تسجيل الدخول

مشاهدة النسخة كاملة : -- الفيزياء ❤ --

〆 بٰٰاولو 乄
2018-09-05, 13:25
سلام خاوتي

راح نحكيلكم شوية على البرنامج الفيزياء :

❤️ المجال الاول راح يكون ( الاكسدة و الارجاع ) مانيش متأكد و لكن على ما أظن طرقتوله العام لي فات و راح يكون عبارة عن معادلات و جدول تقدم . حساب كمية المادة و تفاعلات سريعة و بطيئة و ماشبه . و هو مخصص للناس لي تبغي الكيمياء ههههه و ماهوش مجال صعب . يسحق شوي مراجعة برك .
❤️ المجال الثاني راح يكون ( التحولات النووية ) و هذا مجال جديد عليكم خاوتي . راح يكون يحكي على التحولات النووية و كيفاه النواة تتفكك و بعد ماتتفكك واش يصرا و كيفاه نواتين يلسقو في بعض و شحال من عفسة عندها علاقة بالنووي خاوتي .
❤️ المجال الثالت راح يكون ( التحولات الكهربائية ) و في زوج أجزاء اللول ( RC / المكثفة )
و الزاوج ( RL / الوشيعة ) و راح يكون يحكي غالبا على الدارة الكهربائية و جهاز راسم الاهتزاز المهبطي و الدارة الكهربائية كيفاش تتشحن و كيفاه تتفرغ . و الحاجة لي تعيي فهاذ المجال هي المعادلات التفاضلية ! لازم شويي تع حفيظة فيه .
❤️ المجال الرابع راح يكون ( PH متر ) و هاذ المجال عنده علاقة مع المجال الاول . يحكي على المعايرة و كيفاه نراقبو كاش تحول بال Ph متر . و معادلات و جدول التقدم و نقاط التكافؤ ... الخ
❤️ المجال الخامس راح يكون ( الميكانيك ) بصراحة اطول و اصعب وحدة تقراو اول حاجة على الاقمار و الارض و الشمس . و من بعد تقراو فيها أنواع السقوطات ( يعني يجيب كرة و يطلقها .. الخ ) و من بعد تقراو على القذيفة . و للأسف كل درس عنده بزاف قوانين و طرق لي لازم تعقل عليهم و لا ماتعرفش تحل . و هاذ المجال بالذات لازم تكونو تعرفو الزوايا المثلثة ههههه
❤️ المجال السادس راح يكون ( الاسترة و الاماهة ) و نفس الشيئ وحدة تابعة للكيمياء و تسحقو فيها كيمياء الكربون لي قريتوها العام لي فات . و رايحين تقراو على المردود و ما شبه .
ملاحظة : في هاذ الوحدة العلميين يقراو برك نصها و النص الزاوج يقراوه برك التقنين و الرياضيين و يسمى بالأعمدة و هو سهل نوعا ما .
❤️ المجال السابع راح يكون ( الاهتزازت ) و هاذ المجال يطيح بزاف بزاف فالباك . و هو فاني مجال فيه بزاف القوانين . و رايحين تقراو فيه على النواس ( روسول بالدارجة ) يقولك نمدوه و من بعد نطلقوه واش يصرا و منا و منا و فاني تقراو فيه الاهتزازات الميكانيكية و الكهربائية. و فيه عنوان تع ( النواس المرن ) خاص برك بالرياضيين و التقنيين . و هي وحدة طويلة نوعا ما . .
......
نتمنى ديتو نظرة على البرنامج خاوتي ❤️
ilyes1996
2018-09-05, 13:29
شكراااا لكك هههه
〆 بٰٰاولو 乄
2018-09-05, 13:35
شكراااا لكك هههه
العفووو 😊😊
The Gamer
2018-09-05, 13:44
بارك الله فيك اخي على المختصر المفيد للبرنامج الفيزياء
جزاك الله خيرا
nr.houda
2018-09-05, 14:47
مشكور
ربي يوفقك و يوفق الجميع ^^
ورد الاوليف
2018-09-05, 21:20
بارك الله فيك
اخلاق راقية
2018-09-05, 21:30
وش راه يقارعلنا
شكرا اخي
〆 بٰٰاولو 乄
2018-09-06, 08:33
العفوووووو ^^
Alponlib
2018-09-06, 14:05
شكرا جزيلا لك
جوهرة الإيمان31
2018-09-06, 16:12
بآرك الله فيك..
~زهرة اللوتس~
2018-09-06, 18:00
بارك الله فييك ^^
فتاة مغامرة
2018-09-06, 19:14
بارك الله فيك