يؤثرون على أنفسهم...بصح باراكات بزااااااااف !!!!!!

[مشكلتي]

السلام عليكم
تعرفو قصة الشيخ اللي كان رايح يغرق وكل مرة يفوت واحد قدامو بقارب مايحبش يركب ويقول ربي ينجيني وفي الاخير غرق
وهو حقا الله عز وجل بعثلو أسباب النجاة المتمثلة بهاذ الناس


هاكذاك صاحبتي



ـــــــــــ



الآن هذي صاحبتي
لأنها عانات في حياتها بزاف تحس بالناس اللي تعاني وتتأثر بيهم بزاف
كل مرة يوفقها ربي وتجيها مصيرفة او كادو من عند اهل الخاطب او الناس تبدا تخطط كيفاه تفرقو على صحاباتها ولا الناس

وبعد مشاكل صرات مع اهل الخاطب الخطبة ولات على المحك
ولالة اهي تخمم في الزوج حويجات اللي صدرتهم للشورة تاعها لمن تمدهم !!!


فهموني يا نااس ..الطفلة يتيمة الام
عانات في حياتها بزاف
والاهل ديالها يستغلوها ومش ملاح معاها
وشحال من طفلة خدعتها وغدتها من صحاباتها الأنتيم خلاص وما تابتش


زوج روبات (ولا واش ..نسيت) مدوهملها في العيد كيجاو

حبت تمد وحدة منهم لطفلة تعرفها اوضاعها شوية مزيرة (ولكن المهم مش لدرجتها هي!)
منبعد لقات الآنسة هاذي حاطة اعلان في مواقع التواصل عن هذي اليتيمة باش تلملها الدراهم
لكنها كانت تديهم ليها (وعندنا دليل وباعتراف مباشر) ...صدمة



جابولها بارفا وصابون غالي (اذا ما نسيتش) وحوايج خلاف راحت داتهم تمشي وتجري كهدية عرس لوحدة الله يبارك الشهرية ديالهم ما تنحسبش

منبعد لقات الصابون هاذاك في الدوش تاعهم يغسلو بيه ديجا
اصلا ما قيمتهاش باش تعتبرها هدية منها وتخبيها



ولالة حابة اذا تفسخت الخطبة تصدق واش بقى



وفرضا عاود خطبها واحد بعد شهر تعاااااود من جدييييييييد تلم


الشي لي جاها اصلا صدقة من عند الناس
وباش نصفت هاذيك الفاليزة شاب شعرها وشاب شعري انا تاني معاها !!!!!!!!


حجتها دوما ربي يفرج
حجتها دوما يؤثرون على أنفسهم ولو كان بهم خصاصة


أنا علابالي -والله اعلم- ان الانسان اللي يحكم شوية من دراهمو ليه هو ولعايلتو باش يعفهم عن المسألة هاذيك الدنيا وما فيها
لازمها تحكم هاذاك الشي لي دبرت باش تعف نفسها عن حاجة الناس
ماشي تعاود تلم من جديد وتعاود الناس تصدق عليها كل مرة

والذل كل مرة يتجدد والمهانة


والله حبيت نستشركم اولا
لأني خفت لوكان ننصحها باش تصدقت اني نكون قطعت عليها طاعة امر بي بيها


وجهوني الله يستركم

[أثر]

السلام عليكم
صعب تغيري قناعات صاحبتك
خاصة انها عاشت الميزيرية والحرمان
والمشاعر هاته هبة من الله فيرحم بها الرحماء
ربي يجازيها على قد قلبها ونيتها
وتاكدي اختي ان الرزق بيد الله
واللي تصدقت بيه صديقتك باذن الله يعود لها
اضعاف كثيرة

[نجاة^^]

خليها في نيتها ،هي ترتاح لهاذ الشي لانو هذا النوع ضميرو ميسمحلوش التوقف عن العطاء ،وربي يرزقها يسهلها امورها .

[aiche]

لقد*عنى الإسلام بترشيد الاستهلاك، والحث على الاعتدال في كل شيء حتى في الصدقة والإنفاق، وهو ما وصف الله به عباد الرحمن المقربين إليه: "وَالَّذِينَ إِذَا أَنفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَامًا" (الفرقان:67). وما أمر به في وصايا الحكمة من سورة الإسراء: "وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا"(الإسراء:29).
فصديقتك هذه، مخطئة في طريقة تصرفها في أغراضها، لاسيما وأنها يتيمة ومحتاجة إلى كل فلس، عليك أن توجهيها بالنصح والإرشاد ولكِ كل الفضل

[kacimo.samy]

السلام عليكم
حتى صداقة اولى بيها اقربون

المهم ربي يزقها على حسب نيتها

[مخلوقة فضائية]

دعيها لحالها .. لما تتزوج وتصبح مسؤولة على بيت وأولاد ستتغير

[ابن الجزائر11]

كان الله في عونها

[22bilal bilal]

كان الله في عونها