ألم يعتصرني

[مشكلتي]

السلام عليكم انا فتاه عشرينيه هاد لعام نكمل الماستر ادب.معقود علي لدي اختان وام والدي واخي توفيا قبل سنوات في حادث.الزبده اختي الكبيره وامي يحقرون شأني ديما لو كانو يهدروا وجيت يحبسوا لكلام ويغيروه ولو حاولت ان اتبادل معهم اطراف الحديث في اي موضوع يزجرونني كطفل عمرو عامين (متدخليش روحك. مهوش وقت تع هدره اسكتي)لدرجه والله حتى انه يسبوني باقبح الالفاظ لا أدري انا لا اريد تهويل الامر ولست شخصيه تلعب دور المظلومه تخيلوا اصبحت في غرفه وحدي اغلقها لاتجنب المشاكل واذا خرجت من غرفتي يتسببون لي بمشكل وتقولي امي ادخلي غرفه بدرجه والله تأذيت نفسيا وكلما نروح للاطباء يقولولي عندك قلق وضغوطات علاش المعامله هك.نعطيكم مثال برك ليوم كنت نغسل في شعري جات امي تزعف عليا مهوش وقت غسيل واختي تزقي وكل مندخل للمطبخ انا عروس حابه نتعلم ايا تنزعج امي وتسبب لي مشكله ونخرج نبكي من المطبخ وكلما سمعوا ان علاقتي بزوجي جيده امي تنزعج واختي ايضا وتبدا تحرش فيا هو زوالي والفقر مش عيب تقولي ياسر راكي قانعه بهاد المعيشه وتزيدي تهدري اصبحت لا أفهمهم احيانا أرجع اللوم على نفسي أقول بلاك اسلوبي مش مليح بلاك لكن استنفذت كل محاولات ايجاد الأعذار لهم تعبت نفسيا اختي برك لاخري هاديه وخاطيها مشاكل وتعاملني مليح رب يحفظها ويشفيها لان عندها مرض نادر وبصرها تأذى المهم نصايحكم..ولا اسمح اي تجاوزات على والدتي رغم الالم لكني احبها.

[نجاة^^]

ربي يفرج عليك اختي ،وان شاء الله يعجل بعرسك وتتهناي من هذه المشاكل .

[نبض قلبي]

وبي يكون معاك اختي معندك ما ديري اصبري ،و تتزوجي تتهناي ان شاء الله
و ربي يشفيلك اختك ان شاء الله

[محارب الحمق]

احسني وان أساء الناس اليك والكلام يصبح أعمق وأكثر دلالة عندما يتعلق الامر بأقرب الناس إليك. كما يقال للحبيب: "عذابك راحة". أمك هي امك التي أنجبتك وتعبت عليك وربتك. جميلها لا يرد. مابدر منها لا يقارن بما قدمته لك من عطاء وخير وحب. لعلها تحبك لكن حبها لا تجيد التعبير عنه ككثير من الناس. لاداعي لتضخيم الامور. حاولي التقرب منها بالكلام الطيب وحسن المعاملة وحاولي فتح حوار حضاري معها لعلك تفهمين مكمن الخلل.

[من قسنطينة]

السلام عليكم
اتأكدي يالفحلة واحد ماحيتجاوز على والدتك بالعكس ممكن يتجاوزوا عليك انت. رغم اني لا أحبذ التجاوزات. الكلام يجب ان يكون دايما باحترام
اسمحيلي نسألك متأكدة راكي كيما تقولي "استنفذتي كل محاولات ايجاد الأعذار لهم"؟
زيدي خممي مع روحك مليح .. مليح وبموضوعيه باسك على حسب ماني قاعدة نشوف من هدرتك راكي "شخصية تلعب المظلومة" فعلا
حطي نفسك في مكان والدتك واختك الكبيرة. على حسب مافهمت من كلامك راكي انت الصغيرة تاعهم..انت العزيزة عليهم. حطيتي نفسك في زيجة بالظروف هذي مع انسان زوالي وهوما ممكن مكانش عندهم كلام أو رأي في هذا - برغم أنه من الخطأ أن يترك الوالدين أولادهم وبناتهم يقررون حياتهم بدون تدخل منهم لأنه من واجبهم ومسؤوليتهم تجاه أبنائهم أن يساعدوهم على اتخاذ قرارات صحيحة وسليمة -
المهم انت ممكن حابتنا نقولولك اي اختك الكبيره غيرانه منك ووالدتك من جهتها. انا نقلك بعدي عليك الافكار السلبيه تجاه اهلك وحطي رجليك في الارض وعاودي خممي في الظروف اللي دايرة بيك وقراراتك اللي اتخذتيها مليح واعرفي بللي اهلك حابينلك الخير وممكن هدروا ديجا معاك لكن انت ماش راكي تحكي في كلش. واحد مايلومك أشياء خاصة بحياتك وبأهلك من حقك ماتحكيش كلش لكن في نفس الوقت ماتحاوليش تبينيهم هوما في أسوء صورة وأنهم يظلموا فيك.
ربي يهديك ويهدينا أجمعين للخير ان شالله

[kacimo.samy]

السلام عليكم
تزوجي تتهناي من كل شئ ان شاء الله
اصبري
نتي لراجلك و راجلك ليك

[nilly]

عن اي تجاوز تتكلمين طالما كتبتي هنا ادن سنكون صرحاء

هم يحتقرونكي وانتي تقولين تجاوز امكي تحتقركي ليس كل امهات جيدات ويحبون اولادهم واختكي تحتقركي ولا تستغربي فانا لا استغرب اول جريمة في تاريخ كانت بين الاخوة وليس بين الغرباء انا استغرب فالدين يستغربون مايحدث بين الاخوة واظن ان اختكي لم تتزوج وهي اكبر منكي ولدلك تغار فوق احتقارها لكي



ولدلك لا يجب ان نعمم .

