لا اخوال لا اعمام

[مشكلتي]

السلام عليكم ورحمة الله

انا واختي كنا نروحو باستمرار لبيت جدي الي فيه جدي وجداتي وخوالي الشباب نخدمولهم شغل الدار لانو مكانش الي يخدمهم. رغم انو عندي خالات متزوجات ديما يزورو والديهم ميخرجوش من تما وطبعا غير الي تقولك جيت نرتاح.
وعندي للأسف خالة لكن شغل الدار متعرفوش ترجع من العمل كل يوم تاكل وتشرب وترقد كيفها كيف خاوتها. حنا جامي اعترضنا ولا زعفنا غير على وجه جدي وجداتي بالعكس ندعيولها تتزوج وتنستر. وهنا كانت الغلطة الكبيرة اننا كنا نحشمو و نسكتو امي طايعة جداتي بزاف محال تغضبها حنا نعاونوهم على وجه ربي وصلة رحم وهيا تشوف فينا بونيشات لا احترام لا كلمة طيبة وزيد تحرض جداتي وخوالي باش يقنعو بابا وماما يحبسونا القراية ونتفرغو لخدمتهم
بعدها خالتي رزقها ربي وتزوجت) زوجها يعمل بعيد (من اول شهرمتزوجة قاعدة في دار جدي وكي لعادة برنامجها متبدلش بالعكس زادت عادت بالاولاد. ولادها متقيسهمش تروح للعمل تخلي ندبرو راسنا معاهم ساعفناها السنوات الأولى وصبرنا بزاف عاوناها كثر من اللازم مفهمتش روحها.
ديما في المشاكل هي تحرش جداتي تعيط لامي تقولها دبري راسك ابعتلي لبنات بالدالة يخدمولي الشغل اختك تصرف عليا و نتي بناتك يخدمولي رغم جدي عندو راتب التقاعد يكفيهم
وحنا هادي رايحة هادي جاية حتى اختي الصغيرة يطمعو فيها تخدم عليهم نروحو نلقاو الدار ديما في حالة والشغل ميخلصش والي يخدم مكانش خالاتي الاخريات ديما في دار جدي قاعدين الي عيانة الي مريضة الي قيسها قيس روحها ....... خالتي المتسلطة متحترمش روحها خلاص كاس ماء متحركوش وتزيد ترميلنا الهدرة وتعايرنا بالفقر والبيوت القصديرية وين كنا نسكن و اتهامات بالغيرة و الحسد من الفوق. ما حبستش هنا فسدتلي خطبتي مع واحد من الأقارب كي تقدملي هيا حلفت انو زواجي ميكملش قالتلي في وجهي ماركيش من مستواه شوفي واحد من النيفو تاعكم
بزاف الي حبو يناسبو جدي وبابا قالتنا محال نقبل تكونو كنات عند لافامي تاعنا شوفو لافامي تاع باباكم الكافي وهيا علابلها بلي بابا في الشرع مع زوجة ابيه وابناؤها بسبب حرمانه من حصته في الورث
ولات تشوهنا في سمعتنا قدام الأقارب انو سبب الخلاف مع امي انها ضعيفة الشخصية ماهيش قايمة بوالديها وحنا بناتها نتحكم فيها واخلاقنا سيءة وسمعتنا متشرفش وبابا ..........
امي تقلقت قالت لجداتي كي تعودي قاعدة وحدك يجيو بناتي يخدموك مي كي يكونو خواتاتي عندك يدبرو راسهم. غضبت لالا خالتي وقاطعتنا وطبعا جداتي خاتم في يدها وخالاتي يتبعو ختهم الغنية حتى هوما يحوسو على الي يحطلهم قدامهم اما خوالي الي يسوق سيارتها والي ساكن في شقتها والي خطبتلو وتصرف عليهم و ...... كيما تقول يسمعولها كامل تبعوها مايعيطولنا مايسالو علينا لا مرض لا عيد لا ......
وزادت ولات للفاميليا كي يتلاقونا عند الأقارب فالمناسبات يصغرونا قدام الناس يشنفو علينا مايهدروش معانا وهيا ووحدة خلاف مايخلو حتى فرصة يهينونا فيها لو نعاندوهم بلاك يضربونا
مالقيناش حتى طريقة كيفاه نتعاملو معاهم
انا الي غايضني انا وقفنا معاهم بزاف ملي كنا صغار كلشي فات على اكتافنا وخاصة هدي خالتي غير ربي الي علابالو قداه تعبنا معاها حملنا وصبرنا غير باه منتفاسدوش معاهم وفالاخير لا اخوال لا اعمام

