هنا نجب على كل أسئلتكم الخاصة بالسنة أولى طب

[oussama165]

السلام1

أعرفكم بنفسي انا طالب طب منتقل للسنة الثانية بكلية العاصمة :mh92:
أعلم أن العديد منكم ممن إختار الطب لديه أسئلة حول طبيعة الدراسة و الإختبارت و الأجواء هناك عامة:confused:
و قد نصحت من قبل بفتح موضوع أجاوب فيه عما إستطعت من هذه الإستفسارات
!!! so feel free to ask any question

الخاتمة1

[قطر الندى]

بارك الله فيك وجعلها الله في ميزان حسناك وكثر الله من أمثالك أخي

[oussama165]

بارك الله فيك وجعلها الله في ميزان حسناك وكثر الله من أمثالك أخي

و فيك البركة أختي

[اميرة الطموحة]

السلام عليكم
بارك الله فيك اخي وجعله في ميزان حسناتك
اولا -القراية صعيبة بزاااف يعني تقرا كل يوم وقداه من ساعة يعني بلا تاع الجامعة -
وش نحتاجو من كتب ولا تحضيرات ولا اي حاجة
غلطات درتهم ونصائح من عندك
سلبيات وايجابيات الطب
هل عنك اي معلومة حول الطب في باتنة
ههههه هاذو هوما الاسئلة علابالي مخلطين وبزااااف ساعفنا وفرات
ومزال تجيك الدفعة الثانية تاعهم
-سؤال اخير يكون عندك الوقت للترفيه يعني تكونيكتي مثلا -

[وئ___ام الأمل]

السلام عليكم و رحمة الله تعالى و بركاته
بارك الله فيك على هذا الموضوع القيم
في جعبتي كثير من الاسئلة

1_ ماهي اهم الكتب الطبية التي نحتاجها في السنة الاولى؟ و ما هوافضلها؟
2_ ما هونظام الدراسة يعني من خلال المراجعة و غيرها
3_ ما هي طريقة المعاملة مع من يدرسونك ان صح القول؟





عفوا على الاسئلة الكثيرة عليك تحملي هذه الفترة

[oussama165]

اولا -القراية صعيبة بزاااف يعني تقرا كل يوم وقداه من ساعة يعني بلا تاع الجامعة -
القراية واحد مايخلعك ماش صعيبة بزاف صح فيها شويا الضغط و لي كور بزاف بصح تقدري تفوتيها عادي
انا عن نفسي واحد رحت للافاك الشهر الأول برك شفت لي بروف ربي يهديهم اللي يجي يقرا البوليكوب و يروح - حاشا البعض- و كملتها نقرا وحدي كاين الدرس عندي الحل تع التيدي و طايح عليها ب 5/6 ساعات فانهار و السمانة الي قبل الكونترول ممكن نقولك انلهار كامل و أنا نقرا.

وش نحتاجو من كتب ولا تحضيرات ولا اي حاجة
الكتب كاين الي راهم ينصحوا بتع حمودي الله يرحموا بصح أنا شريتهم و مستعملتهمش كامل فيهم تفاصيل منقراوهمش
إذا خلاص رتحتي من الباك و حابة تبداي شوفيلك الأناطومي شويا الأساسيات تع المحاور و الإتجاهات

غلطات درتهم ونصائح من عندك
كوني a jour و متهملي حتى موديل مام biotat w info

سلبيات وايجابيات الطب
الإجابيات لوكان نبدا منخلصش و أهمها انك تقراي طب
و السلبيات راكي عايشة في بلد يسموه الجزائر

هل عنك اي معلومة حول الطب في باتنة
للأسف معنديش بصحالقراية راها فالجزائر كامل كيف كيف


ههههه هاذو هوما الاسئلة علابالي مخلطين وبزااااف ساعفنا وفرات
ومزال تجيك الدفعة الثانية تاعهم

زيدي جيبي راني باقي هنا

-سؤال اخير يكون عندك الوقت للترفيه يعني تكونيكتي مثلا
لوكان تعرفي تسيري الوقت تاعك يكون كاين

[oussama165]

وعليكم السلام

1_ ماهي اهم الكتب الطبية التي نحتاجها في السنة الاولى؟ و ما هوافضلها؟
الكتب كاين الي راهم ينصحوا بتع حمودي الله يرحموا بصح أنا شريتهم و مستعملتهمش كامل فيهم تفاصيل منقراوهمش
رااها تبانلي الكور تع الأستاذ يكفي

