قراتان بطاطا بالدجاج

[إلهام07]

السلام1

مساء الخير بطبوطات راني زعفاااااانة منكم بزااااااااااااااااااااااااف ............... حطيتلكم وصفة كاب كايك الباونتي وانتظرت دعوات خير كاشما يجيني :rolleyes::rolleyes: واقيلا مادعيتوش مليح ولا ماشي من صماصيم قلوبكم .................. :mad::mad:


زعمة رجعت بقووووووووووة :rolleyes::rolleyes:.... قريب طارت عيني #ضحك ............ اليوم جاتني الفحالة نضت طول الصباح ( نستغل زعمة في العطلة ) قلت ندير الميناج مدام طهارة زكرياء قربت ياسيدي وأنا نحك في الكوزينة بكل ضمير #منوعة26 طارلي "لاسيد" دخل في عيني قريب لا راحت :sdf:..... ضرك راني نكتب في الموضوع وانا مغمضة عين وفاتحة عين تقول نغمز https://up.djelfa.info/uploads/153306764386261.jpg ... ملي كنت نديرفي الميناج عشيت ندير في التراتمون نتاع العينين :rolleyes:

المهم ، رايحة نزيد نحطلكم وصفة لذييييييييييذة جدا نتاع قراتان بما أنو فصل الصيف موسم الاكلات الخفيفة ..... بصح بلاكو هذي المرة ماتدعيوش مليح أهاااااااه راني نهز شنافتي ونحرمكم من الميراث ( الوصفات ) #ثاقب


للأمانة الوصفة راني هزيتها من عند وحدة جازاها الله خيرا حطت مجموعة كبيرة من الوصفات المصورة في الفايس #تقنية .... انا طبعا حرفت وغيرت فيها ودرتلها الماكياج تبدلت شوية على هذي حبيت نحطلكم طريقتي ..... #طبخ2

الوصفة والطعم أكثر من رااااااائع وخاصة أنو مايجيش ناشف كأنو كريمي من داخل وطبعا الاسكالوب مع الجبن وشوية الصوص والتوابل طعم ولا ألذ وبحر على الريجيم ههههه خلي الحريرات يزيدو ..... تحيا لاطاي الجزائرية :D

ننصحكم جربوه مع انو الدجاج هذو ليامات راهو سعرو غالي جدا تقول الدجاجة تهدر لغات ولاّ متخرجة من جامعة "السوربون" :confused:..... بصح على بالي بيكم فحلات كي يرخس الجاج تشريو وتخبيو في المجمد #ضحك



شعارنا .... " كولي وماتخليهاش في قلب ... ماكانش خير من التكلبيز " #شعر


أترككم مع الطريقة وصور المراحل :


قراتان البطاطا والدجاج


المقادير:
بطاطا مقطعة شرائح ومقلية ، قطعة اسكالوب مقطعة مكعبات، حبة بصل مقطعة مكعبات صغار، 2 حبات طماطم مرحية، 3 بيضات، نصف كأس كرام فراش، هريسة (اختياري)، جبن مبشور

التوابل : ملح- فلفل أسود- بودرة ثوم- توابل الدجاج


الطريقة :

- نقطع البطاطا شرائح رقيقة ونقليها بدون ما تتحمر .
- في مقلاة نحط شوية زيت ونقلي الاسكالوب حتى يأخذ اللون الذهبي ثم نضيف البصل ونقلي حتى يذبل مليح ويأخذ اللون الذهبي ثم نضيف الملح والتوابل ونقلي شوية ثم نضيف الطماطم المرحية ونقص للنار ونخليها تطهى على مهل وما نشفهاش بزاف .
- في صحن نخلط جيدا البيض مع الكرام فراش و شوية ملح ورشة فلفل أسود وثوم بودرة .
- في صينية الفرن نضع البطاطا ونصب عليها القليل من خليط البيض ثم نضع الدجاج ونصب باقي خليط البيض
- ونضيف كمية مليحة من الجبن المبشور .
- ندخلها للفرن في الرف الوسطاني على 180° مدة 10د – 15د فقط حتى ينشف البيض ونخرجها مانخليهاش طوّل باش مايتحرقش ومانشفش بزاف .
- تقدم مع سلطة خضراء .
- ممكن نعملها في غامكان بشكل وجبات فردية مثل الصور في الأسفل ... انا هنا عملتها في الصينية اللي تتفتح من الجنب وحبيت نعملها بديكور مميز مثل صاحبة الوصفة وأنتوما كيما حبيتو .

