الحظ التعيس

[مشكلتي]

السلام عليكم

حنا عائلة بالرغم من اننا بسطاء لا اغنياء و لا فقراء لكن سبحان الله العين تابعتنا وين ما نروحو خاصة الجيران

للعلم نسكنو في عمارة منكدبش عليكم لما نخرج نحس بالراحة لكن بمجرد ندخل للعمارة قلبي يتزير كيما نقولو للعلم الاغلبية عارفين بلي العمارة فيها سحر او ماشابه من بعض الجيران ربي يهديهم

المهم عندي اخت الله يبارك شابة الكل لما يشوفها تعجبه نساءا و رجالا لكن و لا واحد يجي يخطب

و انا متخرجة و اني نحوس على عمل سبحان الله بالرغم من امكانياتي و دراساتي المتوفقة مالقيت والو كل مرة نجري نحوس حتى حاجة ما بانت

و باش ناكدلكم على العين مؤخرا كل شء تحرس في الدار حتى لسيارة كل شيء خلال يوم واحد

المهم الحمد لله احنا نصلو و نصومو و الوالدة كانت تصوم الاثنين و الخميس بالرغم من المرض

بلا منطول عليكم يقولك دعوة 40 شخص مستجابة

دعولنا ربي يفرج علينا و يبعد علينا هادو العباد و يفتحا عليا بخدمة يا رب

و السلام عليكم

[مراد سابقا10]

صح كاين العين والحسد بصح الإنسان لا يربط كل شئ بالعين فالأزمة في الجزائر في العمل والزواج معروفة

واذا شككت ان بكم العين ديروا رقية عند راقي واعي يعني اذا فيك حاجة يقولك فيك مفيك والوا يقولك مفيك والوا

ومتنساش بلي الرسول قال لو اجتمعت الإنس والجن يعني كي يكتبلك ربي حاجة واحد مينيحالك

[نبض قلبي]

ربي يفرج عليكم ان شا ءالله و يخرجكم من البقعة هذي

[ابن الجزائر11]

العين حق عليكم بالرقية الشرعية
فرج الله عنكم

[رندة.]

ربي يفرج عليكم وييّسرلكم أموركم ان شاء الله

[mrmilano1984]

وش نقلك اختي الحسد قاتلنا احنا ثاني رجال وكرهنا بعضانا الحسد في كل شيء كاين وحد نعرفو مليح تالمون قلبو اسود وداخلو كحل تمنالي نخرج من عمل وقال حبس حبس حبس علاه تريح وانت عيان الخ زد شعل النار وسمعت واحد يقلي بلي هدر قالو ان شاء الله حتي نخليه يخرج ويبقي من دون عمل لحد البغض لي فيؤ قلبو والسوداوية يتمني مكروه ليا علي كل حال نعرفو بلي قلبو اكحل نقلو ربي يجبهالك

[أثيرالفكر]

الحل هو الهروب من قدر الله إلى قدر الله
غيرو المكان بيعو هذا السكن وارحلو الى اي سكن في منطقة بعيدة عنهم .. عن تجربة اقولك وربي يفرج عليكم

[محارب الحمق]

بدل المراح تستراح. أسوء ما يمكن أن يحدث لانسان ينكد عليه عيشه جار السوء. غيرو سكناكم ان أمكن. إن كان بكم عين فعليكم بالرقية والمداومة على الأذكار ولا يجب التحجج دائما بالعين والسحر. في الجزائر أزمة سكن وعمل وعنوسة لذلك لا يجب تهويل الأمور. التوكل على الله الرقية والمداومة على الأذكار مع تغيير مقر السكنى هته هي الحلول

[ع.عيسى]

عليكم بالرقية وربي يفرج عليكم

[مخلوقة فضائية]