2_ ما هونظام الدراسة يعني من خلال المراجعة و غيرها
المعذرة بصح والله مافهمت السؤال؟؟

3_ ما هي طريقة المعاملة مع من يدرسونك ان صح القول؟
أنا نقدر نقولك قريت عندهم شهر و من لتم مازدتش دخلت لأنو أغلبية لي بروف ماش كل يجي يقرا الكور و يروح و كاين خلاف دروس ساهلين تقدري تقرايهم وحدك بلا أستاذ

[وئ___ام الأمل]

وعليكم السلام

المعذرة بصح والله مافهمت السؤال؟؟




اقصد مثلا في المساء او غيره
لكن قرات الرد في الاعلى فشكرا
لكن مازلت حائرة هل اشتري الكتب ام لا؟

[oussama165]

اقصد مثلا في المساء او غيره
لكن قرات الرد في الاعلى فشكرا
لكن مازلت حائرة هل اشتري الكتب ام لا؟

راهم هنا الكتب إذا حبيتي تشوفيهم
https://drive.google.com/drive/folders/0B2gYjyd5KZCESGh0RmNCdXFEOGs

[وئ___ام الأمل]

شكرا اخي منذ ظهور النتائج
و انا ابحث عنها جعلها الله في ميزان حسناتك
و حقق امنياتــــــــــــــــــــــــــــــــــــــــــــ ــــــــــــــــــــك
يارب

[nadineisraa]

ممكن تشرحلي نظام الدراسه الجديد 10سنوات وهل هو رسمي وهل سنه 2 معنيه به اريد معلونات صحيحه ودقيقه بما انك في العاصمه شكرا انا انتظر

[العالمة الطموحة]

السلام عليكم تعليقك على المقرر الجديد و هل التعديل في الانفو رماتيك جعلها اصعب .... و لقيتها قالو يديرو تاست تاع لفرونسي لوحد الفئات ..a1.a2.b2

[ترانيم الامل]

شكرا ، بارك الله فيك على الموضوع القيم

[oussama165]

ممكن تشرحلي نظام الدراسه الجديد 10سنوات وهل هو رسمي وهل سنه 2 معنيه به اريد معلونات صحيحه ودقيقه بما انك في العاصمه شكرا انا انتظر

لحد الآن الحاجة الوحيدة الي رسمية هي برنامج السنة أولى لتبدل و العام الجاي يبدلوا سنة ثانية و العام لي وراه الثالثة و هكذا
نظام الدراسة تع 10 سنين يعني تقراي 6 سنين و منبعد تعقبي الريزيدانا و الطب العام تولي تخصص من تخصصات الريزيدانا

[oussama165]

السلام عليكم تعليقك على المقرر الجديد و هل التعديل في الانفو رماتيك جعلها اصعب .... و لقيتها قالو يديرو تاست تاع لفرونسي لوحد الفئات ..a1.a2.b2

للأسف تولي أصعب من العام لي فات لأنو كي كانت وحدها الإنفو كامل يدو فيها 20 و لا 19 المهم فوق 16
بصح درك رجعت مع الـ Biostat رح تقراو الإحصاء و تطبقوه بالـ Excelعلى ما اعتقد
فالفرنسي يديرولكم تاست و يقسموكم على حسب المستوى فالفرنسة و كل مستوي يقرى وحدوا

[oussama165]

شكرا ، بارك الله فيك على الموضوع القيم
و فيك البركة أختي


شكرا اخي منذ ظهور النتائج
و انا ابحث عنها جعلها الله في ميزان حسناتك
و حقق امنياتــــــــــــــــــــــــــــــــــــــــــــ ــــــــــــــــــــك
يارب
آمين

[العالمة الطموحة]

حابة نكون في a1 كيفاش تنصحوني نحضر اني عندي نيفو لا يستهان به فلفرونسي بصح نظن ما ناكلش مع الباقين لازم نزيد نطلع

[oussama165]

حابة نكون في a1 كيفاش تنصحوني نحضر اني عندي نيفو لا يستهان به فلفرونسي بصح نظن ما ناكلش مع الباقين لازم نزيد نطلع

للأسف واحد مايقدر يساعدك هنا لانوا النظام جديد و واحد ميعرف طبيعة الأسئلة إذا أسئلة على القواعد و لا يمدلك نص و أسئلة عليه
و مادام راكي تقولي عندي نيفو لا يستهان به فلفرونسي إذن ماتخافيش و نشاء الله تجيبي a1

