انا هنا في خدمتكم اصحاب البكالوريا [الأرشيف] - منتديات الجلفة لكل الجزائريين و العرب

مشاهدة النسخة كاملة : انا هنا في خدمتكم اصحاب البكالوريا

المُعادلة الصّعبة

2018-07-25, 18:30

السلام عليكم اخوتي اشبال بكالوريا 2019
انا هنا في خدمتكم خاوتي وش حتجتوا كامل باذن الله نجاوبكم

تحصلت على بكالوريا 2018 شعبة رياضيات بمعدل ... هههه ما تسقسيوش على المعدل :1: ظلموني في جميع المواد وربي شاهد
المهم علامات المواد الاساسية

رياضيات 18.5 وفيزياء 17 الحمدلله
اي استفسار ف ريان موجودة بحول الله
انطلقوا

sweet girl 07

2018-07-25, 18:32

اولا مبرووك عليك حنووونة لعقوووبة لنجااحات اخرى

المراااجع المعتمد عليها في المواااد العلمية

-مريم

2018-07-25, 18:40

مبارك عليك النجاح
كيف تعاماتي مع المادتين
ماهو برنامجك اليومي
كنتي تسهري ولا تنوضي بكري

رانية ة

2018-07-25, 18:52

اختي هل دائما ما يظلمون في تصحيح
+متى يفتح صفحته الاستاذ شهاب اذا كنتي تعرفين

karima nour

2018-07-25, 18:59

الف مبروك اختي على نجاحك
ماهي طريقة مراجعتك اليومية والاسبوعية ؟
على ماذا اعتمدت في دراسة الرياضيات والفيزياء ؟
شكرا لك
وفقك الله

بشرئ عاشقة العلم

2018-07-25, 19:02

مالكي ريان هدا وين بنتي
المهم تقولي المعدل علئ الخاص
عموما اللللف الللف مبروووووك

ilyes1996

2018-07-25, 19:26

ماا غاديش تعتودي ريان

* قمر*

2018-07-25, 21:56

كثرو عليك الاسئلة ريان ههه ربي يعاونك

same_one

2018-07-25, 21:57

كون نلقاك ندعرتلك حتى تطرشي
ياختي رحتي ضربة وحدة
بدون اي وداع هههه
كلش مبروك عليكككك ختي والله
بصح نقطة الرياضيات مش تاعك انت مولات العشريين معليش مكتوب ربي
انا تحصلت على 14,95
ظلمت و ظلمت و ظلمت و سأرددها دائما
لهذا قررت باك 2019 نعم استطيع
ماذا عنك عزيزتي؟؟
ان شاء الله خير

I'm a girl

2018-07-26, 15:46

سلام اختي ماهي المراجع التي اعتمدتي عليها في الفيزياء

~ هبة الله ~

2018-07-26, 16:11

ريااان هاد العام سموك معايا ف الرياضيات و الفيزياء
انت تعاونيني دبري راسك هههههه

*همسات المطر*

2018-07-26, 18:54

مبروك رياااااااااااااان لعقوبة لنجحات اخرى
واش حوالك توحشتك ؟

المُعادلة الصّعبة

2018-08-03, 14:33

اولا مبرووك عليك حنووونة لعقوووبة لنجااحات اخرى

المراااجع المعتمد عليها في المواااد العلمية
اهلا اختي الله يبارك فيك العاقبة ليك ان شاء الله
المواد العلمية !!
في الرياضيات حليت بدرجة اولى البكالوريات ونعاود نحلهم ونحلهم
وحليت تمارين استاذ مصطفاي مانكذبش عليك عاونوني يااااسر
بمساعدة استاذ القسم لي هو نفسو استاذ الدعم ربي يبارك فيه عاونني ياسر
واستاذ bouss2013 ما ننساش فضلو في احلك الظروف كان معانا ربي يعطيه ما يتمنى
العلوم ، ما نكذبش عليك اختي ماقريتهاش مليح وماركزتش عليها ياسر هذا العام وهذا من بين اخطائي:1:
بصح المهم انك تحلي انشطة الكتاب مهمين جدا + تمارين البكالوريات + تمارين استاذ ابو الريش

مبارك عليك النجاح
كيف تعاماتي مع المادتين
ماهو برنامجك اليومي
كنتي تسهري ولا تنوضي بكري
الله يبارك فيك اختي مريم العقوبة ليك ان شاء الله تعيشي
بالنسبه لتعاملي مع المادتين

انا ركزت جدا هذا العام على مادة الفيزيا اكثر من الرياضيات رغم انو الرياضيات معاملها اكبر
ولكن في الفيزيا لغياب الاستاذ الجيد يعني كنت دايما غايبة من حصة الفيزيا لاني مانتفكرش لاكان استفدت منها حرف يوما ما :)
وفي مدينتنا والله ماكاين استاذ يقري ليكور هذاك لي يبرد القلب ولي تعولي عليه
الفيزيا اجتهاد شخصي بعون الله طبعا
تابعت استاذ شريفي هو زاد حببني في المادة وليت نقراها بزاف
خصوصا الفصل الاول تركيز تام على مادة الفيزيا وبما اني مليحة في الدوال والحمدلله ماركزتش عليهم بزاف الفصل الاول
حليت من المغني والمراجعة النهائيه هايلين تاع الصح وحليت جميع البكالوريات

كل وحدة نحل لي باك تاعها من 2008 ل2017
وقريت من الاسئله الشائعه تاع استاذي راني حاطتهم في مواضيع ننصحكم بيهم صدقوني ما تندموش
بالنسبه للرياضيات الحمدلله طيلة العام ما واجهتش معاها مشاكل يعني استاذ القسم قراني ف ليكور وكنت نفهم جيدا عندو وطبعا استاذ نورالدين عاونني بزاف
قلتلك ماواجهتش مشاكل ماعدا محورين
الجبر والاحتمالات
الجبر ماكنتش عارفتلو العفسه ولكن كي جات عطلة مارس قضيت عليه وفهمتو مليح
والاحتمالات ؟ بقاوا معقديني حتى وصل ماي قريتهم في ماي
عاونني استاذ bouss 2013 في اخر العام كي كنت في فترة الضغط والتوتر والقلق هو كان السند تاعي بعد ربي سبحانو
ماننساش خيرو .. استغلوا مليح هذي الفرص هو ثاني يبروفيتي فيكم باه يدي الاجر والثواب ني علابالي :p
ربي يحفظو ويجازيه
ماعنديش برنامج يومي الحقيقة ماكنتش ابدا منظمة روحي
كثر عليا النوم بزاف وليت نرقد نرقد نرقد ومانشبعش نوم
واجهت مشاكل كبيرة بسبب النوم ضيعت اوقات كثيرة بسببو
كنت نرجع من الليسي على 17.30 وانا مرهقة مانقدرش نفتح عينيا

المهم ما ننصحكش بالبرامج اليوميه اذا ماكيش مالفه بيها لانك تتعبي
ازدمي برك لي جاتك في راسك اقرايها المهم تقراي وتركزي مليح اختي هذا هو اللي يهم
العام تاع الباك سهرت بزاااااااااف مع اني ماكنتش من النوع لي يسهر
انا من النوع لي ينوض وقت الفجر لكن عام الباك ماوليتش نقدرلو
خصوصا في الايام الاخيرة في رمضان تخيلي كنت نسهر حتى ل 8 و 9 تاع الصباح باه نرقد ههههههه

سهرت سهرت كثييييييرا وحتى في ايام الشتاء

بديت نسهر من اول العام

ديري لي تخرج عليك لانو ماهيش هذي هي الحوايج لي تجيب علامه ممتازة

المهم انك تفهمي وش راكي تقراي وتحلي التمارين من المراجع المليحة

والتوفيق طبعا من ربي سبحانو وهذي لي نديروها فقط هي اسباب ;)

اختي هل دائما ما يظلمون في تصحيح
+متى يفتح صفحته الاستاذ شهاب اذا كنتي تعرفين
اهلا بك اختي رانية
اختي باش نكون واضحة معاك
ولايتنا و المقاطعة تاعنا بالذات والصفات
دايما دايما دايما كاين ظلم في التصحيح وكل عام
صدقيني دائما الممتازين يوصلوا عام الباك ما يطلعوش على معدل 16
ماكنتش نصدقها انا قلت عامي تاع الباك باذن الله نكسر القاعدة ونجيب معدل 18 او 19
بصح والله تشوفي صابوطاج عيناني
كل مادة ينحولي 7 ولا 6 نقاط تخيليها :)

يعني كون عطاوني حقي نوصل لمعدل 17

بصح والله الليسي تاعنا حقو مهضوم والله ظلمونا ياسر حسبي الله ونعم الوكيل
المهم انتي ماتحطيش هذا الشي في رايك ابذلي جميع الاسباب واكثري من الدعاء انو يوفقك ربي
الدعاء فقط لانه يغير القدر
كل واحد وش كتبلو ربي و يعني تقدري تقولي الباك زهر صح

ادعي ربي برك ينصفوك في علاماتك وما ياكلوش ليك حقك
بالنسبة لاستاذ شهاب عندو مجموعة اسمها chiheb philosophe حاط فيها مقالاتو
اسم فيسبوك تاعو chiheb derouiche

كل التوفيق لك غاليتي

الف مبروك اختي على نجاحك
ماهي طريقة مراجعتك اليومية والاسبوعية ؟
على ماذا اعتمدت في دراسة الرياضيات والفيزياء ؟
شكرا لك
وفقك الله
يبارك فيك اختي كريمه العاقبة ليك يارب
راني هدرت على طريقه مراجعتي الفوق .. لي هي ماكانش اصلا هههههه ماكانش عندي طريقه معينه مانظمتش روحي ابدا
كذلك الرياضيات والفيزيا هدرت الفوق
بلا جميل اختي نحتاج دعواتكم فقط
كل التوفيق لكم والامتياز ليكم جميعا ان شاء الله