العين حق لكن ليس من الجيد أن نربط فشلنا بها ..أحيانا يكون العيب فينا أننا لا نسعى للنجاح بالجهد الكافي.. وقد يكون الجهد أكثر من كاف ولكن الطريقة خاطئة
لا تكرري على مسامعك أن حظك تعيس وأنك ضحية عين وحسد لأن ذلك يزرع فيك الإحباط والكسل في السعي
الإنسان يأخذ بالأسباب جميعا - الدينية والدنيوية - ويطرق جميع الأبواب ما استطاع ... ويستعين بالصبر والكتمان في قضاء حوائجه
وفقكم الله لكل خير ورزقكم من حيث لا تحتسبون

ملاحظة: في ديننا دعوة المسلم ''الواحد'' لأخيه بظهر الغيب مستجابة وله بالمثل ان شاء الله وهذا هو الأصل
أما مفهوم "40 شخص" بدعة لا أدري كيف ظهرت وانتشرت بهذا الشكل الرهيب

[sousou 5]

اختي العين حق
لكن كلش بيد ربي سبحانو الزواج قسمة ونصيب و العمل و الرزق بيد الله عز وجل متخافي ماوالو لي مكتبهالكم ربي راح تشوفوها كيما يقولو الي مكتوب على الجبين لازم تشوفو العين
و قوله تعالى ولا يفلح الساحرون
استعينوا بالله وافتحوا سورة البقرة في المنزل و ربي يفر ج عليكم و عليا و على امة محمد اجمعين

[nilly]

اتوهم للاعضاء الدين نكروا العين
العين موجودة وهي تقتل الناس كاينين لماتوا بالعين وانتوما تصتصغرونها هي كفيلة بتغيير القدر
ودركا كي تشوفه حال ناس وقلوبهم سودا مايعرفوا غير الحسد يضحكوا في وجهك في ظهرك يقطعولك ظهرك بلا ماتحسي دركا شر راه زايد والحسد منتشر والعين راهي كاينة وسحر كاين ناس ولاو مرضى بسبب السحر يعني سحر المرض بالنسبة لي هو اكثر سحور سوءا اما سحر عدم الانجاب على الاقل ماينجبوش برك اما المرض صحتك راح تروح وتولي طريح الفراش من الناس لميخافوش ربي

شوفي صح ربي قال في القران ( قُل لَّن يُصِيبَنَا إِلَّا مَا كَتَبَ اللَّهُ لَنَا) ديري جهد ولا ماديريش ولي قالولك اجتهدي باش تنالي نقولهم لا ماشي صح لان شحال من عبد اجتهد وما كاين والوا حاجة ادا مكتبهالكش ربي ياو لو كان تطيري ماتصرالكش وكاين عباد ماجتهدوش بصح تسهلت امروهم ووصلوا لغاوه بنهاية ربي عارف علاش ماتزوجتوش لانه ربما لو كان تزوجوا تعيشون بتعاسة ولا يصرالحكم حاجة ماشي مليحة

ديما شوفا للاشياء من الايجابي نتاعها لماشي مزوجين ملزمش يحزنوا بلاك ربي محبش تعيشوا كيما راهم يعيشو المتزجات التعيسات ولملودتش بلاك ربي عارف انه ولادها يكونا عاقين
بنهاية لكل شيئ نقيض تصوروا ان كل ناس متزوجون ينجبون وسعداء اغنياء علماء وووو الحياة ستكون مملة ولن يشعر احد بتميز والاهم انهم سيبتعدون عن الله برسكو مدلهم كلشي ولان الانسان بطبعه يتدكر الله اكثر في المصائب ولحتى يسمعك الله تناجيه لازم ينحيلك هديك الحاجة لانه عارف لو كان مدهلك مايسمعش بكائك او صوتك
حكمة النقيض انك تعرف مامعنى النعمة ....ادام الله نعم الجميع .

[soz soz]

ربي يفرج عليكم ارقيو المنزل ولا ارحلوا منو ان امكن ذلك

[شمس 15]

ارقي الدار و شغلي سورة البقرة يوميا ترتاحو...
حبيت نبه هادي 40 دعوة مستجابة بدعة و الناس كامل راهي تقول ادعولي 40 دعوة مستجابة لا يوجد لها اي سند شرعي لا في القران و لا في السنة..