وهذو الصور :

https://up.djelfa.info/uploads/153306837733771.jpg

https://up.djelfa.info/uploads/153306837737772.jpg

https://up.djelfa.info/uploads/153306837741223.jpg

https://up.djelfa.info/uploads/153306856441981.jpg

https://up.djelfa.info/uploads/153306856445822.jpg

https://up.djelfa.info/uploads/153306856448373.jpg

https://up.djelfa.info/uploads/15330687620881.jpg

https://up.djelfa.info/uploads/15330687621222.jpg


وللامانة هذي الوصفة الأصلية مانديروش كيما الناس اللي تسرق الوصفات وتنسبها لنفسها بكل صحانية وجه :rolleyes::rolleyes:

https://up.djelfa.info/uploads/153306976206821.jpg



ماتنساوش هذي البطبوطة اللي كتبت الوصفة بدعوات خير" عيد وعواشر " كيما يقولوها العجايز #منوعة28


تحياتي ............ انا لهلوبة https://up.djelfa.info/uploads/153306903926291.jpg

[البدرية]

جزاك الله خيرا أختي إلهام



والله جربت بعض وصفاتك وكانت ناجحة 100%100


الله يشفيك و الله أنا دعوت لك من قلبي


وقد جربت وصفتك للكاب كيك في المساء وكانت حقا رائعة


للأسف لم أستطع أن أصور لأنها نالت إعجاب كل العائلة



بعد أن أكملو الأكل صورت صورة واحدة أضعها فيما بعد إن شاء الله

[.karima.]

هههههههههه عجبتني الطريقة اللي طرحتي بيها الموضوع

ماشااااء الله والله شهيتيني

المهم ربي يشفيك من عينك ويعطيك ماتتمناي ويوفقك وراني دعيتلك من قلبي وان شاء الله نسييها ونزيد ندعيلك

[القناعة كنز]

طهورا ان شاء الله و شكرا على الوصفة

[RIMA.87]

السلام عليكم و رحمة الله و بركاته

تستاهلي احلى باقة ورد يا الهام و اجمل دعوات خير،اسال الله ان يرزقك من حيث لا تحتسبين و يرزقك من خيري الدنيا و الآخرة.
https://d.top4top.net/p_942qs5d70.gif (https://up.top4top.net/)

طهورا ان شاء الله،بسم الله ما شاء الله عليك ،عندك خفة دم و حلاوة كلام ما شاء الله عليك ،ربي يعطيك ما تتمناي فيما يرضيه جل في علاه و يرضى عليك و يجعلك بارة بوالديك يا اخيتي الهام ،
وصفة خفيفة ظريفة و مشهية و اكيد بنينة،

طريقة طرحك للموضوع قمة في الرووعة و عفويتك نلتمسها من احرف تعابيرك،ما شاء الله عليك ،
و الشكر موصول لصاحبة الوصفة الاخت ام اسيل الجزائرية ،جعل الله مجهوداتكم في ميزان حسناتكم،
في امان الله،
تقبلي مروري اختك في الله RIMA.87

[mounia hse]

يعطيك الصحة حنونة و على سلامتك فرحت بزاااف كيف شفتك رجعتي للمنتدى ربي دومها ان شاء الله و زين يامك مام انا راح نرجع نحط وصفات مي مش ضرك مازال ضاربني التفنين هعهع*

[فاتي 05]

ربي يحفظك من العين اختي الهام و طهور انشاء و ربي يفتح في وجهك بيبان الخير و ينولك اللي في بالك و يحقق لك اماني انشاء الله اختي و كي العادة كلش بالطبع و الشان و بدون تعليق الصور تتحدث عن نفسها ما تحتاج حتى تعليق #ارفع القبعة#ارفع القبعة#ارفع القبعة#ارفع القبعة

[asmabba]

شكراا جزيلا إلهام ربي يجازيك ويشفيك إنشاء الله

[شمس الملوك]

جزاك الله خيرا. حفضك من كل مكروه وفي ميزان حسناتك

طهورا ان شاء الله

[dima 08]

الله اكبر وشي هدا رجعتنا الحبوبة الهام بأطباقها الرائعة ... وانا نقول وشبيه المنتدى منور وهذا انت لي رجعتي ...نتمنا ما تزيدش تغيب على هذا اللمة الحلوة .