مالكي ريان هدا وين بنتي
المهم تقولي المعدل علئ الخاص
عموما اللللف الللف مبروووووك

مبروك علينا بشرى الحمدلله كثيرا
المعدل ههههههه :1:
ادخلي لموضوعي لي هدرت فيه على علاماتي واحسبي المعدل وحدك :p

ماا غاديش تعتودي ريان
ماغاديش نعاود فطووم مبروك عليك النجاح غاليتي وانتي وش معولة ديري وش اخترتي في التسجيل ؟؟؟

كثرو عليك الاسئلة ريان ههه ربي يعاونك

عادي هديل راني اليوم تفرغت ليهم وراني نجاوب ههههه

كون نلقاك ندعرتلك حتى تطرشي
ياختي رحتي ضربة وحدة
بدون اي وداع هههه
كلش مبروك عليكككك ختي والله
بصح نقطة الرياضيات مش تاعك انت مولات العشريين معليش مكتوب ربي
انا تحصلت على 14,95
ظلمت و ظلمت و ظلمت و سأرددها دائما
لهذا قررت باك 2019 نعم استطيع
ماذا عنك عزيزتي؟؟
ان شاء الله خير
مبروك عليك اسيل غاليتي
رايحة تعاودي الباك اكيد ولا مجرد نية ؟
ههههه عذرا ظروفي خلاتني نبتعد على المنتدى

راني رجعت والحمدلله
انا مانعاودش الباك باذن الله بالرغم من انو غاضتني روحي وقعدتلي حرقة في قلبي
بصح والله مانعرفوا الخير وين

ربي اعلم منا سبحانو
وفقك الله اسول كشما احتجتي راني هنا باذن الله

سلام اختي ماهي المراجع التي اعتمدتي عليها في الفيزياء
عليكم السلام
تحدثت عنها في هذا الرد اختي شوفيها

ربي يوفقك ويسهللك

ريااان هاد العام سموك معايا ف الرياضيات و الفيزياء
انت تعاونيني دبري راسك هههههه
هههه ماكانش مشكل نعاونك هبوش باذن الله نكون معاك

ربي يحققلك ما تتمناي

مبروك رياااااااااااااان لعقوبة لنجحات اخرى
واش حوالك توحشتك ؟
صفصففففففففف يااا غالية
مبروك عليك ان شاء الله جبتي المعدل لي حاباتو هاذا العام ؟؟؟؟؟؟؟؟؟؟؟
بشريني حالا بالا شحال جبتي ؟؟؟؟؟؟

same_one

2018-08-03, 15:14

المُعادلة الصّعبة

2018-08-03, 15:17

ريونـــة عزيزتي سلامـــ
أتمنى أن تكوني بألف خير
شكرًا لك على الرد و مبروك لكي أيضااا
نعم عزيزتي أكيـــد نعاود معدلي ماسمحليش باه نحقق الحلم تاعي _طب أَسْنَان _
ليست مجرد نية
لكن أنا تسجلت في الجامعة هندسة طيران بالبليدة نقرا قد أسبوع لا أكثر و نرجع للبيت نغلق الباب حتى
يلحق موعد البكالوريا
ريان ماتسمحيش في حلمك ختي
ربي يوفقك

سلام اسول
الحمدلله بخير ماذا عنك
دعواتي لك غاليتي باذن الله تحققي مرادك باذن الله

مش صعبة ابدا

بحول الله يوما ما تكوني دكتورة اسنان انا واثقه من ذلك
انا حلمي كان مجرد معدل ممتاز في البكالوريا لكن ارادة الله اكبر من كل شيئ ;)

الحمدلله على كل حال
كشما حتجتي باذن الله نعاونك لا تترددي

same_one

2018-08-03, 15:24

سلام اسول
الحمدلله بخير ماذا عنك
دعواتي لك غاليتي باذن الله تحققي مرادك باذن الله

مش صعبة ابدا

بحول الله يوما ما تكوني دكتورة اسنان انا واثقه من ذلك
انا حلمي كان مجرد معدل ممتاز في البكالوريا لكن ارادة الله اكبر من كل شيئ ;)

الحمدلله على كل حال
كشما حتجتي باذن الله نعاونك لا تترددي
ربي يخليك ان شاء الله
ريان خصني كامل سلاسل الاستاذ مصطفاوي
و الفيزياء راني ضعيفة بزااف جبت 14 بغيت نسقسيك شكون هو الاستاذ لي تبعتي معاه في اليوتيوب
كاش ملخصات عندك في الميكرو فيما يخص المواد الأدبية ابعثيهالي كامل تعيشي
ولا ديري موضوع و طلعي فيه قاع واش عندك منها قاع نستفادوا
ريان مش معولة تعاودي !!واش كنتي حابة ديري صراحةةة

المُعادلة الصّعبة

2018-08-03, 16:19

ربي يخليك ان شاء الله
ريان خصني كامل سلاسل الاستاذ مصطفاوي
و الفيزياء راني ضعيفة بزااف جبت 14 بغيت نسقسيك شكون هو الاستاذ لي تبعتي معاه في اليوتيوب
كاش ملخصات عندك في الميكرو فيما يخص المواد الأدبية ابعثيهالي كامل تعيشي
ولا ديري موضوع و طلعي فيه قاع واش عندك منها قاع نستفادوا
ريان مش معولة تعاودي !!واش كنتي حابة ديري صراحةةة
طيب اسيل ضرك نبعثلك السلاسل على الخاص
انا الفيزيا اذا قريتي الرد تاعي في هذا الموضوع قلت باللي اجتهاد شخصي في المنزل بمعونة ربي طبعا
تابعت استاذ شريفي جميع فيديوهاتو وانا ننصحك بيه والله رائع وماتندميش كي تبعيه
وكي تبعيه خصصي كراس تكتبي معاه وش يكتب كامل

حتى الملاحظات الصغيره هاذيك لي يقولها بالدارجة ديري شكل سحابة بلون فاتح واكتبي هذيك الملاحظة
ومبعد كي تكملي تتبعي معاه الدرس لازم تعاودي تراجعيه وحدك باش تتثبتلك المعلومه راجعيه حبه حبه خطوة خطوة ولو جبتي معاه يوم كامل المهم انك تفهمي

صاحا كي تكملي لازم تروحي تشوفي التمارين تاعو والحل تاعو اكتبيه لانو تمارينو رائعة
كي يحل التمارين تكوني ديجا عندك فكرة كبيره على الوحدة هذيك

ديجا انتي هذي المرة الثالثة لي رح تجوزي الباك عندك مكتسبات قبلية معتبره
و ماتنسايش الاسئلة الشائعه لي حطيتهم هذا العام صدقيني يعاونوك ياسر

ومبعد كي تحسي روحك فهمتي الوحدة ابداي بالتمرينات تاع المغني حليهم
كي تلقاي فكرة جديدة اكتبيها في كراس خصصيه للافكار -انا درتها ونجحت معايا بزاف الحمدلله-
لقيتو في اخر العام لقيت فيه الافكار لي جمعتهم من بداية سبتمبر
وللاسف نهار الباك كنت مضغوطة قطعت منو الاوراق الاخيره باش نكمل نراجع في الطريق وفي القسم
الوقت لي بدا الاختبار مديتهم للاستاذة لي تحرس حطته فالبيرو وكي جيت خارجه نسيت نرفدهم والله غاضوني حسيت تعبي راح و انا كنت معولة نصورهولكم
المهم نصورلكم الاوراق لي بقات فيه
المهم دوني الافكار لي تلاقيتي بيها جديدة
وتحاوري مع روحك
مثلا غلطتي في تحويل ولا كاش عفسه ؟ اكتبي في كراسك هكا مثلا : يا اسيل لازم التحويل في الوحدة الفلانية يكون كذا وكذا لانو الغلطه هاذي تكلفك الكثير يا اسيل وممكن تبعدك على النقطة الممتازة
اهدري مع روحك وركزي على اخطائك وين جاية ؟ كي تحلي تمارين شوفي اكثر حاجه تغلطي فيها باه تصححيها واكتبيها في كراس بلي انتي عندك اشكال في الحاجه الفلانية و مالازمش تبقاي تغلطي فيها فهمتيني ؟
وحلي البكالوريات وديري نفس الشي لي قلتلك عليه
اصلا الهدف من حل التمرينات هو انك تعرفي افكار جديدة وانك توالفي على طريقة طرح الاسئلة و انك تعرفي اخطائك و تصححيها
انا الفيزيا قريتها اكثر من جميع المواد وحبيتها حب صادق
جبت 17 ولكن كان بامكاني نجيب 19 نقلك علاش ؟

لاني بديت في الموضوع الاول لي هو جاني سهل سهل جدا يعني اقل حاجه نجيبها 19

بديت فيه وكلش ومبعد فاتت ساعه رحت بدلت الموضوع رحت للي جاني صعيب بسبب سؤال !!
والسؤال هذاك لي بدلت على جالو الموضوع كي صححوا قالوا بلي حذفوه .. يعني حليت موضوع الصعيب وخلطتو بزاف صدقيني خلطت خلطت خلطت والتوتر والخوف اكي علابالك بالحالة موضوع صعب + الوقت فاتت منو ساعه + تردد في تغيير الموضوع والحمدلله جبت 17 رغم اني كنت قادرة نجيب الاكثر ولكن الحمدلله

