نصيحة مهمة جدا

[الحالمّــة]

السلام عليكم ورحمة الله تعالى وبركاته
انا تلميذة متحصلة على البكالورا شعبة رياضيات اردت اعطائكم افضل نصيحة والتي تعتبر الاهم: لا تثقوا في اصدقائكم ففي البكالوريا تكثر الاكاذيب و المتهاتات المخلوقة من طرفهم فاحيانا يقولون لكم انا لا ندري بهذا المحور او الوحدة و لا كنهم العكس و تارة اخرى تساولونهم عن شيء لا تعلمونه و ينكرون معرفته و الدليل هو في الاختبار ياخذون اعلى الدرجات فانا مثلا كانت لي صديقة لا تريد او بالاحرى تتظاهر بانها لا تعرف الدراسة فاخذت في الفصل 1 12 و في الفصل 2 14 و وفي البكالوريا المفاجئة 16 و هي في اغلب الاحيان تشتكي من عدم الدراسة واو عدم توفر رغبة فيها .و كذلك صديقة لي قالت انها لا تعرف اللغة الانجليزية و(وانها 0 فيها) الا انها في البكالوريا تحصلت على 18
لا تقولوا لي اني اضخم الامور لكن هذه هي الحقيقة ففي البكالوريا كلهم يسعون لان يصبحوا الرقم واحد فتجعلهم هته الرغبة باخفاء كل مايعرفون سواء من القريب و من البعيد
لذلك اياكم و الوثوق باصدقائكم حتى القريبين منهم

[المُعادلة الصّعبة]

ههههههههههه

انا كنت ندير هكا معاهم

ماكانتش فيا الطبيعه السامطة هاذي بصح كي شفتهم يديرولي هكاك ايا وليت نمشي بالعقليه هاذيك
بصح فالمنتدى اني نورمال معاكم

[bis kou]

شكرا على النصيحة
أمر محير فعلا كي تسقسيهم وميجاوبوكش تقول العلم غير ليهم برك لا حول ولا قوة إلا بالله هذي مشي غي فالباك في قاع لعوام ، تخلف وجهل بعينه الله يهدينا !*

[الحالمّــة]

ههههههههههه

انا كنت ندير هكا معاهم

ماكانتش فيا الطبيعه السامطة هاذي بصح كي شفتهم يديرولي هكاك ايا وليت نمشي بالعقليه هاذيك
بصح فالمنتدى اني نورمال معاكم
هههههه انا كنت شحال نكره هدوك الناس اللي يديرو هكاك :o:D

[المُعادلة الصّعبة]

هههههه انا كنت شحال نكره هدوك الناس اللي يديرو هكاك :o:d
وانا مانطيقهمش

بصح والله وصلت لدرجة نعاملهم بالمثل لانهم كانوا حاطين عينيهم عليا ويبقاوا يعسوا فيا

تعلمت الصنعه منهم هوما

[الحالمّــة]

وانا مانطيقهمش

بصح والله وصلت لدرجة نعاملهم بالمثل لانهم كانوا حاطين عينيهم عليا ويبقاوا يعسوا فيا

تعلمت الصنعه منهم هوما
ههههههههههه الله غالب مالا هوما علموك انا حتى لنهاية العام باه عرفتهم على حقيقتهم

[same_one]

أنا ماكنتش نحملهم صح راني معاك في هذي النقطة
سيرتها كي يبداو يجوا ليك و يقولولك انصحيني راني تايهيين
و يبداو يتسلفوا في كتبك و ملخصاتك و هما راهم عندهم شركة تاع ملخصات
صراحة والله غي يطيحوا المورال
و لي تغيضك راكي فايقتلهم و لي تغيضك كثر علبالهم بلي رانا فايقينلهم و يزيدوا فيها
لاحول ولا قوة إلا بالله
بعدوا ليهم خياتي خواتاتي والله باسكو يعدوك بالطاقة السلبية اللي عندهم و تتأثروا بحركاتهم و تصرفاتهم
انا قريب هبلتني وحدة تقرا معايا والله بصح خرجتلها في وجها خخخخخخ
موفقين