[*توبــــة*]

بااااااااااااااخاااه والله ماحبيت يخلاص جرنانك
شوفي اللي يخلينا نطبقو هو خفة دمك
تخلي الوصفة تبان ساهلة ماااااااهلة
كثري كثري المواضيع يا الهام قبل ماترجعي
للخدمة.. جربت وعلى بالي المعلم مايلقاش وقت حتلا لعايلتو
ربي يقدرك ويفتح بيبان الخير في وجهك يا رب

[حياة نور الدين]

اهلااااا لهلوبتنا الغالية طهورا ان شاء الله وربي يرزقك من حيث لا تحتسبين واش متمنية واطباقك مضمووونة الف في المئة

الغراتان تاعك ماشي كما تع لخرين ههههه خفيف على حساب خفة دمك

يثبت الموضوع فرحة برجوعك ولطريقة القائك واكيد للدة

[ارزاق]

سبحان الله البارح بنتي سقساتني عليك قاتلي الهام تاع الجلفة مهيش تدخل تحط وصفات قلتلها راهي عطلة بلاك تدخل عمرك طويل جيتي وجبتي وصفة لذييييذة كما المعتاد ربي يشفيك من عينك ويسهلك امورك ويفرحك بلي متمنيا يا احلا شاف والله غير دعوة من القلب لانك تستاهلي ومدام راكي توجدي للطهارة تاع زكريا باين الحلوي راح تكون من نصيبك متنسيناش حطيلنانتمتعو اذا قدرتي والف مبروك مسبقا

[sabrina206]

روعةةةةةة عزيزتي الهام يا فنانتنا و الحمد لله الي خرجتلك سلامات و سلامة عينيك يا العذرا ديالنا و مبروك مسبقا ختانة الزين زكريا العاقبة لزواجه و كاليوم نفرحو بيك الهامووو مرسيييي عليك

[idem16a]

اهلا وسهلا والف مرحبا،،،بطيبة كلامك وخفة دمك،،ربي يحققلك ما تتمني يا رب،،والله كل ما نقرأ مواضيعك نشبع ضحك،،،حتى ننسى نقرأ وصفاتك،،لا بأس عليك حبيبتي وطهورة ان شاء الله،،واكيد طبقت عدة وعدة وصفات،،خاصة البطاطا المسروقة،،،نموت عليها،،ربي يجازيك،وان شاء الله ما تغيبيش بزاف:dj_17:

[بـــيِسَة]

اااااا رائعة اخي بارك الله فيك

[فايزة1207]

يعطيك الصحة يالفحلة الغايبة صيف كامل مخليتنا وضرك قريب القراية وكتاش نشوفوك

[koukita4]

والله نحبك وندخل للمنتدى كي نحصل نحوس على وصفاتك وكيغبتي توحشتك قلت بالاك خرجت مالمنتدى كيما ام اماني ربي يجيبلك الشفاء ويعطيك ماتتمناي يارب

[jojo dj]

الله يعطيك ماتتمناي*

[أمّ عبد الله]

السلام عليكم ورحمة الله وبركاته

جزاك الله خيرا أختي إلهام .... سلامت راسك ... وإن شاء الله عينك تكون برات

صدقيني أختي كي نشوف موضوع جديد تاعك نفرح ... شكرا لوفائكِ للمنتدى ... وانتظري تطبيقي قريبا جدا إن شاء الله

بالنسبة للدعوات نخلوها في ظهر الغيب أحسن ههههه

[samsouma70]

يعطيك الصحة باين بنين كي العادة

[ريهانة]

تشهي يعيطك الصحة والله يشفيك

[ام هاله]

جمييييييييييييييييل

[نانا الحيرانة]

اختي مارديتيش عليا في الخاص على وصفة غريبية الليمون المشققة :(

[بسمة ღ]

تبدوا شهية
سأجربها
بوركت
وجزاك الله خيرا

[ام خالد اسلام]