[آسيا 25]

السلام عليكم
أختي واش راحلك فيهم ربي يسهل عليهم نتوما درتو فيهم الخير فتأكدي أنو ربي سبحانو رح يجازيكم و يحللكم باب في وجوهكم أما هوما أجبدو رواحكم عليهم و اخدمو على أمكم بزاف عليكم نتوما اللي قبلتو تكونو بونيشات عليهم من الأول و لهذا عاملوكم معاملة البونيشات و إلا علاه بنات خوالاتكم الأخريات ما يقولولهمش أرواحو أخدمو علينا?!!!خاطر هادوك مدايرين القيمة لرواحهم, المهم اللي فات مات ما تزيدوش تخدموهم و رركزو على الدراسة تاعكم و مستقبلكم و أتمنى أن لا تكن توقفتن عن الدراسة بسببهم!ربي يفرج عليكم أختي.

[ع.عيسى]

اكثروا من الدعاء باش ينصركم ربي ويفرج عليكم ...الدنيا دوارة ...محال يبقى الحال كما هو ....المهم هو انو تجروا على صوالحكم وما ضاعلكم فيهم ، والحاجة الثانية اقضوا صوالحكم بالسر والكقمان حد ما يسمع بنواياكم .هذا هو الاساس....

[*فرح*]

اسمحيلي.
بصح نتم الجايحات
و انتم لي ركبتو الذل على رواحكم.
واحد ما يتلام من غيركم.
جداك و جداتك و كان جاو وحدهم وتروحو تخدموهم و الله جمونفو
بصح خالاتك و خوالك قد جيش فرعون و انتم تروحو تتبونشو عليهم
و علاش يخدمو و لقاوكم جايحات تخدمو عليهم

حبسي الخدمة عليهم و على ولادهم.
كي تروحو ليهم قولهم جينا نزوروكم و نزورو جداتي و جدي.

و خفي الزيارة...باش ما يلصقوش فيك الشغل.
و اتعلمي تهدري لاه في فمك الحنة.
مااا نخدمش...راه ضهري يوجع...عندي قراية ..
أسيدي قولها ما نخدمش و روحي و خليها

وكان جات تقضي وانتم تعاونوها ..ما عليش راها خالتكم
بصح هاذي راها استغلالية

بالمختصر المفيد :
نقصي الروحات عندهم
و كي تروحي خفي الزيارة

و اتهلاي في قرااايتك مليح
و اتعلمي تهدري على حقك و تدافعي على روحك
و ما تخلي حتى واحد يهدر على شرفك
ما تخلي حتى واحد يحقرك ماكيش ترضعي في صبعك.
ما تحشميش بأصلك ولا الفقر لي كنت فيه
المهم تكوني متربية
بالنسبة للي فات أنسايه...اذا ما صحلك والو في الدنيا ان شاء الله تكوني كسبتي أجر عند ربي سبحانو

وحاجة اخرى .
كي يجيك خطاب افريها في السر و الكتمان
و ما تسمعيهمش حتى تعرضيهم للعرس.
ما دام وصلو يوقفولك في طريق زواجك يهدرو عليكم
كشما حتاج جدك ولا جداتك و ما خدموهلهمش...تقدري تقضيلهم حاجاتهم و تروحي...لاه تقعدي ثم...احكمي داركم...واذا قالتلك لاه ما تجيش قولها عندي كونترولات و ماتضليش تفسري و تشرحي...مانجيش عندي السبة لفلانية و تبقاي على خير

ربي يكون معاك و ينصرك
مي افحالي شوي أختي ميش لهاذ الدرجة ماجيتيش من الزنقة حتى يحدموك كيما يحبو...راكي بنت ناس و عندك داركم و عايلتك...و عندك راي لازم تفرضي شخصيتك...ياخي موش هوما لي راهم يوكلو فيك.