[العالمة الطموحة]

للأسف واحد مايقدر يساعدك هنا لانوا النظام جديد و واحد ميعرف طبيعة الأسئلة إذا أسئلة على القواعد و لا يمدلك نص و أسئلة عليه
و مادام راكي تقولي إذن ماتخافيش و نشاء الله تجيبي a1

قالي خويا النيفو فليلونغ معكوس a1هوا الهابط

[oussama165]

قالي خويا النيفو فليلونغ معكوس a1هوا الهابط

➡️Le nouveau programme de la 1e année de #Médecine : les nouveautés par rapport à l'ancien programme :

- Fusion des deux modules Biostatistique et informatique en un seul module, pour l'informatique c'est l'application des statistique sur Exsel.
- Santé Société et Humanité : Il s'agit de la fusion des modules de l'ancien programme (Déontologie, Droit médicale et Ethique, Economie de la Santé et Psychologie) et des cours de l'histoire de la médecine.
- Les Langues (Français et Anglais) : l'enseignement les langues est PEC par les CEIL :
- #Français : Pour les étudiants qui ont un niveau A1, A2 ou B1 seulement (Il y aura un teste de niveau en française dés la rentrée).
- #Anglais : seulement pour les étutients qui ont un niveau B2 en français (les autres vont faire Anglais en 2e année médecine).
- Des TP en Anatomie, Cytologie, Chimie, Embryologie, Histologie, Physiologie général, Biochimie, Biostat-info et Physique-biophysique.
- La Génétique fait partie du nouveau programme de la 2e année de Médecine.

NB : La durée des études en Médecine est de 7 ans (Doctorat en Médecine)

وي عندكي الحق كاينة منها الي يدي مليح ففرونسي تسما B2 يقرى Anglais فالسنة أولى و لوخرين يقراوها فالثانية

[Bachir2018]

أين يتم التسجيل بالنسبة لطلبة الطب بالجزائر العاصمة (في الجامعة المركزية أو في كلية الطب ببن عكنون.وما هي الوثائق المطلوبة في التسجيل

[oussama165]

أين يتم التسجيل بالنسبة لطلبة الطب بالجزائر العاصمة (في الجامعة المركزية أو في كلية الطب ببن عكنون.وما هي الوثائق المطلوبة في التسجيل

التسجيل يكون في بن عكنون
و الوثائق على ما اعتقد هاذوا:

كشــف النقــاط الأصــلي للباكالوريا
شهادة التوجيه، تطبع من موقع التسجيلات
صــورتــان (02) شمسيتان
وصل دفــع حقــوق التسجيــل بقيمــة (200 د.ج)

[Bachir2018]

التسجيل يكون في بن عكنون
و الوثائق على ما اعتقد هاذوا:

كشــف النقــاط الأصــلي للباكالوريا
شهادة التوجيه، تطبع من موقع التسجيلات
صــورتــان (02) شمسيتان
وصل دفــع حقــوق التسجيــل بقيمــة (200 د.ج)



شكرا جزيلا أخي

[oussama165]

شكرا جزيلا أخي

np :D:D:D:D

[طالبة طب باذن الله]

سلام اخي رجاااء هل نحتاجو شهادة طبية ولا صدرية في ملف التسجيلات في الجامعة؟ ؟؟ تعيش طلبوها منك كي سجلتي اول مرة ؟؟

[oussama165]

سلام اخي رجاااء هل نحتاجو شهادة طبية ولا صدرية في ملف التسجيلات في الجامعة؟ ؟؟ تعيش طلبوها منك كي سجلتي اول مرة ؟؟

طلبوها مني في ملف الإقامة ماش تع الجامعة

[وئ___ام الأمل]

خويا الرابط السابق خاص بالسنة الأولى ؟
كذلك معليش تحكيلنا على النظام الجديد الي راح يطبقوه هاذ العام
يعني واش راح يتبدل
و واش هي قصة اللغات انا مافهمتش ؟

[الحآذق]

كذلك معليش تحكيلنا على النظام الجديد الي راح يطبقوه هاذ العام
يعني واش راح يتبدل
و واش هي قصة اللغات انا مافهمتش ؟
نفس السؤال من فضلكم؟؟

[رونق الصبح]