لا مانيش معولة نعاود
والله ماكنت دايره في راسي والو صدقيني اسيل ماكانش عندي هدف محدد ما بعد البكالوريا لذلك وقعت في اشكال كبير وقت التسجيلات بقيت مترددة ودرتلهم مشاكل فالدار ههههه قلتلهم مانيش حابه والو خلوني نقعد فالدار احسن

كان هدفي المعدل الكبير في البكالوريا كيما قتلك ولكن ماجبتوش لحكمة بالغة لا يعلمها الا الله

الحمدلله

same_one

2018-08-03, 18:52

ريونة عزيزتي والله لا أعرف ماذا أقول
رسالتك وصلت إلى القلب
أما ملاحظاتك تلك في الفيزياء لا مثيل لها
بمجرد أني قرأتها حسّيت بلي راني رايحة نجيب 20/20 البكالوريا الجاية
وماتوليش الفيزياء صعيبة عليا
ريان انت مابخلتيش عليا ختي و خبرتني بطريقتك
والله ماعرفتك كيفاه نشكرك ختي والله
صراحة انا والله ما كانت عندي طريقة نهائيا في الفيزياء
لي تساعدني باه نفهم و نحل.......
ربي يخليك ان شاءءء الله ريان ختي
ان شاء الله تصدقلك الصيدلة و تنجحي و نجي نشري من عندك بارستامول :1:
ما تضحكيش راني من نيتي
وانت تجي حاكمة ضرستي و تبكي عندي :1:
كي ليوم ان شاء الله فقط التوكل
ايه والله غي هذوك الاسئلة الشائعة استفدت منهم بزاااااااف
ريان صراحة انا والله تمنيتك تجيبي فوق 17 كنت قاع المجتهدة بيناتنا
قدر الله مشاء فعل
هذيك حكمة من الله لا احد يعرف مصيرها
خيرها في غيرها ياك !
هيا مليح كي ماكنتيش حاطة حلم في بالك يعني كيما جات تجي
انا صراحة نحوس نلم اكبر تجارب نتعلم منهم في أوت باه كي نبدا نريفيزي و نقرا نطبقهم
مانكذبش عليك راني نخمم غي في 19 لازم نرد حقي لي ضاع
لي قهرتني المواد الأدبية لي حفظتها مايعلم بيها غي ربي و في الاخير غي 13/14 يخبطوا
الرياضيات اللي خفت منها نهار الباك و تشوشت جبت 16 هذي الوحيدة اللي فرحتيني
العلوم بلعتها وممبعد تلقيت 17
في كل الاحوال عزيزتي ريان مكتوب الله صرا
انا شحال بغيتك تعاودي ،،شوفي انت معليش روحي اقراي في الجامعة بصح تسجلي للباك و روحي فوتي
اخيرا ريان صحيتي بزااااف راهم وصلوني السلاسل الله يحفظك خيتي
اي حاجة تلقايها وتحسي بلي تفيدني ماتبخليش ريونتي خاصة في الفيزياء
شكرًا شكرًا شكرًا

المُعادلة الصّعبة

2018-08-03, 19:00

same_one

2018-08-03, 19:09

Miss Princess

2018-08-03, 19:20

fi février wela mars nseksik machi Derwk
3:

المُعادلة الصّعبة

2018-08-04, 12:00

ريان خيتي ربي يعطيك و يحققلك واش في قلبك
راني نتهلالك في ضرستك ختي قاع ماتخافيش
ريان ان شاء الله لي نحتاجها ولا تجني صعيبة راني نجيك نسقسيك ختي
ايا في الفرنسية والإنجليزية اذا عندك كاش أفكار ولا ملخصات تاعك انت صوريلي الله يعيشك
اي حاجة ولا ملخص عاونك في الباك و استفدتي منوا في اي مادة حطيه الله يعيشك
مش شرط ضوك وقت ماتلقاي فرصة ختي
ياك في نهارات تاع لقراية نلقاك هنا في منتدى كون تروحي للقسم الخاص بالجامعة نزعف منك
ريحي غي في هذا القسم ههههه
أحبك عزيزتي
امين يارب واياك امين
ايه لي تجيك واعره ولا صعابتلك سقسي ما تخمميش خلاص
فرنسية اذا كنتي تعرفي ديري فقرة ما تخافيش
لانو الفرنسية رح يجيك نص والاسئلة كامل على النص
مايجوش اسئله على القواعد
انا فرونسي ما قريتهاش وخدمت خدمة نظيفة جاني النص تاع 8 ماي ساهل
وغلطت في سؤال واحد ودرت فقره ماشي كونط غوندي
وفاللخر مدولي 11.5
في الانجليزية ننصحك تلشارجي ولا اشري مرجع المراجعه النهائيه للشعب العلميه لونو وردي
هذاك فيه القواعد مشروحة بالعربيه وتمارين محلولة
وجدول اسم فعل صفه لكل unit
وفيه مواضيع محلولة والله جيد جدا
ديري الفقرات الموجودة في الكتاب حضريها مليح لانو كل عام ماتخرجش على الفقرات لي كاينه في الكتاب
حلي الانشطة الموجودة في الكتاب واشرحي المصطلحات تاع كل وحدة خصصيلهم كراس واكتبيهم

مع الوقت توالفي المصطلحات هاذوك ويولولك من رصيدك اللغوي وعن تجربة
كاين ملخص فيه 11 صفحة نظن راهو مشهور ضرك نحطهولك هذاك فيه القواعد كامل راجعي منو هو
هذا وش عندي حاليا اذا تفكرت حاجه راني نقولهالك
باذن الله ما نغادرش القسم هذا مادمت قادرة على ذلك
احبك ايضا غاليتي في الله
دعواتي لك

fi février wela mars nseksik machi Derwk
3:

طيب اهلا بك في اي وقت ;)

racim zennadi

2018-08-04, 12:52

طيب اسيل ضرك نبعثلك السلاسل على الخاص
انا الفيزيا اذا قريتي الرد تاعي في هذا الموضوع قلت باللي اجتهاد شخصي في المنزل بمعونة ربي طبعا
تابعت استاذ شريفي جميع فيديوهاتو وانا ننصحك بيه والله رائع وماتندميش كي تبعيه
وكي تبعيه خصصي كراس تكتبي معاه وش يكتب كامل

حتى الملاحظات الصغيره هاذيك لي يقولها بالدارجة ديري شكل سحابة بلون فاتح واكتبي هذيك الملاحظة
ومبعد كي تكملي تتبعي معاه الدرس لازم تعاودي تراجعيه وحدك باش تتثبتلك المعلومه راجعيه حبه حبه خطوة خطوة ولو جبتي معاه يوم كامل المهم انك تفهمي

صاحا كي تكملي لازم تروحي تشوفي التمارين تاعو والحل تاعو اكتبيه لانو تمارينو رائعة
كي يحل التمارين تكوني ديجا عندك فكرة كبيره على الوحدة هذيك

ديجا انتي هذي المرة الثالثة لي رح تجوزي الباك عندك مكتسبات قبلية معتبره
و ماتنسايش الاسئلة الشائعه لي حطيتهم هذا العام صدقيني يعاونوك ياسر

ومبعد كي تحسي روحك فهمتي الوحدة ابداي بالتمرينات تاع المغني حليهم
كي تلقاي فكرة جديدة اكتبيها في كراس خصصيه للافكار -انا درتها ونجحت معايا بزاف الحمدلله-
لقيتو في اخر العام لقيت فيه الافكار لي جمعتهم من بداية سبتمبر
وللاسف نهار الباك كنت مضغوطة قطعت منو الاوراق الاخيره باش نكمل نراجع في الطريق وفي القسم
الوقت لي بدا الاختبار مديتهم للاستاذة لي تحرس حطته فالبيرو وكي جيت خارجه نسيت نرفدهم والله غاضوني حسيت تعبي راح و انا كنت معولة نصورهولكم
المهم نصورلكم الاوراق لي بقات فيه
المهم دوني الافكار لي تلاقيتي بيها جديدة
وتحاوري مع روحك
مثلا غلطتي في تحويل ولا كاش عفسه ؟ اكتبي في كراسك هكا مثلا : يا اسيل لازم التحويل في الوحدة الفلانية يكون كذا وكذا لانو الغلطه هاذي تكلفك الكثير يا اسيل وممكن تبعدك على النقطة الممتازة
اهدري مع روحك وركزي على اخطائك وين جاية ؟ كي تحلي تمارين شوفي اكثر حاجه تغلطي فيها باه تصححيها واكتبيها في كراس بلي انتي عندك اشكال في الحاجه الفلانية و مالازمش تبقاي تغلطي فيها فهمتيني ؟
وحلي البكالوريات وديري نفس الشي لي قلتلك عليه
اصلا الهدف من حل التمرينات هو انك تعرفي افكار جديدة وانك توالفي على طريقة طرح الاسئلة و انك تعرفي اخطائك و تصححيها
انا الفيزيا قريتها اكثر من جميع المواد وحبيتها حب صادق
جبت 17 ولكن كان بامكاني نجيب 19 نقلك علاش ؟

لاني بديت في الموضوع الاول لي هو جاني سهل سهل جدا يعني اقل حاجه نجيبها 19

بديت فيه وكلش ومبعد فاتت ساعه رحت بدلت الموضوع رحت للي جاني صعيب بسبب سؤال !!
والسؤال هذاك لي بدلت على جالو الموضوع كي صححوا قالوا بلي حذفوه .. يعني حليت موضوع الصعيب وخلطتو بزاف صدقيني خلطت خلطت خلطت والتوتر والخوف اكي علابالك بالحالة موضوع صعب + الوقت فاتت منو ساعه + تردد في تغيير الموضوع والحمدلله جبت 17 رغم اني كنت قادرة نجيب الاكثر ولكن الحمدلله