ان شاء الله ما نكونش قسيت عليك
بصح و الله زعفنيني مالgغي ما نعرفكش.
بالتوفيق و ربي ينجحك كي نتي كي ختك

[aiche]

اسمحيلي.
بصح نتم الجايحات
و انتم لي ركبتو الذل على رواحكم.
واحد ما يتلام من غيركم.
جداك و جداتك و كان جاو وحدهم وتروحو تخدموهم و الله جمونفو
بصح خالاتك و خوالك قد جيش فرعون و انتم تروحو تتبونشو عليهم
و علاش يخدمو و لقاوكم جايحات تخدمو عليهم

حبسي الخدمة عليهم و على ولادهم.
كي تروحو ليهم قولهم جينا نزوروكم و نزورو جداتي و جدي.

و خفي الزيارة...باش ما يلصقوش فيك الشغل.
و اتعلمي تهدري لاه في فمك الحنة.
مااا نخدمش...راه ضهري يوجع...عندي قراية ..
أسيدي قولها ما نخدمش و روحي و خليها

وكان جات تقضي وانتم تعاونوها ..ما عليش راها خالتكم
بصح هاذي راها استغلالية

بالمختصر المفيد :
نقصي الروحات عندهم
و كي تروحي خفي الزيارة

و اتهلاي في قرااايتك مليح
و اتعلمي تهدري على حقك و تدافعي على روحك
و ما تخلي حتى واحد يهدر على شرفك
ما تخلي حتى واحد يحقرك ماكيش ترضعي في صبعك.
ما تحشميش بأصلك ولا الفقر لي كنت فيه
المهم تكوني متربية
بالنسبة للي فات أنسايه...اذا ما صحلك والو في الدنيا ان شاء الله تكوني كسبتي أجر عند ربي سبحانو

وحاجة اخرى .
كي يجيك خطاب افريها في السر و الكتمان
و ما تسمعيهمش حتى تعرضيهم للعرس.
ما دام وصلو يوقفولك في طريق زواجك يهدرو عليكم
كشما حتاج جدك ولا جداتك و ما خدموهلهمش...تقدري تقضيلهم حاجاتهم و تروحي...لاه تقعدي ثم...احكمي داركم...واذا قالتلك لاه ما تجيش قولها عندي كونترولات و ماتضليش تفسري و تشرحي...مانجيش عندي السبة لفلانية و تبقاي على خير

ربي يكون معاك و ينصرك
مي افحالي شوي أختي ميش لهاذ الدرجة ماجيتيش من الزنقة حتى يحدموك كيما يحبو...راكي بنت ناس و عندك داركم و عايلتك...و عندك راي لازم تفرضي شخصيتك...ياخي موش هوما لي راهم يوكلو فيك.

ان شاء الله ما نكونش قسيت عليك
بصح و الله زعفنيني مالgغي ما نعرفكش.
بالتوفيق و ربي ينجحك كي نتي كي ختك
لا فض فوك يا أختي فرح، يعطيك الصحة
قلتي اللي كان في قلبي، إن شاء الله يأخذان هاتان الأختان بنصائحك

[soz soz]

اختي لست ملزمة بخدمتهم وخالاتك يشمرو على ذرعيهم ويخدمو انفسهم ماش هوما يخدمو يجيبو الخبزة ونتم تنذلو لالا كامل نقراو ونروحو نخدمو الشغل ولا غير هي ربي يهديهم بزاف ختي مليح تعاونوهم ماعليش بصح خدامات وعدم الرضا لالا جيبو الجدة عندكم واخدموها ربي يحفظهالكم وماماك كيفاه متدافعش عليكم? متنصحش خالتك مثلا? ربي يكون في العون

[ماري نت]

السلام عليكم ،لدي سؤال ما محل والدكم من الاعراب ؟كيف يسمح لبناته ان تكن خادمات لدى اخوالهن ؟وعذرا

[زايدي أمحمد]

الله يكون في عونك