[زبدة ذايبة]

أستبعد جدا موضوع الاحتقار أو الحقرة الذي أشار إليه البعض.

هي مشاعر لانجيد التعبير عنها.

ممكن عندك حساسية زايدة.

مع اقتراب موعد زواجك يكثر الانتباه

من الأم والأخت الكبرى.

وتكثر الملاحظات والتنبيهات.

ومن المفروض يتسع صدرك لها.

الأشياء اللي كتبتيها مافيها حتى إشارة على ظلمهم لك.

ومن المستحيل يظلموك.

هذي أمك وأختك .


ومهما كانو قاسيين فهو لمصلحتك فقط.

لذا ماتفسريش الأمور بأنها حقرة أو ظلم.

مهما طال الزمن مارحش تلقاي مثل أمك وأختك.

حتى زوجك هذا اللي راكي رايحة ليه.

مارحش يكون في مكان أهلك.

بعد الشهر أو الشهرين رايحة ترجعي وتشتكي من مشكلات الحياة الزوجية.

وماراكيش رايحة تلقاي خير من أمك وأختك يساندوك ويوجهوك.

حتى منتدى مشكلتي مارحش يساعدك بالقدر الكافي.

لهذا

صفي نيتك تجاه أمك لأنها أمك.

وصفي نيتك تجاه أختك.

ربما أنت اللي تصرفاتك صارت سيئة

بعد اقتراب موعد الفرح.

فكري مليح في الشي اللي كتبتهولك.

ومهما كان هذو أهلك ومارحش يرجعهم الزمن.

ومع مرور الوقت رايحة تعرفي قيمتهم أكثر وأكثر.

ربي يهديك.

[عثمان الجزائري.]

ذاكرتي تخبرني أني قرأت موضوع في نفس السياق، الحل هو بينك و بين خطيبك، كلميه و حاولي إقناعه بضرورة الإسراع بالزواج مهما كلفه الأمر، حتما سيتفهم الوضع و يحاول إيجاد حل، شخصيا لو حدث لخطيبتي نفس الشيء لما تأخرت ثانية في الزواج، فعزها في عزي، لعل بعدك عن الجو العائلي سيلطف العلاقة بينكم مع إستغرابي كيف حدث هذا الشرخ خصوصا و أنكن بنات و لا يوجد رجل بينكم،فالأصل التفاهم و الإلتحام لا التفرق بهذه الطريقة

[أم رقية نسرين]

سلام ختي
الواضح انو والدتك ليست راضية على زواجك بصح صدقيني امك تحبك بالاك راهي تتصرف هكا لانك راح تتزوجي و تخليها خصوصا انها مراهيش تشوف بلي رايحها تعيشي مليح مع زوجك و انها هي المسؤولة عليك بعد وفاة والدك و اخيك رحمهما الله و مسؤوليتها كبيرة راهي حابة تكون متهنية عليك ، بطبيعة الحال المهم في الزوج انو يكون ذو خلق و دين و يسعى لكسب الرزق بالحلال
نتي دائما معاها تكون مليحة هادي امك ومستحيل تلقاي قلب يحبك كيما هي و راح تتأكدي من هادا كي تولي نتي ام إن شاء الله
ربي يهدي بالك

[❀حَـــ يآـــ هْ]

اذا كنت تحبين والدتك فلا تفضحيها هنا عزيزتي
انت تحملت كثيرا
والان انت على مشارف الزواج ان شاء الله
ماذا ستخسرين لو تحملت اكثر

على الاقل تفارقينهم بالـ (ملاحة)


انت فقط اتركيهما تفعلان ما تشاءان
ولكن لا تسمحي لهذا ان يؤثر عليك
لا تفقدي ثقتك بنفسك بسببهما


انا أعطيك عذرا جديدا لو شئت:

الشيطان يلعب بعقليهما
هذا عذر كاف لترحمي حالتيهما وتصفحي عنهما




ولتعفي ولتصفحي الا تحبين ان يغفر الله لك؟

[soz soz]

ان شاء الله تتزوجي وترجع العلاقات بيناتكم احسن مما كانت اصبري معهن هادو اهلك وماليكش غيرهم سيرتو الوالدة الله يحفظهالك

[ماري نت]

ربي يهنيك ويسعدك نقولك حاجة مهما بدت امك قاسية فلن تكون اقسى من المجتمع ربما ستجدين حماتك اقسى واقسى (والله اعلم )في كل الاحوال تبقى الام اما

[الدرة المصونة 5]

ربي سفرح عليك اختي و يسهلك في الزوااج و كوني انتي خيير منهم لاتعامليهم بنفس الطريقة