لا مانيش معولة نعاود
والله ماكنت دايره في راسي والو صدقيني اسيل ماكانش عندي هدف محدد ما بعد البكالوريا لذلك وقعت في اشكال كبير وقت التسجيلات بقيت مترددة ودرتلهم مشاكل فالدار ههههه قلتلهم مانيش حابه والو خلوني نقعد فالدار احسن

كان هدفي المعدل الكبير في البكالوريا كيما قتلك ولكن ماجبتوش لحكمة بالغة لا يعلمها الا الله

الحمدلله
السلام عليكم ، اولا أود أن أشكركي جزيل الشكر على هذه المبادرة السخية و اتمنى لكي كل النجاح .
حبيت نسقسيك فقط فبما يتعلق بكراس الأفكار الجديدة ، هل كنتي كي تلقاي فكرة جديدة تكتبي كل التمرين + الحل تاعو أو تكتبي فقط السؤال المعني + معطيات التمرين و الحل ؟؟
و من فضلك هل يمكنكي وضع كراسك الخاص بالأفكار الجديدة في موضوع جديد ؟
مشكورة :19:

bis kou

2018-08-04, 15:59

السّلام عليكم ورحمة الله وبركاته
أولا أردت أن أبارك لك هنيئا لكِ النّجاح ووفّقك الله لما يحبه ويرضاه..... صدقيني صدقيني لقد حزنت كثيرا لأجلك عندما كنت أقرأ القصة ولكن قدّر الله وماشاء فعل من يدري لعلّها خير لك أختي*
أردت أن أسألك عن الموعد المناسب للتحضير للبكالوريا لأني رأيت الكثيرين لي بداو الدروس الخصوصية قبلي وأنا مزال مبديت توسوست بزاف لأنو الكثير عن تجربتهم قالولي غي ميشقاش لأنو لعام يكفي وزيادة على حساب ما قالولي .....واش تنصحيني لوجه الله ؟؟ وللعلم أنا راني خايفة بزاف من المكتسبات القبلية معلاباليش لراني حاكمة مليح ولالا 😕😢 صراحة راني نتوسوس بعدا نقول لالا ايا الحمدلله لقيت فرصة باش نسقسي ؟؟ واش تقولي من خلال تجربتك ؟*
وفقك الله اختي*

I'm a girl

2018-08-04, 20:05

سلام ختي بغيت نسقسيك وين اللي مليح في الرياضيات العملاق ولا المغني

* آناء الليل *

2018-08-04, 20:47

سلام ختي بغيت نسقسيك وين اللي مليح في الرياضيات العملاق ولا المغني

السلام عليكم

رايت انك من بلعباس نفس ولايتي

I'm a girl

2018-08-04, 22:53

السلام عليكم

رايت انك من بلعباس نفس ولايتي

وعليكم السلام
نعم اختي انا من سيدي بلعباس ممكن نعرف وين تسكني تحديدا

المُعادلة الصّعبة

2018-08-04, 23:00

السلام عليكم ، اولا أود أن أشكركي جزيل الشكر على هذه المبادرة السخية و اتمنى لكي كل النجاح .
حبيت نسقسيك فقط فبما يتعلق بكراس الأفكار الجديدة ، هل كنتي كي تلقاي فكرة جديدة تكتبي كل التمرين + الحل تاعو أو تكتبي فقط السؤال المعني + معطيات التمرين و الحل ؟؟
و من فضلك هل يمكنكي وضع كراسك الخاص بالأفكار الجديدة في موضوع جديد ؟
مشكورة :19:
عليكم السلام
تمنياتي لك ايضا بالنجاح والتوفيق اخي ان شاء الله الامتياز
نعم تقريبا نكتب السؤال واجابته

مايهمش معطيات التمرين الا اذا كانت مهمة في الفكرة نكتبها بالدارجة برك ماشي نكتبها بالتفصيل

واحيانا نتكلم مع نفسي ونكتب هدرات لروحي باش نتفكر هذيك الحاجه

نعم باذن الله رح نصورهولكم رح تستفيدوا منو الكثير بحول ربي
بالتوفيق ^^

السّلام عليكم ورحمة الله وبركاته
أولا أردت أن أبارك لك هنيئا لكِ النّجاح ووفّقك الله لما يحبه ويرضاه..... صدقيني صدقيني لقد حزنت كثيرا لأجلك عندما كنت أقرأ القصة ولكن قدّر الله وماشاء فعل من يدري لعلّها خير لك أختي*
أردت أن أسألك عن الموعد المناسب للتحضير للبكالوريا لأني رأيت الكثيرين لي بداو الدروس الخصوصية قبلي وأنا مزال مبديت توسوست بزاف لأنو الكثير عن تجربتهم قالولي غي ميشقاش لأنو لعام يكفي وزيادة على حساب ما قالولي .....واش تنصحيني لوجه الله ؟؟ وللعلم أنا راني خايفة بزاف من المكتسبات القبلية معلاباليش لراني حاكمة مليح ولالا 😕😢 صراحة راني نتوسوس بعدا نقول لالا ايا الحمدلله لقيت فرصة باش نسقسي ؟؟ واش تقولي من خلال تجربتك ؟*
وفقك الله اختي*
عليكم السلام والرحمة
عادي جدا الحمدلله لانو ربي هو لي قدرها و هو يجي منو غير الخير .. الحمدلله وما نتمنالكمش تفوتوا على نفس تجربتي في التنقيط وتاخذوا حقكم وتتحصلوا على الامتياز <3
بالنسبه للموعد المناسب للتحضير فيها اختلاف كبير
انا ماننصحش بالدراسة المكثفه جدا
ممكن اذا واحد حاب يبدا يبدا بوتيرة منخفضة للغاية
انا في العطله قريت الوحدة الاولى تاع العلوم و حليت انشطة الكتاب تاع الانجليزية للوحدات الثلاث
بصح على حساب تجربتي ماكانش كيما واحد يكون مع البرنامج تاع الليسي بالضبط
لان الوقت كافي واكثر من كافي صدقا والله كافي جدا جدا جدا جدا
اما عن الدروس الخصوصية فلابأس انك تلتحق اذا كاين اساتذه ممتازين التحق باه ما تعانيش تأخر وتحجز بلاصتك قبل فوات الاوان:mh31:
بالتوفيق والنجاح ان شاء الله

سلام ختي بغيت نسقسيك وين اللي مليح في الرياضيات العملاق ولا المغني
عليكم السلام
اختي ما استعملتهمش في زوز
في الرياضيات حليت تمارين استاذ مصطفاي
وركزت على البكالوريات

وجبت 18.5 مع الاخطاء التافهة لي ماكانش المفروض نغلط فيها والحمدلله
انا استغنيت على هاذوما في زوز وعادي
بصح نظن المغني احسن خصوصا اذا كنت علمية
اما للرياضيين ماعجبنيش الصراحة
موفقة ختي

bis kou

2018-08-04, 23:38

عليكم السلام
تمنياتي لك ايضا بالنجاح والتوفيق اخي ان شاء الله الامتياز
نعم تقريبا نكتب السؤال واجابته

مايهمش معطيات التمرين الا اذا كانت مهمة في الفكرة نكتبها بالدارجة برك ماشي نكتبها بالتفصيل

واحيانا نتكلم مع نفسي ونكتب هدرات لروحي باش نتفكر هذيك الحاجه

نعم باذن الله رح نصورهولكم رح تستفيدوا منو الكثير بحول ربي
بالتوفيق ^^

عليكم السلام والرحمة
عادي جدا الحمدلله لانو ربي هو لي قدرها و هو يجي منو غير الخير .. الحمدلله وما نتمنالكمش تفوتوا على نفس تجربتي في التنقيط وتاخذوا حقكم وتتحصلوا على الامتياز <3
بالنسبه للموعد المناسب للتحضير فيها اختلاف كبير
انا ماننصحش بالدراسة المكثفه جدا
ممكن اذا واحد حاب يبدا يبدا بوتيرة منخفضة للغاية
انا في العطله قريت الوحدة الاولى تاع العلوم و حليت انشطة الكتاب تاع الانجليزية للوحدات الثلاث
بصح على حساب تجربتي ماكانش كيما واحد يكون مع البرنامج تاع الليسي بالضبط
لان الوقت كافي واكثر من كافي صدقا والله كافي جدا جدا جدا جدا
اما عن الدروس الخصوصية فلابأس انك تلتحق اذا كاين اساتذه ممتازين التحق باه ما تعانيش تأخر وتحجز بلاصتك قبل فوات الاوان:mh31:
بالتوفيق والنجاح ان شاء الله

عليكم السلام
اختي ما استعملتهمش في زوز
في الرياضيات حليت تمارين استاذ مصطفاي
وركزت على البكالوريات

وجبت 18.5 مع الاخطاء التافهة لي ماكانش المفروض نغلط فيها والحمدلله
انا استغنيت على هاذوما في زوز وعادي
بصح نظن المغني احسن خصوصا اذا كنت علمية
اما للرياضيين ماعجبنيش الصراحة
موفقة ختي

شكرا لك بارك الله فيك وفقك الله 😊

المُعادلة الصّعبة

2018-08-04, 23:43

شكرا لك بارك الله فيك وفقك الله 😊
العفو بلا جميل
وفيك بارك الله
امين يارب واياك
اية اسئلة باذن الله نكون حاضرة ونجاوب بلي نقدر عليه
دعواتي لكم