يعطيك الصحة الهام كثري من وصفاتك الرائعة

[ام احمدي]

يعطاك الصحة الهام دايما متميزة بوصفاتك يا غالية
جزاك الله خيرااا

[أحاسيس مرهفة]

روعة الله يبارك

[minina2601]

الله يبارك جزاك الله خيرا

[dahbia2009]

يعطيك الصحة بارك الله فيك

[ام رضوان]

يعطيك الصحة وبارك الله فيك
وصفاتك الله يبارك وطريقة تقديمك تخلي الوحدة تجربها بالسيف
بالنسبة لعينك هاذي باينة عين وصبتك ههههههه
ربي يحفظك لهلوبة

[انا حبة سكر]

تسلمي من كل شر

[روضة 88]

تسلم ايدك القراتان رووووووعة رووووووعة
يعطيك الف صحة وعافية

[إلهام07]

لا توجد كلمات تفيكن حقكن حبيباتي اليوم وين دخلت :1::1:
والله لا اجد كلمات تعبر عن سعادتي بمروركن و بكلماتكن الطيبة
ربي يدوم المحبة

[حسناء القمر]

تسلمك ايديك وسعد الراجل ليديك فحله الله يبارك

[Dahlia 90]

ما شاء الله عليك يا لهلوبة

[oum abderhmane]

ماشاء الله عليك الهام حقيقة انا نشوف وصفات تاوعك و تاع بنات نفرح و نسرقهم ههههههه باش نعملهم لاولادي بارك الله فيكن احلا بنات و غراتان تاعك هذا سهل مافيهش. بيشاميل و صلصة منفردة تعملي كل شي تقريبا بسرعة شكرا

[Maryam140]

ماشاء الله روعه جوعتينا

[Maryam140]

ارسلي طبق من فضلك

[hadjer mascara]

ممممممممم روعة تسلم ايادي

[hassi1997]

وصفاتك دائما في القمة

[آية نور اليقين]

جربته اليوم خرج لي توووووووووووووووووووب
شكراً على الوصفة حبيبتي

[Amal An]

الله يبارك

[إلهام07]

مشكورات حبيباتي على المرور* والكلمات الطيبة* وبصحتكم أختي آية نور اليقين*

[Ayoub Darwin]

جزاك الله خيرا

[ام ابن عمر]

السلام عليكم... اختي الغالية انا نحبك بلا مانعرف ربي يحفظك ويبارك فيك راني نستفاد منك بزااااف.... وتعلمت منك حنوونة

[tafat]

شكرا على الوصفة

[samiasoma]

يعطيك الصحه وربي يجازيك كل الخير وصفه تهبل

[chiraz16]

مشكورة حبوبتي الهام على وصفاتك وتعليقاتك الاكثر من رائعة تعكس شخصيتك الرائعة فقد حفظت الكثيرمن وصفاتك

[سمر أحمد 2019]

تسلم ايدك
الله ينور عليكي اختي
جميلة

[Oum iyadou]

بارك الله فيك في ميزان الحسنات أن شاء الله

[dahbia2009]

يعطيك الصحة الهام في ميزان حسناتكم

[Om moncef]

السلام عليكم
شكرا وصافة روععععع

[مروج فجر]

الف شكر باحبببتي

[ame_ra]

روووعة يعطيك الصحة

[Om moncef]

جزاكي الله كل خير
ربي يجعلها في مزان حسناتك
شكر شكرا

[omharoun]

شكرا على الوصفة

[OM DHOHA ANES]

شكرا على الوصفة اممممم.
اين انتي اختاه توحشناك وتوحشنا مواضيعك القيمه وخفة دمك, ان شاء الله تكوني لاباس.:19:

[هبة الرحمان انشراح]

:19::19:
رااااااائعة كالعادة

[ahmed.zako]

جزاك الله خيرا.

[dahbia cuisine]

الله يبارك تشهي روعة

[بثينة16]

روووووووووووووعة

[~ قدس ~]

كل وصفاتك متألقة مثلك

[oum souma]

شكرا اخت الهام والله وصفاتك في القمة حتى ولو كانت الوصفة منقولة تضيفين عليها لمستك الخاصة

[أميرة الورووود]

يعطيك الصحة

[فظيلة بامسي]

شكرا لكي اختي الفاضلة