وش ناويين طيبوا حلوى للعيد الأضحى

[nadjet boumaraf]

سلام عليكم اخواتي وش راكم ان شاء الله تكونوا بخير
بما انو قرب العيد الاضحى وهو عيد اللحم لكن لازم نديرو حلوى
كاش عندكم روسات تاع حلوى ساك تصلح لهاد مناسبة تكون ناجحة نفيدو بعضانا...
نتمنى تتفاعلو مع موضوع وتجاوبونا وتفيدونا

[RIMA.87]

السلام عليكم و رحمة الله و بركاته
كاينة هاد الوصفة حطتها الاخت المشرفة حياة نورالدين جزاها الله خيرا في احد مواضيع الكوزينة ناوية نديرها باذن الله لاني عطيت الوصفة لواحد الاخت جربتها في عيد الفطر و النتيجة كانت مرضية بنينة خفيفة و تقطع كمية مليحة.
https://d.top4top.net/p_949j5ybz0.png (https://up.top4top.net/)


و كاينة هادي الوصفة تاني
Les carrés Hongrois........إلهام07
http://www.djelfa.info/vb/showthread.php?t=1985540

في امان الله اختي نجاة

[نجاة^^]

بالنسبة لينا مناش راح نديرو حلوى بزاف رانا ناويين على زوج انواع برك ،مي مزال ماتاخذناش قرار وانت وش راح طيبي

[~ ...منــــــآل ... ~]

السلام عليكم و رحمة الله تعالى و بركاته

و الله منذ قليل تفاهمت مع ماما ههه :1:
تفاهمنا نديرو قريوش و بقلاوة ( نموت عليهم :D ) و ربما شوية كعك النقاش ( عجينته تشبه لحد كبير عجينة التشاراك و محشو بحشوة معجون التمر )
و بريوش بالزبيب و بريوش الشوكولا ( وصفة إالهام )
و صباح العيد بإذن الله نديرو خبز العيد ( الوصفة لأمي أقل ما يقال أنها رائعة )

تحياتي و عيدكم مبروك مسبقا :rolleyes: