لطلاب الطب اجتمعو ا هنا

[العالمة الطموحة]

ارجوكم افيدوني اين يقيم طلاب طب العاصمة و كيف هي المعيشة و كم يلزم من المصروف و ما تقييمكم للاقامة

[المُعادلة الصّعبة]

العاصمه

ههههه مبروك عبير
بالتوفيق عزيزتي فرحتلك

[العالمة الطموحة]

مارسي ههه و انتي

[المُعادلة الصّعبة]

صيدلة
جامعة قسنطينه 3

[العالمة الطموحة]

الا يوجد من يفيدني ارجوكم اريد معلومات مفصلة

[oussama165]

ارجوكم افيدوني اين يقيم طلاب طب العاصمة و كيف هي المعيشة و كم يلزم من المصروف و ما تقييمكم للاقامة

السلام عليكم
رانا نقراو في بن عكنون السنة الأولى و الثانية إبتداءا من السنة الثالثة نرجعوا نقراو فـ laperrine
الإقامة راها في بن عكنون بعيد بحوالي 5-10 دقائق برك تروحيلها a pied
بالنسبة للظروف راها عادي كأي إقامة فالجزائر
و المصروف على حساب إ\ا تاكلي فالريسطو و لالا وإذا تشري لي بوليكوب و لا تقراي بالpc

[العالمة الطموحة]

السلام عليكم
رانا نقراو في بن عكنون السنة الأولى و الثانية إبتداءا من السنة الثالثة نرجعوا نقراو فـ laperrine
الإقامة راها في بن عكنون بعيد بحوالي 5-10 دقائق برك تروحيلها a pied
بالنسبة للظروف راها عادي كأي إقامة فالجزائر
و المصروف على حساب إ\ا تاكلي فالريسطو و لالا وإذا تشري لي بوليكوب و لا تقراي بالpc

و لكي ناخذ علامات ممتازة و نجتهد كم مبلغ ليبوليكوب تاع شهر واحد و اعطيني حسب تقديرك مصروف الشهري لواحد يتقشف شوياحابة نتقشف

[العالمة الطموحة]

الماكلة تاع الريسطو قابلة للاكل ولا نو و الاقامة نظيفة و محمية... ارجو الاجابة

[oussama165]

و لكي ناخذ علامات ممتازة و نجتهد كم مبلغ ليبوليكوب تاع شهر واحد و اعطيني حسب تقديرك مصروف الشهري لواحد يتقشف شوياحابة نتقشف

ليبوليكوب منقدرش نحددلك مبلغ لأني عمري ما شريتهم نقرى بالpc برك بصح تع الفصل الأول مايفوتوش 1000
و المصروف الشهري 5000 بالنسبة ليا تكفي و توفي بصح أدي معاكي حاجة كانش مليون ولا إذا ماصرات حاجة و سحقيتيهم


الماكلة تاع الريسطو قابلة للاكل ولا نو و الاقامة نظيفة و محمية... ارجو الاجابة

الماكلة قابلة للأكل إذا ما كنتيش من هداك النوع تع بابا و ماما اللي يتفششوا و بالنسبة للإقامة لبنات نورمالمو نظيفة و نتي اللي يهمك الغرفة تاعك برك تقدري تنظفيها عادي
و راها بالتأكيد محمية و الخرجة مور ال8 تع اليل ماكانش ممنوع

[العالمة الطموحة]

ممكن تمدلي بواش كنتي تقرا كل الملفات و انصحني و شحال كنتي تاخذ علاماات ....هو حقيقة احيااانا نتفشش ماشي ديما بصح علابالي الجامعة صعيبة نحط التفشاش بعيد

[oussama165]

ممكن تمدلي بواش كنتي تقرا كل الملفات و انصحني و شحال كنتي تاخذ علاماات ....هو حقيقة احيااانا نتفشش ماشي ديما بصح علابالي الجامعة صعيبة نحط التفشاش بعيد

هادا راه فيه كلش اللي تحتاجيه من دروس و ملخصات و إمتحانات اللي فاتوا :
https://drive.google.com/drive/folders/0B2gYjyd5KZCEZHB1dkd2YkRmX3M
و البنسة للنصائح اللي نقدر نقولك درك أبقاي a jour مع البروف حتى و إذا كانت صعيبة شوي مع البداية بصح توالفي و ترجع ساهلة
و أذا عندكم أي تساءل أكتبوه برك أنا نحاول نجاوب كيما ساعدوني نهار كنت كيفكم نساعدكم

[العالمة الطموحة]

واش هوما الادوات اللازمين و في رايك واش من موديلات لازمني نقراهم دركا

[oussama165]

واش هوما الادوات اللازمين و في رايك واش من موديلات لازمني نقراهم دركا

شوفي الأدوات غير كراريس ولا دي ريجيستر باه تكتبي و تنظمي روحك كيما تحبي يا كل موديل ب كراس تاعوا ولا كل ف كراس واحد مقسم
و فألجي TP كاين واحد برك و كيما تحبي تحضري ولا لالا تسما بالاك تحتاجي طابلية بيضاء
و إذا راكي مريحة b1 حابة تبداي درك تقدري تبادي بأناتو شويا ماتحتاجش بزاف فهامة

[العالمة الطموحة]

شوفي الأدوات غير كراريس ولا دي ريجيستر باه تكتبي و تنظمي روحك كيما تحبي يا كل موديل ب كراس تاعوا ولا كل ف كراس واحد مقسم
و فألجي tp كاين واحد برك و كيما تحبي تحضري ولا لالا تسما بالاك تحتاجي طابلية بيضاء
و إذا راكي مريحة b1 حابة تبداي درك تقدري تبادي بأناتو شويا ماتحتاجش بزاف فهامة

ونقدر نتميز و نماجوري بدون ما نشري الكتب اللي ثمنها غالي بزااف بالملايين صراحة خويا يشريهم غالليين بزاف والديا ما عندهمش بنك باه يمدولي و يمدولو نشريو حابة نتميز و لكن بدون كتب قصدي ما لازمش نتوسع كثيرا

[oussama165]

ونقدر نتميز و نماجوري بدون ما نشري الكتب اللي ثمنها غالي بزااف بالملايين صراحة خويا يشريهم غالليين بزاف والديا ما عندهمش بنك باه يمدولي و يمدولو نشريو حابة نتميز و لكن بدون كتب قصدي ما لازمش نتوسع كثيرا

واش من كتب اللي بالملاين هادا
التب اللي بالاك بالاك تحتاجيهم تع أناتومي تع البروفيسور حمودي الله يرحمو برك
كاين 2 يديروا 2500 (كل واحد 1250) و أنا شرينهم بصح جامي إستعملتهم معقدين بزاف و فيهم تفاصيل منقراوهمش قاع
شوفي الديابو تع البروف و شويا تع الملخصات راهم يكفيو

[العالمة الطموحة]

ايا مليح ....شكرا

[العالمة الطموحة]

وكاين منين نشريو و نامبريميو قريب من الاقامة و الى عندك صور هاتهملي من فضلك للاقامة و هل من المحطة للاقامة غالية بزاف

[العالمة الطموحة]

ششحال طلعتي الاولى جامعي تاعك وواش هوما الاخطاء اللي تنصحني ما نرتكبهمش و مثلا وين نخبي الدراهم و لا حاجة ثمينة تاعي باه ما يسرقوهاش

[oussama165]

ايا مليح ....شكرا

بلا مزية
إ\ا مازالوا عندك كاش أسئلة منبعد راني هنا

[oussama165]

وكاين منين نشريو و نامبريميو قريب من الاقامة و الى عندك صور هاتهملي من فضلك للاقامة و هل من المحطة للاقامة غالية بزاف

كاين منين تشري راها قريبة من الكلية تقطعي طريق برك
الصور؟؟؟ و انا واش راش رح يدخلني لداخل نعرفها من الخارج برك
و من المحطة لبن عكنون 50 دينار برك ( خمسالاف)

ششحال طلعتي الاولى جامعي تاعك وواش هوما الاخطاء اللي تنصحني ما نرتكبهمش و مثلا وين نخبي الدراهم و لا حاجة ثمينة تاعي باه ما يسرقوهاش
الفصل الأول 11 الثاني 12 الثالث 14
الي ننصحك بها انو ماش كل حاجة تتحفظ كاين حوايج للفهم برك
نتي اللي عليك ديري طلة خفيفة على الكور كامل و شوفي لي كونطرول لي فاتوا واش فيهم تعرف على واش تركزي و واش لالا
بالنسبة للدراهم خبي شويا معاك و شويا في البريد و شويا في الخزانة تاعك على الأقل إ\ا صرات كاش حاجة لا قدر الله ميروحوش قاع

[العالمة الطموحة]

شحال من ساعو يوميا كنتي تراجع و عذرا اردت الصور باه نشوف اذا راهي قديمة و يمشي فيها البرد فالشتاء و لا يدخل مطر عموما تاع البنات و الاولاد مبنية فنفس الحقبة الزمنية يعني كيفكيف

[soulami sousou]

الماكلة كي يكون لوقت اشري نصروف خفيف وطيبي وحدك في اقامة بسك الريسطوا اكلوا مش صحي +++بوليكوب متقدريش تحسبي بسك كاين بزاف دروس وتقدري تقراي من ل pcبصح تنقصي في نظر وجد متعب وانتي شوفي شهر لول واش جاك افضل مبروك 😉

[العالمة الطموحة]

الماكلة كي يكون لوقت اشري نصروف خفيف وطيبي وحدك في اقامة بسك الريسطوا اكلوا مش صحي +++بوليكوب متقدريش تحسبي بسك كاين بزاف دروس وتقدري تقراي من ل pcبصح تنقصي في نظر وجد متعب وانتي شوفي شهر لول واش جاك افضل مبروك 😉

يبارك في عمرك اختي و قوليلي بشحال طبعتي فالشهر الاول انتي باه نعرف ابوبري و هل كل الدروس تتغير

[insane1]

أنا عني نفضل إقامة سعيد حمدين بعيدة مي كاين لي كوس تما و تروحي وترجعي عادي ، وبالنسبة ليا وبدون مبالغة بعد رؤيتي للكثير من الإقامات هي من أفضل الاقامات لحكم تواجد السوبيرات و ايضا الفوايي يتوفر على كل شي .. الخ ولكن بها سلبيات كثيرة كالمراحيض و الريسطو شوية ...

العاصمة تحتاج مصروف أكثر من أي ولاية أخرى ( حسب تجربتي ) ، خصوصا اذا كنتي من النوع يلي يحب يخرج و يتغم من لاسيتي و لافاك كل وقت



تقريبا في الشهر الأول صرفت مليون هكاك ولكن كنت نصرف بلا حساب ( ناكل برا ، شريت بزاف حوايج ، ادوات و مواد التنظيف نستهلكها أكثر من الما هههه الجافيل تقول نشربو هههه المهم بذرت كثيرا وكنت نشري الكماليات يلي معندهاش احيانا فائدة يعني كنت بنت بابا و ماما كيما يقولوا و خرجت وضيعت مصروف كبير في الطرونسبور



لهذا نظن انو الاقامة لفتاة تسحق الدراهم ادي معاك وخبيهم ، انا تقريبا واش لميت من يلي يمدولك الدراهم كيف ربحت الباك اديتو معايا و هكاك مكلفتش والديا بزاف و منبعد ترجع لابورس كل 3 أشهر تعاونك



المدة الأولى تصرفي بزاف دراهم هذا عادي منبعد توالفي وترجعي تحسبي للدينار الواحد ، متقصيش على روحك بزاف ومتبذريش بزاف .

[insane1]

هادا راه فيه كلش اللي تحتاجيه من دروس و ملخصات و إمتحانات اللي فاتوا :
https://drive.google.com/drive/folders/0b2gyjyd5kzcezhb1dkd2ykrmx3m
و البنسة للنصائح اللي نقدر نقولك درك أبقاي a jour مع البروف حتى و إذا كانت صعيبة شوي مع البداية بصح توالفي و ترجع ساهلة
و أذا عندكم أي تساءل أكتبوه برك أنا نحاول نجاوب كيما ساعدوني نهار كنت كيفكم نساعدكم


ممكن أخي ملف كيما هذا في الصيدلة ؟ سنة أولـى

[oussama165]

شحال من ساعو يوميا كنتي تراجع و عذرا اردت الصور باه نشوف اذا راهي قديمة و يمشي فيها البرد فالشتاء و لا يدخل مطر عموما تاع البنات و الاولاد مبنية فنفس الحقبة الزمنية يعني كيفكيف

dzl طولت

معلش كنت نقسر برك ماش حاجة كبيرة :d

المهم ::شحال من ساعة كنت نقرا ؟؟؟
فالفصل الأول كنت طايح عليها صباح و عشية يعني يا تلقايني راقد يا نقرا بصح مع اللخر جبت 11 لأني كنت منعرفش نحفظ و كنت نحفظ بلا فهم يعني نحفظ فالكلمات و راني مليح كي ديت 11
بصح فالثاني و الثالث بديت نوالف شوي مع السيستام و نقست قراية كاش 5 سوايع و لا 6 فالنهار تكفي و هكاك و ديت خير من الأول
بصح فالسمانة لي قبل لي كونطرول هاديك هي الصح لقراية فيها صباح و عشية مكانش الراحة

وبالنسبة للإقامة حاجة خلاف تع لبنات في بن عكنون ( و مانيش متأكد من المعلومة) الغرفة واسعة بصح فيها 4 ولا 5

[oussama165]

أنا عني نفضل إقامة سعيد حمدين بعيدة مي كاين لي كوس تما و تروحي وترجعي عادي ، وبالنسبة ليا وبدون مبالغة بعد رؤيتي للكثير من الإقامات هي من أفضل الاقامات لحكم تواجد السوبيرات و ايضا الفوايي يتوفر على كل شي .. الخ ولكن بها سلبيات كثيرة كالمراحيض و الريسطو شوية ...

العاصمة تحتاج مصروف أكثر من أي ولاية أخرى ( حسب تجربتي ) ، خصوصا اذا كنتي من النوع يلي يحب يخرج و يتغم من لاسيتي و لافاك كل وقت



تقريبا في الشهر الأول صرفت مليون هكاك ولكن كنت نصرف بلا حساب ( ناكل برا ، شريت بزاف حوايج ، ادوات و مواد التنظيف نستهلكها أكثر من الما هههه الجافيل تقول نشربو هههه المهم بذرت كثيرا وكنت نشري الكماليات يلي معندهاش احيانا فائدة يعني كنت بنت بابا و ماما كيما يقولوا و خرجت وضيعت مصروف كبير في الطرونسبور



لهذا نظن انو الاقامة لفتاة تسحق الدراهم ادي معاك وخبيهم ، انا تقريبا واش لميت من يلي يمدولك الدراهم كيف ربحت الباك اديتو معايا و هكاك مكلفتش والديا بزاف و منبعد ترجع لابورس كل 3 أشهر تعاونك



المدة الأولى تصرفي بزاف دراهم هذا عادي منبعد توالفي وترجعي تحسبي للدينار الواحد ، متقصيش على روحك بزاف ومتبذريش بزاف .

الإقامة ماش نتي اللي تخيريها
كيما أنا العام لي فات درت الإقامة فالقبة بصح بعتوني للقريبة فبن عكنون و كامل و كامل بعتونا لتم

[oussama165]

ممكن أخي ملف كيما هذا في الصيدلة ؟ سنة أولـى

هداك تع المدسين برك
تع الفرماسي عندي هذا:http://www.mediafire.com/?mhxr66m428e2o#myfiles

[insane1]

شكرا على الملف الأخ أسامة سأتفقده .



بالنسبة للأقامة إخترت العام الماضي سعيد حمدين كأول إختيار و تم قبولي ، الغرف واسعة نوعا ما خصوصا البافيون 1 وبالتحديد ال d غرف مراحش تلقاي كيفهم في الاقامة كاملة هههه . لكن تعبت قليلا في البداية كنت نوض بكري حتى نلحق على الكوس و نوصل للزيانية بكري و فيه فايدة اني جلست في الصفوف الأولى :d . وكما قال الأح بن عكنون كبيرة الشومبرة و 4 ولا 5 وانا الصراحة من النوع الذي يحبذ 2 ، اذا تحبي على القرب اختاري بن عكنون .

[العالمة الطموحة]

شكرا لكم اخوتيي ارجوكم اخبروني هل ستتغير الدروس تماما ام لا و التي اعطاني اياها الاخ اسامة هل سندرس بها هي ام ستتغير

[oussama165]

شكرا لكم اخوتيي ارجوكم اخبروني هل ستتغير الدروس تماما ام لا و التي اعطاني اياها الاخ اسامة هل سندرس بها هي ام ستتغير

بقا هو إ\ا مبدلوش السيستام الجديد تع الميدسين

[العالمة الطموحة]

ايا مليححححح و هل يعطوننا الاقامات و نحن نختار اشيرو علي باقربها للجامعة و اامنها و احسنها من حيث النظافة

[oussama165]

ايا مليححححح و هل يعطوننا الاقامات و نحن نختار اشيرو علي باقربها للجامعة و اامنها و احسنها من حيث النظافة

كاينة وحدة قريبة وحد ال10 دقائق a pied بصح والله معلابالي أسمها ههههه

[العالمة الطموحة]

تقدر تبحثلي على اسمها ارررجوك يعطيك ربي كل ما تتنمى دنيا و اخرة

[oussama165]

تقدر تبحثلي على اسمها ارررجوك يعطيك ربي كل ما تتنمى دنيا و اخرة

درك نشوف إ1ا لقيتها نقلك

[oussama165]

ايا مليححححح و هل يعطوننا الاقامات و نحن نختار اشيرو علي باقربها للجامعة و اامنها و احسنها من حيث النظافة

Cité Universitaire des Jeune Filles Ben Aknoun
هادا إسمها

[العالمة الطموحة]

rbi yssem3ek 5ber el5ir 5ouyaa w n9der n5ayer wla houma yb3touni kima y7bou

[oussama165]

rbi yssem3ek 5ber el5ir 5ouyaa w n9der n5ayer wla houma yb3touni kima y7bou

أمين إن شاء الله
الي علابالي هوما أم يقولولكي خيري اللي تحبي بصح كيما أنا العام لي فات و بزاف معايا ماش وحدي بعتونا لإقامة الي قريبة مام مخيرناهاش

[العالمة الطموحة]

صاحبتي كتبولها تروحتسجل في 2 سبتمبر و انا كتبولي في خمسة سبتمبر نقدرو نحكمو شومبرا كيفكيف

[oussama165]

صاحبتي كتبولها تروحتسجل في 2 سبتمبر و انا كتبولي في خمسة سبتمبر نقدرو نحكمو شومبرا كيفكيف

عادي كيما تروح تقولهم بلي عندها صحبتها راه تدير معاها و تمدلهم أسمك و نتي كيما تروحي قوليلهم إسمها باه يديروكم مع بعض

[العالمة الطموحة]

حسنا وواقتاه نسجلو فالاقامة بالسيت

[oussama165]

حسنا وواقتاه نسجلو فالاقامة بالسيت

شوفي هذا ممكن يساعدك
https://eddirasa.com/inscription-university/

[العالمة الطموحة]

شككرا جزيلا و اشيرو علي باقرب الاقامات الى الجامعة من فضلكم

[نسرين000]

شككرا جزيلا و اشيرو علي باقرب الاقامات الى الجامعة من فضلكم

شوفي على حساب الإقامات اللي عطاوملك فالإختيارات

[العالمة الطموحة]

https://e.top4top.net/p_950k6yzp1.png

[العالمة الطموحة]

اخبروني عن اقربها للجامعة بالترتيب و يا حبذا يجتمع القرب و النظافةو الامن الماكلة لابغة سامطة

[نسرين000]

اخبروني عن اقربها للجامعة بالترتيب و يا حبذا يجتمع القرب و النظافةو الامن الماكلة لابغة سامطة

الإقامة الي قريبة هي تع بن عكنون و 90% يوجهوكي ليها و راهي عادي مقبولة
بصح الإقامة لي مخيرة راها تع سعيد حمدين راها بعيدة شوي بصح يقولو راها مليحة

[العالمة الطموحة]

والثالثة ماذا اختار

[oussama165]

والثالثة ماذا اختار

الثالة ديري تع الجيلالي يابس ماهيش بعيدة بزاف

[العالمة الطموحة]

و محمد يوسفي قريبة ام بعيدة لاختارها الثالثة

[oussama165]

و محمد يوسفي قريبة ام بعيدة لاختارها الثالثة

هاديك راها قدام لحامة بعيدة شوي

[العالمة الطموحة]

. و الجيلالي ما اعرفهاش غوغل ماب حتلاى نعرف قداه منها للجامعة وهل اقامة بن عكنون في مدينة جامعية

[oussama165]

. و الجيلالي ما اعرفهاش غوغل ماب حتلاى نعرف قداه منها للجامعة وهل اقامة بن عكنون في مدينة جامعية

https://www.google.com/search?client=firefox-b-ab&q=residence+universitaire+djilali+liabes+alger&npsic=0&rflfq=1&rlha=0&rllag=35978318,1190745,184921&tbm=lcl&ved=2ahUKEwjX1sCGgd7cAhWFJVAKHRNuA6MQtgN6BAgGEAQ&tbs=lrf:!2m1!1e2!3sIAE,lf:1,lf_ui:2&rldoc=1#rlfi=hd:;si:;mv:!1m3!1d16182.881872120777! 2d3.026860572523219!3d36.755723892444195!3m2!1i946 !2i486!4f13.1

أكتبيها بفرنسية تخرجلك

وهادي على تع بن عكنون
La cité 9riba la fac 5min a pied ...douka sois yabetouk bennaknoun ou Saïd hamdine perso je te conseille b bennaknoun psk
1 9riba la fac
2 couss 9odam bab pour toute destination (donc transport kayen)
3 la poste les magasin de photocopie les supérette pharmacie boulongers ect kolech a côté
4 plus sécurisé vu que que c'est une place win fiha bzf mouvement contrairement a Saïd hamdine c isolé 😉 et a toi de voir
PS : tu pourra avoir une chambre a 2 demande w NTI w zahrek

[العالمة الطموحة]

شكرا و كم احتمال اني اخذ غرفة ل2 اخبروني

[oussama165]

شكرا و كم احتمال اني اخذ غرفة ل2 اخبروني

بلا معريفة 0%
بمعرقة صحيحة 100%

[العالمة الطموحة]

هههههههههههه المعريفة هوا عندي و لكن لن استعملها مني من الناس

[oussama165]

هههههههههههه المعريفة هوا عندي و لكن لن استعملها مني من الناس

هكاك خير على الأقل كيما تخلصي تقدري تقولي جيبتها بتعبي وحدي

[hala alwafi]

ماذا عن الاقامة التي يسكنها طلاب السنة الثالثة طب هل هي ايضا اكثر من 2 بالغرفة

[oussama165]

ماذا عن الاقامة التي يسكنها طلاب السنة الثالثة طب هل هي ايضا اكثر من 2 بالغرفة

على ما أعتقد إبتداءا من السنة الثانية يرجعوا 3 فالغرفة

[طالبة لها هدف]

كان حلما لي في يوم من الايام ان اكون طبيبة و للاسف ....ضاع

[oussama165]

كان حلما لي في يوم من الايام ان اكون طبيبة و للاسف ....ضاع

https://data.whicdn.com/images/56914680/large.png

[العالمة الطموحة]

كان حلما لي في يوم من الايام ان اكون طبيبة و للاسف ....ضاع

لا تقولي هذا كوني قوية عاوديه حرة و اقرراي قد ما تقدري و ادعي ربي يجعل الطب نصيبك و يوفقك انتي لها لينة

[قطر الندى]

https://data.whicdn.com/images/56914680/large.png


كثر الله من أمثالك أخي و ربي يزيدك تفوق ان شاء الله وربي يجازيك على النصائح التي قدمتها حتى انا طالبة سنة ثالثة طب ان شاء الله واستفدت بزاااف منها ربي يجعلها في ميزان حسناتك وبوفيلك ماتتمنى

[oussama165]

كثر الله من أمثالك أخي و ربي يزيدك تفوق ان شاء الله وربي يجازيك على النصائح التي قدمتها حتى انا طالبة سنة ثالثة طب ان شاء الله واستفدت بزاااف منها ربي يجعلها في ميزان حسناتك وبوفيلك ماتتمنى

بارك الله فيك ختي
راني نعاون فيهم كيما عاونوني العام لي فات

[العالمة الطموحة]

الاخ حابة نعرف اذا يقدرو يبدلوني انا بابا حاب يبدلني و انا ارفض ذلك حابين يحطوني فقسنطينة و اللي يعرف واحد رتبة طالعة فالجامعة يقدر يبدل صراحة ما عرفتش كيفاه نقنعهم

[oussama165]

الاخ حابة نعرف اذا يقدرو يبدلوني انا بابا حاب يبدلني و انا ارفض ذلك حابين يحطوني فقسنطينة و اللي يعرف واحد رتبة طالعة فالجامعة يقدر يبدل صراحة ما عرفتش كيفاه نقنعهم

خخخخخخخخ مام انا دارولي فدارنا لبروبلام هذا لأني عندي لافامي فقسنطينة
و راها تبانلي ماش صعيبة بزاف باه تبدلي من ألجي صعيبة تروحيلها
جربي قوليلهم بلي فقسنطينة كاين مستشفى جامعي واحد برك و فالعاصمة 6 أو أكثر تسما من بعد فالستاج ماراحش يكون التكوين كيف كيف فالعاصمة خير لأنو فقسنطينة يكون كاين شويا ضغط و ماراحش يطبقوا بزاف على ما أظن
و أيضا بالنسبة للتخصص أيضا منبعد إذا راكي ناوية تديريهفالعاصمة راهم يفتحوا بزاف لي بوسط و راح تكون عندكي فرصة أكبر باه تتخصصي

[قطر الندى]

بارك الله فيك ختي
راني نعاون فيهم كيما عاونوني العام لي فات

وفيك بارك الله , ان امكن معليش تقولنا طريقة مناسبة للدراسة مثلا كيفاه تنظم وقتك وهل تحل كسبيام فقط في الايام الاخيرة قبل الامتحانات ,و كيفاش نقرى ونظم روحي لنيل علامات ممتازة , وعذرا لأننا أكثرنا عليك ,

[maya rosette]

وفيك بارك الله , ان امكن معليش تقولنا طريقة مناسبة للدراسة مثلا كيفاه تنظم وقتك وهل تحل كسبيام فقط في الايام الاخيرة قبل الامتحانات ,و كيفاش نقرى ونظم روحي لنيل علامات ممتازة , وعذرا لأننا أكثرنا عليك ,


لازم تكون a jour في بداية تفهم الكور ثم حفظه ثم حل الاسئلة الاعوام السابقة لنيل علامة مقبولة 11 12 حتى 13

[oussama165]

وفيك بارك الله , ان امكن معليش تقولنا طريقة مناسبة للدراسة مثلا كيفاه تنظم وقتك وهل تحل كسبيام فقط في الايام الاخيرة قبل الامتحانات ,و كيفاش نقرى ونظم روحي لنيل علامات ممتازة خاطر في كل مرة نصيب روحي قربوا الامتحانات وانا مرتبكة ومدرت فيها والو وبالتالي العلامات تكون غير مرضية وحتى احيانا تبانلي رني مريفيزية غاية منين نفوت ونشوف الافبشاج نلقى العكس , ربي يجازيك ان امكن تعطيني نصائح والقواعد الاساسية للمذاكرة خاصة وكما تعرف ان الطب يحتاج لحفظ كل شيء تقريبا باه ندي مليح وجزاك الله خيرا

خخخخخخ نتي سنة ثالثة من المفترض نتي لي تعلميني كيفاه نقرى
مي معليش
اللي نقدر نقوبك أحكمي البوليكوب أقرايه كامل خطرة ولا زوج باه تفهميه هكذا عموما برك و منبعد شوفي لي QCM تعرفي علا واش راهم يركزوا بزاف فيهم و لي كور ماش تحفظيه ز منبعد تخبيه حتى يلحق الكنطرول باه تجبديه ساعة على ساعة أجبديه مثلا خلصتيهاليوم بعد يومين عاوديه أجبده طلة خفيفة تكفي باه تتفكري و منبعد سمانة خلاف زيدي عاوديه يعني نص ساعة تكفي باه تعاوديه هكا يدخل في راسك مليح و في الأيام الأخيرة نعاود كلش و ندير لي كسيام و مادام نكون عاود لكور قداه نمرة ماراحش نطول فيه بزاف
بالنسبة للأفيشاج ماراهش حاجة باه تقولي راني قريت ولا لالا لادعوة أذا تقدري تجيبي واحدة مفاهمة والو فالكور و تفهميه نورمال هكا تسما راكي b1

[قطر الندى]

خخخخخخ نتي سنة ثالثة من المفترض نتي لي تعلميني كيفاه نقرى
مي معليش
اللي نقدر نقوبك أحكمي البوليكوب أقرايه كامل خطرة ولا زوج باه تفهميه هكذا عموما برك و منبعد شوفي لي qcm تعرفي علا واش راهم يركزوا بزاف فيهم و لي كور ماش تحفظيه ز منبعد تخبيه حتى يلحق الكنطرول باه تجبديه ساعة على ساعة أجبديه مثلا خلصتيهاليوم بعد يومين عاوديه أجبده طلة خفيفة تكفي باه تتفكري و منبعد سمانة خلاف زيدي عاوديه يعني نص ساعة تكفي باه تعاوديه هكا يدخل في راسك مليح و في الأيام الأخيرة نعاود كلش و ندير لي كسيام و مادام نكون عاود لكور قداه نمرة ماراحش نطول فيه بزاف
بالنسبة للأفيشاج ماراهش حاجة باه تقولي راني قريت ولا لالا لادعوة أذا تقدري تجيبي واحدة مفاهمة والو فالكور و تفهميه نورمال هكا تسما راكي b1
ربي يجازيك كل خير ويرزقك ماتتمنى ان شاء الله نصائحك غدي نطبقها وحدة بوحدة , بالنسبة لسنة ثانية راهي افضل سنة ومفيهاش لاشارج وتان فيها حاجة مليحة لي تقراه فالاناتو تصيبو فالابستو وتزيد تتعمق فالفيزيو يعني سنة ثانية بلاك افضل سنة من حيث لاشارج مام ليكور حلوين بزاف , اي استفسار انا في الخدمة , هذا اقل شيء لعلي يمكن ان ارد به الجميل دون ان ننسى دعائنا لك بالتوفيق

[oussama165]

ربي يجازيك كل خير ويرزقك ماتتمنىان شاء الله

أمين يا رب

نصائحك غدي نطبقها وحدة بوحدة
طبقيهم و موديفيي قيهم شويا راه كل واحد بالطريقة تاعو للي تساعدوا و أن شاء الله العام الجاي تكوني نتي الماجور(ة)


, بالنسبة لسنة ثانية راهي افضل سنة ومفيهاش لاشارج وتان فيها حاجة مليحة لي تقراه فالاناتو تصيبو فالابستو وتزيد تتعمق فالفيزيو يعني سنة ثانية بلاك افضل سنة من حيث لاشارج مام ليكور حلوين بزاف , اي استفسار انا في الخدمة
راني بديت من درك نوجد حاجة خفيفة برك للعام الجاي أذا إحتجتك أني نسقسيك

[العالمة الطموحة]

وكيفاه نقراو باه نديو معدل 16 و 17 فميدسين ان يحسبوه فالكورسيس يجمعو كل المعدلات من الاولى للسادسة و يديرو معدل حسابي و يكلاصيو بيه لي يكلاصيو يخيرو ليبلوك اللي يعقبوا فيهم عام الامتياز تما لازم باه نكلاصي نجيب معدل ممتاز وريولي كيفاه نقرا لعلامة طالعة

[العالمة الطموحة]

خخخخخخخخ مام انا دارولي فدارنا لبروبلام هذا لأني عندي لافامي فقسنطينة
و راها تبانلي ماش صعيبة بزاف باه تبدلي من ألجي صعيبة تروحيلها
جربي قوليلهم بلي فقسنطينة كاين مستشفى جامعي واحد برك و فالعاصمة 6 أو أكثر تسما من بعد فالستاج ماراحش يكون التكوين كيف كيف فالعاصمة خير لأنو فقسنطينة يكون كاين شويا ضغط و ماراحش يطبقوا بزاف على ما أظن
و أيضا بالنسبة للتخصص أيضا منبعد إذا راكي ناوية تديريهفالعاصمة راهم يفتحوا بزاف لي بوسط و راح تكون عندكي فرصة أكبر باه تتخصصي

ما يسمعوش للهدرة قلتلهم هكا ما سمعونيش اني غير نبكيلهم فسدو عليا فرحتي

[oussama165]

وكيفاه نقراو باه نديو معدل 16 و 17 فميدسين ان يحسبوه فالكورسيس يجمعو كل المعدلات من الاولى للسادسة و يديرو معدل حسابي و يكلاصيو بيه لي يكلاصيو يخيرو ليبلوك اللي يعقبوا فيهم عام الامتياز تما لازم باه نكلاصي نجيب معدل ممتاز وريولي كيفاه نقرا لعلامة طالعة

بزاف يا مولاي 16 و 17
أذا راكي معولة عليهم نوصيك برك فالافيشاج تع الفصل الأول غير ماتتشوكياش رانا كامل ماديناش مليح فيه
شوف الرد تاعي للأخت لفوق هادا واش نقدر نقولك

[oussama165]

ما يسمعوش للهدرة قلتلهم هكا ما سمعونيش اني غير نبكيلهم فسدو عليا فرحتي

راهم حابينك تكوني قريبة باه تروحي للدار فالوييكاند يتواحشوك
فألجي راني نقرا هنا ب الشهر ونص ولا الشهرين باه نرجع للدار

[قطر الندى]

بارك الله فيك وشرف ليااني نساعدك باي حاجة نقدر عليها

[العالمة الطموحة]

بزاف يا مولاي 16 و 17
أذا راكي معولة عليهم نوصيك برك فالافيشاج تع الفصل الأول غير ماتتشوكياش رانا كامل ماديناش مليح فيه
شوف الرد تاعي للأخت لفوق هادا واش نقدر نقولك

شكرا جزيلا لك كفيت ووفيت في كلامك يبقى عليا نجتهد و نقرا بذكاء

[العالمة الطموحة]

راهم حابينك تكوني قريبة باه تروحي للدار فالوييكاند يتواحشوك
فألجي راني نقرا هنا ب الشهر ونص ولا الشهرين باه نرجع للدار

علابالي و لكن الله غالب او ندعي ربي يتم رفض تحويلي ولا يقتنعوا والديا مايبدلونيش

[نسرين000]

راهم حابينك تكوني قريبة باه تروحي للدار فالوييكاند يتواحشوك
فألجي راني نقرا هنا ب الشهر ونص ولا الشهرين باه نرجع للدار

أسامة صح شهرين باه نرجعوا؟؟ بزاف ولا كيفاه قلت؟؟
#غريب

[oussama165]

أسامة صح شهرين باه نرجعوا؟؟ بزاف ولا كيفاه قلت؟؟
#غريب

انا لي كانوا عندي ظروف بقيت شهرين
كاين لي ماهمش كامل يروحو لللافاك يقرا وحدوا فالدار لأنوا كاين دي بروف ربي يهديهم يجي يقرا من البوليكوب و يخرج و لا يجي يبقى ساعة و هو يحكي و نص ساعة درس و بزيادة مام الtd ماش إجباري تحضروا

[العالمة الطموحة]

متى بالضبط بوجهونا للاقامة و متى نروحو نقراو التسجيل نهار 5 سبتمبر متى نرجع ل alg

[oussama165]

متى بالضبط بوجهونا للاقامة و متى نروحو نقراو التسجيل نهار 5 سبتمبر متى نرجع ل alg

نتي درك روحي تسجلي فالـ 5 سبتمبر للجامعة كيما تخلصي يمدولك ورقة تدفعيها فالإقامة و تم يمدولك Mandat تع 50 ألف و خلاص رجعي للدار و خلصيها فلابوسط و كيما تحبي تروحي للalg مديلهم ال Mandat و هوما يمدولك المفتاح
و الدخلة والله معلابالي وقتاش أنا راح نخلي حتى لأكتوبر كي يبداو يقراو سيريو فسبتمبر مكانش TD الكور برك

[العالمة الطموحة]

الاخ دروس قسنطينة تشبه و لا نو لقيت عند خويا وحد لكتاب تاع لاناتومي احمر و قديم يعني نقرا فيه شويا و لا لا داعي

[العالمة الطموحة]

Esmou....anatomie de ernest gardner . Donald j gray ronan o rahilly

[oussama165]

الاخ دروس قسنطينة تشبه و لا نو لقيت عند خويا وحد لكتاب تاع لاناتومي احمر و قديم يعني نقرا فيه شويا و لا لا داعي

نفس الحاجة لي راهي فألجي راهي فقسنطينة كامل يسرقوا الدروس و الإختبارات من فرنسا
عندك برك بلي السنة أولى راكم راح تقراو حاجة عامة شوية ماش تدخلوا فالتفاصيل بزاف إذا راح تدخلي لي كور تبعي واش يقري لبروف

[رونق الصبح]

السلام عليكم
مبارك أختي العالمة الطموحة
oussama165 اخي هل بامكانك فتح موضوع للاستفسارات في هذا القسم أو في قسم التخصصات الطبية

[oussama165]

السلام عليكم
مبارك أختي العالمة الطموحة
oussama165 اخي هل بامكانك فتح موضوع للاستفسارات في هذا القسم أو في قسم التخصصات الطبية


قسم التخصصات الطبية واحد ماراه يقرا فيه
إذا فتحت واحد نفتحوا هنا خير ؟؟ ولا لتم؟

[العالمة الطموحة]

السلام عليكم
مبارك أختي العالمة الطموحة
oussama165 اخي هل بامكانك فتح موضوع للاستفسارات في هذا القسم أو في قسم التخصصات الطبية


يبارك فيك اختي ما هو تخصصك الجامعي

[العالمة الطموحة]

رجاء الاخ اسامة هل تعرف الكتاب ان قرات اسمه لقد وضعته في رد لي اخبرني هل هو مفيد لونه احمر

[oussama165]

رجاء الاخ اسامة هل تعرف الكتاب ان قرات اسمه لقد وضعته في رد لي اخبرني هل هو مفيد لونه احمر

المعذره جامي سمعت بيه

[العالمة الطموحة]

كبير و رسوماته رائعة و دقيقة و لكن يبانلي قدددييم الطبعة المهم شكرا

[العالمة الطموحة]

هوما اللي يقولولنا واقتاه نرجعو للجامعة لمزاولة الدراسة حابة نبدا من الاول ما نبداش متاخرة

[oussama165]

كبير و رسوماته رائعة و دقيقة و لكن يبانلي قدددييم الطبعة المهم شكرا

تع واش من سنة الطبعة هادي لأنو التسمية كاين لقديمة و كاين لجديدة
إذا قديمة على 2000 ولا 2001 بلاك متحتاجيهش بزاف
لمهم نتي خبيه الرسومات تحتاجيهم بزاف بزاف مراحش يتبدلوا

هوما اللي يقولولنا واقتاه نرجعو للجامعة لمزاولة الدراسة حابة نبدا من الاول ما نبداش متاخرة
تبعي الصفحات تع الفيسبوك تع الجامعة إذا بانت كاش حاجة راهم يديروها لثم

[رونق الصبح]

قسم التخصصات الطبية واحد ماراه يقرا فيه
إذا فتحت واحد نفتحوا هنا خير ؟؟ ولا لتم؟
فعلا
أظن هنا أفضل
يبارك فيك اختي ما هو تخصصك الجامعي
الطب أيضا

[العالمة الطموحة]

تع واش من سنة الطبعة هادي لأنو التسمية كاين لقديمة و كاين لجديدة
إذا قديمة على 2000 ولا 2001 بلاك متحتاجيهش بزاف
لمهم نتي خبيه الرسومات تحتاجيهم بزاف بزاف مراحش يتبدلوا


تبعي الصفحات تع الفيسبوك تع الجامعة إذا بانت كاش حاجة راهم يديروها لثم


اوكي شكرا ....انت ابن منطقتي ...زدتنا شرفا

[oussama165]

....انت ابن منطقتي....