السلام عليكم
شكرا لتلبية طلبنا
بارك الله فيك
لي عودة مع بعض الأسئلة ان شاء الله

[رونق الصبح]

السلام عليكم
شكرا لتلبية طلبنا
بارك الله فيك
لي عودة مع بعض الأسئلة ان شاء الله

[oussama165]

خويا الرابط السابق خاص بالسنة الأولى ؟
كذلك معليش تحكيلنا على النظام الجديد الي راح يطبقوه هاذ العام
يعني واش راح يتبدل
و واش هي قصة اللغات انا مافهمتش ؟

نفس السؤال من فضلكم؟؟

https://drive.google.com/drive/folders/0B2gYjyd5KZCEZHB1dkd2YkRmX3M
تع سنة أولى بصح بالنظام لقديم تاعنا درك معلاباليش إذا يبدلوا محتوى الدروس و لالا
اللي نعرف عليه انو رح يدمجوا Biostat + informatique
و الجينيتيك ترجع فالسنة ثانية
و بالنسبة للغات رح يديرولكم إختبار في بداية السنة لي خدم فيه مليح و يدي درجة B1 يقرى francais و anglais فالسنة أولى و لوخرين يقراوها فالثانية

[وئ___ام الأمل]

https://drive.google.com/drive/folders/0b2gyjyd5kzcezhb1dkd2ykrmx3m
تع سنة أولى بصح بالنظام لقديم تاعنا درك معلاباليش إذا يبدلوا محتوى الدروس و لالا
اللي نعرف عليه انو رح يدمجوا biostat + informatique
و الجينيتيك ترجع فالسنة ثانية
و بالنسبة للغات رح يديرولكم إختبار في بداية السنة لي خدم فيه مليح و يدي درجة b1 يقرى francais و anglais فالسنة أولى و لوخرين يقراوها فالثانية

امممم شكرا
يعني المعنيين راح يقراو اللغتين كمادتين؟
و بخصوص الاختبار حسب علمك حول ماذا سيدور ؟

[oussama165]

امممم شكرا
يعني المعنيين راح يقراو اللغتين كمادتين؟
و بخصوص الاختبار حسب علمك حول ماذا سيدور ؟

وي يقراوهم كمادتين
و للأسف معندي حتى معلومة عليه نتوما البرومو الأول لي رح يفوتوه

[العالمة الطموحة]

هل صحيح ان التسجيل في المنحة و النقل سيكون بالسيت و اين هو هذا الموقع افيدوني

[oussama165]

هل صحيح ان التسجيل في المنحة و النقل سيكون بالسيت و اين هو هذا الموقع افيدوني

شكون قالك هاذي؟؟
العام لي فات ماش فالسيت درك إذا حاجة جديدة لهاذ العام منعرف

[رونق الصبح]

السلام عليكم
- قلت أنك كنت تدرس من 5 إلى 6 ساعات يوميا .. بماذا تقوم بالضبط ؟
- أنا سأدرس في باتنة لكن هل يمكنني الاعتماد على polycopié لولايات أخرى لأستفيد ؟ طبعا ليس اعتماد كلي اطلاع فقط و بعض الاضافات
- 9 modules و بالمقابل 7 أيام .. ما حل هذه المعادلة ؟
- بالنسية ل les cours ، قررت أن أحضر البعض فقط بناء على كفاءة الأستاذ .. هل ترى هذا صائبا ؟ خاصة و أن الدراسة الجامعية و خاصة الطب autoformation ؟ و كيف يمكنني تحصيل استفادة قصوى من الحضور ؟ هل بكتابة الملاحظات أم التسجيل أم ماذا !
- بالنسبة ل TP و TD حضورنا إجباري ! فكيف يكون العمل فيها ؟ ماذا سنفعل بالضبط ؟
- أخطاء ندمت عليها و أمور تمنيت لو أخبروك عنها قبل السنة 1 طب ؟
- أنا إنسانة سريعة الملل لا تحب الروتين و هذه مشكلتي الأبدية .. كيف يمكنني تجديد طاقتي في كل مرة و المحافظة على حماسي في ظل جو جامعي محبط قليلا !
شكرا مسبقا

[oussama165]

- قلت أنك كنت تدرس من 5 إلى 6 ساعات يوميا .. بماذا تقوم بالضبط ؟

5 إلى 6 و أحيانا أكثر خاصة في فترة الإمتحانات
نفرضوا مثلا درك رح نقرا نشوف لي موديل لي راني متأخر شويا فيهم نخير 3 ولا 2 و نبدا نحكم البوليكوب ندير عليه طلة خفيفة من لفوق لتحت نفهموا هكذا عموما و نروح نشوف Les QCM لي فاتوا لتم نعرف واش لي راهم يركزوا عليه ومنبعد نبدا نحفظ عادي, نحفظ 30 دقيقة و نرتاح 5 دقائق.