[~عيون القلب~]

الحقيقة المرة مع الأسف الشديد

[I'm a girl]

عندك الحق تحسب نهاية العالم نفسي نفسي

[I'm a girl]

ربي يهديهممممممم

[كاتمة الاحزان]

يقراو معايا بنات هكآآ و يعيووني والله
شحآل من مرة يجو عندي و يسقسوني على عفسة نجآوبهم على نيتي
نعرف معلومة لا ابخل بها على الغير، ما عنديش هذي العقلية

[mohmoh5x]

عانيت من هذه المشكلة ايضا ...مما دفعني الى الدخول معهم في اللعبة ...صرت اتجاهلم ولا اسالهم بتاتا عن دراستهم ..فعلا اشخاص محبطين ...هدانا الله جميعا

[بشرئ عاشقة العلم]

كلامك درر و الله
انا تاني كانت وحد الطفلة تقرا معاي في الليسي و نفوتو مع بعض في الطريق دايمن تقولي انا منسهرش و نتعب روحي و انا طبعا نعرف هدا النوع مليح مليح ماللول كنت نقولها انا راني نسهر و مبعد كي نبهتني صحبتي تع صح ليها وليت نقولها كرهت القراية و الباك و هد الاقاويل يعني و في الاخير طبعا دات الاولئ في الليسي و جيت بعدها انا مع اني احسن منها بصح بكل صراحة هي فاتتني بالجهد و السهر حتئ كانت تقولي منيش ندير ليكوغ و هي الدير
هدا في الليسي برك في الجامعة تصيب انواع ادهئ و امر خاصة في كليات العلوم الطبية و المدارس العليا اغلبهم مستحيل يشاركك المعلومة
so be careful[/FONT]

[Aya Ya]

شيء جيد اننا نتعلم دروساا في هاته الحياة

اما الاروع فهو عام الباك

"يبين كل وااحد على حقيقتووو " ;)

ربي يهديهم !

للأسف __ اكتشفت هذا الطبع انا وصديقتي " أ" مؤخرا ...:o __


_ صديقتي ...؟ :mh31:

_ آآ .. :rolleyes:

_ من الاجدر ان تكوني سعيدة :)

_ لماذا ؟؟ :confused:

_ أنت مذكورة في القرآن الكريم :rolleyes:

_ حقااا ؟؟؟ في أي سورة ؟؟

_ سورة " المنافقون " !! :34:

_ :eek:

_:3:

هههههه

[نور<3]

مام أنا صحباتي كيما هاك
ربي يهديهم *_*

[*** عبق الزهور ***]

شيء جيد اننا نتعلم دروساا في هاته الحياة

اما الاروع فهو عام الباك

"يبين كل وااحد على حقيقتووو " ;)

ربي يهديهم !

للأسف __ اكتشفت هذا الطبع انا وصديقتي " أ" مؤخرا ...:o __


_ صديقتي ...؟ :mh31:

_ آآ .. :rolleyes:

_ من الاجدر ان تكوني سعيدة :)

_ لماذا ؟؟ :confused:

_ أنت مذكورة في القرآن الكريم :rolleyes:

_ حقااا ؟؟؟ في أي سورة ؟؟

_ سورة " المنافقون " !! :34:

_ :eek:

_:3:

هههههه


:1::1::1: قاوية هذه

[رونق الصبح]

السلام عليكم
فعلا
كما يقال : الصاحب ساحب
" يا ويلتي ليتني لم أتخذ فلانا خليلا "
عام البكالوريا ينقشع الضباب و يظهر الكل على حقيقته !
عانيت الأمرين
و تأزمت حالتي معهم
لا أتذكر أني بكيت لأنني لم أفهم درسا أو لأني لم أستطع حل تمرين
لكن دموعي سبقتني من أشباه صديقاتي
ربي يهديهم