تسجيل الدخول

مشاهدة النسخة كاملة : معادلة صعبة

ilyes1996
2018-08-03, 18:31
سلاام هليكمم
بغيت نسقسيك شبه طبي مليحة وبولتكنيك
نصحيتك
المُعادلة الصّعبة
2018-08-03, 18:44
سلام فطوم

شوفي

الباراميديكال في واش مليحة
مليحة في انو قرايتها ساهله ولي يقراوها ينجحوا بسهولة تامة

مليحه في انو عدد السنوات تاعها قليل يعني 3 سنوات واذا درتي ساج فام 5 سنين

مليحة في انك تتخرجي يكون عندك توظيف مباشر وبخدمتك نورمال في لوبيتال
والراتب تاعها مقبول للمرأة يعني كاين لي يخلصوا 3 كاين لي يخلصوا 4 وكاين 5 حسب التخصص

ضرك تبقى فيك انتي اذا حابتها ولالا ، لانو بصراحة كاين لي يحطوا من قيمتها وو...لكن انا منيش من النوع لي يؤمن بهذي الاشياء لانو كون ماجاتش معندهاش قيمة كون ما يديروش المعهد قاع
و حاطه في راسي باللي العمل المشروع -يعني الحلال- هو شرف مهما كان وش كان ، ولي يحط من قيمتها فهو يتكبر على النعمه لا غير


ضرك نروحوا للبوليتاكنيك
هوما يقولوا احسن وحدة هي تاع الحراش
النيفو تاع لي بروف وكلش مليح
هي فيها عامين تحضيريين

قرايتو مكثفه جدا جدا جدا

لانو بعد العامين هذوكا
رح يكون فيها كونكور وطني

الاوائل يخيروا التخصص لي بغاوه هوما
والبقية يبعثوهم بصح مش لرغبتهم
هي قراية العامين الاوال مكثفه بزاف فيها رياضيات وفيزيا وكيميا وجبر و صعيبه ياسر لازملها تعب تعب كبير
وبعد العامين هاذو تقراي 3 سنين تتخصصي في الحاجه لي بعثوك ليها
ومبعد تكون عندك زوز شهادات

تقدري تكوني مهندس دولة و الشهادة تاعها قوية قالوا حتى تقدري تخرجي بيها للخارج
بصح وشيهو صعيبه + التوظيف مش مباشر يسمى انتي تحوسي على الخدمه

للمزيد شوفي الموضوع هذا

https://www.djelfa.info/vb/showthread.php?t=1833156
اهم شي استخيري وديري لي ارتحتيلها
وفقك الله
ilyes1996
2018-08-03, 18:52
مي هياا بعد عاممين تولي مدرسةة علياا
ilyes1996
2018-08-03, 18:52
ايهه انا راني نخمم في خدمة اسك نصيب ولالا
المُعادلة الصّعبة
2018-08-03, 18:53
وي تولي مدرسة عليا ماتوليش تحضيرية

لانو بعد الكونكور رح تنتقلي من التحضيرية للعليا

وماراحش تبقى قراية صعيبة
بصح العامين الاوائل فيها قراية صعيبة وتزاحم على المراتب الاولى

لازملها خبيش كيما يقولوا خخ
المُعادلة الصّعبة
2018-08-03, 18:54
هذيك الرزق بيد الله
انا كون تشوفي وش راهم يقولولي على الصيدلة وقالولي تكملي تقعدي بطالة
بصح منا ل6 سنين يلقالها ربي الف حل
ماكانش حاجه مضمونه في بلادنا كلش بيد ربي
خممي مليح
ilyes1996
2018-08-03, 19:54
ويي تاني قالوهالي على فارمسياا مي انا يغييت مهندسة وربي يعلمم مي قاولي لاخدمة لا والواا
ilyes1996
2018-08-03, 21:50
بففف ما عررفتش واش ندير كل واحد واش راه يراايي علياا
المُعادلة الصّعبة
2018-08-04, 11:52
استخيري كثيرا

ونتي حطي الدوسي تاعك تاع البراميديكال ماشي ما تحطيهش
لانو حتى وكان يقبلوك تقدري تروحي تقراي وتقدري متروحيش
نتي حطي الدوسي تاعك وعندك الوقت تخممي مليح
وديري الحاجه لي توالمك نتي ماشي توالم الناس
;)
ilyes1996
2018-08-04, 12:06
وي بنسجل فيهمم لزووج
ilyes1996
2018-08-04, 13:39
ندديرووهمم وخلللاصص
*آمنة*
2018-08-04, 14:49
سلام
حابة نسقسيكم
المدرسة العليا للعلوم الدقيقة
يعتي هذيك لي تخرجك استاذة في الفيزيا ولا العلوم ووووو
يقروا بالعربية
ilyes1996
2018-08-04, 14:58
تخرجي يا رياضيات يا فيزيك وي نورمالمووا
المُعادلة الصّعبة
2018-08-04, 23:08
سلام
حابة نسقسيكم
المدرسة العليا للعلوم الدقيقة
يعتي هذيك لي تخرجك استاذة في الفيزيا ولا العلوم ووووو
يقروا بالعربية
سلام

المدرسة العليا للاساتذة علوم دقيقة

تقراي 5 سنين
السنة الاولى جذع مشترك
والسنه الثانية تختاري اما رياضيات او فيزياء تتخصصي فيها
اما علوم الطبيعه والحياة فهي منفردة المدرسة العليا تاعها
الدراسة تكون باللغه العربية
اذا حابه تعرفي اكثر شوفي هذا الموضوع افادني كثيرا
https://www.djelfa.info/vb/showthread.php?t=2075307

موفقة