- أنا سأدرس في باتنة لكن هل يمكنني الاعتماد على polycopié لولايات أخرى لأستفيد ؟ طبعا ليس اعتماد كلي اطلاع فقط و بعض الاضافات

عادي, بصح غير تع لي مودبل الأساسية (Anatomie-Histo-Embryo-Biochime) و خطيكي من الفيزياء و الكيمياء و منعرف واش كاين خلاف, علاش راهم يقروا فيهم منعرف, الكور و TD يكفي.
أنا مانيش نقولك ماتقرايهمش بالعكس أقرايهم للكونترول و راهم يساعدوا مليح باه الطلعي بصح ماتروحيش تتعمقي فيهم و لا تديري حاجة ماكانش فالبرنامج.

- 9 modules و بالمقابل 7 أيام .. ما حل هذه المعادلة ؟

لي موديل ماش كامل متساويين, chime;biophysique;biostat كنت نبدا فيهم قبل شهر من الكونترول
informatique قريتها فالنهار الأخير ديت 19
ركزي علا واش تحتاجي منبعد فالميدسين, و لوخرين يكفي برك تدي لانوت و منبعد ماعندك ماتديري بيهم.


- بالنسية ل les cours ، قررت أن أحضر البعض فقط بناء على كفاءة الأستاذ .. هل ترى هذا صائبا ؟ خاصة و أن الدراسة الجامعية و خاصة الطب autoformation ؟ و كيف يمكنني تحصيل استفادة قصوى من الحضور ؟ هل بكتابة الملاحظات أم التسجيل أم ماذا !

حاجة مليحة أنك تحضري غير عند لي يعرف واش راه يدير
التسجيل انا نقولك غير خليكي منو يضيع بزاف الوقت
الملاحظات و نعاود ملاحظات ماش كل حاجة يقولها الأستاذ

- بالنسبة ل TP و TD حضورنا إجباري ! فكيف يكون العمل فيها ؟ ماذا سنفعل بالضبط ؟

عندنا فالعاصمة يقولك الحضور إجباري بصح لوكان ماتحضرش مايديرلك والو يبقا يخلع فيك ب exclus من لموديل بصح مايدير والو
TD نحلوا السلسلة تع التمارين فالbiophysic و chimie و biostat
TP تلبسوا الطابلية و تصوروا مع الهياكل العظمية و المجسمات تع الأعضاء خخخخخخخخخ

- أخطاء ندمت عليها و أمور تمنيت لو أخبروك عنها قبل السنة 1 طب ؟

حشاوهالي قالولي لميدسين صعيبة و منعرف واش بصح عادي تعرفي تقراي تدي مليح.
و أيضا كاين وحد النوعية تع العباد درك تشوفيهم لتم يقرا و يقرا و منعبد يحلفلك بلي ماقرا والو و نهار الافيشاج تلقاه هو مع لي ماجور عس برك تأمنيهم و متقرايش و تكمل عليك mal .


- أنا إنسانة سريعة الملل لا تحب الروتين و هذه مشكلتي الأبدية .. كيف يمكنني تجديد طاقتي في كل مرة و المحافظة على حماسي في ظل جو جامعي محبط قليلا !
علاش شكون قالكي بلي الجو الجامعي محبط؟؟ علاش السلبية هاذي من البداية
لمهم حطي عينك على هدف و أبقاي تبعي فيه, الإختصاص كمثال
و حطيها في بالك مليح بلي الآلاف راهم يحلمو يكونوا مكانك و راهم العاودوا الباك بـ 2 و 3 خطرات باه يلحقوا

شكرا مسبقا
:19:

[رونق الصبح]

5 إلى 6 و أحيانا أكثر خاصة في فترة الإمتحانات
نفرضوا مثلا درك رح نقرا نشوف لي موديل لي راني متأخر شويا فيهم نخير 3 ولا 2 و نبدا نحكم البوليكوب ندير عليه طلة خفيفة من لفوق لتحت نفهموا هكذا عموما و نروح نشوف Les QCM لي فاتوا لتم نعرف واش لي راهم يركزوا عليه ومنبعد نبدا نحفظ عادي, نحفظ 30 دقيقة و نرتاح 5 دقائق.