طالبة لها هدف

2018-08-07, 18:00

بسسسسس بب وصلتي لواش حابة ولا لا كي حالتي طمنيني عنك

المُعادلة الصّعبة

2018-08-11, 14:28

لينا في الخاص

اشتقت اليك <3

same_one

2018-08-11, 15:33

ريونة سلام يا درا ديتي فارمسيا ؟

~عيون القلب~

2018-08-11, 15:38

السلام عليكم
في رأيك من الافضل : الاستاذ مولاي عمر ام الاستاذ شريفي ؟:rolleyes:
و شكرا مسبقا:)

امـــة اللـــه

2018-08-11, 16:21

سلام
نشكرك الاخت ريان على هذا الموضوع اللي عاونتينا بيه

سؤالي كيف كان تعاملك وتجربتك مع الشعبة خاصة انو مادتين اساسيتين فقط كيفاه تعاملتي معاهم؟وهل وصلاتك لطموحك ؟
وهل اصابك الاحباط انك ما تقدريش ؟ اذاكان نعم كيفاه واجهتيه ؟
واش هي العراقيل اللي واجهتيها في مسيرتك هاذ العام؟
واش هي اخطاءك اللي وقعتي فيها وتنصيحينا نتفاداوها ؟
علابالي كثرت مي الله غالب نشتي نسقسي :p

mimi manoula

2018-08-12, 12:07

السلام عليكم
في رأيك من الافضل : الاستاذ مولاي عمر ام الاستاذ شريفي ؟:rolleyes:
و شكرا مسبقا:)

انا سقسيت على هذا السؤال انا مترشحة باك 2019 بالنسبة للدروس بالتفصيل هو الاستاذ مولاي عمر
اما الاستاذ شريفي فهو يدير دروس كالملخصات ميشرحهاش بالتفصيل و لكن تمارين رائعة يعني لا زم تستعني بيهم لزوج
الاستاذ مولاي عمر للدروس و الشرح
الاستاذ شريفي للملخصات و التمارين :)

~عيون القلب~

2018-08-12, 15:25

انا سقسيت على هذا السؤال انا مترشحة باك 2019 بالنسبة للدروس بالتفصيل هو الاستاذ مولاي عمر
اما الاستاذ شريفي فهو يدير دروس كالملخصات ميشرحهاش بالتفصيل و لكن تمارين رائعة يعني لا زم تستعني بيهم لزوج
الاستاذ مولاي عمر للدروس و الشرح
الاستاذ شريفي للملخصات و التمارين :)

شكرا لك منال

المُعادلة الصّعبة

2018-08-13, 15:52

ريونة سلام يا درا ديتي فارمسيا ؟

اهلا اسيل وشراكي حنونتي
نعم الحمدلله صيدلة في جامعة قسنطينه 3

السلام عليكم

في رأيك من الافضل : الاستاذ مولاي عمر ام الاستاذ شريفي ؟:rolleyes:

و شكرا مسبقا:)

عليكم السلام
اهلا بك
انتي طلبتي رايي
لكن اما نعطيكش رأيي لأني ممكن ننحاز لواحد ونظلم الاخر هههه
شوفي نعطيك محاسن ومساوئ كل واحد
ونتي شوفي
نبدا بالاستاذ مولاي عمار
انتي لا شك انك جربتيه في السنه الثانية ثانوي ونفعك بزاف ونفعنا كامل
لذلك هو لا شك انو شرحو مليح
ولكن

في كل وحدة كاين فيديوهات كثيرة جدا
وكل فيديو فيه وقت طويل
لذلك اذا حبيتي تعتمدي عليه فإنك تستغرقي وقت طوييييل جدااا وممكن ما تكمليش وتحسي بالملل
يشرحلك بالتفصيل
انا جربتهم في زوز بداية العام باش نفهم الوحدة الاولى
ماكانش عندي مصدر آخر لانو ماقريتش ليكور واستاذي تاع الفيزيا تاع القسم لاكان فهمتي نتي عندو كلمه راني فهمتها معاك :)

جربتهم في زوز مافهمت والو على الاستاذ مولاي عمر صراحة
بالمقابل قريت عند استاذ شريفي فهمت وش كاين فالوحدة وليت نقدر نحل تمرينات مع الوقت
قررت اني نكمل معاه
لانو شريفي فيديوهاتو جاية قصيرة ومهيش كثيرة
صدقيني يحببك فالمادة انا بسببو وليت نحب الفيزيا
خفيف بزاف و يضحكك ما يحسسكش بالملل
قد ما نقولك هايل ما نوفيهش حقو
استاذ شريفي ماكانش كيفو رائع بمعنى الكلمة
وزاد كي يشرحلك يعطيك لي يهمك كامل فالوحدة ويقولك هاذي عليها 0.25
ويقول وحد الملاحظات بالدارجة نشفى علا روحي كتبتهم كامل في كراسي نفعوني فالمراجعه
ولكن يا اختي انا اعتمدت عليه اعتاد كلي لأنو ماكانش عندي مصدر اخر
ولكن اذا نتي استاذك تاع القسم تفهمي عندو و استاذك تاع ليكور جيد ؟ ما ننصحكش تضيعي وقتك فاليوتيوب
الا اذا ما فهمتش كاش عفسه توجهي لواحد منهم
ماننصحكش بالاعتماد الكلي عليهم اذا كان عندك مصادر اخرى
اتمنى افدتك اختي
اية اسئلة اخرى لا تترددي
رح نكون هنا باذن الله

سلام
نشكرك الاخت ريان على هذا الموضوع اللي عاونتينا بيه

سؤالي كيف كان تعاملك وتجربتك مع الشعبة خاصة انو مادتين اساسيتين فقط كيفاه تعاملتي معاهم؟وهل وصلاتك لطموحك ؟
وهل اصابك الاحباط انك ما تقدريش ؟ اذاكان نعم كيفاه واجهتيه ؟
واش هي العراقيل اللي واجهتيها في مسيرتك هاذ العام؟
واش هي اخطاءك اللي وقعتي فيها وتنصيحينا نتفاداوها ؟

علابالي كثرت مي الله غالب نشتي نسقسي :p

عليكم السلام هداية الجميله
بلا جميل اختي هذا راهو موضوعكم ومن حقكم هههه
طيب
بالنسبة لتعاملي مع الضعبة
انتي ديجا قريتي سنه ثانية ثانوي ووالفتي بالعفسه تاعها
انك تكون ا جوغ تحلي التمرينات في المادتين
انا ولفت روحي في السنه الثانية كنت نطبع بزااااف سلاسل تمارين ونضل نحل تمارين رياضيات وفيزيا
كنت عايشه معاهم هوما سيرتو اذا كنتي تحبيهم والله ما تملي منهم
وتوالفي اصلا تولي حياتك بلا مات وفيزيا ما عندهاش معنى ههه

بصح خطأي اني كنت نقراهم وهوما وبقية المواد ما نركزش عليهم بزاف
حاولي توازني ما تغلطيش الغلطة تاعي
صدقيني قضية ولف فقط ديجا علابالك بروحك رياضية والله شعبة رياضيات هايله هايله لانو فيها العلوم الدقيقه اللي انا نحبهم بزاف
والعلوم الدقيقة بامكانك تجيبي فيهم العلامه الكامله عادي اذا جبتي كلش صحيح

وعندك حظوظ في الحصول على معدل كبير
لانو زوز مواد معاملاتهم كبيره يلعبولكم بلمعدل
اذا كنتي ممتازة فيهم وقريتيهم مليح وقريتي بقية المواد والله تجيبي معدل كبير
بصح في نفس الوقت قادرة كي تخونك مادة منهم لا قدر الله
رح تطيحلك المعدل لذلك حذار اقرايهم مليح وما تستهينيش ولو ب 0.25

دايما حطي علامة 20 بين عينيك

اما عن تعاملي مع المادتين

انا في الفصل الاول كيما قلتلكم حبيت الفيزيا اكثر وزاد كنت نقراها وحدي صافي عطيتها نصيب الاسد
نشفى الرياضيات ما ركزتش عليها بزاف لانو الدوال مليحة فيهم انا ونحسهم ساهلين معنديش معاهم مشكل
ركزت بزاف على الفيزيا كنت كي نتقلق نجبد تمارين فيزيا نحل بزاف
وما ننكرش اني ضيعت اوقات واوقات هههه بسبب الفيس بوك
ومبعد جا الفصل الثاني نقصت وتيرتي خلاص
تقوليلي راهو كان اضراب نورمالمو استغليتيه ؟ نقولك لالا بالعكس ما استغليتوش كما يجب
اكثر فصل ضيعتو هو الثاني
كان النوم دايرلي مشاكل كبيرة نحب غير نرقد

وزاد محور الجبر كي قالولي صعيب رحت سمعت الهدره تاعهم ودرت في بالي بااللي صعيب وظليت نشكي ونندب هنا فالمنتدى ههههه
كي جات عطلة مارس حطيت عقلي في راسي وقلت يا انا الجبر
حليت لي باك تاعو فهمتلو العقليه ضرك يا هداية نقلك باللي الجبر اسهل اسهل اسهل محور في الرياضيات

تفهميلو العفسه برك
وكي توصلوا ليه باذن الله نكون معاكم باه نفهمك وشيهي العفسه تاع كل محور باه حتى يسهل عليكم حل التمارين
وزاد الاحتمالات كيف كيف فهمتهم في ماي بسبب كرهي ليهم اياكي تغلطي غلطتي
كل محور في وقتو
بصح صدقيني بقية المحاور من اسهل ما يكون
اعداد مركبة كي الما ، ودوال كي الما ، احتمالات اسهل ما يكون .. متتاليات ما نحكيلكش هههه

حليت تمارين استاذ مصطفاي و البكالوريات فقط فقط
واعتمدت على دروس دعم استاذي والله كان ليه فضل كبير خلاني ما نواجهش مشاكل كبيرة مع الرياضيات
اما الفيزيا حليت تمارين المغني والبكالوريات والمراجعة النهائيه برك
درت كراس تاع افكار نفعني بزاف روحي للصفحة لي قبل هاذي شرحت بالتفصيل ل الاخت some one كيفاش تعاملت مع الفيزيا
بصراحه ما نكذبش عليك كون رحت علوم تجريبية كون والله ما نجيب هاذ المعدل
لاني نكره العلوم و حنا في جيهتنا العلميين ما يمدولهمش نقاط بسبب المنهجية
انا الباك تاعي رياضي مية بالمية كيما قاتلي وحده صديقتي هههه لانهم مدولي علاماتي الحقيقية فيهم والباقي لالا
معدلي لربما ما افصحتش بيه للجميع هو 15.80 ولكن نقول جبت 16 :p
بالنسبه للاحباط ماشي غير حسيت بيه

خصوصا في الايام الاخيره اصابني ضغط ماهو ضغط ، بسببو وليت مانقدرش اصلا نركز مع لي نقرا فيه
ولكن يا امة الله راهو عام كامل ومشك رح تبقاي بنفس المزاج رح تتبدل الامزجة والمعنويات

هاذي مادة هبطتلك المورال هاذي علامة مش مليحة فزدتلك مزاجك هذا درس ما قدرتيش تحفظيه هذا تمرين ما فهمتي لجدو والو هاذو صحباتك يقولولك كملنا الحفظة ونتي ماكملتيش _حذار تتاثري بيهم _
بصح ياممات الباك باش نجوزوا ما حسيتش بهذاك الخوف لالا عادي قلت انا درت لي عليا واكثر ولي صرات راني قابله بيها لاني علابالي درت واجبي على اكمل وجه
كيفاش تواجهي الاحباط ههههه روحي ضربيها بنومة نضحك برك
نعم اذا كان الاحباط سببو نقص النوم تاعك نحي قدامك القراية وروحي ارتاحي ارقدي مليح عادي
ولكن في اوقات اللي تكرهي كلش
ابتعدي تماما عن جو الدراسة روحي اتفرجي اقراي كاش عفسه اسمعي قرآن ديري رياضه
ديري يوم كامل تنساي اصلا اذا عندك الباك و اخرجي ولا المهم رفهي عن نفسك
ولكن قلت يوم واحد ماشي تجيبيها سمانه كامله ونتي لا خبر على قرايتك
العراقيل لي واجهتها : النوم والنعاس - ادمان الفيس بوك - مالقيتش استاذ مليح تاع فيزيا اعتمدت على نفسي فيها - احيانا نكره القرايه ونحبس نروح نضيع وقتي في حاجه خلاف - وقت كي ما نفهمش حاجه ما نلقاش لي يفهمني خصوصا فيزيا وجبر - هذا لي تفكرتو حاليا
انتي كثرتي وانا ما خليتش هههههه هدرت بزاف
بالنسبه لاخطائي
هذي رح نديرها موضوع منفرد بعنوان اخطائي في الباك

نكتبلكم كامل اخطائي

ونقول للبقية يشاركونا بيهم باه تحاولوا تتفاداوهم
نتمنى افدتك اختي راني هدرت بزاف ان شاء الله تكون هدرتي نفعاتك برك هههه :1:
اية اسئله اخرى لا تترددي

انا سقسيت على هذا السؤال انا مترشحة باك 2019 بالنسبة للدروس بالتفصيل هو الاستاذ مولاي عمر
اما الاستاذ شريفي فهو يدير دروس كالملخصات ميشرحهاش بالتفصيل و لكن تمارين رائعة يعني لا زم تستعني بيهم لزوج
الاستاذ مولاي عمر للدروس و الشرح

الاستاذ شريفي للملخصات و التمارين :)
شكرا اختي عالاجابة اطلعي على اجابتي الفوق لربما تستفيدي

* قمر*

2018-08-13, 18:21

امـــة اللـــه

2018-08-14, 08:18

عليكم السلام هداية الجميله
بلا جميل اختي هذا راهو موضوعكم ومن حقكم هههه
طيب
بالنسبة لتعاملي مع الضعبة
انتي ديجا قريتي سنه ثانية ثانوي ووالفتي بالعفسه تاعها
انك تكون ا جوغ تحلي التمرينات في المادتين
انا ولفت روحي في السنه الثانية كنت نطبع بزااااف سلاسل تمارين ونضل نحل تمارين رياضيات وفيزيا
كنت عايشه معاهم هوما سيرتو اذا كنتي تحبيهم والله ما تملي منهم
وتوالفي اصلا تولي حياتك بلا مات وفيزيا ما عندهاش معنى ههه

بصح خطأي اني كنت نقراهم وهوما وبقية المواد ما نركزش عليهم بزاف
حاولي توازني ما تغلطيش الغلطة تاعي
صدقيني قضية ولف فقط ديجا علابالك بروحك رياضية والله شعبة رياضيات هايله هايله لانو فيها العلوم الدقيقه اللي انا نحبهم بزاف
والعلوم الدقيقة بامكانك تجيبي فيهم العلامه الكامله عادي اذا جبتي كلش صحيح

وعندك حظوظ في الحصول على معدل كبير
لانو زوز مواد معاملاتهم كبيره يلعبولكم بلمعدل
اذا كنتي ممتازة فيهم وقريتيهم مليح وقريتي بقية المواد والله تجيبي معدل كبير
بصح في نفس الوقت قادرة كي تخونك مادة منهم لا قدر الله
رح تطيحلك المعدل لذلك حذار اقرايهم مليح وما تستهينيش ولو ب 0.25

دايما حطي علامة 20 بين عينيك

اما عن تعاملي مع المادتين

انا في الفصل الاول كيما قلتلكم حبيت الفيزيا اكثر وزاد كنت نقراها وحدي صافي عطيتها نصيب الاسد
نشفى الرياضيات ما ركزتش عليها بزاف لانو الدوال مليحة فيهم انا ونحسهم ساهلين معنديش معاهم مشكل
ركزت بزاف على الفيزيا كنت كي نتقلق نجبد تمارين فيزيا نحل بزاف
وما ننكرش اني ضيعت اوقات واوقات هههه بسبب الفيس بوك
ومبعد جا الفصل الثاني نقصت وتيرتي خلاص
تقوليلي راهو كان اضراب نورمالمو استغليتيه ؟ نقولك لالا بالعكس ما استغليتوش كما يجب
اكثر فصل ضيعتو هو الثاني
كان النوم دايرلي مشاكل كبيرة نحب غير نرقد

وزاد محور الجبر كي قالولي صعيب رحت سمعت الهدره تاعهم ودرت في بالي بااللي صعيب وظليت نشكي ونندب هنا فالمنتدى ههههه
كي جات عطلة مارس حطيت عقلي في راسي وقلت يا انا الجبر
حليت لي باك تاعو فهمتلو العقليه ضرك يا هداية نقلك باللي الجبر اسهل اسهل اسهل محور في الرياضيات

تفهميلو العفسه برك
وكي توصلوا ليه باذن الله نكون معاكم باه نفهمك وشيهي العفسه تاع كل محور باه حتى يسهل عليكم حل التمارين
وزاد الاحتمالات كيف كيف فهمتهم في ماي بسبب كرهي ليهم اياكي تغلطي غلطتي
كل محور في وقتو
بصح صدقيني بقية المحاور من اسهل ما يكون
اعداد مركبة كي الما ، ودوال كي الما ، احتمالات اسهل ما يكون .. متتاليات ما نحكيلكش هههه

حليت تمارين استاذ مصطفاي و البكالوريات فقط فقط
واعتمدت على دروس دعم استاذي والله كان ليه فضل كبير خلاني ما نواجهش مشاكل كبيرة مع الرياضيات
اما الفيزيا حليت تمارين المغني والبكالوريات والمراجعة النهائيه برك
درت كراس تاع افكار نفعني بزاف روحي للصفحة لي قبل هاذي شرحت بالتفصيل ل الاخت some one كيفاش تعاملت مع الفيزيا
بصراحه ما نكذبش عليك كون رحت علوم تجريبية كون والله ما نجيب هاذ المعدل
لاني نكره العلوم و حنا في جيهتنا العلميين ما يمدولهمش نقاط بسبب المنهجية
انا الباك تاعي رياضي مية بالمية كيما قاتلي وحده صديقتي هههه لانهم مدولي علاماتي الحقيقية فيهم والباقي لالا
معدلي لربما ما افصحتش بيه للجميع هو 15.80 ولكن نقول جبت 16 :p
بالنسبه للاحباط ماشي غير حسيت بيه

خصوصا في الايام الاخيره اصابني ضغط ماهو ضغط ، بسببو وليت مانقدرش اصلا نركز مع لي نقرا فيه
ولكن يا امة الله راهو عام كامل ومشك رح تبقاي بنفس المزاج رح تتبدل الامزجة والمعنويات

هاذي مادة هبطتلك المورال هاذي علامة مش مليحة فزدتلك مزاجك هذا درس ما قدرتيش تحفظيه هذا تمرين ما فهمتي لجدو والو هاذو صحباتك يقولولك كملنا الحفظة ونتي ماكملتيش _حذار تتاثري بيهم _
بصح ياممات الباك باش نجوزوا ما حسيتش بهذاك الخوف لالا عادي قلت انا درت لي عليا واكثر ولي صرات راني قابله بيها لاني علابالي درت واجبي على اكمل وجه
كيفاش تواجهي الاحباط ههههه روحي ضربيها بنومة نضحك برك
نعم اذا كان الاحباط سببو نقص النوم تاعك نحي قدامك القراية وروحي ارتاحي ارقدي مليح عادي
ولكن في اوقات اللي تكرهي كلش
ابتعدي تماما عن جو الدراسة روحي اتفرجي اقراي كاش عفسه اسمعي قرآن ديري رياضه
ديري يوم كامل تنساي اصلا اذا عندك الباك و اخرجي ولا المهم رفهي عن نفسك
ولكن قلت يوم واحد ماشي تجيبيها سمانه كامله ونتي لا خبر على قرايتك
العراقيل لي واجهتها : النوم والنعاس - ادمان الفيس بوك - مالقيتش استاذ مليح تاع فيزيا اعتمدت على نفسي فيها - احيانا نكره القرايه ونحبس نروح نضيع وقتي في حاجه خلاف - وقت كي ما نفهمش حاجه ما نلقاش لي يفهمني خصوصا فيزيا وجبر - هذا لي تفكرتو حاليا
انتي كثرتي وانا ما خليتش هههههه هدرت بزاف
بالنسبه لاخطائي
هذي رح نديرها موضوع منفرد بعنوان اخطائي في الباك

نكتبلكم كامل اخطائي

ونقول للبقية يشاركونا بيهم باه تحاولوا تتفاداوهم
نتمنى افدتك اختي راني هدرت بزاف ان شاء الله تكون هدرتي نفعاتك برك هههه :1:
اية اسئله اخرى لا تترددي

بارك الله فيك ريان طلعتيلي المورال ونقصتي عليا بزاف هموم ربي يحفظك

ان شاء الله نعمل بنصيحتك ونفرحك

الاسكندر الاكبر

2018-08-14, 11:25

هل كل يوم كنت تراجعي المواد العلمية؟
و كي تمشيو في الدروس ، كيجي تراجعي هل تراجعي لي فاتو ام تاع اليوم ام تحضري تاع غدوا ؟

بوركت اختاه و الله استفدت

المُعادلة الصّعبة

2018-08-14, 13:55

سلام ريونتي
كراكي ? مبارك عليك التخصص وربي يكمل بيك ويحققلك امانيك
بعثتلك رسالة على الخاص و مرديتيش واش ?
عندي اسئلة ليك وحابتها على الخاص اذا قدرتي تعرفي حالة واحد بقاتلو قريب شعرة ويلحق و ميلحق ماشي بسسبو بل بالظلم حسبنا الله ونعم الوكيل
موفقة غاليتي
سلام هديل

اسمحيلي حبوبتي ضك نجي نحكيوا مليح في البريفي
خي قتلك لبارح بلاك نعاود

بصح احتمال مانعاودش ههههه خلي نخمم مليح

باذن الله نبقى معاكم نعاونكم
الايام هاذي مانيش نورمال شوية حتى ردودي مشني حاستها قدقد
ربي يوفقك غاليتي

بارك الله فيك ريان طلعتيلي المورال ونقصتي عليا بزاف هموم ربي يحفظك

ان شاء الله نعمل بنصيحتك ونفرحك
وفيك بارك الله هداية الجميله ،،

ان شاء الله واي سؤال يخطر في بالك ارواحيلي ديراكت بلا تردد
ردودي هذي الايام مش عاجبتني راني في تخمام كبير وضغط
كي نرتاح ان شاء الله نكمل معاكم حتى في ساير الايام ونوريلكم كيفاش تقراوا و حل التمرينات
بالتوفيق

هل كل يوم كنت تراجعي المواد العلمية؟
و كي تمشيو في الدروس ، كيجي تراجعي هل تراجعي لي فاتو ام تاع اليوم ام تحضري تاع غدوا ؟

بوركت اختاه و الله استفدت
اهلا اخي المجتهد

نعم اخي نقرا يوميا
بديت من اول يوم دراسة
نشفى بديت بالوحدة الاولى تاع الفيزياء
نقرا بشكل يومي لاني بديت بحماسه كبيرة جدا جدا جدا
ونحل التمارين ومبعد كي جا الفصل الثاني حدث ولا حرج
ضيعتو بزاف كنت محطمة ومنهارة و معنوياتي تحت الصفر
لاسباب عديدة جدا
نعطيك ملاحظة صغيره
كي ما تقراش نهار ولا نهارين
ماشي تتحطم وخلاص راح الباك ضاعلي يوم وبلا بلا بلا ...
لالالالا

راهي 9 اشهر وحتى لاكان ضاعتلك سمانه -للضروره- ما تخافش وما يطيحلكش المورال
لأنو يا اخي صدقني حياتنا ما فيهاش غير القرايه
قادر يجي ظرف طارئ ما تقراش بسببو
قادر لا قدر الله تمرض مرضة خفيفة la grippe ولا عفسة .. والامثله كثيره ماشي غير المرض

كي يخلاص العام تفهمني مليح
مشي محتم كي نقولك تقرا يوميا يعني يوميا

بصح في نفس الوقت ما تتهاونش مشي معناها ترخف كي قتلك هك

الوقت لي يكون عقلك مستعد للقراية ومشك تاعب وحاس وقتك بضبع فالفراغ هنا لازم تقرا ما عندكش عذر
بصح الوقت لي تحس جاك ظرف طارئ عادي دير وقت مستقطع
ثانيك ننبهك على حاجة
ماتغلطش غلطتي تاع تميل لمادة اساسيه اكثر من مادة
كيما انا حبيت الفيزيا اكثر من الرياضيات والغريب في الامر اني قريتها اكثر من الرياضيات مع انو الرياضيات معامل 7 والاخرى 6

الا اذا حسيت روحك مثلا قاوي في الرياضيات تقدر تفورسي روحك فالفيزيا وتقراها اكثر باه تلحق
المهم حاول توازن انت ادرى بمستواك وادرى بلي حاب تقراه
ونزيدك عفسه خلاف
إياك ثم اياك ثم اياك تحاول تقلد ولا تتشبه بطريقة مراجعه تاع واحد متفوق ولا ممتاز بحجة انك تقتدي بيه
هاذي غلطة قد السما
غلطتها فالفصل الاول وفقت في الفصل الثالث رجعت طبيعيه
علاابالك يا اخي كل واحد وطريقتو لي موالف بيها ولي تساعدو وتريحو ويجيب بيها علاامات كبيره
ماكانش طريقه معينه
ايااااااااك تتبع طريقه مشك موالف بيها لانك في النهايه ؟ تضيع صدقني تضيع وتنسى روحك وماتعرفش روحك
ابتعد عن الناس المثبطين عيش حلمك بينك بين روحك حتى توصل

نهار لي توصل تسكتهم كامل

بالنسبه لسؤالك الثاني
في اول العام تقرا نورمال كل درس وحدو

مثلا الفيزيا

المتابعه الزمنيه في وقتها النووي في وقتو
توصل العطله تاع الشتا لازم تراجعهم في زوز وتحل عليهم تمرينات
كاين الاسئله الشائعه تقدر تراجع بيها اي وحدة في اي وقت ادخل لمواضيعي تلقاهم تاع جميع الوحدات
يوصل الفصل الثاني تبداوا تتقدموا شوية فالدروس
مثلا دخلتوا للكهرباء لازم تكون تحل في تمرينات النووي
فالفيزيا لازم تكون متاخر بوحدة هذي هي الطريقه السليمه

الوقت لي تدخلوا للوحدة الجاية افهم دروسها بصح راك تحل في تمارين الوحدة لي قبلها وهاذي كانت طريقتي ونصحني بيها الجميع
كي تبداوا تتقدموا فالدروس كي تحس روحك نسيت كاش وحدة تقدر ترجع ليها وفي اي وقت
اياك تخاف من الوقت راهو يكفي يكفي ويكفي ويكفي و ي ك ف ي جددددددا
اقرا بعقلك وماتزربش
حاجه مافهمتيهاش؟ نشالله ما تقعد سمانه كامله ونتا تفهم فيها بعقلك
بصح كي يوصل اواخر مارس ثماك يكون وصل اخر العام
انا ما نحضرش الدروس اخي وما نحضرش اصلا للحصص
نحضر للحصص لي تفيدني ودايما مسجليني غايبه فالدروس لي ماتفيدنيش
كنت كثيرة الغياب وقريت فالدار لانو قراية الدار هي الرسمي
ماكنت نهتم ني بتحضير ني مشاريع ني والو حاطة الباك في راسي وخلاص
ما تهتمش لتقدم صاحبك ولا استاذك في القسم ماتخليهمش يطيحولك المورال لازم تكون واثق من نفسك وطريقتك ما تشككش في قدراتك وما تحقرش روحك اياك

نتمنى نكون افدتك خويا

اي سؤال يجيك في بالك لا تتردد
ربي يوفقكم ويوصلكم وين حبيتوا اللهم امين

امـــة اللـــه

2018-08-14, 14:01

وفيك بارك الله هداية الجميله ،،

ان شاء الله واي سؤال يخطر في بالك ارواحيلي ديراكت بلا تردد
ردودي هذي الايام مش عاجبتني راني في تخمام كبير وضغط
كي نرتاح ان شاء الله نكمل معاكم حتى في ساير الايام ونوريلكم كيفاش تقراوا و حل التمرينات
بالتوفيق

