد دائما الاوتاكو بعانون من التشتت هههههههههههه

أحسن شيئ الدراسة في كان هادئ و النوم و النهوض المبكر يبعد عنك التشتت

[Histidine~]

المشكلة انني انام باكرا و استيقظ متأخرة بسبب الكوابيس
و الاحلام التي تاخذ اكثر من ساعة بعد الاستيقاظ بالتحليل

[~ قدس ~]

يعني لو ما قضيتيش عن مشكلتك بنفسك رااح تصيري في دوامة كبيرة ولي هي تعاودي العام جااي حرة .. كيفي ..

كنت أكبر كسولة العام الماضي .. نرقد بعد صلاة العشاء نووض 7ونص نجري تخيلي ..

حتى هذا عطاني نتيجة 10 ..

ننصح تحلي المشكلة هاذي في أقرب وقت .. راح تسببلك الكثير من المشاكل ..

[Histidine~]

يعني لو ما قضيتيش عن مشكلتك بنفسك رااح تصيري في دوامة كبيرة ولي هي تعاودي العام جااي حرة .. كيفي ..

كنت أكبر كسولة العام الماضي .. نرقد بعد صلاة العشاء نووض 7ونص نجري تخيلي ..

حتى هذا عطاني نتيجة 10 ..

ننصح تحلي المشكلة هاذي في أقرب وقت .. راح تسببلك الكثير من المشاكل ..

شكرا اختي ، هل من طريقة للتخلص من هذا ؟

[~ قدس ~]

من المفروض انتي الاجدر انك تلقي طريقة لروحك وتحلي بيها المشكلة ..

اناا لحد الساااعة نعااني منه ههه بيناتنا نرقد العشرة نوض الستة .. مي حتى هي نهاار كل قرااية في داار ..

ننصحك أول حاجة تتحدي الهدف تاعك وهو انك تجيبي الباك بالمعدل لي حاباته ..

وبااه تجيبي واش حاابة لازم نضحو بأشياء سعاات تكون مادية وسعاات معنوية ..

انتي ماعندكش حوايج كباار بااش تضحي بيهم وهو سواء انك تنقصي سوايع النووم .. ~الخموول~

يعني تقدري تديري المنبه تااع تلفوون خمس منبهات وراء بعضاهم ويكون تلفوون بعيد عليك ..

مش تحت لوساادة .. كيما انا ندير .. وكيما يديرو يااسر نااس ..

تقدري تعطي المهمة هاذي لواحد من الوالدين الكريمين .. يعني تقوليلهم لازم تنوضوني كذا وكذا ..

اذا عندك خو او اخت دايما ينوضو قبلك .. قوليلهم نوضوني بأي طريقة وحتى بالماء ..

واهم حاجة انك انتي تعزمي فليل على انك تنوضي صبااح بكري ..

لازم تتحدي رووحك .. هو عاام وفاايت .. علقل تقولي يااه كنت نرقد وبسباب البااك نقصت وكذا وكذا ..

ولو ماحليتيش المشكل هذا في الشهر الاخير رااح تعاني يااسر تولي نووم وماترقديش فليل وبالمقاابل ما تقدريش تركزي ..

اما بالنسبة للنوم بكري مثلا ترقدي العشرة ونتي تحبي تبقااي للثناش .. كل نص ساعة نوضي واشربي شوية ماء ..

وفي بدااية قرايتك وخاصتا في شتاء موعد العشاء يقدم يولي في حدود السعة ونص .. يعني تبدي تقرااي الثمنية ..

احرصي انك تجيبي كااس قهوة او كااس تااي .. انا كنت من محبي لاتاي .. راح يعاونك انك تسهري شوية ..

نتمى اني فدتك ولو بالقليل ..

واني قتلك الاهم انك في ذاتك تقولي بااش نووض بااش نووض ..

آه أيضا نسيت آية قرأنية تساعدك بااه تنوضي صبااح .. وهي أواخر سورة الكهف بدأ من الآية 106 حتى 110 ..