?????
نتي من جيجل؟؟

[العالمة الطموحة]

?????
نتي من جيجل؟؟

نعم انا جيجلية

[oussama165]

نعم انا جيجلية

تسما السنة خلاف بعتوكم لألجي
هكا 3سنين ورا بعض يبعتونا لألجي

[العالمة الطموحة]

تسما السنة خلاف بعتوكم لألجي
هكا 3سنين ورا بعض يبعتونا لألجي

ايه ما نعرف علاه واقيلا قسنطينة كومبلي

[oussama165]

ايه ما نعرف علاه واقيلا قسنطينة كومبلي

عندنا الزهر لي راها كومبلي
راهي ألجي خير عليها بزاف بزاف

و واحد ل agent يخدم تم قالي العام ليفات راهم خيرونا بسكو حنا ناس ملاح خخخخخخخ

[العالمة الطموحة]

عندنا الزهر لي راها كومبلي
راهي ألجي خير عليها بزاف بزاف

و واحد ل agent يخدم تم قالي العام ليفات راهم خيرونا بسكو حنا ناس ملاح خخخخخخخ

هههه ايه بصح النيفو تاع ليباشوليي تاعجيجل هذو السنوات الثلاث قاااوي بززاف مام لو النيفو تاع طلاب قسنطينة طالع حتى تاع الجي يعود فايتو ببزاف ديجا اللي من قبل الولايات الاخرى يروحو ليها و زادو ضموا جيجل معاهم الجي الاولى دركا بدون منازع.....اصلا فالشعب المتاحة حطولي فقسنطينة و كتبوها بالاحمر قالو قد تتغير الجامعة حسب المقاعد البيداغوجية المتوفرة تما قسنطينة راهي كومبلي و خويا قالي الدوايا ديما يشحت من عندد الشعب الاخرى ليصال اللي يقراو فيهم قريب يعودو يقراو على لكراطن فالساحة على بيها عادو لالجي يبعثو الجواجلة ععددهم ضخم اللي يروحو فالطب هذا هوا السبب يبعتونا منين كاين لبلاصة و تفضال

[العالمة الطموحة]

[QUOTE=oussama165;3997620183][center]

تع واش من سنة الطبعة هادي لأنو التسمية كاين لقديمة و كاين لجديدة
إذا قديمة على 2000 ولا 2001 بلاك متحتاجيهش بزاف
لمهم نتي خبيه الرسومات تحتاجيهم بزاف بزاف مراحش يتبدلوا

ايه عذرا سقسيت خويا قالي هذا كتاب عمي ماشي تاعي هوا نورمالمو تاع 2000و لا 2002 ماكان لاه نقرا بليبوليكوب تاع لبروف

[oussama165]

هههه ايه بصح النيفو تاع ليباشوليي تاعجيجل هذو السنوات الثلاث قاااوي بززاف مام لو النيفو تاع طلاب قسنطينة طالع حتى تاع الجي يعود فايتو ببزاف ديجا اللي من قبل الولايات الاخرى يروحو ليها و زادو ضموا جيجل معاهم الجي الاولى دركا بدون منازع.....اصلا فالشعب المتاحة حطولي فقسنطينة و كتبوها بالاحمر قالو قد تتغير الجامعة حسب المقاعد البيداغوجية المتوفرة تما قسنطينة راهي كومبلي و خويا قالي الدوايا ديما يشحت من عندد الشعب الاخرى ليصال اللي يقراو فيهم قريب يعودو يقراو على لكراطن فالساحة على بيها عادو لالجي يبعثو الجواجلة ععددهم ضخم اللي يروحو فالطب هذا هوا السبب يبعتونا منين كاين لبلاصة و تفضال

أوووو الغاشي لتم لهاد الدرجة؟؟؟
ربي يعينهم منبعد فالستاج واحد يخدم و عشرة يتفرجوا برك

ايه عذرا سقسيت خويا قالي هذا كتاب عمي ماشي تاعي هوا نورمالمو تاع 2000و لا 2002 ماكان لاه نقرا بليبوليكوب تاع لبروف

ههههههه لافامي تع الطبة الله يبارك
كيما قلتلك خليه معاك راكي تحتاجي الرسومات بزاف
و أناطو مكانش لبوليكوب كاين ديابو برك

[العالمة الطموحة]

هههههههه يبارك فيك ايه قسنططينة فيها الغاشي بسلامتهم شفتي هذاك الفيشيي اللي مديتيهولي فرابط لابغة نطبع اللي فيه قيه ما عدا الكتب.

[oussama165]

هههههههه يبارك فيك ايه قسنططينة فيها الغاشي بسلامتهم شفتي هذاك الفيشيي اللي مديتيهولي فرابط لابغة نطبع اللي فيه قيه ما عدا الكتب.

إذا عندكم imprimante فالدار ولا تقدري تطبيعيهم أطبعي
اللي كاين لتم هوما الي راح تلقايهم يتباعوا قدام لافاك

[العالمة الطموحة]

إذا عندكم imprimante فالدار ولا تقدري تطبيعيهم أطبعي
اللي كاين لتم هوما الي راح تلقايهم يتباعوا قدام لافاك

ايه عندي فالدار نفس ليبوليكوب هذو نلقاهم يتباعو تما ولا يغيرو هم

[oussama165]

ايه عندي فالدار نفس ليبوليكوب هذو نلقاهم يتباعو تما ولا يغيرو هم
هذوا الي راهم يتباعوا لثم إذا تبدل واحد ولا زوج برك

[العالمة الطموحة]

او حابة نطبعهم قاع و نتهنى و واش هوما اللي يتبدلو ياخي ماشي قاع الدروس يعني انصحني هل ترى انه نطبعهم قاع خير و لا نخلي حتى نشري من تم

[oussama165]

او حابة نطبعهم قاع و نتهنى و واش هوما اللي يتبدلو ياخي ماشي قاع الدروس يعني انصحني هل ترى انه نطبعهم قاع خير و لا نخلي حتى نشري من تم

أطبعي البوليكوب تع histo-embryo و biochimie و genetique
تع الفصل الأول برك
الإنفورماتيك غير خطيكي منها تقرايها سمانة اللخرة قبل الكونترول تدي 20
cyto و anato ماين غير ديابو أستناي تع البروف إذا تجيب واحد جديد
biophysic أطبعي serie beta تساعدك بزاف

[طالبة طب باذن الله]