أجل
أظن أنني سأعتمد أيضا على نظام 5 / 25
حتى أستعيد نشاطي في كل مرة

عادي, بصح غير تع لي مودبل الأساسية (Anatomie-Histo-Embryo-Biochime) و خطيكي من الفيزياء و الكيمياء و منعرف واش كاين خلاف, علاش راهم يقروا فيهم منعرف, الكور و TD يكفي.
أنا مانيش نقولك ماتقرايهمش بالعكس أقرايهم للكونترول و راهم يساعدوا مليح باه الطلعي بصح ماتروحيش تتعمقي فيهم و لا تديري حاجة ماكانش فالبرنامج.

حسنا

لي موديل ماش كامل متساويين, chime;biophysique;biostat كنت نبدا فيهم قبل شهر من الكونترول
informatique قريتها فالنهار الأخير ديت 19
ركزي علا واش تحتاجي منبعد فالميدسين, و لوخرين يكفي برك تدي لانوت و منبعد ماعندك ماتديري بيهم.

طيب ..

حاجة مليحة أنك تحضري غير عند لي يعرف واش راه يدير
التسجيل انا نقولك غير خليكي منو يضيع بزاف الوقت
الملاحظات و نعاود ملاحظات ماش كل حاجة يقولها الأستاذ

فعلا
التسجيل يضيع الوقت لكن ربما اعتمده في البداية .. سأسجل و أتذكر الوقت الذي قال فيه البروفيسور ملاحظة هامة أو غيرها
و سأخصص كراسة للملاحظات

عندنا فالعاصمة يقولك الحضور إجباري بصح لوكان ماتحضرش مايديرلك والو يبقا يخلع فيك ب exclus من لموديل بصح مايدير والو
TD نحلوا السلسلة تع التمارين فالbiophysic و chimie و biostat
TP تلبسوا الطابلية و تصوروا مع الهياكل العظمية و المجسمات تع الأعضاء خخخخخخخخخ

:1::1:

حشاوهالي قالولي لميدسين صعيبة و منعرف واش بصح عادي تعرفي تقراي تدي مليح.
و أيضا كاين وحد النوعية تع العباد درك تشوفيهم لتم يقرا و يقرا و منعبد يحلفلك بلي ماقرا والو و نهار الافيشاج تلقاه هو مع لي ماجور عس برك تأمنيهم و متقرايش و تكمل عليك mal .
شكرا للنصيحة

علاش شكون قالكي بلي الجو الجامعي محبط؟؟ علاش السلبية هاذي من البداية
لمهم حطي عينك على هدف و أبقاي تبعي فيه, الإختصاص كمثال
و حطيها في بالك مليح بلي الآلاف راهم يحلمو يكونوا مكانك و راهم العاودوا الباك بـ 2 و 3 خطرات باه يلحقوا
أبدا
لست بسلبية على العكس تماما
لكن و من الآن هناك من بدأ يحبطني
تسأله عن كتاب عام للمطالعة فيجيبك بسخرية " كتاب لا تحزن " !
تسأله النصيحة فيقول : " اجري على روحك و دير transfert "
على كل باذن الله سأتحاشى هؤلاء الناس
و معك حق .. " كثيرون يحاولون الوصول إلى كلية الطب " وفقهم الله .. محفز جدا

:19:

بارك الله فيك

[oussama165]

بارك الله فيك

و فيك بارك الله

[*أنفآل*]

السلام عليكم ورحمة الله وبركاته

جزاك الله خيرا أخي على هذه المبادرة الطيّبة..
لي عودة بإذن الله مع أسئلتي

[اخت الرجل]

حسنا اردت البدا بلاناتومي رحت سفت ليكور وحسيت مانيش مستعدة باه نقراهم
ماذا تنصحني من اين ابدا اعطيني مرجع او امور تمنيت لو اطلعت عليها او طورت نفسك فيها قبل الالتحاق بالدراسة الجامعية وخصوصا الطب

[oussama165]

حسنا اردت البدا بلاناتومي رحت سفت ليكور وحسيت مانيش مستعدة باه نقراهم
ماذا تنصحني من اين ابدا اعطيني مرجع او امور تمنيت لو اطلعت عليها او طورت نفسك فيها قبل الالتحاق بالدراسة الجامعية وخصوصا الطب