انت الاجمل ريان :19:
ان شاء الله كي نحتاج حاجة نقولك
بارك الله فيك مشكورة :)

الاسكندر الاكبر

2018-08-14, 16:57

اهلا اخي المجتهد

نعم اخي نقرا يوميا
بديت من اول يوم دراسة
نشفى بديت بالوحدة الاولى تاع الفيزياء
نقرا بشكل يومي لاني بديت بحماسه كبيرة جدا جدا جدا
ونحل التمارين ومبعد كي جا الفصل الثاني حدث ولا حرج
ضيعتو بزاف كنت محطمة ومنهارة و معنوياتي تحت الصفر
لاسباب عديدة جدا
نعطيك ملاحظة صغيره
كي ما تقراش نهار ولا نهارين
ماشي تتحطم وخلاص راح الباك ضاعلي يوم وبلا بلا بلا ...
لالالالا

راهي 9 اشهر وحتى لاكان ضاعتلك سمانه -للضروره- ما تخافش وما يطيحلكش المورال
لأنو يا اخي صدقني حياتنا ما فيهاش غير القرايه
قادر يجي ظرف طارئ ما تقراش بسببو
قادر لا قدر الله تمرض مرضة خفيفة la grippe ولا عفسة .. والامثله كثيره ماشي غير المرض

كي يخلاص العام تفهمني مليح
مشي محتم كي نقولك تقرا يوميا يعني يوميا

بصح في نفس الوقت ما تتهاونش مشي معناها ترخف كي قتلك هك

الوقت لي يكون عقلك مستعد للقراية ومشك تاعب وحاس وقتك بضبع فالفراغ هنا لازم تقرا ما عندكش عذر
بصح الوقت لي تحس جاك ظرف طارئ عادي دير وقت مستقطع
ثانيك ننبهك على حاجة
ماتغلطش غلطتي تاع تميل لمادة اساسيه اكثر من مادة
كيما انا حبيت الفيزيا اكثر من الرياضيات والغريب في الامر اني قريتها اكثر من الرياضيات مع انو الرياضيات معامل 7 والاخرى 6

الا اذا حسيت روحك مثلا قاوي في الرياضيات تقدر تفورسي روحك فالفيزيا وتقراها اكثر باه تلحق
المهم حاول توازن انت ادرى بمستواك وادرى بلي حاب تقراه
ونزيدك عفسه خلاف
إياك ثم اياك ثم اياك تحاول تقلد ولا تتشبه بطريقة مراجعه تاع واحد متفوق ولا ممتاز بحجة انك تقتدي بيه
هاذي غلطة قد السما
غلطتها فالفصل الاول وفقت في الفصل الثالث رجعت طبيعيه
علاابالك يا اخي كل واحد وطريقتو لي موالف بيها ولي تساعدو وتريحو ويجيب بيها علاامات كبيره
ماكانش طريقه معينه
ايااااااااك تتبع طريقه مشك موالف بيها لانك في النهايه ؟ تضيع صدقني تضيع وتنسى روحك وماتعرفش روحك
ابتعد عن الناس المثبطين عيش حلمك بينك بين روحك حتى توصل

نهار لي توصل تسكتهم كامل

بالنسبه لسؤالك الثاني
في اول العام تقرا نورمال كل درس وحدو

مثلا الفيزيا

المتابعه الزمنيه في وقتها النووي في وقتو
توصل العطله تاع الشتا لازم تراجعهم في زوز وتحل عليهم تمرينات
كاين الاسئله الشائعه تقدر تراجع بيها اي وحدة في اي وقت ادخل لمواضيعي تلقاهم تاع جميع الوحدات
يوصل الفصل الثاني تبداوا تتقدموا شوية فالدروس
مثلا دخلتوا للكهرباء لازم تكون تحل في تمرينات النووي
فالفيزيا لازم تكون متاخر بوحدة هذي هي الطريقه السليمه

الوقت لي تدخلوا للوحدة الجاية افهم دروسها بصح راك تحل في تمارين الوحدة لي قبلها وهاذي كانت طريقتي ونصحني بيها الجميع
كي تبداوا تتقدموا فالدروس كي تحس روحك نسيت كاش وحدة تقدر ترجع ليها وفي اي وقت
اياك تخاف من الوقت راهو يكفي يكفي ويكفي ويكفي و ي ك ف ي جددددددا
اقرا بعقلك وماتزربش
حاجه مافهمتيهاش؟ نشالله ما تقعد سمانه كامله ونتا تفهم فيها بعقلك
بصح كي يوصل اواخر مارس ثماك يكون وصل اخر العام
انا ما نحضرش الدروس اخي وما نحضرش اصلا للحصص
نحضر للحصص لي تفيدني ودايما مسجليني غايبه فالدروس لي ماتفيدنيش
كنت كثيرة الغياب وقريت فالدار لانو قراية الدار هي الرسمي
ماكنت نهتم ني بتحضير ني مشاريع ني والو حاطة الباك في راسي وخلاص
ما تهتمش لتقدم صاحبك ولا استاذك في القسم ماتخليهمش يطيحولك المورال لازم تكون واثق من نفسك وطريقتك ما تشككش في قدراتك وما تحقرش روحك اياك

نتمنى نكون افدتك خويا

اي سؤال يجيك في بالك لا تتردد
ربي يوفقكم ويوصلكم وين حبيتوا اللهم امين

شكرا لوصفك بالمجتهد :) اتمنى ان اكون كذلك

خفت قليلا من تراكم الدروس ، لكن ، و الله المستعان على ما تصفون .،

شكرا لك اختاه ، صعيبة قليلا تخيل اننا سنمر بمرحلة يأس من الباك و ضياع و تحطم ، لكن لابد ان نمر بها كلنا ،

اللهم انا نسالك بركتك لنا و رضاك عنا ، و ما المعونة و السداد الا بيدك ، فانا اريد و هو يريد و لا يكون الا ما تريد

قبيل خمسة سبتمبر ،، سافتح موضو تضعون فيه ، اخر لمساتكم و وصاياكم لنا قبيل الحرب هههه..:1:
السلام عليكم ،

Aya Ch

2018-08-15, 15:53

كيف كنت تنظمين وقتك ؟ و كيف درستي الفلسفة كونها مادة جديدة؟

~عيون القلب~

2018-08-15, 19:28

عليكم السلام
اهلا بك
انتي طلبتي رايي
لكن اما نعطيكش رأيي لأني ممكن ننحاز لواحد ونظلم الاخر هههه
شوفي نعطيك محاسن ومساوئ كل واحد
ونتي شوفي
نبدا بالاستاذ مولاي عمار
انتي لا شك انك جربتيه في السنه الثانية ثانوي ونفعك بزاف ونفعنا كامل
لذلك هو لا شك انو شرحو مليح
ولكن

في كل وحدة كاين فيديوهات كثيرة جدا
وكل فيديو فيه وقت طويل
لذلك اذا حبيتي تعتمدي عليه فإنك تستغرقي وقت طوييييل جدااا وممكن ما تكمليش وتحسي بالملل
يشرحلك بالتفصيل
انا جربتهم في زوز بداية العام باش نفهم الوحدة الاولى
ماكانش عندي مصدر آخر لانو ماقريتش ليكور واستاذي تاع الفيزيا تاع القسم لاكان فهمتي نتي عندو كلمه راني فهمتها معاك :)

جربتهم في زوز مافهمت والو على الاستاذ مولاي عمر صراحة
بالمقابل قريت عند استاذ شريفي فهمت وش كاين فالوحدة وليت نقدر نحل تمرينات مع الوقت
قررت اني نكمل معاه
لانو شريفي فيديوهاتو جاية قصيرة ومهيش كثيرة
صدقيني يحببك فالمادة انا بسببو وليت نحب الفيزيا
خفيف بزاف و يضحكك ما يحسسكش بالملل
قد ما نقولك هايل ما نوفيهش حقو
استاذ شريفي ماكانش كيفو رائع بمعنى الكلمة
وزاد كي يشرحلك يعطيك لي يهمك كامل فالوحدة ويقولك هاذي عليها 0.25
ويقول وحد الملاحظات بالدارجة نشفى علا روحي كتبتهم كامل في كراسي نفعوني فالمراجعه
ولكن يا اختي انا اعتمدت عليه اعتاد كلي لأنو ماكانش عندي مصدر اخر
ولكن اذا نتي استاذك تاع القسم تفهمي عندو و استاذك تاع ليكور جيد ؟ ما ننصحكش تضيعي وقتك فاليوتيوب
الا اذا ما فهمتش كاش عفسه توجهي لواحد منهم
ماننصحكش بالاعتماد الكلي عليهم اذا كان عندك مصادر اخرى
اتمنى افدتك اختي
اية اسئلة اخرى لا تترددي
رح نكون هنا باذن الله

شككرآآ جزييلا رياان
يعطيك الصحة فدتيني بزاف , ربي يوفقك وييسرلك واش حابا ان شاء الله

اخلاق راقية

2018-08-16, 12:21

سلام
احتاج سلاسل مصطفاوي ؟

nr.houda

2018-09-04, 15:30

قرأت كل الردود وإستفدت منها كثيرااا
مبروك نجاحك أختي والله تخصص الصيدلة حلمي ملي كنت صغيرة ان شاء الله نقدر نوصله
في إنتظار موضوعك الخاص بالأخطاء التي إركبتيها
موفقة ^^

djihan jojo

2018-09-17, 22:01

السلام عليكم
هذي شهر مبنتييش
نتمنى راكي بخير
ربي يحفظك ويسهلك امورك