سلام لي يقدر يفيدني
في سنة 2017 تحصلت على البكالوريا و سجلت بيولوجي لكن قريت غير تريماستر الأول برك و منبعد تخليت على الجامعة و قعدت نقرا للباك .. و الحمد لله تحصلت عليه و درت طب
المهم كيفاه ندير اسكو لازم نبلوكي في البيولوجي باه نقدر نسجل في الطب
ولا عادي نسجل طب و مبعد نبلوكي رجااء افيدوني

[oussama165]

سلام لي يقدر يفيدني
في سنة 2017 تحصلت على البكالوريا و سجلت بيولوجي لكن قريت غير تريماستر الأول برك و منبعد تخليت على الجامعة و قعدت نقرا للباك .. و الحمد لله تحصلت عليه و درت طب
المهم كيفاه ندير اسكو لازم نبلوكي في البيولوجي باه نقدر نسجل في الطب
ولا عادي نسجل طب و مبعد نبلوكي رجااء افيدوني

والله ما أدري
اللي علبالي كيما تروحي تسجلي يقولوك لازم تسحبي الباك لقديم
زيدي حوسي كاش واحد هنا فات على الحالة تاعك يساعدك

[halima st]

ربي يوفقكم العالمة الطموحة وأسامة أنا تاني نتمنيت نكون طبيبة لكن محالفنيش الحظ ديتو 15.73 برك بعتوني فارماصي فقسنطينة

[رونق الصبح]

السلام عليكم
oussama165 أردت أن أعرف رأيك في " الاصلاحات " أو الأصح التغييرات الجديدة ، الأكيد أنك اطلعت عليها ؟

[العالمة الطموحة]

اعطوني ليقروب فايسبوك تاع الطلاب لقيت شي منهم فالموقع الاول للدراسة فالجزائر و ما قبلونيش عاداك و حابة نعرف اخر المستجدات منهم كيما تاريخ بداية مزاولة الدراسة

[oussama165]

ربي يوفقكم العالمة الطموحة وأسامة أنا تاني نتمنيت نكون طبيبة لكن محالفنيش الحظ ديتو 15.73 برك بعتوني فارماصي فقسنطينة

و راكي حتعاودي لباك العام الجاي ولا نن؟؟

[oussama165]

السلام عليكم
oussama165 أردت أن أعرف رأيك في " الاصلاحات " أو الأصح التغييرات الجديدة ، الأكيد أنك اطلعت عليها ؟


بالتأكيد إطلعت عليها
لكن بما أنها تع سنة أولى برك مارحش تكون تغييرات كبيرة بدلوا شويا Informatique و Deonto و زادولهم Angais و راحت Génetique
راهم يبدلوا غير فالمواد الثانوية و درك هذا الجيل كل مايطلع عام يبدلوا لبرنامج نسما العام الجاي تع الثانبة و لي وراه يبدلوا تع الثالثة و هكذا نستناو يوصلوا للمواد تع الميدسين تع الصح و نشوفوا التغيييرات لي رح يديروها فيهم
الحاجة الوحيدة الي تمسني فهذه التغييرات الجديدة هي la note eliminatoire رحعت 7 ماش 5 :D

[oussama165]

اعطوني ليقروب فايسبوك تاع الطلاب لقيت شي منهم فالموقع الاول للدراسة فالجزائر و ما قبلونيش عاداك و حابة نعرف اخر المستجدات منهم كيما تاريخ بداية مزاولة الدراسة

شوفي هذا راني فيه يفيدك بزاف بزاف
https://www.********.com/groups/etudiantsmedecine/

[halima st]

و راكي حتعاودي لباك العام الجاي ولا نن؟؟
لا أظن خصوصا سمعت أنهم رح يبدلو سيسثام تاع قراية لي فيها خير مرحبا بيها

[oussama165]

لا أظن خصوصا سمعت أنهم رح يبدلو سيسثام تاع قراية لي فيها خير مرحبا بيها

ماس غير رح يبدلو السيستام راهم بدلوه و خلصوه
و متنسايش و عسى ان تكرهوا شيئا و هو خير لكم

[halima st]

ماس غير رح يبدلو السيستام راهم بدلوه و خلصوه
و متنسايش و عسى ان تكرهوا شيئا و هو خير لكم
عندك الحق فواش قلت ابن ولايتي ربي يحفظك ويوفقك

[oussama165]

عندك الحق فواش قلت ابن ولايتي ربي يحفظك ويوفقك

ياه مام نتي من جيجل
رانا طغينا هنا
خخخخخخخخخ

[العالمة الطموحة]

عندك الحق فواش قلت ابن ولايتي ربي يحفظك ويوفقك
ايه يا لعزيزة انتي من جيجل .....احم اشعر بالفخر انا تاني جيجلية مرحبا بيك اختي

[اَشْرَفْ اَنيِسْ]

شكون لي بعثوه طب في باتنة ؟؟ كنت معول على قسنطينة و ديما حنا تع ام بواقي يبعثونا لقسنطينة سنة بدلونا مانعرف علاه

[anis 18]

svp vous avez pas des informations sur le nouveau system
est ce que c vrai que la medecine generale est devenue parmi les spécialités et on est obligé d'etudier 12ans mm pour les generaliste
ps: je suis en 4eme annee médecine

[رونق الصبح]

شكون لي بعثوه طب في باتنة ؟؟ كنت معول على قسنطينة و ديما حنا تع ام بواقي يبعثونا لقسنطينة سنة بدلونا مانعرف علاه
أنا
و الله مثلك .. برمجت نفسي على قسنطينة و لكن تم توجيهنا إلى باتنة
على كل الحمد لله .. الخيرة في ما اختاره الله

[اَشْرَفْ اَنيِسْ]

أنا
و الله مثلك .. برمجت نفسي على قسنطينة و لكن تم توجيهنا إلى باتنة
على كل الحمد لله .. الخيرة في ما اختاره الله

هل انت من ام البوافي او خنشلة ؟؟

[العالمة الطموحة]

رايت ان بعض الاعضاء قد ظهرت عندهم في موقع التسجيل في الاقامة لافتة المنحة اما انا لا افيدونني

[العالمة الطموحة]

شكرا على الملف الأخ أسامة سأتفقده .



بالنسبة للأقامة إخترت العام الماضي سعيد حمدين كأول إختيار و تم قبولي ، الغرف واسعة نوعا ما خصوصا البافيون 1 وبالتحديد ال d غرف مراحش تلقاي كيفهم في الاقامة كاملة هههه . لكن تعبت قليلا في البداية كنت نوض بكري حتى نلحق على الكوس و نوصل للزيانية بكري و فيه فايدة اني جلست في الصفوف الأولى :d . وكما قال الأح بن عكنون كبيرة الشومبرة و 4 ولا 5 وانا الصراحة من النوع الذي يحبذ 2 ، اذا تحبي على القرب اختاري بن عكنون .

اختي انا حابة ندير فحميدن وصفيهالي بادق التفاصيل و كلش من عيوب و محاسن