شهريتي ما تكفينيش

[sofiane de biskra]

السلام عليكم
بالمختصر المفيد ندي في الشهر 4 ملاين ساعات اكثر
ماني كاري ماني نسلك في تريسيتي ما راني ناكل في اللحم ماراني نسافر ما راني نلبس مع اخر الشهر دورو ما يقعد ؟؟؟؟؟

[بناتي نور العين]

نفس وضعيتنا والله ...

عليك بادخار مبلغ من المال كل شهر

اذا كنت متزوج فاطلب من زوجتك ان تعمل في البيت لتعينك مثلا خياطة أو صانعة حلويات

لان لو كانت شهريتك 6 ملاين او 7 فستكون في نفس الوضعية

((((((جرب دير تخطيط دير ورقة واكتب فيها المبلغ المخصص للاكل و المبلغ المخصص لكذا وكذا و زير على نفسك شوية

دير ياسيدي انك تخلص 3 ملاين و هذاك المليون خبيه تحتاجهم اذا كنت مستخص دراهم ومتخبيهمش قدامك ديرهم في بلاصة متشوفهاش

باش متوليش تجبد منهم + اذا كان عندك وقت متضعيهش و شوف خدمة زيادة )))))

و لا تنسى السر الذي لا يكثرث له اغلبية الناس

ولا تنسو الدعاء لي

جرب ان تستغفر الله يوميا على الاقل 1000 مرة و ادعي الله ان يرزقك رزقا حلالا ولا تيأس ولا تقنط من رحمة الله

ان شاء الله ربي يفرج علينا جميعا يارب

" فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا "

وفي الحديث عنه صلى الله عليه وسلم : "من أكثر الاستغفار جعل الله له من كل هم فرجاً، ومن كل ضيق مخرجا،ً ورزقه من حيث لا يحتسب"

[مخلوقة فضائية]

أولا... دوّن جميع مصاريفك دون أي استثناء في دفتر خاص لتعرف مواطن التسرّب

[مرت من هنا]

هذا مشكل يعاني منه أغلب أصحاب الشهريات لكن.. ما عليك إلا مراقبة مصاريفيك أين تذهب أكيد في الكماليات..
و أمور هكذا فقط.
افعل ما قاله الاخوة دون مشترياتك في دفتر خاص و لو كوب قهوة و سترى أين سيذهب مالك

[ع.عيسى]

تصدق منها تجيك البركة

[ابن الجزائر11]

عليك بترشيد الاستهلاك والاقتصاد

فترشيد الاستهلاك سياسة نبوية

[مصطفى_س]

السلام عليكم


لم تذكر اخي هل انت متزوج او لديك اولاد لان جل الراتب يذهب في التحاليل و الادوية و الاطباء و امور الاطفال من حليب و حفاظات و غيرها

[وهراني 31]

أقول لك عن تجربة

كنت أعمل في ما مضى عند الخاص وكنت أتقاضى ما يقارب نفس المبلغ لديك 4 ملايين

لكن كنت دائما أفكر في العمل مستقلا يعني نخدم عند روحي

وقررت أن أعمل مشروع لانني كنت اريد ان استقل واكون حرا في عملي واحد ما يحكم فيا

هنا بدأت أبحت في أسباب الرزق وبدأت أدرس كيف أنجح

والسر صدقني يكمن في عمل الخير والانفاق

أقسم لك بالله الذي لا اله الا هو

كنت أتصدق يوميا من بعض المال الذي أتقاضاه كبقشيش لانني كنت أعمل في مجال تأثيث المنازل

كنت أتصدق على الوالدة

وأنفق على بعض المساكين

أقسم لك بالله تغيرت حياتي كليا

واستطعت ان اجمع مبلغ مالي تم قمت باستلاف مبلغ مالي من الاهل ما يقارب 35 مليون من اصدقاء ايضا والله وفقني لذلك

و بدأت أعمل في مشروعي الخاص

صدقني كانت النتيجة مذهلة

والله كنت أعطي للوالدة كل يوم مبلغ مالي في بعض الاحيان 200 دينار بل كنت أتصدق ب 10 دينار و 50 دينار المهم لا يمر يوم علي الا وأنفقت فيه

صدقني اقسم لك بالله خلال عام فقط

سددت كامل مبلغ الدين الدي كان في رقبتي 35 مليون وزاد عليه ان وجدت نفسي بمبلغ زائد

ولله الحمد

أنفق لو بالقليل يبارك الله لك في مالك

[sofiane de biskra]

بارك الله فيكم اعضاء المنتدى الكرام
سوف اخذ بعين الاعتبار كل نصيحة كتبتموها
ربي يوسع أرزاقكم

[nilly]

يااخي بكلامك هدا تجرح مشاعر كل موظف ياخد راتب اقل منك

قبل مانفوت افتكرتك تدي مليون ولا زوج لشهر لقيتك تدي ربعة املا راتبك ماشي صغير

اربعة تعيش كي سلطان وادا كان دراهمك ماتحسش بيهم كي مايقوله العجايز ماعندكش بركة في يديك

شوف وين راك تصرفهم بلاك راك تخلص لصحابك ولا تشري بيهم حوايج ماشي ضرورية ولا راهم يطيحولك من جيبك ولا كاش واحد راه لقى كنز ويسرقك هههههه
فكر بكل الاحتمالات

وشوف نمدلك خطة كل شهر جبد برك زوج ملاين خلي زوج وزوج هدوك اد راك اعزب غادي توفر منهم الاكل عند باباك تريستي باباك املا انت مونجي برك وساعدهم مرة على مرة تشري حاجة من الافضل تشري انت ماشي دوما خبيهم لبعد زواجك

اما لو كنت متزوج وعندك ولاد صغار لازم توفير ومرتك لازم تكون شاطرة ومقتصدة جيدة يعني ماترموش الماكلة لبقات وماترموش الخبر وشريو برك لحوايج ضرورية ومرة على مرة شري ديصير ولحم لازم مراتك تعرف تقتصد مليح لو كان تدير هكا 3 ملايين غادي يقيدوك.

واشري شوية لروحك تلبس اد ملبستش دركا وكتاه تلبس خصوصا لو اعزب زوج خبيهم كيما قلتلك وزوج صرف منهم شري لبسة وشري مستلزماتك رجالية
والقضيان وتريستي ضرب نح ساعدهم برك احيانا بالاخير لو يحبوك غادي يقلولك خبيهم لمستقبلك وماغاديش يقبلوا ياكلو دراهمك .
والله المستعان.

[nilly]

راهم يديو مليون وراهم عايشين وزيد راك في نعمة امجين لو كان عندك دراهم بزاف غادي يمكن تنحرف وتشري حوايج محرمة

هكدا خيرلك صدقني تيسير الحال اكبر نعمة ولكن ناس لا يعرفون
وانت لست فقير الفقير هو لميلقاش واش ياكل انت الحمد الله والكل شارب انت ميسور الحال.

[مراد الجلفاوي]

تزوج تأتيك البركة

[me pro]

سبحانك ربي اني كنت من الظالمين

[me pro]

ان شاء الله ربي يساعدك

[me pro]

لبالاضافة لتنظيم الوقت الكثير