إذا بعتوكي للعاصمة شوفي هذا راه فيه كلش:
https://drive.google.com/drive/folders/0B2gYjyd5KZCEZHB1dkd2YkRmX3M
ولي راكي تقولي ماش مستعدة تقرايهم؟؟ يعني راكي تستناي فالبروف لأنوا مراح يزيدلك والو كي تدخلي معاه ولا لالا كيف كيف
مانيش نخلع فيكي بصح الله غالب هادا لي كاين
نتي شوفي برك الكلمة الي متفهميهاش حوسي عليها و إذا كانت مصطلح علمي حوسي عليه بالفرنسية خير
ة عادي شويا شويا و نتي كملتي

[اخت الرجل]

شكرا اخي ��

[اخت الرجل]

بصح بواش نبدا بليكور ولا ليتيدي ولا ذوك لي دياpو

[زهور الاليس]

شكرا على المبادرة الطيبة
الكثير من الطلبة نصحوني بان اتي بمواضيع امتحانات السنة الماضية هل لك ان تخبرني اين اجدها

[oussama165]

شكرا اخي ��

العفو

بصح بواش نبدا بليكور ولا ليتيدي ولا ذوك لي دياpو

kima t7ebi les cours ou les diapos mais pas les TDs

[oussama165]

شكرا على المبادرة الطيبة
الكثير من الطلبة نصحوني بان اتي بمواضيع امتحانات السنة الماضية هل لك ان تخبرني اين اجدها

إذا تحتاجي تع ألجي راهم هنا :
https://drive.google.com/drive/folders/0B2gYjyd5KZCEZHB1dkd2YkRmX3M
و راهم يتباعوا أيضا مقابل الكلية

و إذا من كلية أخرى سقسي لي قراو فيها ينعتولكم وين تلقايهم

[اخت الرجل]

اسامة اذا راك متفكر ملف التسجيل ممكن تفيدني بيه بصك قلك ملف التسجيل يتبدل من جامعة لجامعة انا وجدت واحد بصح خايفة يكونو ناقصيني وثائق وشكرا

[oussama165]

اسامة اذا راك متفكر ملف التسجيل ممكن تفيدني بيه بصك قلك ملف التسجيل يتبدل من جامعة لجامعة انا وجدت واحد بصح خايفة يكونو ناقصيني وثائق وشكرا

بالنسبة للتسجيل في الجامعة:


كشــف النقــاط الأصــلي للباكالوريا
شهادة التوجيه، تطبع من موقع التسجيلات
صــورتــان
200 د.ج


بالنسبة للإقامة:


نسخة من شهادة البكالوريا
نسخة من شهادة التسجيل يمدوهالك كي تسجلي في الجامعة
شهادتان طبيتان عامة وصدريةـ
أظرفه باسم وعنوان الطالبـ
شهادة الإقامة
و صور -نسيت شحال-

[sana.sana]

السلام عليكم اخي

حبيت نسقسييك شهادة عدم عمل بالنسبة للام هل وضعتها في ملف المنحة

من فضلك

[oussama165]

السلام عليكم اخي

حبيت نسقسييك شهادة عدم عمل بالنسبة للام هل وضعتها في ملف المنحة

من فضلك

يحتاجوا شهادة عدم العمل إذا ماكنتش خدامة أو كشف الراتب إذا كانت العكس

[Bachir2018]

حقوق التسجيل 200 د.ج ..أين تدفع في الكلية أم في مركز البريد

[oussama165]

حقوق التسجيل 200 د.ج ..أين تدفع في الكلية أم في مركز البريد

في الكلية :d:d

[Bachir2018]

في الكلية :d:d
Merci beaucoup...

[oussama165]

Merci beaucoup...

