الشرطة العسكرية تطلب مني القدوم الى ثكنتها العسكرية بسبب طرد وصلني !!

[chamsodz]

السلام عليكم

في حادثة الاولى من نوعها .. اتصلت بي الشرطة العسكرية التابعة لولاية عنابة ''خط احمر تحت كلمة العسكرية''

وكل هذا بسبب كاميرا مراقبة على شكل مصباح

اليوم على ساعة 12 زوالا اتصل بي شخص من الهاتف التابت قال لي راني الامن و سقساني على كولي جاني قوتلي وي راهو تيعي

قالي الكولي راهو عندنا و قالي لزملك ترخيص على كاميرات كيما هاذو ,, قالي عمبالك ؟؟ .. قوتلو علاه ترخيص راهي كاميرا عادي

طلب مني ان نلتقي وقالي كتوصل لبلاصة الفولانية عيطلي و مدلي رقم هاتفه الشخصي ... انا كنت حاطو من الامن الوطني قوتلو واش من ابريقا تخدم

قالي لا راني امن عسكري انا ههه تخلعت انا ,,,, ضحك و قالي متخافش راني حاب نسقسيك اسئلة عادية برك على هاذا الكولي

رحت لبلاصة لقالي عليها عيطلو هذا البنادم مهزش عليا في الهاتف

دخلت ليهم في الثكنة قالولي راهو ماكانوش غدوا ارواح صباح تلقاه

درك انا حاب نفهم واش دخل الشرطة العسكرية في قضية كيما هادي ؟؟ وهل سمعتم من قبل بشخص تم التحقيق معه من طرف الشرطة العسكرية على جال كولي ؟؟

وهل كاين احتمال نقدر نخرج الكولي هذا ,,, ولا خلاص راح

[chouder youness]

على حساب علمي كاينة حساسية على الاجهزة هاذي يعنييحطوها اجهزة تجسس هههههه على كل حال استفسر عندهم ويجب عليك تكون تعرف القوانين وتعرف كيفاه تهدر معاهم ومتخلهالهمش يديوهالك ربي يجيب الخير خويا ووافينا بالجديد تاعك ^^

[bilalbilo]

على حساب علمي كاينة حساسية على الاجهزة هاذي يعنييحطوها اجهزة تجسس هههههه على كل حال استفسر عندهم ويجب عليك تكون تعرف القوانين وتعرف كيفاه تهدر معاهم ومتخلهالهمش يديوهالك ربي يجيب الخير خويا ووافينا بالجديد تاعك ^^

صراتلي مرة لكن ماشي بالضبط كما انت
انا شريت بطارية تاع اله قياس الطرقات ( معلبليش اسمها ( المهم تما شحنها ودخلت الجزائر ولما زصلت الي قسنطينة حصلت تما
بعد عدة ايام اتصلت بهم وقالولي مكانش كما تجي لعندنا وتشرحلهم نوع البطارية
المهم روحت لعندهم ودخلت
استفسرت عن المنتج قالولي راهم بعتوه للجيش بحكم ان الجيش له معدات و تقنيون لمعرفة نوع البطارية واستخدامها لان عامل الجمارك شك فيها بطارية تاع الطاكي واكي ...
هي قصة نوما مشابهة
وفي بعد شهر وبضعة ايام من ذهابي اليهم وصلتني

[شخص خاص]

ربما احتوت سلعتك على الكترونيات تجسس أو حساسة ، لذا حولت للأمن العسكري.

[محمد تلمسان12]

راك عاد تستقسي ادا تقدر تخرج الكولي هدا اخرج انت بزاف عليك
الادوات هادي ممنوعة منعا باتا و تستخدم لتجسس خاصة ادا شريت الي تركب كمصباح لان الغرض الوحيد من شرائها التجسس بنظرهم
سيتم التحقيق معك مصدرها و سبب استخدامها ...الخ و سلعتك سيتم حجزها

[safakavani]

انت سقسيت اذا تقدر تخرج السلعة او لا يا كي اتصلو بيك مش باش يعطوك السلعة باش يمدولك شهادة تمضي و تبصم اسفلها بان تتعهد لن تدخل اشياء مشابهة لها و هذا اذا عرفت كيف تتحدث معهم واذا لم تعرف قادر يمدولك غرامة مالية و هذا اذا سلكت انت ربي يجيب الخير
افيدنا على كل ماهو جديد اخي شمسو

[الحاج انطوان]

للمعلومة اي مركز فرز طرود عبر كافة الوطن يوجد فيه ممثل سلك للامن العسكري و ممثل سلك الجمارك والباقي عمال للبريد
امر عادي كاميرا مصباح للتجسس فاكيد الامن العسكري يتدخل لمعرفة من انت وما الغرض من شراءك للكاميرا

[chamsodz]

للمعلومة اي مركز فرز طرود عبر كافة الوطن يوجد فيه ممثل سلك للامن العسكري و ممثل سلك الجمارك والباقي عمال للبريد
امر عادي كاميرا مصباح للتجسس فاكيد الامن العسكري يتدخل لمعرفة من انت وما الغرض من شراءك للكاميرا

نعم كلامك صحيح

قالي عيطنالك باه نعرفو شكون انت ووعلاش جبتاها

وبقية يسأل اسألة روتنية .. واش تخدم ولا تقرى ؟ واين تسكن ؟ شكون باباك ؟ عندك فاميتلك في الجبل (ارهاب قصدو) ههههه

قالي منتوج كيما هذا لازملو رخصة ... وصح صح روحت لدار

[ابن الاسلام 88]

نعم أخي مرة في مركز قسنطينة استملت هاتف كي عيطت للعاصمة قالولي راهو في مركز فرز الطرود تاع قسنطينة، كي رحت تما قالولي راهو فالبريد القريب ليك ، مباعد باقي يسقسي فيا لي يخدم تما مين تشري وكيفاه وشحال تسلك، مباعد قتلو أنا نورمالمو ما يفتحوش الطرود يخي كاين سكانير يبين كل شيء قالي هنا معانا جماعة الأمن والجمارك والبريد وغيرها لازم نفتحو الطرد ونشوفوه ممكن الهاتف فيه البيس ولا كارت ميموار بهما أشياء تمس الأمن القومي ، قتلو في أمريكا وأوروبا لا يفتح الطرد إلا عند صاحبه قالي هنا لازم يفتح ورد بالك تشري أمور فيها كاميرة ولا حاجة حادة لأنها ستحتجز ويسألوك عليها