2r1:19::19:

[*أنفآل*]

السلام عليكم

لقد كفتني أسئلة الأعضاء وإجابتُكَ عليها بارك الله فيك

لديّ طلب فقط من فضلك ،
هل لّك أن تُزودني بقنوات أو روابط على اليوتيوب أحتاجها خلال هذا العام لاُحَمِّلهَا من الآن ؟
وجزاك الله خيرا

[Bachir2018]

كيف يتم التنقل من المحطة البرية بالخروبة الي كلية الطب ببن عكنون (بواسطة Bus)

[oussama165]

السلام عليكم

لقد كفتني أسئلة الأعضاء وإجابتُكَ عليها بارك الله فيك

لديّ طلب فقط من فضلك ،
هل لّك أن تُزودني بقنوات أو روابط على اليوتيوب أحتاجها خلال هذا العام لاُحَمِّلهَا من الآن ؟
وجزاك الله خيرا

أنا كاين القنوات اللي إستعملتهم بصح المشكل هو الأغلبية بالإنجليزية
بصح عادي تقدري تستعمليهم في البداية باه تدي نظرة عامة على الدرس:

Crash Course Anatomy and physiology
Crash Course Biology
Osmosis
Khan Academy Medicin
Tutorat Médecine 2.0(celui-ci est en français)

[*أنفآل*]

السلام عليكم
حسنا لا مشكلة ...بارك الله فيك

[oussama165]

كيف يتم التنقل من المحطة البرية بالخروبة الي كلية الطب ببن عكنون (بواسطة Bus)

كاين Bus مباشرة من الخروبة - بن عكنون و أهبط في المحطة الأخيرة راها مقابل مستشفي تع بن عكنون
و من لتم سقسي يورولك الطريق راها ماش بعيدة بزاف

[قدوتي رسولي]

من فضلك ماهي التحاليل الطبية المطلوب في ملف الايواء للطلبة الجدد فيما يخص الجزاءر العاصمة وشكرا

[Bachir2018]

كاين bus مباشرة من الخروبة - بن عكنون و أهبط في المحطة الأخيرة راها مقابل مستشفي تع بن عكنون
و من لتم سقسي يورولك الطريق راها ماش بعيدة بزاف

شكرا أخي.
لدي سؤال : ما هو تاريخ بداية الدراسة في كلية الطب ببن عكنون ؟

[oussama165]

شكرا أخي.
لدي سؤال : ما هو تاريخ بداية الدراسة في كلية الطب ببن عكنون ؟

على ما أظن في 23 بصح أنا حتى لأكتوبر باه نروح

[oussama165]

من فضلك ماهي التحاليل الطبية المطلوب في ملف الايواء للطلبة الجدد فيما يخص الجزاءر العاصمة وشكرا

العام لي فات مدبتلهم شهادة طبية عامة و صدرية برك

[قدوتي رسولي]

شكرا على الرد

[طالبة طب باذن الله]

نحوس على البرنامج الجديد لي نقراوه وشنو هوما لي موديل لي نقراوهم

[oussama165]

نحوس على البرنامج الجديد لي نقراوه وشنو هوما لي موديل لي نقراوهم

كيما العام لي قات برك Biostat و informatique يرجعوا موديل واحد
و يزيدولكم francais أو anglais عىل حساب المستوى التاعك

[Just a dr]

هل موعد دخول الطلبة الجدد فعلا ظ¢ظ£ سبتمبر فهناك فعلا من ذكر أنه استأنف الدراسة في ظ© ....شكرا على المجهودات و اسفة على الازعاج ..

[oussama165]

هل موعد دخول الطلبة الجدد فعلا ظ¢ظ£ سبتمبر فهناك فعلا من ذكر أنه استأنف الدراسة في ظ© ....شكرا على المجهودات و اسفة على الازعاج ..

موعد الدخول مازال ماكنش الرسمي عليه بصح ممكن يكون بين 16 إلى 23 سبتمبر

[*أنفآل*]

السلام عليكم

أبحث عن المصطلحات العلمية التي أحتاجها هذا العام ان شاء الله (خاصة في الأعصاب ) أين أجدها ؟

[oussama165]

السلام عليكم

أبحث عن المصطلحات العلمية التي أحتاجها هذا العام ان شاء الله (خاصة في الأعصاب ) أين أجدها ؟

شوفي فالبوليكوب الرسمي تع الكلية تاعك تلقايهم لثم

[ا̍ڔٰا̍دۃ ۛ ּحۡــدڀــدڀــۃ]

بماذا تنصح شخص ضعيف في الفرنيسة جداا تحضيرا للسنة القادمة (مقبل على الباك)

[^_^أنس^_^]

Up������ up

[وئ___ام الأمل]

...........

[شمس الدين 03]

السلام عليكم
ممكن النماذج اللي يدروها في التاست الفرنسية طب الاسنان لنلقي عليه نظرة

[حديث الشجن]

شكرا جزيلا لك